Mizzima - Saturday, 21 June 2014 13:02
တောင်ငူ၊ မဇ္ဈိမ ။ ။ ၂ဝဝ၈ ဖွဲ့စည်းပုံ အခြေခံဥပဒေပုဒ်မ ၄၃၆ကို ပြင်ဆင်နိုင်ပါက မဲပေးခွင့်မရှိသည့် သံဃာတော်များပါ မဲပေးခွင့်ရမည်ဟု ဇွန်လ ၂၁ရက်က ပဲခူးတိုင်း တောင်ငူမြို့တွင် ပြုလုပ်သည့် ပုဒ်မ ၄၃၆ ပြင်ဆင်ရေး ဟောပြောပွဲတွင် သံဃာတစ်ပါး၏ အမေးကို ဒေါ်အောင်ဆန်းစုကြည်က ပြန်လည်ဖြေကြားခဲ့သည်ဟု ထိုနေရာတွင် သတင်းယူနေသည့် မဇ္ဈိမ အယ်ဒီတာတစ်ဦးက သတင်းပေးပို့သည်။
ဖွဲ့စည်းပုံအခြေခံဥပဒေပုဒ်မ အခန်း ၉ ပုဒ်မ ၃၉၂ တွင် ဖော်ပြထားသည့် ဆန္ဒမဲပေးခွင့် မရှိသည့် ပုဂ္ဂိုလ်များတွင် ပုဒ်မခွဲ (က)၌ သာသနာ့ ဝန်ထမ်းများ ပါဝင်သည်။
ဒေါ်အောင်ဆန်းစုကြည်၏ ၂ဝဝ၈ ဖွဲ့စည်းပုံအခြေခံဥပဒေပုဒ်မ ၄၃၆ ပြင်ဆင်ရေး ဟောပြောပွဲကို ဇွန်လ ၂၁ ရက် နံနက် ၁ဝ နာရီက ပဲခူးတိုင်း၊ တောင်ငူမြို့ ဒေသခံပြည်သူနှင့် အမျိုးသားဒီမိုကရေစီအဖွဲ့ချုပ် ပါတီဝင်များ အင်အား ၅ဝ,ဝဝဝ ခန့် တက်ရောက်ခဲ့သည်။
ဖွဲ့စည်းပုံအခြေခံဥပဒေ ပုဒ်မ ၄၃၆ ပြင်ဆင်နိုင်ရေးအတွက် စည်းရုံးဟောပြောပွဲနှင့် ပြည်သူ့ဆန္ဒ လက်မှတ်ကောက်ယူပွဲများကို နိုင်ငံအနှံ့တွင် အမျိုးသားဒီမိုကရေစီအဖွဲ့ချုပ်နှင့် ၈၈မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းတို့က မေလ ၂၇ ရက်မှ ဇူလိုင်လ ၁၉ ရက်အထိ ပြုလုပ်လျက်ရှိသည်။
Sunday, June 22, 2014
၄၃၆ ကို ပြင်နိုင်လျှင် သံဃာတော်တွေပါ မဲပေးခွင့်ရမည်ဟု ဒေါ်အောင်ဆန်းစုကြည် ပြော
Subscribe to:
Post Comments (Atom)
No comments:
Post a Comment