ဝေးမျက်ရည်ကျွန်ုပ်တို့ သတင်းထောက် ပေးပို့သည်
အင်းစိန်ထောင်တွင်း နောက်ဆုံးအခြေအနေ
(၁) ရေချိုးခန်းရှိတဲ့ ကိုမင်းကိုနိုင်၊ ကိုသိန်းဆွေ ... အစရှိသူတို့ကို အဆောင်မှ လုံးဝ အပြင်မထုတ်ပါ၊ လုံးဝ အပြင်မထွက်ရပါ။
(၂) ရေချိုးခန်း မရှိတဲ့ ရှင်သုတဥာဏ ...၊ ကိုကိုကြီး၊ ကိုဌေးကြွယ်၊ ကိုမြအေး၊ ကိုမာကီး၊ ကိုဂျင်မီ ... အစရှိသူတို့ကို မနက် (၁၅)မိနစ် မျက်နှာသစ်ထုတ်၊ နေ့လည် ၁၂နာရီ မှ ၁နာရီအထိ ရေချိုး၊ အ၀တ်လျှော် လမ်းလျှောက်ထုတ်။ စုစုပေါင်း တရက်လျှင် (၁)နာရီနှင့် (၁၅)မိနစ်သာ အဆောင်အပြင် ထွက်ရသည်။
(၃) ကိုလှမျိုးနောင် ... စတင်အဖမ်းခံရစဉ် ဘယ်ဘက်မျက်လုံး အခြေအနေဆိုးရွား၊ အင်းစိန်ဆေးရုံတွင် ခွဲစိတ်၊ ဆရာဝန်မှ ဆေးရုံတွင် အနားယူရန်လိုဟုဆို၊ S.B မှ ပယ်ချ။ အင်းစိန်ထောင်သို့ အတင်းပြန်ခေါ်၍ စစ်ကြောရေးပြန်ဝင်၊ ပြီးနောက် ထွက်ချက်ကို လတ်မှတ်ထိုးရန် အတင်းအကျပ် ဖတ်ခိုင်းရာမှ ဘယ်ဘက်မျက်လုံး ကွယ်သွားရခြင်း ဖြစ်သဖြင့် န.အ.ဖ တွင် လုံးဝတာဝန်ရှိသည်။
ကျွန်ုပ်တို့၏ သတင်းထောက် ပေးပို့သည်
သန်းထနေလား
ရွှေတရော်နဲ့ လျှော်
မပျောက်ဘူးလား
အေတွမ်တီဝမ်းနဲ့ လျှော်
လိုးရှင်းကို လိမ်း …။ ။
တိမ်ဆွေးပြို မိုးညိုမှိုင်းတော့ … (ကိုမိုးသီး ဘလော့ဂ်မှ ပွားယူဖော်ပြသည်)
(၁၁-၁-၀၈) နေ့ မနက်ပိုင်းက နေပြည်တော် ဘူတာရုံ လက်မှတ်ကောင်တာအနီးမှာ ဗုံးပေါက်ကွဲကြောင်း သတင်းရရှိပါတယ်။ ပြည်သူလူထုရဲ့ နှလုံးသားတွေထဲက နာကျင် မှုတွေဟာ သင်တို့ရဲ့ အတိတ် ပစ္စုပ္ပန် အနာဂတ်တွေကို ဖောက်ခွဲ မြေမြှုပ်ပစ်မယ့် စနက်တံတွေ ဖြစ်တယ်။ နှလုံးသားတွေနဲ့ တိုင်းပြည်ချစ်စိတ်ဟာ ဗုံးတွေဖြစ်တယ်။ စိတ်ဓာတ်ဟာ လက်နက်ဖြစ်တယ်။ ငါတို့မှာ သန်းငါးဆယ်သော ဘ၀လက်နက်တွေနဲ့ သင်တို့ကို စတင်ရင်ဆိုင် အံတုလိုက်ပါပြီ န.အ.ဖ စစ်အာဏာရှင်...။
အကြမ်းဖက်သူ စစ်အာဏာရှင်ကို ပေါက်ကွဲသွားတဲ့ နှလုံးသားနဲ့ အသက်ပေး နာကြည်းပြသွားတာ ဖြစ်တယ်။ ပြည်သူတွေအတွက် ဖြစ်တယ်။ အနာဂတ် ကလေးငယ်တွေအတွက် ဖြစ်တယ်။ တိုင်းရင်းသား ချစ်ကြည်သွေးစည်းရေးအတွက် ဖြစ်တယ်။
ဖြစ်သမျှ အကြောင်းတွေနဲ့ ပြည်သူလူထုရဲ့ မွဲပြာကျ လူ့အခွင့်အရေး မဲ့နေမှုတွေကို မျက်ရည်တွေနဲ့ ခေါင်းငုံ မခံနိုင်တဲ့ မိန်းကလေးတယောက်ဟာ သူမရဲ့ အသက်ကို အဆုံးခံပြီး ပြည်သူလူထုအတွက် ကျရာ သမိုင်းပေး တာဝန်ကို အသက်ပေးပြီး တာဝန်ကျေပြလိုက်ပါပြီ။
ဦးညွှတ်ဂုဏ်ပြုပါ၏။
ဘယ်သူပြောလဲ တတောလုံးကြွေ
စစ်ကျွန်ပြုတာကို ခံရတဲ့ သူတွေထဲမှာ လူဘုံအလယ်မှာ နအဖ စစ်ဗိုလ်ချုပ်ကြီးတွေကို ဖိနပ်တိုက် ဖိနပ်စီးပေးနေရတဲ့ ဗိုလ်ချုပ်လေးတွေလည်း အပါအ၀င် ဖြစ်တယ်ဆိုတာ (အပေါ်က ပုံကိုကြည့်ရင်) ထင်ရှားပါတယ်။ စစ်တပ်အတွင်းက စစ်သည်တော်တွေ ဘာကြောင့် စစ်ထဲ ၀င်ခဲ့သလဲ၊ စစ်သင်တန်း တက်စဉ်မှာ ဘာတွေ ဆိုခဲ့ရသလဲ၊ သင်တို့ရဲ့ လက်ရှိ ဘ၀အခြေအနေက ဘယ်လိုလဲ ဆိုတာကို စဉ်းစားကြပါ။ ဒီမိုကရေစီ နိုင်ငံတော်သစ်ဆီသို့ ချီတက်နေပါတယ်လို့ ဓာတ်ပြားပေါက်မတတ် ပြောနေကြတဲ့ နအဖ စစ်ဗိုလ်ချုပ်ကြီးတွေရဲ့ လုပ်ရပ်တွေက ပဒေသရာဇ်နဲ့ ကျွန်ပိုင်ရှင်ခေတ်ဆီ နောက်ပြန်လှည့် ချီတက်နေကြတာကို တပ်မတော် အကြီးအကဲကြီးတွေနဲ့ ပြည်သူလူထု တရပ်လုံး အသိပဲ ဖြစ်ပါတယ်။ အဲဒီအတွက်ကြောင့်မို့ ပြည်သူတွေက သင်တို့တတွေ စစ်ကျွန်ဘ၀က လွတ်မြောက်အောင် တိုက်ပွဲဝင်ပေးနေကြတာပါ။ ပြည်သူနဲ့အတူ သင်တို့လက်တွဲပြီး စစ်ကျွန်ပြုနေသူ နအဖစစ်ဗိုလ်ချုပ်ကြီး တသိုက်ကို တိုက်ထုတ်ဖယ်ရှားဖို့ အချိန်တန်ပြီ ဖြစ်ပါတယ်။ ရုရှားက ရဲဘော်တို့ သင်တို့သင်နေတဲ့ ပညာတွေက ဖိနပ်တိုက်ဖို့ မဟုတ်ဘူးဆိုတာကို နားလည်ကြဖို့ အချိန်ရောက်ပါပြီ။ ကျနော်တို့အားလုံး အတူလက်တွဲပြီး တိုက်ပွဲဝင်ကြပါစို့။ စစ်ကျွန်စံနစ်ကို အမြစ်ပြတ် တော်လှန်ချေမှုန်းကြပါစို့။
(www.didfortwayne.blogspot.com မှ ကူးယူဖော်ပြပါသည်)
(၂၀၀၈ခုနှစ် ဇန်န၀ါရီလထုတ် ခေတ်ပြိုင်ဂျာနယ်မှ ကူးယူဖော်ပြပါသည်)
၂၀၀၇ ခုနှစ် သံဃာတော်များ ဦးဆောင်သည့် စက်တင်ဘာလှုပ်ရှားမှုကြီး ပေါ်ပေါက် လာခဲ့ပြီးသည့်နောက် ၂၀၀၈ ခုတွင် မြန်မာနိုင်ငံ၌ ဖြစ်ပေါ် လာနိုင်မည့် နိုင်ငံရေး အခင်းအကျင်းများနှင့် ပတ်သက်၍ ၈၈ မျိုးဆက် ကျောင်းသား ခေါင်းဆောင် တဦးဖြစ်သည့် ကိုထွန်းမြင့်အောင်နှင့် ဆက် သွယ်မေးမြန်း တင်ပြထားပါသည်။
ခေတ်ပြိုင် ။ ။ ပြီးခဲ့တဲ့ စက်တင်ဘာ လှုပ်ရှားမှုကြီးမှာ ကိုယ်တိုင် ပါဝင်လှုပ်ရှားခဲ့တဲ့ အတွေ့အ ကြုံတွေပေါ်မှာ ဘာအရေးအကြီးဆုံး ဖြစ်တယ်လို သုံးသပ်မိပါသလဲ။
ကိုထွန်းမြင့်အောင် ။ ။ ပြီးခဲ့တဲ့ ဖြစ်ရပ်တွေအပေါ်မှာ သင်ခန်းစာယူပြီးတော့ ဘယ်လို ပိုမိုပြီးတော့ တိုးတက် ဖြစ်ထွန်းအောင်၊ ပိုမိုကောင်းမွန်အောင် တည်ဆောက်သွားမလဲ ဆိုတဲ့ အပိုင်းတွေကို စဉ်းစားကြည့်တဲ့အခါမှာ စက်တင်ဘာ လှုပ်ရှားမှုကြီးမှာ အရေးကြီးတာက ဦးဆောင်မှု အပိုင်းပါပဲ။ ဦးဆောင်မှု အပိုင်းဆိုတာမှာ စက်တင်ဘာ လှုပ်ရှားမှုမှ မဟုတ်ဘူး။ ကျနော်တို့ တိုင်းပြည် ဒီမိုကရေစီနဲ့ လူ့အခွင့်အရေးတွေ ဖော်ဆောင်ရေးအတွက် ပြည်သူလူထုကို ကိုယ်လိုချင်တဲ့ ပန်းတိုင်ဆီ အရောက် ပို့နိုင်ဖို့အတွက်ဆိုရင် ရဲရင့်ပြတ်သားတဲ့၊ တိကျတဲ့ အမြင်တွေ ရှိပြီးတော့ ရှင်ရှင်းလင်းလင်း ဖော်ဆောင်သွားနိုင်ဖို့ လိုပါလိမ့်မယ်။ ပြောရမယ်ဆိုရင် ထိရောက်တဲ့ ခေါင်းဆောင်မှုပါပဲ။ ထိရောက်တဲ့ ခေါင်းဆောင်မှုကို ကျနော်တို့ ရဲရဲတင်းတင်း ပေးနိုင်ဖို့ လိုပါလိမ့်မယ်။ အဲဒီအတွက်လည်း အမျိုးသား ဒီမိုကရေစီအဖွဲ့ချုပ် အပါအ၀င်ပေါ့ဗျာ။ ပြည်သူတွေ အကျိုးကို ဦးဆောင်ဦးရွက် လုပ်နေသူတွေ အားလုံးဟာ ညီညီညွတ်ညွတ်နဲ့ တိုင်တိုင်ပင်ပင်ရှိဖို့ အထူးကို လိုအပ်နေပါပြီ။ ပြီးခဲ့တဲ့ လှုပ်ရှားမှုမှာလည်း ကျနော်တို့ ၈၈မျိုးဆက် ကျောင်းသားတွေ ကိုယ်တိုင်ပင် ရထားတဲ့ အချိန်ကာလတွေမှာ လုပ်ကိုင်ရမယ့် organizational management အားနည်းခဲ့တယ်။ ကျနော်တို့ထက် ပိုပြီးတော့ လုပ်နိုင်ကိုင်နိုင်တာက အမျိုးသားဒီမိုကရေစီအဖွဲ့ချုပ်ဗျာ။ အမျိုးသားဒီမိုကရေစီအဖွဲ့ချုပ် ဆို တရားဝင် ရပ်တည်ခွင့် ရထားတဲ့ ပါတီဖြစ်တယ်ဗျာ။ ပြီးတော့ ပြည်နယ်နဲ့တိုင်း အသီးသီးမှာလည်း အင်အားစုတွေ အများကြီး ရှိတယ်ဗျာ။ အဲတော့ အဖွဲ့ချုပ်အနေနဲ့ဆို ကျနော်တို့ထက်ပိုပြီး ထိထိရောက်ရောက် လုပ်နိုင်စွမ်းတွေ အများကြီး ရှိပါတယ်။
ခေတ် ။ ။ ဒါဆို ရှေ့ကို ဘာဆက်လုပ်သွားကြဖို့ လိုအပ်ပါသလဲ။
အောင် ။ ။ ကျနော် ပြောချင်တာက ရှေ့ဆက်ပြီးတော့ ၂၀၀၈ ခုနှစ်ထဲမှာ ကျနော်တို့ တိုင်းပြည် အပြောင်းအလဲ ဖြစ်ဖို့အတွက် ပြည်သူလူထုအပေါ်မှာ တိကျပြတ်သား ရဲရင့်တဲ့ ဦးဆောင်မှု အခန်းကဏ္ဍတွေကို တိုးမြှင့်သွားဖို့ လိုပါတယ်။ အဖွဲ့အစည်း အတွင်းမှာတင် ခိုင်မာတဲ့ တည်ဆောက်ရေးတွေ လုပ်ဖို့လိုပါတယ်။ ကျနော်တို့ တိုင်းပြည်မှာ နိုင်ငံရေးပါတီ အဖွဲ့အစည်းတွေ အနေနဲ့ လှုပ်ရှားခွင့် မရှိသလောက်ကို ဖိနှိပ်ကန့်သတ် ခံနေရပါတယ်။ ဒါပေမယ့် ဒါက နအဖစစ်အစိုးရက လုပ်တဲ့အပိုင်းက တပိုင်းပေါ့ဗျာ။ ကျနော်တို့ ကလည်း ပြည်သူတွေအတွက် အလုပ်လုပ်မယ်လို့ ပိုင်းဖြတ်ထားတဲ့ အတွက်ကြောင့်မို့လို့ လုပ်သင့်လုပ်ထိုက်တာတွေကို ခွင်ြ့ပုသည် ဖြစ်စေ၊ ခွင့်မပြုသည် ဖြစ်စေ ကျနော်တို့ကတော့ ရဲရဲတင်းတင်းနဲ့ ရှေ့ကို ဆက်တိုးရမှာပဲ။ ဒါကတော့ ပြည်သူတွေ အပေါ်မှာ ဦးဆောင်နေပါတယ်ဆိုတဲ့ နိုင်ငံရေးပါတီတွေ၊ အဖွဲ့အစည်း အသီးသီးရဲ့ တာဝန်ဖြစ်တယ်လို့ ကျနော်ပြောချင်တယ်။
ခေတ် ။ ။ နိုင်ငံမှာ အပြောင်းအလဲ ဖြစ်စေဖို့ ဘယ်လို တိုက်ပွဲသဏ္ဍာန်တွေ ဖော်ဆောင်သင့်ပါ သလဲ။
အောင် ။ ။ အခု ကျနော်တို့တတွေ တွေ့ဆုံဆွေးနွေးရေးလို့ ပြောနေတယ်။ ဒါဟာ တကယ် လိုအပ်ချက်ပါ။ ကျနော်တို့ တိုင်းပြည် ဒီမိုကရေစီကို ငြိမ်းချမ်းစွာ အသွင်ကူးပြောင်းနိုင်ဖို့ အတွက်ဆိုလို့ရှိရင် အမျိုးသား ရင်ကြားစေ့ရေး မဖြစ်မနေ ရှိဖို့လိုပါတယ်။ အဲဒီလို အမျိုးသား ရင်ကြားစေ့ရေးကို ရနိုင်ဖို့အတွက်ဆိုရင် တခုတည်းသော နည်းလမ်းကတော့ တွေ့ဆုံဆွေးနွေးရေးပဲ ဖြစ်တယ်။ ဖြစ်နေတဲ့ ပြဿနာက တမျိုးသားလုံးနဲ့ ဆိုင်တဲ့ ပြဿနာ၊ ဒီလို ပြဿနာကို တအုပ်စု တဖွဲ့တည်းက နေပြီးတော့ တဖက်သတ် ရေးဆွဲ၊ တဖက်သတ် အတည်ပြုပြီးတော့ ဖြေရှင်းလို့ မရပါဘူး၊ ဒါဟာ အားလုံး ပါဝင်ဖြေရှင်းရမှာပါ။ တွေ့ဆုံဆွေးနွေးရေးကို ပါးစပ်နဲ့ ပြောနေရုံနဲ့ မရပါဘူး။ ဆွေးနွေးပွဲ စားပွဲဝိုင်းပေါ်ကို အားလုံးဆိုင်ရာ အဖွဲ့အစည်းတွေ ရောက်လာဖို့အတွက် အားတရပ် လိုပါတယ်။ အဲဒီအားကတော့ ပြည်သူလူထုအားပဲ။ အဲတော့ လူထုဟာ အကြောက်တရားတွေကို ခွာချပြီးတော့ ညီညီညွတ်ညွတ်နဲ့ လက်တွဲပြီးတော့ အားတခုကို ပေးနိုင်တယ် ဆိုလို့ရှိရင် နအဖ ခေါင်းဆောင်တွေ အနေနဲ့ မလွဲမသွေ တွေ့ဆုံဆွေးနွေးရေး စကားဝိုင်းကို ရောက်လာရမှာပါ။ အဲဒီအတွက် ကျနော်တို့ ပြည်သူလူထုဟာ ကျနော်တို့ရဲ့ အနာဂတ်အတွက်၊ ကျနော်တို့ရဲ့ နောက်မျိုးဆက်တွေအတွက် ငြိမ်းငြိမ်းချမ်းချမ်းနဲ့ ဆက်လက်ပြီးတော့ ထုထည် ကြီးကြီးမားမားနဲ့ ပြသဖို့ လိုပါလိမ့်ဦးမယ်။
ခေတ် ။ ။ စားဝတ်နေရေး ပြဿနာတွေကြောင့် ပြည်သူတွေ နိုင်ငံအရေးမှာ အင်တိုက်အားတိုက် ပါဝင်နိုင်ပါ့မလား။
အောင် ။ ။ ပြည်သူလူထုက စားဝတ်နေရေးတွေ ကျပ်တည်းနေလို့၊ တနေ့စာ တနေ့ကို ရင်ဆိုင် ဖြေရှင်းနေရလို့ နိုင်ငံရေးဖက်ကို လှည့်မကြည့်နိုင်ပါဘူး၊ ဒါလည်း သဘာဝကျပါတယ်။ လူထုဟာ နိုင်ငံရေးလုပ်ဖို့ မဟုတ်ဘူးဗျာ။ ဒါပေမယ့် ပြည်သူလူထုဟာ ဆင်းရဲကြပ်တည်းမှုက နေ့စဉ် ရုန်းကန်လှုပ်ရှားရတဲ့ ဘ၀တွေဟာ နာကြည်းမှုတွေ များလာတဲ့အခါမှာ ဖိနှိပ်မှုတွေ များလာတဲ့အခါမှာ သူတို့ အဲဒီဒဏ်မခံနိုင်တော့တဲ့ တနေ့မှာ တုံ့ပြန်မှာပဲ။ သူ့ပြဿနာကို သူ၊ သူ့အကျပ်အတည်းကို သူ ငြိမ်းချမ်းစွာ ထုတ်ဖော်ပြသတာပါ။ ဒီလိုငြိမ်းချမ်းစွာနဲ့ အသွင်ကူးပြောင်းလိုတဲ့ ပြည်သူလူထုအပေါ်မှာ လူထုရဲ့ သဘောဆန္ဒတွေကို လျစ်လျူရှုပြီးတော့ အုပ်စိုးသူတွေဟာ ဖိနှိပ်ချုပ်ချယ်မယ်ဆိုရင် ပြည်သူလူထုဟာ နောက်ဆုံး ထွက်ပေါက်မဲ့လာပြီဆိုရင် ငြိမ်ခံနေမှာ မဟုတ်ဘူး၊ ငြိမ်ခံလို့လည်း ရမှာ မဟုတ်တော့ဘူး။ အဲဒီအတွက် လူထုဟာ ထကြွပြီးတော့ စုစည်းညီညွတ်စွာနဲ့ မိမိတို့ရဲ့ လိုအပ်ချက်တွေကို ဆက်လက်ပြီးတော့ လှုပ်ရှားမှုတွေနဲ့ ပြသဦးမှာပါပဲ။ ပြည်သူလူထု တရပ်လုံး လက်တွဲ ပါဝင်ပြီးတော့ တိုင်းပြည်အခြေအနေကို ပြောင်းလဲမယ်ဆိုရင် မဖြစ်နိုင်စရာ မရှိပါဘူး။
ခေတ် ။ ။ ဒါဆို မြန်မာနိုင်ငံမှာ အပြောင်းအလဲဖြစ်ဖို့ မျှော်လင့်ချက်တွေ ရှိနေတယ်ဆိုတဲ့ သ ဘောလား။
အောင် ။ ။ မြန်မာနိုင်ငံ အပြောင်းအလဲ ဖြစ်လာဖို့ မျှော်လင့်ချက်တွေ ရှိပါတယ်။ အဲဒီမှာ နည်းလမ်းနှစ်ခုကို တွေ့ပါတယ်။ ပထမတခုကတော့ နအဖ ခေါင်းဆောင်များအနေနဲ့ ပြည်သူလူထုရဲ့ သဘောထား ဆန္ဒတွေအပေါ်မှာ လေးစား အသိအမှတ်ပြုတဲ့ အနေနဲ့သော်လည်းကောင်း၊ နောက်ပြီးတော့ နိုင်ငံတကာ အသိုင်းအ၀န်းရဲ့ မြန်မာနိုင်ငံ ဒီမိုကရေစီ ကူးပြောင်းစေချင်တဲ့ စိတ်စေတနာတွေ စကားတွေအပေါ်မှာ လက်ခံနားလည်ပြီးတော့ တိုင်းပြည်ရဲ့ အနာဂတ်ကို စေတနာမှန်မှန်နဲ့ မျှော်ခေါ်ကြည့်မယ် ဆိုလို့ရှိရင် ဆွေးနွေးရေးကို နအဖခေါင်းဆောင်တွေ အနေနဲ့ မလွဲသာ မရှောင်သာ လုပ်ကို လုပ်ရမှာပါ။ ဒါဟာ တိုင်းပြည်နဲ့လူထု ကောင်းစားရေးပါ။ အကောင်းဆုံး နည်းလမ်းတခုပါပဲ။ အကယ်၍ နအဖအနေနဲ့ တွေ့ဆုံဆွေးနွေးရေးကို လက်မခံဘဲ တဖက်သတ်ပဲ သွားနေမယ် ဆိုလို့ရှိရင်လည်း ကျနော်တို့ တိုင်းပြည်ဟာ ဒီမိုကရေစီနဲ့ ဝေးသွားစရာ အကြောင်းမရှိပါဘူး။ ဘာကြောင့်လဲဆိုတော့ နအဖဟာ တိုင်းပြည်အတွက် ဒီအတိုင်းသာ ဆက်သွားနေမယ်ဆိုရင် ကျနော်တို့ တိုင်းပြည်ရဲ့ စီးပွားရေး၊ လူမှုရေး အခြေအနေ အရပ်ရပ်ဟာ အဆိုးဆုံးတန်းအထိကို ရောက်သွားနိုင်ပါတယ်။ အဲဒီလိုအခါမျိုးမှာ လူထုဟာ ဘယ်လိုမှ ဒီဒဏ်ကို ခံနိုင်မှာ မဟုတ်တော့ပါဘူး၊ တုံ့ပြန်မှာပါ။ဒီတခါ လူထုရဲ့ တုံ့ပြန်မှုဟာ ပိုအားကောင်းလာမယ် ပိုညီညွတ်လာမယ်။ ပိုပြီးတော့ ကြီးမားလာလိမ့်မယ်လို့ ကျနော်တို့ ပြောနိုင်တယ်။ အဲဒီလို အခြေအနေမျိုးမှာ နအဖ ဆက်ခေါင်းမာ နေဦးမယ်ဆိုရင် လူထုကတော့ လူထုလှုပ်ရှားမှုတွေနဲ့ စစ်အာဏာရှင်စနစ်ကို ချုပ်ငြိမ်းအောင် လုပ်သွားမှာပါ။ ချုပ်ငြိမ်းပြီဆိုရင် ဒီမိုကရေစီ ပန်းတိုင်ကို ဆက်လက် ချီတက်သွားရမှာပါ။ နအဖ စစ်အစိုးရကို ဖယ်ရှားနိုင်မယ့်နေ့ဟာ မကြာတော့ဘူး ရောက်လာလိမ့်မယ်လို့ ကျနော်ယုံကြည်ပါတယ်။
ခေတ် ။ ။ မျှော်လင့်ချက်တွေကို လက်တွေ့ အကောင်အထည် ဖော်နိုင်ဖို့ လွယ်ပါ့မလား။
အောင် ။ ။ ၈၈ မျိုးဆက် ကျောင်းသားတွေ အပါအ၀င်ပေါ့။ အခုဆိုရင် ရဟန်း သံဃာတော်တွေ အနေနဲ့ရော၊ နောက်မျိုးဆက်သစ် လူငယ်တွေအနေနဲ့ရော၊ နိုင်ငံရေးပါတီ အဖွဲ့အစည်းက ပုဂ္ဂိုလ်တွေ အနေနဲ့ရော ပြည်သူလူထုရဲ့ အကျိုးစီးပွားအတွက် ဆောင်ရွက်မယ်ဆိုတဲ့ ပိုင်းဖြတ်မှုတွေက ပိုပြီးတော့ ပီပြင်လာပါတယ်။ ကျနော်တို့တွေဟာ တယောက်နဲ့ တယောက်၊ တဖွဲ့နဲ့တဖွဲ့ နားလည်မှုတွေ ပိုမိုရရှိလာပြီးတော့ ချိတ်ဆက် ဆောင်ရွက်နိုင်တဲ့ နည်းလမ်းတွေကိုလည်း ပိုမိုတွေ့လာရပါတယ်။ ဒီမိုကရေစီနဲ့ လူ့အခွင့်အရေး လှုပ်ရှားတက်ကြွသူတွေရဲ့ အရှိန်အဟုန်ဟာလည်း ရပ်တန့်မသွားသလို တဖက်မှာလည်း ပြည်သူလူထုရဲ့ အသိတရား ရှိနေတယ်။ စစ်အာဏာရှင်စနစ် တည်ရှိနေသရွေ့ တိုင်းပြည် ငြိမ်းချမ်းနိုင်မှာ မဟုတ်ဘူး၊ စစ်အာဏာရှင်စနစ်ကို ဖယ်ရှားမှ တိုင်းပြည် ပြေလည်မယ်ဆိုတဲ့ အသိတရားက ရှိနေတယ်။ ဒီလို အချက်တွေကြောင့် တိုင်းပြည်အတွက် အားလုံး ညီညီညွတ်ညွတ် ချီတက်နိုင်ကြမယ်ဆိုရင် မဖြစ်နိုင်စရာ အကြောင်းမရှိဘူးလို့ ကျနော်ပြောနိုင်တာပါ။
စက်တင်ဘာ ပတ်ပျိုး
စိုးတထိတ်ထိတ်အမျိုးသားဒီမိုကရေစီ အဖွဲ့ချုပ်ဝင်တဦး
လူထုခေါင်းဆောင် ဒေါ်အောင်ဆန်းစုကြည်ရဲ့ ဓာတ်ပုံကို အီတလီနိုင်ငံ ပီဆာမျှော်စင်မှာ ချိတ်ဆွဲထားတာကြောင့် ကမ္ဘာလှည့် ခရီးသွားဧည့်သည်တွေရဲ့ စိတ်ဝင်စားမှုကို ရယူခဲ့သလို၊ အီတလီ နိုင်ငံသားတွေကိုလည်း ဒေါ်အောင်ဆန်းစုကြည်ရဲ့ အကြောင်းတွေကို ပြောပြတဲ့သဘော သက်ရောက်တဲ့ လှုပ်ရှားမှု ဒီနှစ်ဦးပိုင်းမှာ ဖြစ်ခဲ့ပါတယ်။ အဲဒီလုပ်ရပ်ဟာ အီတလီအစိုးရ ကိုယ်တိုင်က ဒေါ်အောင်ဆန်းစုကြည်ကို ထောက်ခံတဲ့အနေနဲ့ လုပ်ထားတာ ဖြစ်ပါ တယ်။
အခုလို တိုင်းတပါး နိုင်ငံခြားအစိုးရတွေ ကိုယ်တိုင်ကတောင် မြန်မာပြည်က လူထုခေါင်းဆောင်ရဲ့ အကြောင်းကို ကိုယ့်ပြည်သူပြည်သားတွေ ရင်ထဲ စွဲမြဲသွားစေအောင် အမြဲတမ်း ပြောပြတာတွေ၊ အမှတ်တရ ဖြစ်နေအောင်
လှုံ့ဆော်နေပေမယ့် ကျနော်တို့ မြန်မာပြည်က နအဖ စစ်အစိုးရကတော့ ဒေါ်အောင်ဆန်းစုကြည်ရဲ့ ပုံရိပ် ပြည်သူတွေရဲ့ ရင်ထဲကနေ ပျောက်ပျက်သွားဖို့ အကြံအစည်ရှိရှိ လုပ်ဆောင်နေတာတွေ အများကြီးတွေ့နေ၊ ကြားနေရပါတယ်။
သို့သော် လူထုခေါင်းဆောင်ရဲ့ ပုံရိပ်ကတော့ ပြည်သူတွေရဲ့ ရင်ထဲကနေ ပျောက်ပြယ်ဖို့ မဖြစ်နိုင်ဘူး ဆိုပေမယ့် တိုင်းတပါးတွေရဲ့ ရင်ထဲကနေ ပျောက်ပြယ်သွားမလား စိုးရိမ်စရာ ဖြစ်နေပါတယ်။ ဆိုတော့ အပေါ်က အီတလီ နိုင်ငံ အစိုးရကတော့ သူ့နိုင်ငံမှာ ကြိုးစားနေတယ်။ အိုကေ ကောင်းတယ်။ သို့သော် အစိုးရ ကိုယ်တိုင်ကတောင် ထောက်ခံပါတယ်ဆိုတဲ့ လုပ်ဆောင်ချက်တွေ လုပ်နေပြီဆိုတော့ မြန်မာပြည်မှာရှိတဲ့ အီတလီသံရုံးက ၀န်ထမ်းတွေ အနေနဲ့ရော မလုပ်နိုင်ကြဘူးလား။ သံရုံးအတွင်းမှာ ဒေါ်အောင်ဆန်းစုကြည်ရဲ့ ဓာတ်ပုံ (Wallsheet အရွယ်အစား ဖြစ်ဖြစ်) ကပ်ထားပြီး ဗြောင်ထောက်ခံတာမျိုး လုပ်ဖို့ လိုအပ်တယ်လို့ ထင်ပါတယ်။ သံရုံးထဲ ဗြောင်မကပ်ရဲ တောင် သံရုံးဝန်ထမ်းတွေက သူတို့နေတဲ့ အိမ်မှာ ဓာတ်ပုံကို ကပ်ထားစေဖို့ လှုံ့ဆော် ပေးကြပါဆိုပြီး ရန်ကုန်က အမျိုးသားဒီမိုကရေစီအဖွဲ့ချုပ် ဗဟိုဥပဒေ အထောက်အကူပြု အဖွဲ့ဝင်တဦးက တောင်းဆိုထားပါတယ်။
ဒီတော့ ဆရာတို့ ဘလော့ဂ်တွေဆိုတာက နိုင်ငံတကာက လာကြည့်တယ်။ ပြည်ပက မြန်မာတွေ လာကြည့်တယ် ဆိုတော့ ဆရာတို့အနေနဲ့ ဘလော့ဂ်ကနေ လှုံ့ဆော်တာဖြစ်ဖြစ်၊ ဖြစ်နိုင်ရင် ဖြစ်နိုင်တဲ့ နည်းလမ်းတွေနဲ့ အီတလီ အစိုးရသံရုံးကို အီးမေးလ်နဲ့ဖြစ်ဖြစ် ဆက်သွယ်ပြီး မေတ္တာရပ်ခံ ပေးနိုင်မယ်ဆိုရင် ဘလော့ဂ်လာဖတ်တဲ့ မြန်မာတွေ အနေနဲ့လည်း သူတို့တတ်နိုင်သလောက် လုပ်လာမှာမို့ ဒီစာရေးရခြင်း ဖြစ်ပါတယ်။ ဒေါ်အောင်ဆန်းစုကြည်ရဲ့ ပုံရိပ်တွေ၊ ကြိုးစားအားထုတ်မှုတွေ မြန်မာပြည်သူတွေတောင် မဟုတ်ပါ။ နိုင်ငံတကာက နိုင်ငံခြားသားတွေရဲ့ ရင်ထဲ စွဲမြဲသွားပြီး ဒေါ်အောင်ဆန်းစုကြည် လွတ်မြောက်ဖို့ ပိုပြီး ဖိအားပေးတာတွေ၊ ပိုပြီး ကြိုးစား လုပ်ဆောင်တာတွေ ဖြစ်ပေါ်လာစေဖို့ ကျနော်တို့အားလုံးမှာ တာဝန်ရှိနေတယ်ဆိုတာ ထပ်မံအသိပေးလိုက်ခြင်း ဖြစ်ပါတယ်။
၂၀၀၈ ခုနှစ်မှာ ပြည်တွင်းက နိုင်ငံခြားသံရုံးတိုင်းမှာ ဒေါ်အောင်ဆန်းစုကြည်ပုံ ကပ်ထားတဲ့ လှုပ်ရှားမှု ဖြစ်လာအောင် ဆရာတို့ ဖြစ်နိုင်ရင် ဘလော့ဂ်တွေကနေ လှုံ့ဆော်ပေးကြပါလား ခင်ဗျာ။ ။
အမျိုးသားဒီမိုကရေစီအဖွဲ့ချုပ်ဝင်တဦး
ဆက်သွယ်မှုဧရိယာ ပြင်ပကို ရောက်ရှိမနေပါ
တီဗွီစလောင်း လိုင်စင်ကြေးကို ငါးသောင်းသို့ နအဖ ပြန်လျှော့ချပေး
ပွင့်နေဦးမည့် နှင်းဆီပန်းများ
(နယ်ချဲ့အင်္ဂလိပ်များ လက်အောက်မှ လွတ်မြောက်ကာ ကျနော်တို့ မြန်မာပြည်ကြီး လွတ်လပ်ရေး ရရှိသော ၁၉၄၈ ခုနှစ် ဇန်န၀ါရီ (၄)ရက်နေ့တွင် ထုတ်ပြန်ကြေညာခဲ့သည့် “ဗမာ့လွတ်လပ်ရေး ကြေညာစာတမ်း” ကြီးကို ပြန်လည်ဖော်ထုတ် တင်ပြလိုက်ပါသည်။ ယနေ့ နအဖ စစ်အစိုးရ လုပ်ကိုင် ကျင့်ကြံနေပုံများနှင့် “ဗမာ့လွတ်လပ်ရေး ကြေညာစာတမ်း”ပါ ရည်ရွယ်ချက်များ ပြဒါးတလမ်း၊ သံတလမ်းဖြစ်နေပုံကို တွေ့ရှိနိုင် ပါသည်။ စာလုံးပေါင်း သတ်ပုံများကို ယခုခေတ် မြန်မာစာလုံးပေါင်း သတ်ပုံများအတိုင်း ပြုပြင်ထားပါသည်။
အရိပ်မဲ့ အရောင်
၂၀၀၇ဇာဂနာ
ကြားပေါက်လေးတခု တွေးမိတာလေး ရေးပါရစေ။ ကျနော်တို့ ဆေးကျောင်း ရောက်ခါစက ဖားခွဲရပါတယ်။ ဦးထွန်းမောင်ဆိုတဲ့ ကုလားကြီးဆီကနေ ဖားအရှင် ၃ကောင်ကို တရာနဲ့ ၀ယ်ရတာပါ။ ပြီးတော့ အဲဒီဖားတွေကို ပုံမပျက်အောင် ကျွက်ကျွက် ဆူနေတဲ့ ရေနွေးအိုးထဲ ထည့်ပြီး သတ်ရပါတယ်။ ကျနော်တို့က ဘာသိမလဲ။ ဖားတွေကို ရေနွေးအိုးကြီးထဲ ပစ်ထဲ့လိုက်တာ ကိုယ်တော်ချောတွေက ဆတ်ကနဲ ရေနွေးကို ခြေထောက်နဲ့ တချက်ပဲ ထိပြီး ခုန်ထွက်သွားလိုက်တာ ၃ကောင်လုံး လွတ်သွားရော။
ကုလားကြီးက ရီသလေ့။ ဒီလို သတ်ရတယ်ကွတဲ့ ဆိုပြီး ရေအေးတွေထည့်ပြီး ဖားကို ရေအေးဇလုံထဲ ထည့်လိုက်တာ ရွှေဖားလေးတွေက ရေအေးကန်ထဲ ပျော်လို့ ကူးခတ်နေလိုက်တာ။ ဒီမှာတင် ကုလားကြီးက အပူချိန်ကို ဖြေးဖြေးချင်း တရစ်ချင်း တိုးလာလိုက်တာ (၅)ဒီဂရီလောက် တိုးတော့လည်း ဖားလေးများ ကူးခတ်ဆဲ နောက်ထပ် (၅)ဒီဂရီ ထပ်တိုးလည်း သကောင့်ဖားတွေက နေသာသေးတယ်ဆိုပြီး ကူးခတ်ဆဲပဲ။ အပူချိန် (၆၀) ဒီဂရီလောက်လည်း ရောက်ရော ဖားတွေ မလှုပ်နိုင်တော့ဘူး။ (၈၀) ဒီဂရီလောက်လည်း ရောက်ရော အားလုံး ဂန့် ဂန့် ဂန့် ဂန့်။
ကျနော်တို့လည်း ခုတော့ ဒီဝဋ်တွေ လည်ပါပြီ။ တရစ်ချင်း တရစ်ချင်း ကျပ်လာပြီ။ ငါတို့တော့ နေလို့ရသေးတယ် ဘာမှ မဖြစ်သေးဘူးဆိုပြီး ဆက်ပြီး ကူးမှာလား။ ခုန်ထွက်မှာလား။ အပူချိန် မြှင့်နေတဲ့ လက်ကို ပြေးကိုက်ကြမလား။ မျက်နှာကို ခုန်အုပ်ကြမလား။ တခုခုတော့ ဆုံးဖြတ်ရတော့မှာပဲ။ ဆုံးဖြတ်ပြီးရင်လည်း ဖြစ်အောင် လုပ်ရတော့မယ်။ မဟုတ်ရင်တော့ ရေနွေးအိုးထဲ သေရတာ သိပ်မတန်လှပေဘူး။
(ဇာဂနာဘလော့ဂ်မှ ကူးယူ ဖော်ပြပါသည်)
နီလာသိန်းသို့ စကားလက်ဆောင်
၁၉၇၀ ဇန်န၀ါရီ ၄ ရက် (လွတ်လပ်ရေးနေ့) တွင် မွေးဖွား။ ၁၉၉၅ တွင် ဆေးတက္ကသိုလ် (၂) မှ M.B.,B.S ဘွဲ့ရ။ ၁၉၉၆ စက်တင်ဘာမှ ၁၉၉၇ ဖေဖော်ဝါရီအထိ ကိုယ်ပိုင်ဆေးခန်း ဖွင့်။ ၁၉၉၆ နိုဝင်ဘာမှ ၂၀၀၅ ဇွန်အထိ မြားနတ်မောင်မင်္ဂလာမဂ္ဂဇင်းတွင် တာဝန်ခံအယ်ဒီတာအဖြစ် ဆောင်ရွက်။ ၂၀၀၅ ဇူလိုင် ၁ ရက်တွင် လွတ်မြောက်နယ်မြေသို့ ရောက်ရှိ။ ၂၀၀၆ ဇန်န၀ါရီမှ ၂၀၁၄ ဧပြီအထိ မဲဆောက်အခြေစိုက် မြန်မာနိုင်ငံဆေးပညာရှင်များအသင်းတွင် ဒု-ဥက္ကဌ၊ ဘဏ္ဍာရေးမှူး၊ အလုပ်အမှုဆောင်ကော်မတီဝင်၊ တွဲဘက်အတွင်းရေးမှူး တာဝန်များ ထမ်းဆောင်ခဲ့။ ရွှေဝါရောင်သံဃာများ မေတ္တာပို့ စီတန်းလမ်းလျှောက်သည့် ၁၈-၉-၂၀၀၇ တွင် ဘလော့ဂ်တင်ဆက်မှု စတင်။
Posts
All Comments
