Thursday, April 18, 2019

မြန်မာ့ဆန် တန်ချိန် ၁၈ဝဝဝ ကို Ivory Coast နိုင်ငံက ဖျက်ဆီးခဲ့

RFA ၁၈ ဧပြီ ၂၀၁၉

မြန်မာနိုင်ငံက တင်ပို့တဲ့ဆန်တန်ချိန် ၁၈ဝဝဝ ကို လူတွေစားသုံးဖို့ မသင့်တော်ဘူးဆိုပြီး အိုင်ဗရီကို့စ် နိုင်ငံက ဗုဒ္ဓဟူးနေ့က ဖျက်ဆီးပစ်လိုက်ပါတယ်။

အဲဒီဆန်အိတ်တွေကို ဆိပ်ကမ်းကနေ ထရပ်ကားတွေနဲ့ တင်ဆောင်ပြီး တနေရာမှာ စွန့်ပစ်လိုက်တယ်လို့ BBC သတင်းမှာ ဖော်ပြထားပါတယ်။

အဲဒီ ဆန်တွေကို ဂါနာ၊ ဂီနီယာ နဲ့ တိုဂို စတဲ့ အနောက်အာဖရိက ကမ်းရိုးတန်းနိုင်ငံ ဆိပ်ကမ်းတွေက အရည်အသွေး မပြည့်မီဘူးဆိုပြီး လက်ခံဖို့ ငြင်းပယ်ခဲ့ပါတယ်။

နောက်ဆုံးမှာ အိုင်ဗရီကို့စ် နိုင်ငံ၊ အဘစ်ဂျန်မြို့ ဆိပ်ကမ်းက လက်ခံပြီး အရည်အသွေး စစ်ဆေးရာမှာ စားသုံးဖို့ မသင့်တော်ကြောင်း တွေ့ရှိခဲ့ရတယ်လို့ ဆိုပါတယ်။

အာဖရိက နိုင်ငံတွေဟာ ဆန်စပါးကို အဓိကထား စားသုံးကြတဲ့ နိုင်ငံတွေဖြစ်ပေမယ့် ပြည်တွင်းထုတ်လုပ်မှုနဲ့ မလုံလောက်တဲ့အတွက် နိုင်ငံခြားတိုင်းပြည်တွေက တင်သွင်းတဲ့ ဆန်အပေါ် မှီခိုနေကြရပါတယ်။

အခုလို မြန်မာပြည်က တင်ပို့တဲ့ဆန်တွေကို ဘယ်လို အချက်တွေကြောင့် စားသုံးဖို့ အရည်အသွေး မပြည့်မီဘူးဆိုပြီး ဆုံးဖြတ် ဖျက်ဆီးရသလဲဆိုတာ အသေအချာ မသိရသေးသလို ဒီကိစ္စနဲ့ ပတ်သက်ပြီး မြန်မာနိုင်ငံက ဆန်စပါး တင်ပို့သူတွေကို မေးမြန်းဖို့ ကြိုးစားခဲ့ပေမယ့် အဆက်အသွယ် မရသေးပါဘူး။

(Photo - AFP) - အိုင်ဗရီကို့စ် နိုင်ငံ အဘစ်ဂျန်မြို့တွင် ဧပြီလ ၁၆ရက်နေ့က မြန်မာနိုင်ငံမှ တင်ပို့သော ဆန်များကို ဖျက်ဆီးနေစဉ်။

အပြည့်အစုံသို့...

Wednesday, April 17, 2019

"ဝ" ဒေသကို ကိုယ်ပိုင်အုပ်ချုပ်ခွင့်ရ ပြည်နယ်အဖြစ် သတ်မှတ်ပေးဖို့ တောင်းဆို

RFA 2019-04-17

UWSP အထွေထွေအတွင်းရေးမှူးချုပ် ဦးပေါက်ယူချန်း ကို ဝ ဒေသ ပန်ဆန်းမြို့မှာ ၂၀၁၉ ဧပြီ ၁၇ ရက်နေ့ကကျင်းပတဲ့ ဝ ပြည်သွေးစည်းညီညွတ်ရေးတပ်မတော်ရဲ့ ငြိမ်းချမ်းရေး နှစ် ၃၀ ပြည့် အခမ်းအနားမှာတွေ့ရစဉ်( Photo: Thiha Tun/RFA)
"ဝ" ဒေသကို ကိုယ်ပိုင်အုပ်ချုပ်ခွင့်ရပြည်နယ်အဖြစ် သတ်မှတ်ပေးဖို့ အစိုးရကိုတောင်းဆိုပြီး ရည်မှန်းချက် ပန်းတိုင်ရောက်အောင် ကြိုးစားအားထုတ်သွားမှာဖြစ်ကြောင်း UWSP အထွေထွေအတွင်းရေးမှူးချုပ် ဦးပေါက်ယူချန်း က ပြောလိုက်ပါတယ်။

ဒါ့အပြင် နိုင်ငံရေး ရည်မှန်းချက်မရမီကာလမှာ တစ်ဖက်က ငြိမ်းချမ်းရေး ဒီမိုကရေစီအရေးအလံကို လွှင့်ထူပြီး တစ်ဖက်မှာလည်း လက်နက်နဲ့ ကာကွယ်ရေးအလံကို လွှင့်ထူထားမယ်လို့ သူကပြောပါတယ်။

ဒီနေ့ ဝ ပြည်သွေးစည်းညီညွတ်ရေးပါတီ UWSP ထိန်းချုပ်ရာ ပန်ဆန်းမှာ ဒီနေ့ကျင်းပတဲ့ ဝ ဒေသ ငြိမ်းချမ်းရေး တည်ဆောက်မှု နှစ် ၃၀ ပြည့် အခမ်းအနားမှာ အထွေထွေအတွင်းရေးမှူးချုပ်လည်းဖြစ် စစ်သေနာပတိချုပ် လည်းဖြစ်သူ ဦးပေါက်ယူချန်းက မိန့်ခွန်းမှာ ထည့်သွင်းပြောကြားခဲ့တာပါ။

ဒီနေ့ အခမ်းအနားကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကလည်း သဝဏ်လွှာပေးပို့ထားပြီး UWSA ကို NCA အပစ်ရပ်လက်မှတ်ရေးထိုးပြီး ငြိမ်းချမ်းရေးဆွေးနွေးပွဲမှာ ပါဝင်ဖိုနဲ့ ရေရှည်တည်တန့်တဲ့ ငြိမ်းချမ်းရေးနဲ့ ဖွံ့ဖြိုးတိုးတက်မှုရဖို့ နိုင်ငံရေးဆွေးနွေးပွဲတွေမှာ ပါဝင်ဖို့လိုကြောင်းလည်း ပြောထားပါတယ်။ အဲဒီသဝဏ်လွှာကို လဝက ဝန်ကြီး ဦးသိန်းဆွေက တက်ရောက်ဖတ်ကြားခဲ့ပါတယ်။

နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးက နိုင်ငံတော်အတိုင်ပင်ခံအနေနဲ့ ဒီပွဲကို တက်ရောက် လိုပေမယ့် ဒီနေ့ဟာမြန်မာ နှစ်ဆန်း ၁ ရက်နေ့ဖြစ်တာအပါအဝင် အကြောင်းအမျိုးမျိုးကြောင့် မတက်ရောက်နိုင်ခဲ့ဘူးလို့ ပြောပါတယ်။

တဆက်တည်းမှာပဲ ဝန်ကြီးချုပ်ဟောင်း ဗိုလ်ချုပ် ခင်ညွန့် ကလည်း သဝဏ်လွှာပေးပို့ခဲ့ပြီး အဲဒီအထဲမှာ ဒေသကို ရေရှည်တည်တန့်ပြီး ငြိမ်းချမ်းဖွံ့ဖြိုးမှုရစေလိုတယ်လို့ ထည့်သွင်းပြောကြားထားပါတယ်။

ဒီပွဲကို တရုတ်နိုင်ငံက အရှေ့တောင်အာရှ အထူးကိုယ်စားလှယ် မစ္စတာ ဆွန်းကော်ရှန်း အပြင် တိုင်းရင်းသား လက်နက်ကိုင် အဖွဲ့အစည်းတွေက ခေါင်းဆောင်တချို့လည်း တက်ရောက်လာပါတယ်။

ဒီပွဲကို တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တက်ရောက်ခြင်းမရှိသလို မြန်မာ တပ်မတော်ဘက်က ကိုယ်စားလှယ်တွေလည်း တက်ရောက်ဖို့မရှိဘူးလို့ တပ်မတော် သတင်းမှန်ပြန်ကြားရေး အဖွဲ့က ဗိုလ်မှူးချုပ် ဇော်မင်းထွန်းက ဧပြီလ ၁၅ ရက်နေ့မှာ RFA ကို ပြောဆိုထားပါတယ်။

ဒါပေမဲ့ နိုင်ငံတော်အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးနဲ့အတူ ရှမ်းပြည်နယ်လုံခြုံရေးနဲ့ နယ်စပ်ရေးရာ ဝန်ကြီး ဗိုလ်မှူးကြီးလှဦး တက်ရောက်လာတာတွေ့ရပါတယ်။

ဒီသတင်းကို RFA သတင်းထောက် ကိုသီဟထွန်းနဲ့ ကိုကံသာ ပေးပို့တာပါ။

အပြည့်အစုံသို့...

အမ်းမြို့နယ် လက်နက်ကြီးကျည်ကျမှု မိခင် သေဆုံး၊ သမီး ဒဏ်ရာရ

VOA 17 ဧပြီ၊ 2019

အမ်းမြို့နယ် လူမှုကူညီရေးအဖွဲ့ မှ ဦးဇင်းရို့ က လက်နက်ကြီးကျည်ကျမှု ကြောင့် ဒဏ်ရာရ အမျိုးသမီးကို အလှူငွေပေးအပ်စဉ် (ဓါတ်ပုံ- အမ်းမြို့နယ် လူမှုကူညီရေးအဖွဲ့)
ရခိုင်ပြည်နယ် အမ်းမြို့နယ် ၀ါးကြီးတောင် ကျေးရွာ၊ ယာခင်း အတွင်းကလူနေအိမ်တွေအပေါ် မြန်မာစစ်တပ်ဘက်က လက်နက်ကြီးကျည် ကျရောက်ခဲ့တာကြောင့် တဦး သေဆုံးပြီး တဦး ဒဏ်ရာရခဲ့ပါတယ်။ ဒဏ်ရာနဲ့ ဆေးရုံတက်နေရသူ အမျိုးသမီးကိုတော့ တပ်မတော်နဲ့ အမ်းမြို့နယ် အုပ်ချုပ်ရေးမှူးရုံးက ထောက်ပံ့ငွေ လာပေးခဲ့ပြီး နောက်ထပ် အရေးယူ ဆောင်ရွက်ပေးတာတွေ မရှိသေးဘူးလို့လည်း အခွင့်အရေး လှုပ်ရှားမှု အဖွဲ့တခုက ပြောဆိုထားပါတယ်။ မသိင်္ဂီထိုက် စုစည်းတင်ပြပေးမှာပါ။

ရခိုင်ပြည်နယ် အမ်းမြို့နယ် ၀ါးကြီးတောင် ကျေးရွာနဲ့ သုံးမိုင်လောက် ဝေးတဲ့ ယာခင်း အတွင်းက လူနေအိမ် ၂ လုံး အပေါ်ကို သင်္ကြန်မတိုင်ခင် တရက် အလို ဧပြီလ ၁၂ ရက်နေ့ ညနေပိုင်းက လက်နက်ကြီးကျည် ကျရောက်ခဲ့တာကြောင့် အသက် ၇၈ နှစ် အရွယ် ဒေါ်ပဒွန် သေဆုံးခဲ့ပြီး သမီးဖြစ်သူ အသက် ၄၀ အရွယ် ဒေါ်မကျန် ခေါ် ဒေါ်ပါမယ်ကတော့ ဒဏ်ရာရရှိခဲ့ပါတယ်။ ပစ်ခတ်ခံရမှု အတွင်း မိခင်ဖြစ်သူ သေဆုံးခဲ့ရပြီး ကိုယ်တိုင် ဒဏ်ရာနဲ့ အမ်းမြို့နယ် ဆေးရုံမှာ ဆေးကုသနေရတဲ့ ဒေါ်မကျန်ထံကို မြန်မာ စစ်တပ်နဲ့ အာဏာပိုင်တွေဘက်က ငွေတသိန်းခွဲ လာပေးခဲ့တယ်လို့လည်း ချင်းလူ့အခွင့်အရေး အဖွဲ့ရဲ့ ပြောခွင့်ရ ဆလိုင်းလျန် က ပြောပါတယ်။

“ဆုံးသွားတဲ့သူရဲ့အသက်က ၇၈ ဒေါ်ပဒွန် ပြီးတော့ ဒဏ်ရာရတဲ့လူက အသက် ၄၀ ဒေါ်ပါမယ်။ လက်နက်ကြီးနဲ့ ပစ်ခံရတယ်လို့ ကျနော်တို့ သတင်းရထားပါတယ်။ ဆုံးသွားတဲ့ အဖွားကြီးတယောက်ရယ်၊ ပြီးတော့ ဒဏ်ရာရတဲ့ သူ့ရဲ့သမီးပေါ့နော် အသက် ၄၀ ရှိတယ် အခုသူက ဆေးရုံမှာ။ တပ်မတော်ဘက်ကနေ လျော်ကြေးပေးထားတာ ၁ သိန်း မြန်မာငွေပေါ့နော်။ အမ်း ထွေအုပ်ရုံးကနေ မြန်မာငွေ ငါးသောင်း သွားပေးတာရှိတယ်။ ပြီးတော့ ဆေးရုံမှာ ရခိုင်လိုပြောတဲ့ ဘုန်းကြီးတပါးကတော့ သူ့ကို လေးသိန်း ဆေးကုဖို့အတွက် လာပေးသေးတယ်။”

လက်နက်ကြီးကျည် ထိမှန်မှုကြောင့် ဒဏ်ရာရခဲ့တဲ့ ဒေါ်မကျန်ကို အမ်းမြို့နယ် လူမှုကူညီရေး အဖွဲ့ ဥက္ကဌ ဦးဇင်း ဦးတေဇနိယက ငွေကျပ် ၄ သိန်း သွားရောက် လှူဒါန်းပေးအပ်ခဲ့တဲ့ ဗွီဒီယိုကိုလည်း အမ်းမြို့နယ် လူမှုကူညီရေး အဖွဲ့နဲ့ ဦးဇင်း ဦးတေဇနိယတို့ရဲ့ လူမှုကွန်ယက် Facebook မှာ တွေ့ရပါတယ်။

အိမ်ပေါ်ကို လက်နက်ကြီးကျည် ကျရောက်ခဲ့တာလို့လည်း ဒဏ်ရာရထားတဲ့ ဒေါ်မကျန်က အဲဒီ ဗွီဒီယိုထဲမှာ ပြောဆိုထားပါတယ်။ ဆေးရုံကုတင်ပေါ်မှာ တွေ့ရတဲ့ ဒေါ်မကျန်ကတော့ လက်နှစ်ဘက်စလုံးမှာ ဒဏ်ရာရထားတာကို တွေ့ရပါတယ်။ အခင်းဖြစ်ပြီးနောက်နေ့ သင်္ကြန်အကြိုနေ့ ဖြစ်တဲ့ ဧပြီလ ၁၃ ရက်နေ့မှာတော့ တပ်မတော် တပ်ဖွဲ့ဝင် တချို့ လက်နက်ကြီးကျည် ကျရောက်ခဲ့တဲ့ အိမ်ကိုလာပြီး အမြောက်ဆန် အခွံတချို့ကို သိမ်းယူသွားတယ်လို့လည်း ဒေသတွင်း သတင်းရင်းမြစ်ကို ကိုးကားပြီး ချင်းလူ့အခွင့်အရေး အဖွဲ့က ကြေညာချက်မှာ ထုတ်ပြန်ထားပါတယ်။ လက်နက်ကြီးနဲ့ ပစ်ခတ်ရတဲ့ အကြောင်းရင်း၊ နောက် ဘယ်သူ့လက်ချက် ဖြစ်တယ်ဆိုတာကိုတော့ အစိုးရဘက်က ထုတ်ပြန်ထားတာ မတွေ့ရသလို ဘာကြောင့် ပစ်ခတ်ရသလဲဆိုတာကိုလည်း မသိရပါဘူး။ ချင်းလူ့အခွင့်အရေး အဖွဲ့က အစီအစဉ်မှူး ဆလိုင်းလျန်ကတော့ ပစ်ခတ်မှုနဲ့ ပတ်သက်ပြီး အခုလို ပြောပါတယ်။

“အဲဒီနေရာမှာ စစ်တပ်ကနေပြီးတော့ AA အယောက် ၂၀ လောက်ကို တွေ့တယ်တဲ့။ အဲဒါကြောင့် အဝေးကနေ လှမ်းပစ်တာဖြစ်တယ်လို့ သူတို့ပြောတယ်။ ဒါပေမယ့် ကျနော်တို့ ဒါကို ဘယ်ကနေမှ confirm လုပ်လို့မရဘူး။ ကျနော်တို့ confirm လုပ်လို့ရတာကတော့ လက်နက်ကြီးနဲ့ ပစ်ခံရတယ် ၊ လက်နက်ကြီး ၃ ခါလောက်ပစ်တယ်ပေါ့နော် အဲဒီမှာ ဒဏ်ရာရသွားတဲ့ လူတယောက်နဲ့ သေသွားတဲ့လူတယောက်ရှိတယ်ဆိုတာမျိုး ကျနော်တို့ ဓါတ်ပုံနဲ့ confirm ရတာဖြစ်တယ်။”

ရခိုင်ပြည်နယ်တွင်းမှာ ရခိုင်လက်နက်ကိုင်တပ် AA နဲ့ တပ်မတော်တို့ကြား ဒီလပိုင်း အတွင်း တိုက်ပွဲတွေ ပြင်းထန်နေပြီး တချို့ တိုက်ခိုက်မှုတွေမှာတော့ တပ်မတော်ဘက်က တဖက်သတ် ပစ်ခတ်တာဆိုတဲ့ ပြောဆိုချက်တွေ ရှိနေပါတယ်။ AA ရခိုင်လက်နက်ကိုင်တပ်ဘက်က ရဲစခန်းတွေ အပါအ၀င် လုံခြုံရေး ကင်းစခန်းတွေကို ရှောင်တခင် ၀င်ရောက် တိုက်ခိုက်မှုတွေ ရှိနေသလို တပ်မတော်ဘက်ကလည်း တန်ပြန်တိုက်ခိုက်မှုတွေ ရှိနေပါတယ်။

အပြည့်အစုံသို့...

Tuesday, April 16, 2019

မွန်ပြည်နယ် စစစ ညွှန်ကြားရေးမှူး၏ နေအိမ် ဖောက်ထွင်းခံရ၊ ရွှေထည်ပစ္စည်း တန်ဖိုးသိန်း ၄၀၀ နီးပါးခန့်နှင့် ငွေကျပ်သိန်း ၈၀ ပါသွား

The Speaker မော်လမြိုင်၊ ဧပြီ-၁၆

မွန်ပြည်နယ်၊ မော်လမြိုင်မြို့၊ မောင်ငံရပ်ကွက်၊ တောင်ရိုးတန်းလမ်းရှိ မွန်ပြည်နယ် အထူးစုံစမ်းစစ်ဆေးရေးဦးစီးဌာန ညွှန်ကြားရေးမှူး ဦးမျိုးဇော်ဝင်း၏ နေအိမ်သည် ဧပြီလ ၁၅ ရက်နေ့ ညနေပိုင်းက ဖောက်ထွင်းခံရပြီး ရွှေထည်ပစ္စည်းတန်ဖိုးသိန်း ၄၀၀ ခန့်နှင့် ငွေကျပ်သိန်း ၈၀ ပါသွားကြောင်း စုံစမ်းသိရှိရသည်။

ဧပြီလ ၁၅ ရက်နေ့ ညနေ ၃ နာရီတွင် မွန်ပြည်နယ် အထူးစုံစမ်းစစ်ဆေးရေးဦးစီးဌာန ညွှန်ကြားရေးမှူး ဦးမျိုးဇော်ဝင်း၏ဇနီး ဒေါ်ခင်မျိုးအေး မောင်ငံဝန်ထမ်းအိမ်ရာ၊ တောင်ရိုးတန်းလမ်း၊ မော်လမြိုင်မြိုင်မြို့နေသူ ပါဝင်သော အဖွဲ့နှင့် အတူ ရွှေတောင်ကုန်းဘုန်းကြီးကျောင်းသို့ သွားရောက်ခဲ့စဉ် ရွှေထည်ပစ္စည်းနှင့် ငွေစက္ကူများ ဖောက်ထွင်းခိုးယူခံခဲ့ရခြင်းဖြစ်သည်။

မွန်ပြည်နယ် အထူးစုံစမ်းစစ်ဆေးရေးဦးစီးဌာန ညွှန်ကြားရေးမှူး ဦးမျိုးဇော်ဝင်း၏ဇနီး ဒေါ်ခင်မျိုးအေးနှင့် မောင်ငံဝန်ထမ်းအိမ်ရာ၊ တောင်ရိုးတန်းလမ်း၊ မော်လမြိုင်မြိုင်မြို့နေသူ ပါဝင်သော အဖွဲ့သည် ညနေ ၅ နာရီ ၄၅ မိနစ်တွင် ပြန်လည်ရောက်ရှိခဲ့ပြီး ၎င်းနောက် ဒေါ်ခင်မျိုးအေးမှ ၎င်း၏ နေအိမ်ပေါ်သို့ တက်သွားခဲ့ရာ အိပ်ခန်း နှစ်ခန်းမှာ တံခါးများ ပွင့်နေပြီး တံခါး မြောက်လက်များအား ဖျက်ဆီးထားသည်ကို တွေ့ရှိရသဖြင့် အိပ်ခန်းများအား စစ်ဆေးခဲ့ရာ အိပ်ခန်း နှစ်ခန်းရှိ မျက်နှာကျက် တစ်ကွက်စီ ဖောက်ထားပြီးကျောက်​ပြားများ ပြုတ်ကျနေသည်ကိုတွေ့ရှိရကြောင်း မုပွန်နယ်မြေရဲစခန်းတွင် အမှုဖွင့် တိုင်တန်းချက်အရ သိရသည်။

ထိုနောက် အိမ်ခန်းအတွင်းရှိ သံဘီဒို၊ အံဆွဲများအား စစ်ဆေးခဲ့ရာ သော့များအား ကလှပ်​ပြီးဖွင့်ထားသဖြင့် အတွင်းမှ ပစ္စည်းများအား စစ်ဆေးခဲ့ရာရွှေဆွဲကြိုး(၃ ကျပ်သား) နှစ်ကုံး၊ ရွှေဆွဲကြိုး(၁ ကျပ်သား) ၁၀ ကုံး၊ စိန်လက်စွပ်(၅ မူးသား) သုံးကွင်း၊ ပတ္တမြားဆွဲကြိုးအနီ(၁ ကျပ်သား) တစ်ကုံး၊ ပုလဲဆွဲကြိုး(၁ ကျပ်သား) နှစ်ကုံး၊ ရွှေဆွဲသီး(၂ ကျပ်သား) ၂၈ ခု၊ အခေါက်ရွှေလက်စွပ်(၁ ကျပ်သား) တစ်ကွင်း၊ ရွှေလက်စွပ်(၂ ကျပ်သား) ကိုးကွင်း၊ နားကပ်(၂ ကျပ်သား) ခြောက်ရံ၊ အခေါက်ရွှေလက်ကောက်(၃ ကျပ်သား) တစ်ကွင်း၊ ရွှေပန်းလက်ကောက်(၈ ကျပ်သား) ၁၂ ကွင်း၊ ငွေစက္ကူ ရောရာ သိန်း ၈၀ ကျပ်နှင့် Samsung Galaxy Note 9 အမျိုးစား လက်ကိုင်ဖုန်း တစ်လုံး၊ စုစုပေါင်းတန်ဖိုးငွေကျပ်​သိန်း ၄၇၀ ကျပ်ခန့် ပျောက်ဆုံးခဲ့ကြောင်း မုပွန်နယ်မြေရဲစခန်းတွင် အမှုဖွင့် တိုင်တန်းချက်တွင် ပါရှိသည်။

အဆိုပါဖြစ်စဉ်​နှင့် ပတ်သက်၍ နေအိမ်အတွင်း ပုန်းလျှိုဝင်ရောက်ပြီး အိမ်ဖောက်ထွင်းမှုကျူးလွန်၍ ခိုးမှုကျူးလွန်သူအား အရေးယူပေးရန် ဧပြီလ ၁၆ ရက်နေ့ နေလယ်ပိုင်းတွင် မုပွန်နယ်မြေရဲစခန်းသို့ တရားလိုဖြစ်သူ မွန်ပြည်နယ် အထူးစုံစမ်းစစ်ဆေးရေးဦးစီးဌာန ညွှန်ကြားရေးမှူး ဦးမျိုးဇော်ဝင်း၏ တပည့် ဦးသက်ခိုင်ဦးမှ အမှုဖွင့်လှစ်ခဲ့ကြောင်း စုံစမ်းသိရှိရသည်။

သတင်း၊ ဓာတ်ပုံ- နေမင်း

အပြည့်အစုံသို့...

စားနပ်ရိက္ခာပစ္စည်းတွေ သိမ်းဆည်းရမိတယ်ဆိုတဲ့ တပ်ထုတ်ပြန်ချက်ကို AA ငြင်းဆို

RFA 2019-04-16

ရက္ခိုင့်တပ်မတော် AA စခန်းနဲ့ သင်တန်းကျောင်းတွေကို ဝင်ရောက်သိမ်းပိုက်ချိန်မှာ USAID အမှတ်တံဆိပ်ပါတဲ့ စားနပ်ရိက္ခာထုပ်တွေ၊ ကမ္ဘာ့စားနပ်ရိက္ခာ ထောက်ပံ့ရေးအဖွဲ့ WFP တံဆိပ်ပါတဲ့ ရိက္ခာထုပ်တွေ သိမ်းဆည်းရမိတဲ့အကြောင်း တပ်မတော်ရဲ့ သတင်းထုတ်ပြန်ချက်ဟာ မှားယွင်းတဲ့ထုတ်ပြန်ချက်ဖြစ်တယ်လို့ ရက္ခိုင့်တပ်မတော် AA က ဧပြီ ၁၅ ရက် မနေ့က ထုတ်ပြန်လိုက်ပါတယ်။

ကမ္ဘာ့စားနပ်ရိက္ခာ ထောက်ပံ့ရေးအဖွဲ့တွေရဲ့ အမှတ်တံဆိပ်တွေဖြစ်တဲ့ USAID၊ WFP အမှတ်တံဆိပ်စာတန်းပါတဲ့ ရိက္ခာထုပ်တွေကို သိမ်းဆည်းရမိကြောင်း တပ်မတော် ထုတ်ပြန်ခဲ့တဲ့အပေါ် AA ရဲ့ ပြောရေးဆိုခွင့်ရှိသူ ခိုင်သုခက စစ်ဘေးရှောင်ပြည်သူတွေအနေနဲ့ AA ကို ထောက်ပံ့တဲ့ အခြေအနေမရှိကြောင်း ပြောပါတယ်။

ဧပြီ ၁၁ ရက်နဲ့ ၁၂ ရက်နေ့တွေမှာ မြောက်ဦးမြို့နယ် လက္ကာကျေးရွာ အရှေ့ဖက် တောတွင်းတစ်နေရာမှာ AA အဖွဲ့ သိုဝှက်ထားတဲ့ ဆန်ရိက္ခာတွေကို တပ်မတော် လုံခြုံရေးစစ်ကြောင်းက ရှာဖွေဖော်ထုတ်နိုင်ခဲ့ပြီး မီးရှို့ဖျက်ဆီးလိုက်တယ်လို့ တပ်မတော်ကာကွယ်ရေးဦးစီးချုပ်ရုံး အင်တာနက် ၀က်ဘ်ဆိုက်မှာ ဖော်ပြထားတာပါ။

အနောက်ပိုင်းတိုင်း စစ်ဌာနချုပ် တိုင်းဦးစီး ဗိုလ်မှူးကြီး ဝင်းဇော်ဦးကတော့ ရက္ခိုင့်တပ်မတော် AA ဖက်က ငြင်းဆိုနေပေမယ့် စစ်ဘေးရှောင်ပြည်သူတွေဟာ စားနပ်ရိက္ခာတွေကို AA အဖွဲ့ထံ သွားပေးတာတွေရှိတယ်လို့ RFA ကို ပြောပါတယ်။

တပ်မတော်ရဲ့ ပြောဆိုချက်နဲ့ပတ်သက်ပြီး စစ်ဘေးရှောင် ရခိုင်ပြည်သူတွေကို ထောက်ပံ့ကူညီပေးနေတဲ့ လူမှုရေးအဖွဲ့အစည်းတွေက ဒုက္ခသည်တွေဆီမှာလည်း တပ်မတော် ထုတ်ပြန်သလို ရိက္ခာတွေ မရှိကြောင်း ငြင်းဆိုပါတယ်။

ရခိုင်ပြည်နယ်မှာ အစိုးရတပ်မတော်နဲ့ ရက္ခိုင့်တပ်မတော် AA အဖွဲ့ တိုက်ပွဲတွေကြောင့် စစ်ဘေးဒုက္ခသည် ၃သောင်းဝန်းကျင် ရှိနေတာပါ။

အပြည့်အစုံသို့...

ဒေါင်းတို့မျိုးဆက် သင်္ကြန်သံချပ်အဖွဲ့ဝင် ၄ ဦးကို စစ်တပ်က ပုဒ်မ ၆၆ (ဃ)ဖြင့် အမှုဖွင့်

ဒီဗွီဘီ 16 April 2019

ဒေါင်းတို့မျိုးဆက် ကျောင်းသားလူငယ် သံချပ်အဖွဲ့ဝင် ၄ ဦးကို ရန်ကုန်တိုင်း စစ်ဌာနချုပ် ဒုဗိုလ်မှူး သန်းထွန်းမြင့်က တရားလိုလုပ်ပြီး မရမ်းကုန်းရဲစခန်းမှာ ဆက်သွယ်ရေးဥပဒေ ပုဒ်မ ၆၆ (ဃ)နဲ့ အမှုဖွင့်ထားတယ်လို့ တရားစွဲခံရသူတဦးဖြစ်တဲ့ ကိုပိုင်ရဲသူက ဒီဗွီဘီကို ပြောပါတယ်။

ကိုဇေယျာလွင်၊ ကိုပိုင်ရဲသူ၊ ကိုပိုင်ဖြိုးမင်းနဲ့ မဆုရတနာမြင့်တို့ကို ဧပြီ ၁၀ ရက်က ဘုရင့်နောင်ပွဲရုံမှာ သံချပ်ဖျော်ဖြေခဲ့တာနဲ့ပတ်သက်ပြီး အမှုဖွင့်ထားတာလို့လည်းသိရပြီး အမှုဖွင့်ခံရသူ ၄ ယောက်ကို မနေ့ညက မရမ်းကုန်းရဲစခန်းမှာ စစ်ချက်ယူခဲ့ပါတယ်။

ဒေါင်းတို့မျိုးဆက် သင်္ကြန်သံချပ်အဖွဲ့ဟာ စစ်နဲ့ငြိမ်းချမ်းရေး၊ ဖွဲ့စည်းပုံပြင်ဆင်ရေး၊ ပညာရေးနဲ့ ကျောင်းသားရေးရာတွေအပြင် လွှတ်တော်နဲ့ နိုင်ငံရေးထဲမှာ စစ်တပ်ပါဝင်နေမှုတွေကို သံချပ်ထိုးထားကြတာပါ။

အခုလို အမှုဖွင့်တဲ့အပေါ် “အနာရှိလို့ စပ်တယ်လို့ ယူဆပြီး လက်ကျန်သင်္ကြန် နောက်ဆုံးရက်ကို လည်း ဒေါင်းတို့မျိုးဆက်အဖွဲ့ ဖျော်ဖြေရေး ဆက်ထွက်သွားမယ်” လို့ ကိုပိုင်ရဲသူက ပြောပါတယ်။

တကသ ကျောင်းသားတွေနဲ့ ဖွဲ့စည်းထားတဲ့ ဒေါင်းတို့မျိုးဆက် သံချပ်အဖွဲ့ဟာ နှစ်စဉ် သံချပ်ထွက်လာတာ ၇ နှစ် ရှိပြီဖြစ်ပြီး အခုနှစ်မှာ သံချပ်ကို ဆင်ဆာမတင်တဲ့အတွက် စင်ပေါ်ပြိုင်ပွဲ ၀င်ပြိုင်ခွင့်မရသလို ဖိတ်ခေါ်ထားတဲ့နေရာတချို့ကို သွားရောက်ဖျော်ဖြေခဲ့ရာမှာ လည်း နှောင့်ယှက်ခံခဲ့ရပါတယ်။

သင်္ကြန်မတိုင်ခင်ကလည်း ဧရာဝတီတိုင်းဒေသကြီးထဲမှာ သွားရောက် ဖျော်ဖြေနေတဲ့ ဒေါင်းတို့မျိုးဆက် သင်္ကြန်သံချပ်အဖွဲ့ကို ကျောင်းကုန်းမြို့အဝင်မှာ လူအုပ်စုကြီးတစုက ၀ိုင်းဝန်း တားဆီး နှောင့်ယှက်ခဲ့ပါတယ်။

ဓာတ်ပုံ – ဒေါင်းတို့မျိုးဆက်

အပြည့်အစုံသို့...

၂၀၁၉ ပူလစ်ဇာ(Pulitzer) နိုင်ငံတကာသတင်းကဏ္ဍဆု ကိုဝလုံး၊ ကိုကျော်စိုးဦး တို့နဲ့အတူ ရိုက်တာသတင်းထောက်တွေ ရရှိ

VOA - 16 ဧပြီ၊ 2019

အမေရိကန်သတင်းစာနယ်ဇင်းလောကမှာ အထင်ကရ Pulitzer ဆုရှင် ၂၀၁၉ ခုနှစ် အမည်စာရင်း မှာ နိုင်ငံတကာသတင်း စုံစမ်းဖေါ်ထုတ်မှု အတွက် ရိုက်တာသတင်းထောက်အဖွဲ့နဲ့အတူ ကိုဝလုံးနဲ့ ကိုကျော်စိုးဦး တို့လဲ ပါဝင်ကြောင်း မနေ့ ဧပြီလ (၁၅)ရက်နေ့က ပူလစ်ဇာ ဆုရွေးချယ်ရေးအဖွဲ့က နယူးရောက် မှာ ကြေညာခဲ့ပါတယ်။

၂၀၁၇ က ရခိုင်ပြည်နယ်မှာ မြန်မာလုံခြုံရေးတပ်တွေ ပြစ်မှုကျူးလွန်မှုခဲ့တာတွေကို သတင်း ထုတ်ဖေါ်ရေးသားခဲ့တဲ့အတွက် လက်ရှိထောင်ဒဏ် ၇ နှစ်ကျခံနေရတဲ့ ကိုဝလုံးနဲ့ ကိုကျော်စိုးဦးတို့ရဲ့ သတ္တိ ကို ဂုဏ်ပြုချီးမြှင့်ခြင်းဖြစ်တယ်လို့ ပူလစ်ဇာ ဆုရွေးချယ်ရေးဘုတ်အဖွဲ့ တာဝန်ခံက ပြောပါတယ်။ မအင်ကြင်းနိုင်က အပြည့်အစုံကို တင်ပြမှာပါ။

၁၀၃ ကြိမ်မြောက် ပူလစ်ဇာဆုရှင်တွေအဖြစ် ဂုဏ်ပြုချီးမြှင့်မယ့်သူတွေရဲ့ အမည်စာရင်းကို ပူလစ်ဇာဆုရွေးချယ်ရေး ဘုတ်အဖွဲ့ တာဝန်ခံ Dana Canedy ကဧပြီလ (၁၅)ရက်နေ့မှာ ဗွီဒီယိုကနေတဆင့် ကြေညာခဲ့ပါတယ်။

အမေရိကန်ပြည်ထောင်စုမှာသာမက နိုင်ငံတကာ သတင်း၊စာနယ်ဇင်းလောကမှာ ဂုဏ်သတင်းကြီးတဲ့ နှစ်စဉ်ချီးမြှင့်နေတဲ့ ပူလစ်ဇာဆု မှာ သတင်းပညာသာမက စာရေးဆရာနဲ့ အနုပညာလောကမှာပါ ထူးချွန်ပြောင်မြောက်စွာ ရေးသားထုတ်ဖေါ်ခဲ့ကြသူတွေကို ခေါင်းစဉ်အလိုက် ရွေးချယ်ဂုဏ်ပြုတာဖြစ်ပါတယ်။

ဒီနှစ်အတွက် နိုင်ငံတကာသတင်းထောက် ဆု နှစ်ဆုအဖြစ် သတ်မှတ်ခဲ့ပြီး တဆုကို ယီမင်ပြည်တွင်းစစ်အတွင်း ရက်စက်ကြမ်းကြုတ်မှုတွေကို ဖေါ်ထုတ်တင်ပြခဲ့တဲ့ အေပီ သတင်းထောက်သုံးဦးကို ချီးမြှင့်မှာဖြစ်ပြီး နောက်တဆုကိုတော့ နှစ်ရှည်ထောင်ဒဏ်ချမှတ်ခံထားရတဲ့ မြန်မာ ရိုက်တာသတင်းထောက်နှစ်ဦးပါဝင်တဲ့ ရိုက်တာသတင်းအဖွဲ့ကို ချီးမြှင့်မှာဖြစ်ကြောင်း Dana Canedy က အခုလိုကြေညာခဲ့ပါတယ်။

"ဒီနှစ် နိုင်ငံတကာသတင်းထောက်ကဏ္ဍဆု အတွက် ဆု (၂)ဆု ချီးမြှင့်မှာပါ။ တဆုကိုတော့ ကိုဝလုံးနဲ့ ကိုကျော်စိုးဦးတို့ ထူးထူးခြားခြား သတင်းဖေါ်ထုတ်မှုအပေါ် အအခြေခံပြီး သတင်းတင်ပြခဲ့တဲ့ ရိုက်တာသတင်းထောက်အဖွဲ့ကို ပေးအပ်ချီးမြှင့်မှာဖြစ်ပါတယ်။ မြန်မာနိုင်ငံက ရိုဟင်ဂျာ မွတ်စလင်တွေကို စနစ်တကျနဲ့အတင်းအဓမ္မ မောင်းထုတ်၊ သတ်ဖြတ်မှုတွေအတွက် တာဝန်ရှိတဲ့ စစ်တပ်ဖွဲ့ဝင် တပ်စုတွေနဲ့ ဗုဒ္ဓဘာသာဝင် ရွာသားတွေကို သူတို့နှစ်ဦး အသေအချာ စုံစမ်းဖေါ်ထုတ်တင်ပြနိုင်ခဲ့ပြီး၊ အဲဒီလို သတ္တိရှိရှိ စုံစမ်းရေးသားခဲ့တဲ့အတွက် ဒီရိုက်တာသတင်းထောက်နှစ်ဦးလုံး ဟာ နှစ်ရှည်ထောင်ဒဏ်ချမှတ်ခဲ့ထားရပါတယ်။​"

အခုလို မြန်မာသတင်းထောက်နှစ်ဦး ကမ္ဘာကျော် ပူလစ်ဇာဆု ချီးမြှင့်ခံရတာဟာ သူတို့နဲ့ ထိုက်တန်လို့ဖြစ်ကြောင်း မြန်မာသတင်းစာဆရာ ဦးစည်သူအောင်မြင့်က ဗွီအိုအေကို ပြောပါတယ်။

“ ကျနော်တို့ သတင်းမီဒီယာလောကမှာက ပူလစ်ဇာဆုဆိုတာ ဂုဏ်ယူထိုက်တဲ့ တကယ့်ကို အမြင့်ဆုံးဆုလို့ပဲ နားလည်တယ်။ အဲဒီလို ဆုတွေကို ရတယ်ဆိုတော့ သူတို့လုပ်ထားတဲ့ ၊ သူတို့ ကြိုးစားထားတဲ့ ရလဒ်တွေကို နိုင်ငံတကာက အသိအမှတ်ပြုတယ် ချီးမြှင့်တယ် ဆိုတော့ ကောင်းတဲ့ကိစ္စတွေပေ့ါ အဲလို ပဲမြင်ပါတယ်။

မအင်ကြင်းနိုင်။ ။ တိုက်တိုက်ဆိုင်ဆိုင်ပေါ့နော် အခု ဒီဧပြီလ ဆုချီးမြှင့်ရွေးချယ်တဲ့အချိန် မြန်မာနိုင်ငံမှာလည်း မြန်မာ့ရိုးရာနှစ်သစ်ကူးအချိန် ထုံးစံအတိုင်း နိုင်ငံတော်သမ္မတရဲ့ လွတ်ငြိမ်းချမ်းသာခွင့်နဲ့ လွှတ်ပေးတဲ့ အချိန်ကာလလည်း ရောက်လာတော့မယ်ဆိုတော့ ဒါနဲ့ ပတ်သက်ပြီး သူတို့ ရိုက်တာ သတင်းထောက်နှစ်ဦး လွတ်ငြိမ်းချမ်းသာခွင့်နဲ့ လွှတ်နိုင်မလွှတ်နိုင် ဆရာဘယ်လို သုံးသပ်ပါသလဲ။

ဦးစည်သူအောင်မြင့်။ ။ အခုလက်ရှိမှာတော့ သူတို့ နှစ်ဦးရဲ့ အမှုဟာ အမြင့်ဆုံးတရားရုံးမှာ အယူခံတင်ထားတယ်။ ဒါကို နှစ်ဖက် ကြားနာပြီးတော့မှ စီရင်ချက်ချဖို့အတွက် စောင့်ဆိုင်းနေတဲ့ အချိန်ပေါ့လေ။ ဆိုတော့ ဒီလိုအချိန်မျိုးမှာ ကျနော်နားလည်သလောက်ကတော့ လွှတ်ပေးတဲ့အလေ့အထကတော့ သိပ်မရှိဘူးပေါ့။ စီရင်ချက် ချပြီးသွားပြီဆိုရင်တော့ အဲဒါတွေက ပြန်ပြီးတော့ မျှော်လင့်နိုင်တာပေါ့နော် အဲလိုကျနော်နားလည်ပါတယ်။

မအင်ကြင်းနိုင်။ ။ အဲဒါဆိုရင် သူတို့လွှတ်လာနိုင်တဲ့ လမ်းကြောင်းအနေအထားကိုရော ဘယ်လိုမြင်သလဲရှင့်။

ဦးစည်သူအောင်မြင့်။ ။မျှော်လင့်စရာတွေရှိပါတယ်။ အမြင့်ဆုံးတရားရုံးဆိုတဲ့အခါကျတော့ သူတို့အမှုကို သေသေချာချာပြန်ပြီးတော့ စိစစ်မယ် လေ့လာမယ် ၊ သုံးသပ်မယ်။ ဒီနေရာမှာလည်း မျှော်လင့်လို့ရပါတယ် သူတို့ပြန်ပြီးတော့ လွတ်မြောက်ဖို့အတွက် မျှော်လင့်ချက်ရှိပါတယ်။ အကယ်၍များ အဲဒီမှာ မရှိခဲ့ဘူးဆိုရင် နောက် နိုင်ငံတော်သမ္မတရဲ့ လွတ်ငြိမ်းချမ်းသာခွင့်ကို မျှော်လင့်ရမှာပါပဲ။

ရိုက်တာသတင်းအယ်ဒီတာချုပ် Steven J. Adler က လည်း အခုလို ကိုဝလုံးနဲ့ ကိုကျော်စိုးဦး တို့နဲ့အတူ သူတို့ရဲ့ ရောင်းရင်း ရိုက်တာသတင်းထောက်တွေ အခုလို သတ္တိရှိရှိ၊ သတင်းယူမှုအတွက် ဂုဏ်ပြုခြင်း ခံရတာကို သူ့အနေနဲ့ ဝမ်းမြောက်မိပေမဲ့၊ ဒီသတ္တိရှိလှတဲ့ သတင်းထောက် ၂ ဦး ဆက်ပြီး အကျဉ်းကျ ခံနေရတဲ့အတွက် လွန်စွာ စိတ်ဆင်းရဲနေရကြောင်း ပြောကြားခဲ့ပါတယ်။

နိုင်ငံတကာသတင်းတွေ ထုတ်ဖေါ်တင်ပြရာမှာ ထင်ရှားတဲ့ သာဓက အဖြစ် စံနမူတင်နိုင်လောက်တဲ့ အပြင် သတင်းပညာ ကျင့်ဝတ်နဲ့အညီ ရေးသားတင်ဆက်နိုင်တဲ့ ထူးချွန်တဲ့ နိုင်ငံတကာသတင်းသမားတွေကို ပူးလစ်ဇာဆုအဖွဲ့ကြီးက နှစ်စဉ်ရွေးချယ် ဂုဏ်ပြုတာဖြစ်ပြီး ဆုကြေးငွေအဖြစ် အမေရိကန်ဒေါ်လာ ၁၅,၀၀၀ ပူးတွဲချီးမြှင့်တာဖြစ်ပါတယ်။

ကိုလံဘီယာတက္ကသိုလ်ကြီးကနေ သတင်းစာနယ်ဇင်း ပညာရပ်မြှင်တင်တဲ့အနေနဲ့ ၁၉၁၇ခုနှစ်က စတင်ပြီး သတင်းစာထုတ်ဝေသူ Joseph Pulitzer ကကြီးမှူးတဲ့ ပူလစ်ဇာဆုကို ဂုဏ်ပြုချီးမြှင့်လာခဲ့တာဖြစ်ပြီး ဆုရရှိတဲ့ အမည်စာရင်းကို အခုလို ဧပြီလလယ်မှာ ကြေညာပြီးနောက် ကိုလံဘီယာတက္ကသိုလ် အဓိပတိ ကိုယ်တိုင်ချီးမြှင့်တဲ့ ဆုပေးပွဲနဲ့အတူ နေ့လည်စာအခမ်းအနားကိုတော့ ကိုလံဘီယာတက္ကသိုလ် ပရ၀ုဏ်အတွင်း မေလမှာ ကျင်းပမှာ ဖြစ်ပါတယ်။

အခုလို နာမည်ကျော် ပူလစ်ဇာဆုအဖြစ် ချီးမြှင့်ခံရသူ မြန်မာတွေထဲ ၂၀၁၆ခုနှစ် ပူလစ်ဇာ အများအကျိူးဆောင်ဆုအတွက် မြန်မာသတင်းထောက် ကချင်တိုင်းရင်းသူ Esther Htusan ပါဝင်တဲ့ အေပီသတင်းဌာနအဖွဲ့က ရရှိခဲ့သလို၊ ၂၀၁၈ ပူလစ်ဇာ သတင်းမှတ်တမ်းဓါတ်ပုံဆု အတွက် မြန်မာဓါတ်ပုံသတင်းသမား ကိုစိုးဇေယျထွန်း ပါဝင်တဲ့ ရိုက်တာ ဓါတ်ပုံသတင်းထောက် အဖွဲ့ချီးမြှင့်ခံခဲ့ရပါတယ်။
၂၀၁၉ခုနှစ်အတွက် ပူလစ်ဇာဆုအဖြစ် ရွေးချယ်ခံရတဲ့ ကိုဝလုံးနဲ့ ကိုကျော်စိုးဦးတို့ ပါဝင်တဲ့ ရိုက်တာသတင်းထောက်အဖွဲ့ရဲ့ ရခိုင်ပြည်နယ်မြောက်ပိုင်း သတင်းတင်ပြချက်

အပြည့်အစုံသို့...

Saturday, April 13, 2019

ဒေါ်အောင်ဆန်းစုကြည်အပေါ် AA စစ်ဦးစီးချုပ်ရဲ့အမြင်

မေး။ ။ ရခိုင်အရေး၊ ပဋိပက္ခတွေနဲ့ ပတ်သက်ပြီး ဧရာဝတီက တဆင့် နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ဘာများ ပြောချင်ပါသလဲ။

ဖြေ။ ။ ကျနော်တို့ အရင်က ဒေါ်အောင်ဆန်းစုကြည်ကို မြန်မာနိုင်ငံ ပြဿနာများရဲ့ Part Of The Solution လို့ အမြင်ရှိတယ်။ အခု အရှိတရားမှာတော့ Part Of The Problem လို့ပြန်မြင်တယ်။ အခုချိန်မှာ သူ့ရဲ့နေရာက သူ့အမိန့်ကို မနာခံတဲ့ စစ်မြင်းရထားပေါ် တက်စီးမိပြီ။ စစ်တိုက်တဲ့ မြင်းရထားပေါ် သူတက်စီး မိလိုက်ပြီ။ အဲ့တော့ အဲ့အပေါ်ကပဲ ပြုတ်မကျအောင် ကြိုးစားပါလို့ ။ အဲ့လောက်ပဲပြောချင်တယ်။

ပြီးရင် မြန်မာပြည်သူ လူထုတွေအတွက် ကျနော်တို့ကြည့်ပါတယ်။ ၂၀၂၀ မှာ ရွေးကောက်ပွဲ လုပ်တော့မယ်ဆိုရင် NLD ပါတီရဲ့ အနေအထားလည်း ကျနော်တို့ကြည့်ပါတယ်။ သူ့ရဲ့မူဝါဒ အရရော သူ့ရဲ့ လူ့စွမ်းအားအရင်းအမြစ် ပိုင်းတွေရော ကျနော်တို့ ကြည့်တယ်။ အရှိတရားကို မြင်နေရပါတယ်။ ဒီဘက်က အတိုက်အခံအင်အားစုရဲ့ အနေအထားကိုလည်း ကျနော်တို့သုံးသပ် ပါတယ်။ ဘယ်သူဟာ ဒီနိုင်ငံကို တာဝန်ခံပြီး ဒီပြဿနာတွေကို ဖြေရှင်းဖို့စွမ်းရည်တွေရှိမလဲ ဆိုတာ ကျနော်တို့ သုံးသပ်ကြည့်တော့ အခြေအနေတော့ သိပ်မကောင်းပါဘူး။

ပြည်သူလူထုရဲ့ တနေ့တခြားအခြေအနေ၊ ဆင်းရဲလာတဲ့ လူထု၊ ဒုက္ခရောက်လာတဲ့ လူတွေ အတွက် တာဝန်ယူ ပြီး စဉ်းစားမယ့် မူဝါဒနဲ့ အဖွဲ့အစည်းတွေကျနော်တို့ မတွေ့ဘူး။ ကိုယ့်အုပ်စု သူ့အုပ်စုနဲ့ ကိုယ့်အယူအဆ သူ့အယူအဆ ဆိုတဲ့ အင်အားစုတွေပဲတွေ့တယ်။

အခြေခံလူထုကတော့ စစ်တပ်ပေါ် မကျေနပ်တဲ့ လူကတော့ ရှိတဲ့ဟာကို ရွေးမှာပဲ။ ရွေးလိုက်တဲ့ဟာကလည်း ပြဿနာ အတွက် အဖြေတွေ မက်မောလောက်စရာတွေ မတွေ့ဘူး။ ဒါ့ကြောင့် ကျနော်တို့ အမှာစကားတော့ မပါးတော့ ပါဘူး။ ကိုယ့်ကံတရားကိုပဲ ကိုယ် အကောင်းဆုံး ဖြစ်အောင် တည်ဆောက်သွားတော့မယ်။

အင်တာဗျူး အပြည့်အစုံ ဖတ်လိုပါက - AA စစ်ဦးစီးချုပ်နှင့် တွေ့ဆုံမေးမြန်းခြင်း (အပိုင်း - ၂) click

အပြည့်အစုံသို့...

ဗိုလ်ချုပ်ထွန်းမြတ်နိုင် ဖြေကြားတဲ့ 'နိုင်ငံရေးရည်မှန်းချက်'

မေး ။ ။ ဗိုလ်ချုပ်တို့ရဲ့ နိုင်ငံရေး ရည်မှန်းချက်က ကွန်ဖက်ဒရေးရှင်းပုံမျိုးလို့ ပြောထားတယ်နော်။ ဗိုလ်ချုပ်ရဲ့တပ်ထဲက စစ်မေတွေ ရဲဘော်တွေနဲ့ စကားပြောကြည့်တော့ သူတို့က နိုင်ငံတခု လိုတောင် မျှော်လင့်တယ်လို့ ပြောနေကြတယ်။ အစိုးရနဲ့ တချိန်ချိန်မှာ အပစ်အခတ်ရပ်စဲရေး လုပ်ပြီး နိုင်ငံရေးစကားဝိုင်းတွေသွားရင် ရခိုင်ပြည်နယ်အနေနဲ့ ဆွေးနွေးမလား။ ဘယ်လိုလဲပေါ့ ။ အပြင်မှာလည်း ကောလဟာလလို ထွက်နေတာတွေ ရှိတယ်။ ရခိုင်နိုင်ငံဆိုတာမျိုးပေါ့။ ဒါကို ရှင်းရှင်းလင်းလင်းဖြစ်အောင် ရှင်းပြပေးပါဦး။

ဖြေ။ ။ နိုင်ငံဆိုတာ ကောလဟာလ မဟုတ်ပါဘူး။ ကျနော်တို့ ရခိုင်ပြည်သူတွေရဲ့ ရိုးသားတဲ့ အသံပဲ ဖြစ်တယ်။ ဒါဟာ ကောလဟာလ မဟုတ်ပါဘူး။ လူထုက ဘာဖြစ်ချင်တယ်ဆိုတာ ရိုးရိုး သားသားပြောနေတဲ့ ကိစ္စပဲ။ ဒါပေမယ့် ကျနော်တို့ ရက္ခိုင်အမျိုးသားအဖွဲ့ချုပ်၊ ရက္ခိုင်တပ်တော်ရဲ့ မူဝါဒက ကျနော်တို့ ခွဲထွက်မယ်လို့ ဘယ်တော့မှ မပြောသေးဘူး။

ကျနော်တို့ရဲ့ ပကတိ အနေအထားနဲ့ ကျနော်တို့လိုလားတဲ့ နိုင်ငံရေးဆန္ဒကိုပဲ ကျနော်တို့ပြောတာ ဖြစ်တယ်။ တကယ် ရခိုင်ပြည်ရဲ့ ကံကြမ္မာကို ဆုံးဖြတ်ရမှာက ရခိုင်လူထုပဲဖြစ်တယ်။ လူထုရဲ့ အတွေးအခေါ်ယူဆချက် တွေဆိုတာ အဲ့လူထုကို ဦးဆောင်တဲ့ နိုင်ငံရေးသမားတွေပေါ်မှာ မူတည်တာလည်း ဟုတ်တယ်။ ဒါဟာ နှစ်ဖက်ကြားမှာ ဖြစ်သင့်တာ တခုတော့ ဖော်ဆောင်ရမှာပဲ။ အကောင်းဆုံးကတော့ တအိမ်တည်းမှာ ငြိမ်းငြိမ်းချမ်းချမ်း နေနိုင်ရင် အကောင်းဆုံးပဲ။

ဒါပေမယ့် ကျနော်တို့ကို လုံးဝ နေထိုင်လို့မရအောင်ထိ နှိပ်စက်ရင်တော့ အိမ်နီးချင်းကောင်းဖြစ်အောင် ကြိုးစားရလိမ့်မယ်။ ဒါကတော့ ကျနော့်ရဲ့ ဆုံးဖြတ်ချက် မဟုတ်ဘူး။ သူတို့အပေါ်မှာလည်း မူတည်တယ်။ ကျနော်တုိ့က ဘယ်လောက်ပဲ အတူနေချင်သည် ဖြစ်စေ သူတို့က ကျနော်တုိ့ကို နေထိုင်လို့ ဘယ်လိုမှ မဖြစ်နိုင်အောင် လုပ်ခဲ့ရင် ဒါက Option တခုအနေနဲ့ ရှိကို ရှိရမယ်။ အဲ့တာတွေအတွက်လည်း ကျနော်တို့က အားနာနေလို့မဖြစ်ဘူး။ သူတို့ကတောင် ကိုယ့်ကို သေအောင် သတ်တော့မယ်။ ကိုယ်က အားနာနေရင် ကျနော်တို့က လူမဖြစ်သင့်တော့ဘူး။ အဲ့လိုမျိုးပဲယူဆပါတယ်။

အင်တာဗျူး အပြည့်အစုံ ဖတ်လိုပါက - AA စစ်ဦးစီးချုပ်နှင့် တွေ့ဆုံမေးမြန်းခြင်း (အပိုင်း - ၂) click

အပြည့်အစုံသို့...

Friday, April 12, 2019

ရပ်ဝန်းတခု၊ လမ်းတခု Belt and Road Initiative (BRI) နှင့်ပတ်သက်သည့် မလေးရှားဝန်ကြီးချုပ် မဟာသီယာမိုဟာမက်၏ အမြင်

ညီလာခံမတက်မီ BRI နှင့်ပတ်သက်သည့် သူ၏အမြင်ကို South China Morning Post က လွန်ခဲ့သောလက မေးမြန်းသောအခါ မလေးရှားဝန်ကြီးချုပ်က အခြားနိုင်ငံများအနေဖြင့် ၎င်းတို့နိုင်ငံအတွင်း စီးဝင်သောငွေသည် တရုတ်နိုင်ငံမှ ချေးယူသော ငွေမဖြစ်ရေးအတွက် သတိပေးပြောကြားလိုက်သည်။ တရုတ်စီမံကိန်းများကို အလွယ်တကူ သဘောတူညီမှုကြောင့် အကြွေးနွံနစ်သောနိုင်ငံများသည် ၎င်းတို့၏လုပ်ရပ်အတွက် တာဝန်ခံရလိမ့်မည်ဖြစ်ကြောင်း သူပြောသည်။ ထို့ကြောင့် မလေးရှားနိုင်ငံသည် တရုတ်ချေးငွေနှင့် လုပ်ဆောင်သော စီမံကိန်းများထက် နိုင်ငံခြားတိုက်ရိုက်ရင်းနှီးမြှုပ်နှံမှုကိုသာ ပိုမိုနှစ်သက်ကြောင်း သူရှင်းပြသည်။ တရုတ်နိုင်ငံ ရင်းနှီးမြှုပ်နှံမှုနှင့် စီးပွားရေးရင်းမြစ်များကို ကြိုဆိုကြောင်း သို့သော် တရုတ်နိုင်ငံ၏ ထိန်းချုပ်မှုနှင့် သြဇာကို လက်မခံနိုင်ကြောင်းပြောသည်။

(ဆောင်းပါးအပြည့်အစုံ ဖတ်လိုပါက - ဒေါ်အောင်ဆန်းစုကြည်၏ တရုတ်ခရီးစဉ်မတိုင်မီ BRI ဆိုင်ရာ စိုးရိမ်မှု မြင့်မားနေ click)

Photo - Middle East Monitor

အပြည့်အစုံသို့...

မြောက်ဦးတိုက်ပွဲ၌ ဖမ်းဆီးခံ ရဲတပ်ဖွဲ့ မိသားစုဝင် ၇ ဦးကို AA ပြန်ပို့

မင်းအောင်ခိုင်၊ ဧရာဝတီ 12 April 2019

ရခိုင်ပြည်နယ်မြောက်ဦးမြို့နယ်အတွင်း ဖြစ်ပွားခဲ့သော တိုက်ပွဲအတွင်းက ဖမ်းဆီးခံရ သည့် ရဲတပ်ဖွဲ့ မိသားစုဝင် ၇ ဦးကို ရက္ခိုင့်တပ်တော် ( AA ) က ဧပြီလ ၁၁ ရက်နေ့က ပြန်ပို့ ပေးခဲ့ကြောင်း သတင်း ရရှိသည်။

အဆိုပါ ဖမ်းဆီးခံ ရဲတပ်ဖွဲ့ မိသားစုဝင် ၇ ဦးကို AA အဖွဲ့က ယမန်နေ့ ညနေ ၁၀ နာရီ မိနှစ် ၄၀ ခန့်က မြောက်ဦးမြို့ ဓမ္မရာဇ်ရပ်ကွက်ရှိ ပြည်သူ့ဆေးရုံကြီးထဲသို့ ပို့ဆောင်ပေး ခဲ့ခြင်း ဖြစ်သည်။

မြောက်ဦးမြို့နယ်ရဲတပ်ဖွဲ့မှူး ရဲမှူး မြင့်ဌေးက “ မနေ့သူ (ရဲ မိသားစုဝင်) တို့ ကျနော်တို့ လက်ထဲကို ပြန်ရောက်ပါပြီ၊ အားလုံး မိသားစုဝင် ၇ ဦးပါ ” ဟု ဧရာဝတီသို့ ပြောသည်။

ယင်း ပြန်ပို့လာသည့် မိသားစုဝင် ၇ ဦးမှာ လည်း ရိုက်နှက် ညှင်းပမ်းခြင်း၊ တစုံတရာ ထိခိုက်ခြင်း များ မရှိကြောင်းလည်း ၎င်းက ဆက်လက်ပြောကြားသည်။

တိုက်ပွဲအတွင်းက ဖမ်းဆီးခံ ၇ ဦးမှာ အမျိုးသမီးနှင့် ကလေးများ ဖြစ်ပြီး ဒုရဲအုပ် အောင်ကိုကိုမြင့်၏ မိခင် ဒေါ်အေးအေးနှင့် ဇနီးသည် မခင်စန္ဒာစိုး အပါအဝင် အိမ်ထောင်သည် ရဲမေ ၂ ဦးနှင့် မိသားစုဝင် ကလေးငယ်များ ၃ ဦး စုစု ပေါင်း ၇ ဦး ဖြစ်သည်။

မြောက်ဦးမြို့နယ်အတွင်းက အမှတ် ၃၁ ရဲတပ်ရင်းနှင့် လေးမြို့ မြစ်ကမ်းဘေး လေညှင်းတောင်အနီး တပ်မတော်ယာယီစခန်းတခုကို ဧပြီလ ၉ ရက် ညဉ့်အချိန် ဝင်ရောက်တိုက်ခိုက်ခဲ့ရာ အရာရှိ၊ စစ် သည် တချို့ ထိခိုက်ကျဆုံးမှု ရှိသည်ဟုလည်း ဆိုသည်။

တိုက်ခိုက်မှုမှာ ယင်းနေ့ ည ၉ နာရီကျော်မှနေ နောက်နေ့ မနက် အထိ တညလုံး တိုက်ခိုက်ခဲ့ကြပြီး ဆုတ်ခွာသွာသည့် AA တပ်ဖွဲ့ဝင်များကို ဧပြီလ ၁၀ ရက်နေ့ မနက်ပိုင်းတွင် တပ်မတော်မှ လေယာဉ်များ၊ ရဟတ်ယာဉ်များဖြင့် တိုက်ခိုက်ခဲ့သည်။

တိုက်ပွဲများကြောင့် ရဲတပ်ဖွဲ့ဝင် တဦး၏ ဇနီး သေဆုံးသွားပြီး မြောက်ဦးမြို့နယ် ချောင်းသစ် ကျေးရွာသူ ဒေါ်လှနုနှင့် ၎င်း၏ နှစ်နှစ် အရွယ် သမီးမှာ လက်နက်ကြီး အစ ထိမှန်ခဲ့သည့်အတွက် လက်ရှိ အချိန် အထိ စစ်တွေ ပြည်သူ့ဆေးရုံတွင် ကုသမှုခံယူနေရသည်။

AA အနေဖြင့် သာလွန်အင်အားကို သုံး၍ မသက်ဆိုင်သည့် မိသားစုဝင်များအား တိုက်ခိုက်ခြင်း ၊ ဖမ်းဆီး ခေါ်ဆောင်သွားခြင်းများကို ကျူးလွန်ခဲ့ကြောင်း တပ်မတော်က သတင်း ထုတ်ပြန်ခဲ့သည်။

သို့သော် AA ခေါင်းဆောင်များကတော့ တမင် ဖမ်းဆီးခေါ်ဆောင်ခြင်း မဟုတ်ဘဲ တိုက်ပွဲကြားတွင် ညှပ်ပြီး အသက်အန္တရာယ် ကျရောက်မည် စိုးရိမ်၍ ကယ်ထုတ်ခေါ်လာသည့် သဘောသာ ဖြစ်ပြီး လုံလုံခြုံခြုံနှင့် ပြန်ပို့ပေးလိုက်ပြီ ဖြစ်ကြေင်း AA ပြန်ကြားရေးတာဝန်ခံ ဦးခိုင်သုခက ဧရာဝတီသို့ ပြောသည်။

ယင်းသို့ ရဲတပ်ဖွဲ့ဝင် မိသားစုဝင်များကို AA အဖွဲ့မှ လာရောက် ပို့ဆောင်ပေး ခဲ့ကြောင်းကို မြောက်ဦး ဆေးရုံမှ တာဝန်ရှိသူများက အကြောင်းကြားလာသည့်အတွက် ယမန်နေ့ညမှာဘဲ ရဲတပ်ဖွဲ့ဝင်များက သွားရောက် ခေါ်ခဲ့ကြောင်းလည်း မြောက်ဦးမြို့နယ် ရဲတပ်ဖွဲ့မှူးရုံးမှ ရဲအရာ ရှိတဦးကလည်း ပြောသည်။

“မနေ့က ၁၀ နာရီ ကျော်လောက်မှာ သူတို့ကို ဆေးရုံသို့ လာပို့သွားတာ။ ညမထွက်ရ အမိန့်ထုတ် ထားတော့ သူတို့ မြို့ထဲဝင်ဖို့ မဖြစ်နိုင်တဲ့အတွက် မြို့ပြင်မှာ လူဝင် ၊ လူထွက်တွေရှိတဲ့ ဆေးရုံကို ပို့ခဲ့တာ ဖြစ်မယ်” ဟု ၎င်းက ဧရာဝတီသို့ ပြောသည်။

ယင်းသို့ ရဲတပ်ရင်းကို ဝင်ရောက်တိုက်ခိုက်ရခြင်းမှာ တပ်မတော်သားများက စခန်းထဲတွင် ဝင်ရောက် နေရာယူပြီး လက်နက်ကြီးများဖြင့် ပစ်ခတ်၍ ပြည်သူများကို ထိခိုက်၍ တိုက်ခိုက်ရခြင်း ဖြစ်သည်ဟု AA ခေါင်းဆောင်များက ဆိုသည်။

AA အဖွဲ့အနေဖြင့် လက်နက်ကြီးများကို ပျက်စီးစေရန် အဓိက ရည်ရွယ်တိုက်ခိုက် ခဲ့သော် လည်း တပ်မတော်က စစ်ကူလာသည့်အတွက် စခန်းထိခိုက်အောင်လောက်သာ တိုက်ခိုက်နိုင် ခဲ့ကြောင်း လည်း AA စစ်ဦးစီးချုပ် ဗိုလ်ချုပ်ထွန်းမြတ်နိုင်က ဧရာဝတီသို့ ပြောဆိုထားသည်။

ယင်းနောက် တပ်ကူလာသည့် တပ်မတော် စစ်ကြောင်းများကို မြောက်ဦးမြို့နယ်အထဲက လက္ကာ ကျေးရွာအနီးတွင် AA တပ်ဖွဲ့ဝင်များက ဖြတ်တိုက်ခဲ့သည့်အတွက် ထိုနေ့ညဉ့်က နှစ်ဘက် တိုက်ပွဲများ ပြင်းထန်ခဲ့ကြောင်းသိရသည်။

တိုက်ခိုက်ကြောင့် ရဲအရာရှိတချို့နှင့် စစ်သည် တချို့ ထိခိုက်ကျဆုံးမှု ရှိကြောင်းလည်း တပ်မတော် တင်းပြန်ကြားရေးအဖွဲ့မှ ဗိုလ်မှူးချုပ် ဇော်မင်းထွန်းက အတည်ပြုသည်။

ထိုတိုက်ခိုက်မှုနောက်ပိုင်းတွင် AA တပ်ဖွ့ဝင်များ လိုက်လံ ရှင်းလင်းရာတွင် လက္ကာ ကျေးရွာ အတွင်း အရပ်ဝတ်ဖြင့် AA အဖွဲ့ဝင် ၂၃ ဦးကိုဖမ်းဆီး ရမိကြောင်း တပ်မတော်က သတင်း ထုတ်ပြန်သည်။

သို့သော်လည်း အဆိုပါ တပ်မတော်က ဖမ်းဆီးသွားသူ ၂၃ ဦးမှာ ဒေသခံကျေးရွာသားများ ဖြစ်ပြီး တချို့မှာ အနီးဝန်းကျင် ကျေးရွာများမှ အလုပ် လုပ်ရန် ရောက်ရှိနေသူများသာ ဖြစ်ကြောင်း ဆိုသည်။

လက်ရှိအချိန်တွင် မြောက်ဦးမြို့နယ်အတွင်းက အဆိုပါ လက္ကာကျေးရွာ တရွာလုံး နီးစပ်ရာ ကျေးရွာ သူများသို့ ထွက်ပြေး နေရကြောင်းလည်း သိရသည်။

မတ်လ ၉ ရက်နေ့ကလည်း ရခိုင်ပြည်နယ် ပုဏ္ဏားကျွန်းမြို့နယ် ယိုးတရုတ်ရဲစခန်းကို ရက္ခိုင့်တပ်တော် ( AA )က ဝင်ရောက် တိုက်ခိုက်သည့်အတွက် ရဲတပ်ဖွဲ့ဝင် ၉ ဦးကျဆုံးပြီး နှစ်ဦး ထိခိုက်ဒဏ်ရာ ရရှိခဲ့ ကြောင်း သတင်း ရရှိသည်။

၂၀၁၉ ခုနှစ် ဇန်နဝါရီလ ၄ ရက်နေ့ကလည်း AA သည် ရခိုင်ပြည်နယ် ဘူသီးတောင်မြို့ နယ် အတွင်းက ရဲကင်းစခန်း ၄ ခုကို ဝင်ရောက် တိုက်ခိုက်မှုကြောင့် တပ်ဖွဲ့ဝင် ၁၃ ဦး ကျဆုံးပြီး ၉ ဦး ထိခိုက်ဒဏ်ရာ ရရှိခဲ့ကြောင်း အစိုးရမှ ထုတ်ပြန်ခဲ့သည်။

ထို နယ်ခြားစောင့် ရဲကင်းစခန်း ၄ ခုကို ဝင်ရောက်တိုက်ခိုက်ခဲ့ရာတွင် ဖမ်းဆီးရမိသည့် တပ်ဖွဲ့ဝင်များနှင့် မိသားစုဝင် ၁၈ ကိုလည်း AA က ယင်းနေ့ မွန်းလွဲပိုင်းတွင် ပင် ပြန်လွှတ်ပေးခဲ့သည်။

အပြည့်အစုံသို့...

မြောက်ဦး ရခိုင်ရွာသား ၂၇ ဦး စစ်တပ် ဖမ်းဆီး

VOA - ၁၁ ဧပြီ ၂၀၁၉

ရခိုင်ပြည်နယ် မြောက်ဦးမြို့နယ်၊ လက္ကာကျေးရွာသား ၂၇ ဦးကို တပ်မတော်ကနေ ဖမ်းဆီးခေါ်ဆောင်သွားတယ် လို့ ဒေသခံတွေက ပြောပါတယ်။ ရခိုင်လက်နက်ကိုင်အဖွဲ့ AA အဖွဲ့ဝင်တွေအဖြစ် မသင်္ကာသူတွေကို ဖမ်းဆီးထားကြောင်း တပ်မတော်က ထုတ်ပြန်ပြောထားပေမဲ့၊ ဒေသခံတွေနဲ့ ကျေးရွာတာဝန်ရှိသူတွေ ကတော့ အခု အဖမ်းဆီးခံသူတွေဟာ AA အဖွဲ့ဝင်တွေမဟုတ်ဘဲ ကျေးရွာလုံခြုံရေး ကင်းစောင့်အဖွဲတွေလို့ ပြောဆိုပါတယ်။ ဒီအကြောင်း ဗွီအိုအေမြန်မာပိုင်းသတင်းထောက် နိုင်ကွန်းအိန်ကနေ သတင်းပေးပို့ထားပါတယ်။

မြောက်ဦးမြို့က ရဲတပ်ရင်းတိုက်ခိုက်ခံရအပြီး နယ်မြေရှင်းလင်းရေး ဆောင်ရွက်မှုတွေအတွင်း လက္ကာကျေးရွာသား ၂၇ ဦးကို မြန်မာစစ်တပ်က ဖမ်းဆီးသွားခဲ့တာပါ။ မနေ့က တပ်မတော်စစ်ကြောင်းတွေ ရွာထဲဝင်လာပြီး ဖမ်းဆီးခေါ်ဆောင်သွားတဲ့အကြောင်း အဖမ်းခံရသူ ဦးအောင်စော ရဲ့ဇနီးဖြစ်သူက အခုလိုပြောပါတယ်။

“သူတို့တွေကလာကြတယ်ပေါ့ရွာထဲကိုဝင်ပြီး လက်နက်တွေအပေါ်ထောင်ပြီး ပစ်ကြတယ်ပေါ့။ ကျွန်မတို့က ကြောက်တယ်ပေါ့။ သူတို့ကအကုန်လုံးထွက်ကြတဲ့ ကျွန်မတို့ကိုခေါ်တယ်ပေါ့နော်။ အဲဒီမှာသူတို့ကတဲ့ နာမည် စာရင်းနဲ့ရတယ်တဲ့ကျွန်မတို့ကို။ ကျွန်မယောက်ျားကိုခေါ်တယ်ပေါ့။ ကျွန်မတို့ကိုနေပူထဲမှာလှန်းထားပါတယ်။ ကျွန်မတို့ယောက်ျားAAမဟုတ်ဘူးလို့။ မဟုတ်တဲ့အတွက် ကျွန်မတို့ခံစားရပါတယ်လို့။ AAအမှန်စစ်စစ်ဆို ကျွန်မ တို့မခံစားရပါဘူးလို့။ ကျွန်မတို့ဟာ ဆင်းရဲထမင်းဆင်းရဲဟင်းရှာစားရတာပါလို့ အဲတာကိုပြောတယ်။ သူတို့က မယုံဘူးတဲ့။ ခင်ဗျားတို့အိမ်မှာ သေနတ်တွေရှိတာပဲတဲ့။ အဲတာကျွန်မကပြောတယ်။ ကျွန်မတို့အိမ်တွေ အခုဖမ်း ထားတဲ့လူတွေရဲ့အိမ်တွေ အကုန်လုံးကျွန်မလိုက်ပြပေးပါ့မယ်လို့။ ဘာသေနတ်လဲမရှိဘူးလို့ မြင်လဲ မမြင်ဘူးဘူး လို့။ အခုလဲကျွန်မတို့ယောကျာ်းဘယ်ရောက်လို့ဘယ်ပေါက်မှန်းမသိဘူး။ ကျွန်မတို့ အရမ်းခံစားနေရပါတယ်။”

တပ်မတော်ဖက်ကနေ သိမ်းဆည်းရမိတဲ့ ဖွဲ့စည်းပုံစာရွက် စာရင်းတခုအရ ဒီလူတွေဟာ AA အဖွဲ့ဝင်တွေဖြစ်တယ်လို့ ဆိုပြီး ဖမ်းဆီးခဲ့တဲ့အကြောင်း ဒေသခံတွေက ပြောပါတယ်။ ဒါပေမဲ့ အဲဒီစာရွက် ဟာ ကျေးရွာလုံခြုံရေးအတွက် ကင်းလှည့်စာရွက်ဖြစ်တယ်လို့ လက်ကာကျေးရွာအုပ်ချုပ်ရေးမှူး ဦးအောင် သန်းမြင့်ကပြောပါတယ်။

“သူတို့ကရွာထဲကိုဝင်ပြီးတော့ပိတ်ဆို့မှုတွေလုပ်တုန်း ကင်းစောင့်တဲ့ဟာ ကင်းစောင့်တဲ့စာရွက် အဲဒီစာရွက် တရွက်က ရခဲ့တယ်လို့တော့။ အဲဒီစာရွက်နဲ့ နာမည်ခေါ်တော့တယ်။ ဒီလူတွေကAAဆိုပြီးတော့ သူကတယောက် ချင်းခေါ်တော့တယ်။ ကျွန်တော်တို့ကတော့ပြောတာဘဲ။ ဒီလူတွေကရွာသားတွေပါ။ AAတွေမဟုတ်ဘူး။ ရွာမှာဒီ ကျေးရွာလုံခြုံရေးအတွက် ကင်းစောင့်ဖို့အတွက် ဖွဲ့ထားတဲ့လူငယ်တွေ။ ကျွန်တော်လဲပြောတယ်။ မဟုတ်ဘူးတဲ့ ဒါAA တွေဆိုပြီးသူတို့ကခေါ်သွားတာ။”

မြန်မာစစ်တပ်ကနေ ဖမ်းဆီးခေါ်ဆောင်သွားတဲ့အထဲက လက်ကာရွာသား ၁၉ ဦးပါဝင်ပြီး တစ်ခြားရွာက လက်သမား လာလုပ်နေတဲ့သူ ၈ ဦးပါဝင်ပါတယ်။

ဒီဖမ်းဆီးမှုနဲ့ပတ်သက်ပြီး တပ်မတော်သတင်းမှန်ပြန်ကြားရေးအဖွဲ့ တွဲဖက်အတွင်းရေးမှူးဗိုလ်မှူးချုပ် ဇော်မင်း ထွန်း က အခုလိုပြောပါတယ်။

“လက်ကာကျေးရွာအနီး လမ်းမပေါ်မှာ ထိတွေ့မှုဖြစ်တယ်။ ပြီးရင် လက်ကာကျေးရွာ ဘက်ပြေးသွားတယ်။ အဲတာနဲ့ ပက်သက်လို့ ကျွန်တော်တို့စစ်ဆေးတွေဘာတွေ လုပ်တယ်ဗျ။ မသင်္ကာဖွယ်(၂၃)ဦးမိခဲ့ပါတယ်။ လက်နက်ဖမ်းဆီး ရမိတာတော့မရှိပါဘူး။ ဖမ်းဆီးရမိတာကတော့ ဖွဲ့စည်းပုံတော့ ဖမ်းဆီးရမိတာရှိတယ်။ ကျန်တာတော့စစ်ဆေး ဖေါ် ထုတ်ဆဲဘဲဗျ အခုလောလောဆယ်တော့။”

တပ်မတော်အနေနဲ့ မသင်္ကာဖွယ်သူတွေကိုဖမ်းဆီးရမိတယ်လို့ သတင်းထုတ်ပြန်ထားပေမဲ့ လက်နက်တွေ ဖမ်းဆီး ရရှိခြင်းမရှိခဲ့ပါဘူး။

ဒီလိုဖမ်းဆီးခံရမှုအတွက် ပြည်နယ်လွှတ်တော်ကိုယ်စားလှယ်တွေ လူမူကူညီရေးအသင်းအဖွဲ့တွေကလဲ ဒီမနက် မှာ လက်ကာကျေးရွာကို ရောက်ရှိနေပြီး အခြေအနေအရပ်ရပ်ကို စုံစမ်းမေးမြန်းနေပါတယ်။

မြောက်ဦးမြို့နယ်မဲဆန္ဒပြည်နယ်လွှတ်တော်ကိုယ်စားလှယ် ဦးထွန်းသာစိန်ကတော့ အဖမ်းဆီးခံရသူတွေဟာ အမှန်တကယ်ရွာသားတွေ ဖြစ်ကြောင်း သက်ဆိုင်ရာကိုတိုင်ကြားဖို့ အကြံပြုခဲ့တယ်လို့ပြောပါတယ်။

“ရွာသားတွေကကျွန်တော်ကိုတိုင်ကြပါတယ်။ တိုင်ကြတော့ကျနော်တခါတည်းနဲ့ရခိုင်ပြည်နယ်ဝန်ကြီးချုပ်ကို ကျနော်ဖုန်းဆက်ပါတယ်။ ပြီးတော့ကျနော်လွှတ်တော်ဥက္ကဋ္ဌ ကိုလဲဖုန်းဆက်ပါတယ်။ ရခိုင်ပြည်နယ် တည်ငြိမ်အေး ချမ်းရေး အထောက်အကူပြုကော်မတီ အဖွဲ့ဝင်ဖြစ်တဲ့ ဦးဇော်အေးမောင်က အဲဒီ ဖမ်းဆီးခေါ်ဆောင်သွားတဲ့ လူတွေရဲ့ အမည်စာရင်းနဲ့တကွ ကျွန်တော်ကို Viberနဲ့ပို့ပေးပါ ဆိုလို့ ကျွန်တော်Viberနဲ့ ပို့လိုက်တယ်။ သူတို့ကတော့ပြည် ထောင်စုကို တင်ထားတယ်လို့ပြောပါတယ်။ အခုလဲဘဲ ကျွန်တော်ရွာကို ရောက်နေတဲ့အကြောင်းက ဒီမိသားစုဝင် တွေ အနေနဲ့ ကိုယ်တိုင်လက်မှတ်ထိုးပြီးတော့ သက်ဆိုင်ရာအဖွဲ့အစည်းတွေကို ဒါတွေဟာ အမှန်တကယ် ရွာသား ပါဘဲ သူတို့မှာအပြစ်မရှိပါဘူးဆိုတဲ့အကြောင်းကို လက်မှတ်ထိုးပြီးတော့သက်ဆိုင်ရာဌာနတွေကို တိုင်ပါ။ ကျွန် တော် တို့ကိုလဲ မိတ္တူပေးပါဆိုပြီးတော့ အကြံပြုတဲ့ အနေနဲ့ ဒီရွာကို ရောက်နေတာဖြစ်ပါတယ်။”

ဧပြီလ ၉ ရက်နေ့ညက မြောက်ဦးမြိုရှိ ရဲတပ်ရင်းဌာနချုပ်ကို ရခိုင့်တပ်မတော် AA ကနေ၀င်ရောက်တိုက်ခိုက်ခဲ့ပြီး ရဲမိသားစုဝင်(၇)ဦးကိုလဲ ဖမ်းဆီး သွားတယ်လို့ တပ်မတော်ကာကွယ်ရေးဦးစီးချုပ်ရုံးကနေ သတင်းထုတ်ပြန်ထား ပါတယ်။ ဒါပေမဲ့ AA အဖွဲ့ဘက်ကတော့ တိုက်ပွဲဖြစ်ပွားတဲ့ လမ်းကြောင်းမှာ ဒီမိသားစုတွေကို ရှိနေခဲ့ပြီး အသက်အန္တရာယ်မဖြစ်အောင် ကာကွယ်ပေးဖို့ ကယ်ထုတ်ခဲ့တာဖြစ်ကြောင်းနဲ့ လောလောဆယ် ကောင်းမွန်စွာ စောင့်ရှောက်ထားပြီး ပြန်လည် လွဲပြောင်းပေးသွားနိုင်ဖို့ စီစဉ်နေတယ်လို့ ပြောဆိုထားပါတယ်။

၉ ရက်နေ့ညတိုက်ပွဲအတွင်း နှစ်ဖက်ထိခိုက်မှုတွေရှိခဲ့သလို မြန်မာအစိုးရဖက်က တပ်မတော်လက်နက်ကြီးတပ်က ဗိုလ်ကြီး အဆင့်တဦး အပါအ၀င် (၂၀)ဦး ကျဆုံး သွားတယ်လို့လည်း AA ဘက်ကပြောပါတယ်။

မြောက်ဦးမြို့အတွင်း ပစ်ခတ်မှုအပြီး ဆင်အိုးကျေးရွာ ဘူးရွက်မညှိုးကျေးရွာ ချောင်းသစ်ကျေးရွာဖက်မှာလဲ လက်နက်ကြီး လက်နက်ငယ် ပစ်ခတ် တိုက်ခိုက်တာတွေ ရှိခဲ့ပါတယ်။ ဒီပစ်ခတ်မှုကြောင့် အမျိုးသမီးနှစ်ဦး သေဆုံးသွားသလို ချောင်းသစ်ရွာက ကလေးငယ်တဦးနဲ့ မိခင်ဖြစ်သူတို့ ထိခိုက်ဒဏ်ရာရရှိခဲ့ပါတယ်။

လက်ရှိရခိုင်ပြည်နယ်အတွင်း တပ်မတော်နဲ့ AA တို့ဖြစ်ပွားတဲ့ တိုက်ပွဲစဉ်တွေအတွင်း အရပ်သားတွေအပေါ်ပစ်မှတ် ထားတိုက်ခိုက်မှုတွေ များလာနေလို့ ဒေသခံတွေစိုးရိမ်စိတ်တွေ တိုးပွားနေပါတယ်။

အပြည့်အစုံသို့...