တွယ်ရာမဲ့ ဘ၀များ(၃)

ဒေါက်တာလွဏ်းဆွေ

သောတရှင်များခင်ဗျာ … အခုတပတ်မှာတော့ ထိုင်း-မြန်မာနယ်စပ် ရနောင်းမြို့နဲ့ ထိုင်းနိုင်ငံမြို့တော် ဘန် ကောက်မြို့တွေမှာ နှစ်ရှည်လများ အလုပ်လုပ်ကိုင်ခဲ့တဲ့ မြန်မာနိုင်ငံသားတဦးအကြောင်းကို ကျနော်ပြောပြမှာ ဖြစ် ပါတယ်။

သူက ပခုက္ကူမြို့သားတဦးပါ။ သူဟာ အချိတ်အဆက်တခုခုနဲ့ ထိုင်းနိုင်ငံဘက်ကို ထွက်ဖို့ဆိုပြီး ၁၉၉၄ခုနှစ်မှာ အ ညာကနေ ရန်ကုန်ကို တယောက်တည်း ဆင်းလာခဲ့ပါတယ်။ အလုပ်လုပ်ဖို့ထက် သူရည်ရွယ်ထားရှိတဲ့ တစုံတခု ကို လုပ်နိုင်ဖို့အတွက် အဆက်အသွယ်ရှာမယ်ဆိုပြီး ရန်ကုန်ကိုဆင်းလာတာလို့လည်း သူက ပြောပြပါတယ်။

အဲဒီအချိန်တုန်းက သူ့အသက်က (၂၄)နှစ်ပဲ ရှိပါသေးတယ်။ အဆက်အသွယ်ရှာဖို့ ကြိုးစားရင်း ရန်ကုန်မှာ ၆လ လောက် သူ သောင်တင်နေခဲ့ပါတယ်။ အဲဒီ ၆လအတွင်းမှာ ကိုယ့်ခြေထောက်ပေါ်ကိုယ် ရပ်တည်နိုင်ဖို့အတွက် ဆူးလေဘုရားလမ်း အောက်ဘလောက်မှာရှိတဲ့ ဘဏ်(၃)နားက အညာသားတွေစုလုပ်ကြတဲ့ လက်ဖက်ရည်ဆိုင် တဆိုင်မှာ စားပွဲထိုးကနေ အဖျော်ဆရာအဆင့်အထိ သူဝင်လုပ်ခဲ့တယ်လို့ ဆိုပါတယ်။ အဲဒီလိုလုပ်ကိုင်ရင်း ထိုင်း နိုင်ငံဘက်ထွက်ဖို့ သူဆုံးဖြတ်ခဲ့ပုံကို အခုလိုပြောပြပါတယ်။

(အသံ) ရန်ကုန်မှာ ဒီလုပ်နေရင်းမတ်တပ် ကိုယ့်တယောက်တည်းကိုယ် တကယ့်ကို ရိုးရိုးသားသားနဲ့ ကြိုးကြိုး စားစားပေါ့နော်၊ မနက်လင်းကနေစပြီး ၀ိရိယစိုက်ပြီးလုပ်နေတဲ့အချိန်မှာပဲ ဒီရတဲ့ငွေကြေးကို ကျနော်စပြီး တွက်မိ လာတယ်။ အညာကနေ စထွက်လာတယ်။ အညာကငွေကြေးတွေ အဲဒီဝင်ငွေတွေနဲ့ ထွက်ငွေတွေမမျှတဲ့ အပေါ် မှာ ဒါဆိုရင် ငါရိုးရိုးသားသား လုပ်ကိုင်စားသောက်ရှာဖွေဖို့ဆိုရင် ဘယ်နေရာက ပိုပြီးတော့ ပြေပြေလည်လည် ရှိ မလဲ၊ နောက်တချက်က ကျနော်လုပ်ချင်တဲ့ ကျနော့်ရည်ရွယ်ချက်တွေ ဘယ်နေရာရောက်လို့ရှိရင် အောင်အောင် မြင်မြင် ငါထွန်းဖောက်ပြီး လုပ်နိုင်မလဲဆိုတဲ့ဟာကို စဉ်းစားမိပြီးတော့ ကျနော်ဒီဘက်ပေါ့ ထိုင်းနိုင်ငံဘက်ခြမ်းကို ထွက်ဖို့ စိတ်ကူးဖြစ်တာ။ ဘယ်သူ့မှမတိုင်ပင်ဘဲနဲ့ မိမိဘာသာမိမိ ဆုံးဖြတ်ပြီးတော့ တယောက်တည်းပဲ ထွက်လာ တယ်။

ဒါပေမယ့် ထိုင်းနိုင်ငံဘက်ကို ထွက်ဖို့အတွက်တော့ သူ့အနေနဲ့ အရင်းအနှီး သိပ်မကုန်ကျခဲ့ပဲ ကံကောင်းခဲ့ပုံကို အခုလို ဆက်ပြောပြပါတယ်။

(အသံ) ကျနော်ကတော့ ပြောမယ်ဆိုလို့ရှိရင် ကြယ်ငါးပွင့်သင်္ဘောမှာ လက်မှတ်ပေါက်ပြီး လာတာပေါ့လေ။ အဲဒီ တုန်းက ၇၅၀ပဲရှိပါတယ်။ အဲဒီတုန်းကတော့ ကျနော့်မှာ ပိုက်ဆံ ဗမာငွေ သုံးထောင်လောက်ပါတဲ့အတွက် တော် တော်ဖူလုံတယ်လို့ ပြောရမှာပေါ့လေ။ အဲဒီတုန်းကလည်း တကယ်လို့ ထိုင်းငွေကြေးနဲ့ ဗမာငွေကြေးကို ပြောရ မယ်ဆိုလို့ရှိရင်လည်း တဘတ်ကို အများဆုံး မြန်မာငွေ ၆ကျပ်ပေးရင် တဘတ်ရတယ်။ ဘတ်နဲ့လဲမယ်ဆိုလို့ရှိရင် ငါးကျပ်ခွဲ အဲသလောက်ပဲ ရှိသေးတဲ့အချိန်ပေါ့လေ။ အဲသလောက်ပဲ ရှိသေးတဲ့အချိန်ဆိုတော့ တစုံတရာပြေလည် တယ်ပေါ့။ ငွေကြေးကတော့ သုံးထောင်လောက်ပဲပါတယ်။

သူ့အနေနဲ့ အဲဒီအချိန်ကာလတုန်းက ပွဲစားတွေ၊ အလုပ်သမားပို့ဆောင်ရေး အေဂျင်စီတွေကို အားကိုးအားထားမ ပြုဘဲ ဒီနေရာတွေကို ဒီလိုသွားလို့ရတယ်ဆိုတဲ့ လမ်းကြောင်းတွေကို ကိုယ့်ဘာသာကိုယ် ရှာဖွေပြီး လာတဲ့အ တွက် အခုလို အကုန်အကျ သက်သာခဲ့တာလို့ ဆိုပါတယ်။ သူစီးလာတဲ့ ကြယ်ငါးပွင့်သင်္ဘောဟာ မြန်မာပြည် တောင်ဘက်စွန်း ထိုင်း-မြန်မာနယ်စပ်မှာရှိတဲ့ ကော့သောင်းမြို့ကို ဆိုက်ကပ်ခဲ့ပါတယ်။ သူလည်းရောက်တာနဲ့ ထိုင်းဘက်ကမ်းက ရနောင်းမြို့ကို ကူးပြီး ရေလုပ်ငန်းတွေမှာ ၀င်လုပ်ခဲ့ပါတယ်၊၊ သူရတဲ့လခက ဘယ်လောက်ရှိ ခဲ့သလဲ၊၊ ရန်ကုန်မှာ အလုပ်လုပ်ခဲ့တုန်းက ရတဲ့ဝင်ငွေနဲ့ ရနောင်းမှာလုပ်လို့ ရတဲ့ဝင်ငွေ ဘယ်လောက်ကွာသလဲ၊၊ အဲဒီမှာ ဘယ်သူတွေကို သူတွေ့သလဲဆိုတာကို အခုလိုပြောပြပါတယ်။

(အသံ) အဲဒီတုန်းက အချိန်မှာကတည်းကပေါ့ ရတဲ့ဝင်ငွေနဲ့ ဒီဘက်မှာရှိတဲ့ ကုန်ဈေးနှုန်းနဲ့ဆို မြန်မာပြည်မှာ ရခဲ့ တဲ့ လုပ်အားခထက် သူက နှစ်ဆနီးပါးလောက်ရနေတယ်။ ဒါ အလုပ်ကြမ်းသမားချင်း အတူတူပေါ့။ အလုပ်ကြမ်း သမားချင်းအတူတူ ထိုင်းနိုင်ငံထဲမှာပဲ ကျနော် သုံးစွဲနေတဲ့ကာလမှာပဲ ကျနော့်မှာ အပိုအလျှံရှိတယ် ပိုက်ဆံ။ မြန် မာပြည်ထဲမှာ လုပ်ခဲ့တုန်းက ရန်ကုန်လို မြို့ကြီးပြကြီးမှာ တကယ်ပင်ပင်ပန်းပန်းနဲ့ လုပ်ခဲ့ရတဲ့ ကာလမှာတုန်းက ကိုယ့်တယောက်စာကိုပဲ မဖူလုံဘူး။ တော်တော်ချွေတာတာတောင်မှ မကျန်ဘူးပေါ့နော်။ ဒီဘက်မှာကျတော့ အိမ်ပြန်ပို့နိုင်တယ်။ ဒီအခြေအနေပေါ်မှာ မူတည်ပြီးတော့ပဲ ကျနော်တို့လို မြန်မာနိုင်ငံထဲက လူငယ်တွေ ၈၈ ခုနှစ် နောက်ပိုင်းမှာ တော်တော်များများ ထွက်လာတာပေါ့။ ကျနော်အပါအ၀င်ပေါ့လေ။ တော်တော်များများပဲ။ ဒီဘက် ကိုရောက်တဲ့အခါမှာ ကျနော်တို့ အညာမြေလတ်ဘက်က တော်တော့်ကို ဝေးလံခေါင်းပါးတဲ့နေရာတွေက လူတွေ ပါ တွေ့ရတယ်။ တိုင်းရင်းသားတွေဆိုလည်း အစုံပဲ၊ မွန်၊ ကရင်စသဖြင့် တော်တော်များများ တွေ့ရတယ်။

သူဟာ ရနောင်းမြို့မှာ နှစ်နှစ်ခွဲလောက် အလုပ်လုပ်ခဲ့ပါတယ်၊၊ သူဟာ ငါးတွေကို ရေခဲရိုက်တဲ့လုပ်ငန်းမှာ ရေခဲ ကြိတ်တဲ့အလုပ်ကို လုပ်ပေးရပါတယ်၊၊ ဒီအလုပ်ဟာ ဘယ်လောက် ပင်ပန်းသလဲဆိုတာကို သူက အခုလို ပြောပြ ပါတယ်၊၊

(အသံ) အဓိကအကျဆုံး ကျနော်ကျွမ်းကျွမ်းကျင်ကျင် လုပ်ခဲ့တာကတော့ ရေခဲစက်ပေါ့။ အအေးခန်းတွေပေါ့ နော်။ ငါးတွေကို ရေခဲရိုက်တဲ့အခါမှာ ရေခဲကြိတ်ပေးရတဲ့ နေရာပေါ့။ အဲဒီဥစ္စာက ကျနော်တို့အမြင်မှာ မသိဘူးဆို ရင် သေးသေးကွေးကွေး အလုပ်လို့ ထင်ကြတာ၊ မြန်မာပြည်နဲ့စာရင်၊ မဟုတ်ဘူး အဲဒီလိုမဟုတ်ဘူး၊ လှေအစီး အ စိတ်သုံးဆယ်အတွက် တာဝန်ယူပြီးတော့ ကြိတ်ခွဲပြီး လုပ်ပေးနေရတာ။ တနေ့ကို ပေါင်၃၀၀ရှိတဲ့ အတုံးကို တနေ့ ကို ၁၂၄၀ထွက်တဲ့ ရေခဲစက်တခုမှာ လုပ်ရတယ်။ လူ ၈ယောက်ရှိတယ်။ ညဆိုင်း ၄ယောက် မနက်ဆိုင်း ၄ ယောက်။ ၈ယောက်ပဲခန့်တယ် အဲဒီတုန်းက။ တော်တော်ပင်ပန်းတယ်။ ပေါင် ၃၀၀တုံးကို ဆွဲလိုက် တင်လိုက် ချ လိုက် ခွဲလိုက် စိတ်လိုက်လုပ်ရတဲ့ အလုပ်ပေါ့။

ရနောင်းမြို့မှာ အလုပ်လုပ်ကြတဲ့ မြန်မာအလုပ်သမားတွေအနေနဲ့ ကုန်းပေါ်မှာဆိုရင် ရေခဲစက်တွေ၊ အအေးခန်း တွေမှာ ငါးတွေသွင်းတဲ့ထုတ်တဲ့ အလုပ်တွေ၊ ငါးရွေး ငါးခွဲတဲ့အလုပ်တွေ၊ ငါးပုံးတွေကို သယ်တဲ့ပိုးတဲ့အလုပ်တွေ၊ ပုဇွန်ရွေးတဲ့နေရာတွေမှာ လုပ်ကိုင်ကြရပြီး ရေထဲမှာတော့ လှေလိုက်တဲ့အလုပ်တွေကို ပင်ပင်ပန်းပန်းလုပ်ကိုင် ကြရတယ်လို့ သူကပြောပြပါတယ်။ သူ့အနေနဲ့ အဲဒီလို ရနောင်းမြို့က ရေခဲစက် အအေးခန်းတွေမှာ လုပ်ခဲ့တဲ့ ၁၉၉၅ -၉၆ခုနှစ် ကာလတွေမှာ လုပ်အားခအနေနဲ့ စရိတ်ငြိမ်း တရက်ကို ဘတ်၄၀ ရရှိခဲ့တယ်လို့ ဆိုပါတယ်။ ဒါ ပေမယ့် အဲဒီအချိန် တုန်းက ရနောင်းမြို့မှာ အလုပ်ရှင်တွေရဲ့ အနိုင်ကျင့် ခေါင်းပုံဖြတ်ခံရမှုတွေနဲ့ အသက်အန္တ ရာယ်ရန်ရှာခံရမှုတွေ ရှိခဲ့တဲ့အကြောင်းကို အခုလို ပြောပြပါတယ်။

(အသံ) ရနောင်းဘက်မှာတော့ ကျနော်ဝင်လာတဲ့ နှစ်တွေ ကာလတွေတုန်းကဆိုရင် ပါခေါင်းတို့ စဖန်ဖလားတို့ ဆိုတာ နာမည်ကြီးနေရာတွေပဲ။ ဒါ မြန်မာတွေ ၀င်ထွက်သွားလာနေတဲ့နေရာတွေ၊ မြန်မာတွေအများစုရှိတဲ့ ရပ် ကွက်တွေပေါ့၊ ပြောမယ်ဆိုရင် ထိုင်းနိုင်ငံထဲက။ ဆိုတော့ အဲဒီနေရာတွေမှာက နေ့တဓူဝ လူသေတာတွေရှိတယ်။ တယောက်နဲ့တယောက် သတ်ကြဖြတ်ကြပေါ့လေ။ အလုပ်ရှင်တွေကကော ခေါင်းပုံဖြတ်မှု မရှိဘူးလားဆိုတော့ ရှိတယ်။ လှေဝင်လာတယ်၊ ကိုယ့်ကို လှေဝင်စရိတ်ပေးပြီးတဲ့ အပြင်ကို ရတဲ့ငါးကီလိုပေါ် မူတည်ပြီးတော့ အစား ပေးရမယ်ဆိုတာရှိတာကိုး၊ လခအပြင်ကို။ အဲဒါတွေကို မပေးဘဲနဲ့ ခေါင်းပုံဖြတ်တာတွေရှိတယ်။ အဲဒီအငြင်းပွားမှု တွေကြောင့် အဲဒါတွေကို ရစရာရှိတဲ့သူတွေက ပြောလို့ဆိုလို့ အသတ်ခံလိုက်ရတဲ့ မြန်မာပြည်သား အလုပ်သမား တွေရှိတယ်။ ပြီးပြီဆိုလို့ရှိရင် ဒီလိုပဲ စက်ရုံလုပ်ငန်းတွေမှာလုပ်ရင်းနဲ့ သူရမယ့်ငွေတွေကို နည်းတယ် စသဖြင့် ဦး ဆောင်ပြောမိတဲ့ လူပေါ့နော်။သူတို့ဘယ်လောက်ရသင့်တယ်ထင်တယ်၊ ဘယ်လောက်ရသင့်ပါတယ်လို့ သွား ပြောမိရင်ကို အလုပ်ဖြုတ်ခံရတာတွေ၊ အသက်အန္တရာယ် ရန်ရှာခံရတာတွေ ဒါတွေကတော့ အဲဒီကာလတုန်းက ဆို နေ့တဓူဝကြားနေရတဲ့ သတင်းတွေပဲ။

သူ့အနေနဲ့ ရနောင်းမြို့မှာ နှစ်နှစ်ခွဲကျော် နေထိုင်လုပ်ကိုင်ရင်း စိတ်ထိခိုက် ကြေကွဲစရာအကောင်းဆုံး အနိုင်ကျင့် ခံရမှုတခုကို မြင်တွေ့ခဲ့ရပုံ၊ ရနောင်းကို ကျောခိုင်းပြီး ထိုင်းနိုင်ငံရဲ့မြို့တော် ဘန်ကောက်ကို စွန့်စွန့်စားစား သွား ရောက်ခဲ့ပုံနဲ့ ဘန်ကောက်မှာ ရုန်းကန်လှုပ်ရှားခဲ့ရပုံတွေကိုတော့ ရှေ့အပတ်မှာ ဆက်လက်နားဆင်ပေးကြပါ ခင် ဗျား၊၊

(အသံဖိုင်ကို www.dvb.no ၀က်ဘ်ဆိုက် အပတ်စဉ်ဆောင်းပါး စာမျက်နှာတွင် ရှာဖွေနားဆင်နိုင်ပါသည်)