ချေးလို သေးလို ရွံရှာအော့အန်ချင်စရာ ဥပဒေကြမ်း

အောင်မျိုးထွန်း
(Aungmyo Tun’s Facebook Status)

“ညီလေး ရော့၊ အကိုကြီး အင့်” ဆိုပြီး ဘော်လီဘောပုတ်နေကြတဲ့ “ဘာသာသာသနာနဲ့  စပ်လျဉ်းတဲ့ ဥပဒေ ၄ ရပ်” ပြဌာန်းနိုင်ရေး သမ္မတနဲ့  လွှတ်တော် ကစားပွဲက ဒီနေ့ မှာတော့ လူထုကြားထဲ ရောက်လာခဲ့ပါပြီ။ အဆိုပါ ဥပဒေ ၄ ခုမှာ (၁) ကိုးကွယ်ရာဘာသာ ကူးပြောင်းခြင်း (၂) လူဦးရေတိုးပွားမှုနှုန်း ထိန်းညှိခြင်း (၃) လက်ထပ်ထိမ်းမြားခြင်း (၄) တလင်တမယားစနစ် ကျင့်သုံးခြင်းတို့ ဖြစ်ပြီး အစိုးရပိုင်သတင်းစာများကနေ ကိုးကွယ်ရာဘာသာ ကူးပြောင်းခြင်းဆိုင်ရာ ဥပဒေပြဌာန်းချက်များ (မူကြမ်း) ကို အများပြည်သူတို့  သိရှိရန်နဲ့  အကြံပေးနိုင်ရန် ထုတ်ပြန်ကြေညာခဲ့ပါတယ်။ နောက်ရက်များမှာလည်း ဥပဒေအမှတ် ၂၊ ၃၊ ၄ ကို ဆက်လက် ဖော်ပြလာနိုင်ပါတယ်။

ကိုးကွယ်ရာဘာသာ ကူးပြောင်းခြင်းဆိုင်ရာဥပဒေမှာတော့ ဘာသာမဲ့အဖြစ်မှ၎င်း၊ မိမိကိုးကွယ်ရာ ဘာသာတခုခုမှ၎င်း အခြားကိုးကွယ်ရာဘာသာတခုခုသို့ ကူးပြောင်းချင်တဲ့အခါ ပြုမူလုပ်ဆောင်ရမယ့်အချက်တွေကို အသိပေးထားတာပါ။ ပုဆိုးတခါ ပြင်ဝတ်သလို၊ ထဘီတခါပြင်ဝတ်သလို အလွယ်တကူ ကူးပြောင်းဖို့ မဖြစ်နိုင်တော့ဘဲ အဆိုပါဥပဒေထဲမှာ ပါဝင်တဲ့ “မှတ်ပုံတင်ရေးအဖွဲ့ ” ရဲ့  ခွင့်ပြုချက် ရရှိမှသာ ဘာသာကူးပြောင်းနိုင်မှာဖြစ်ပါတယ်။ မှတ်ပုံတင်ရေးအဖွဲ့ မှာ အဖွဲ့ ဝင် (၇) ဦး ပါရှိပြီး ဥက္ကဌ မြို့ နယ်သာသနာရေးမှူးအပါအ၀င် မြို့ နယ် လ၀က ဦးစီးမှူး၊ မြို့ နယ် ဒု ထွေ/အုပ်မှူး၊ မြို့ နယ် ထွေ/အုပ်မှူးက ရွေးချယ်တဲ့ ရပ်မိရပ်ဖ နှစ်ဦး၊ မြို့ နယ်အမျိုးသမီးရေးရာအဖွဲ့ ဥက္ကဌနဲ့  မြို့ နယ်ပညာရေးမှူးက တာဝန်ပေးထားတဲ့ ပညာရေးဝန်ထမ်းတဦးတို့ ဖြစ်ကြပါတယ်။ အဖွဲ့ ရဲ့ အတွင်းရေးမှူးရာထူးကို မြို့ နယ်ပညာရေးမှူးရဲ့ လူက တာဝန်ယူပါတယ်။ ဘာသာကူးပြောင်းခြင်းဆိုင်ရာ မှတ်ပုံတင်ရေးအဖွဲ့ မှာ အစိုးရအဖွဲ့  ၀န်ကြီးဌာန (၄) ခုတိတိနဲ့  အစိုးရနဲ့ နီးစပ်တဲ့ အရပ်ဖက်အဖွဲ့ အစည်းတခု ပါဝင်နေတာကို ကြည့်ခြင်းအားဖြင့် ဒီအဖွဲ့ ရဲ့လုပ်ပိုင်ခွင့်နဲ့  ဆုံးဖြတ်ချက်တွေဟာ သမ္မာသမတ်ကျစွာ လွတ်လပ်မှုရှိပါ့မလားလို့ မေးခွန်းထုတ်စရာပါပဲ။

ဘာသာကူးပြောင်းလိုတဲ့အခါ အဆိုပါအဖွဲ့ မှ သတ်မှတ်ထားတဲ့ လိုအပ်တဲ့ အချက်အလက်များ ပါဝင်တဲ့ လျှောက်လွှာမှာ ဘာသာပြောင်းလိုသူက ရေးသားဖြည့်စွက်ရပါမယ်။ အဆိုပါ ဖြည့်စွက်ရန် အပိုဒ် (ဂ) အပိုဒ်ခွဲ (၉) မှာ “ကိုးကွယ်ရာဘာသာ ကူးပြောင်းလိုသည့် အကြောင်းအရင်း” ဆိုတဲ့ မေးခွန်းတခုကို မဖြစ်မနေ ဖြည့်စွက်ဖို့ လိုပါတယ်။ ဒါ့အပြင် ကူးပြောင်းလိုတဲ့ ဘာသာအပေါ် အမှန်တကယ် သက်ဝင်ယုံကြည်ခြင်း ရှိ/မရှိ နဲ့ စပ်လျဉ်းပြီး မှတ်ပုံတင်ရေးအဖွဲ့ ရဲ့  မေးမြန်းမှုကို ခံယူရပါလိမ့်မယ်။ ဒီလို စစ်ဆေးမေးမြန်းတဲ့အခါ ခြိမ်းခြောက်၊ သွေးဆောင်၊ နိုင်လိုမင်းထက်ပြုကျင့်၊ သြဇာလွှမ်းမိုးခြင်းတွေကို အဆိုပါ အဖွဲ့ ဝင်များဘက်က ရှောင်ကျဉ်ရမယ် ဆိုပေမယ့် အာဏာပိုင်များဆိုတဲ့ အသိဟာ ဖြေဆိုရတော့မယ့် ဘာသာကူးပြောင်းလိုသူတဦးအတွက် အကျဉ်းအကျပ်ဖြစ်စေသလို လွတ်လပ်စွာ ထုတ်ဖော်ပြောဆိုလိုခြင်းအတွက် အကန့် အသတ်များ ရှိလာနိုင်ပါတယ်။ ဒါ့အပြင် မိမိကူးပြောင်းဝင်ရောက်လိုတဲ့ ဘာသာတရားရဲ့  အနှစ်သာရ၊ လက်ထပ်ထိမ်းမြားခြင်း၊ ကွာရှင်းခြင်း၊ ပစ္စည်းခန်းခွဲဝေခြင်း၊ အမွေခံခြင်းနဲ့  သားသမီးများ အုပ်ထိန်းခြင်းဆိုင်ရာ ဓလေ့များကို ဘာသာပြောင်းချင်သူအနေနဲ့  ဂဃနဏ သိရှိသဘောပေါက်ထားရန် လိုအပ်ပြီး ဒီကိစ္စမှာ အခက်အခဲဖြစ်နေပါက မှတ်ပုံတင်ရေးအဖွဲ့ဝင်များ ကူညီဖြေရှင်းပေးရန်ဆိုတဲ့အချက်လည်း ပါဝင်ပါတယ်။ လက်ရှိ ကိုးကွယ်ခံယူထားတဲ့ ဘာသာတရားသို့  ၀င်ရောက်လာစဉ်က ယင်းကိစ္စကို အရေးတကြီးအချက်အဖြစ် အသိမပြု၊ အမှုမဲ့ အမှတ်မဲ့ထား၊ စည်းမျဉ်းမရှိခဲ့ပေမယ့် ဘာသာကူးပြောင်းလိုတဲ့အခါ “မင်းတို့ ဒါတွေ သိထားမှ ဘာသာပြောင်းခွင့်ပြုမယ်” ဆိုတဲ့ အမိန့်ဒီဂရီက တရားပါ့မလား မေးခွန်းတခုဖြစ်လာပါတယ်။

အဆိုပါ ဥပဒေ အခန်း (၅) မှာ မည်သူမျှ ဘာသာသာသနာကို စော်ကားရန်၊ အကြည်အညိုပျက်စေရန်၊ ဖျက်ဆီးရန် သို့ မဟုတ် အလွဲသုံးစားပြုလုပ်ရန်အကြံဖြင့် ကိုးကွယ်ရာဘာသာ ကူးပြောင်းရန် လျှောက်ထားခြင်း မပြုရ၊ ငွေကြေးအနှောင်အဖွဲ့ သွေးဆောင်ဖြားယောင်းခြင်း မရှိစေရ ဆိုတဲ့ တားမြစ်ချက်များကို ဖော်ပြထားပြီး ဘာသာကူးပြောင်းလိုသူကို မည်သူမျှ ဟန့် တား ပိတ်ပင် နှောင့်ယှက်ခြင်းများ မပြုရ ဆိုပြီးလည်း ရေးသားထားပါတယ်။ တားမြစ်ချက်များ ဖောက်ဖျက်သူကို ပြစ်ဒဏ်အဖြစ် အများဆုံး ထောင်ဒဏ် ( ၂) နှစ်အပြင် ဒဏ်ငွေ ကျပ် နှစ်သိန်းထက် မပိုသောငွေကို ပေးဆောင်ကျခံရမယ်လို့ ပြဌာန်းထားပါတယ်။

ဗမာပြည်မှာ မှီတင်းနေထိုင်ကြသူ အများစုက ဗုဒ္ဓဘာသာဝင်တွေဖြစ်ပါတယ်။ သမ္မတနဲ့  လွှတ်တော်က ပြည်သူလူထုကြား ချပြလိုက်တဲ့ ကိုးကွယ်ရာဘာသာ ကူးပြောင်းခြင်းဆိုင်ရာဥပဒေဟာ တည့်တည့်ပြောရရင် ဗုဒ္ဓဘာသာဝင်များက အခြား အစ္စလာမ်ဘာသာ၊ ခရစ်ယာန်ဘာသာများသို့  ကူးပြောင်းတဲ့အခါ အရင်လို ပေါ့ပေါ့ပါးပါး လွယ်လင့်တကူ မဖြစ်နိုင်အောင် အတားအဆီး ခံကတုတ်တွေကို ပစ်ချလိုက်တဲ့သဘောဖြစ်ပြီး ဒီဥပဒေရဲ့ ပစ်မှတ်က ဗုဒ္ဓဘာသာဝင်များဖြစ်ပါတယ်။ အစိုးရသစ်လက်ထက်မှာ ပေါ်ပေါက်ခဲ့တဲ့ အမျိုးဘာသာသာသနာစောင့်ရှောက်ရေးအဖွဲ့  (မဘသ) ရဲ့  ကြွေးကြော်သံ၊ အနှစ်သာရ၊ ရည်မှန်းချက်နဲ့  သံတူကြောင်းမကွဲ အဓိပ္ပာယ်ချင်း နီးစပ်လှတာ သတိချပ်မိပါတယ်။

ဘာသာတရားကိုးကွယ်မှုဟာ လူသားတယောက်ရဲ့  ကိုယ်ပိုင်လွတ်လပ်ခွင့်ပါ။ မိမိကိုးကွယ်လိုရာ ဘာသာကို လွတ်လပ်စွာ ရွေးချယ်ခွင့်ရှိသလို ဒီဘာသာကို မကြိုက်ရင် မကြိုက်ကြောင်း စာတစောင် ပေတဖွဲ့ ရေးလို့  သံတော်ဦးတင်စရာ မလိုအပ်ပါ။ အခြားဘာသာတရား တခုခုကို ကူးပြောင်းတဲ့ အခါမှာလည်း ပါရဂူတန်း စာမေးပွဲဖြေဆိုသလို ဘာကြောင့် ဘာအတွက် မေးခွန်းတွေကို ဖြေဆိုနေစရာ မလိုအပ်ပါဘူး။ အဲဒီလို လုပ်ထားတဲ့ ဘာသာတရားများကိုလည်း “အကျဉ်းကျခံဘုရားများ” လို့  သတ်မှတ်ပါတယ်။ လူသားဘ၀ ဖြစ်တည်နေသမျှ ရှိရှိသမျှ ဘာသာအားလုံးသို့ ကူးပြောင်းခံယူစမ်းသပ်ခွင့် အလွယ်တကူရှိရမှာ ဖြစ်သလို ဘယ်ဘာသာတခုခုကိုမျှ မကိုးကွယ် မယုံကြည်ခွင့်လည်း ပြုရပါမယ်။ ဒါဟာ လူသတ္တ၀ါရဲ့  မွေးရာပါ ရပိုင်ခွင့်ပါ။

တကယ်တော့ ဘုရားတွေဆိုတာ လူသားဖြစ်စဉ် နှစ်ပေါင်း (၉) သန်းနဲ့  နှိုင်းယှဉ်ကြည့်ရင် ပေါ်လာတာ ဘာမှ မကြာသေးပါ။ လူကအရင် ဘုရားကနောက် ဆိုတာ သတိပြုဖို့ လိုပါတယ်။ လူမရှိဘဲ ဘုရားတွေသာ ရှိနေရင် အလကားပါဘဲ။ လူသားရဲ့ အနှစ်သာရထက် ဘယ်အရာကိုမှ ဦးစားပေးဖို့ ရန်အကြောင်း မရှိပါ။ အဆိုးဆုံးက မိမိရဲ့ ကိုးကွယ်ရာဘာသာတရားကို အာဏာပိုင်၊၊ အစိုးရနဲ့  ဥပဒေများက ပေးအပ်ထားတဲ့ စာရင်းထဲ ရွေးချယ်နေရတဲ့အဖြစ်ဟာ တကယ့်ကို အမြီးအမောက်မတည့်တဲ့ကိစ္စဖြစ်ပြီး သူတို့ ရဲ့  ခွင့်ပြုချက်ရမှ၊ အသိအမှတ်ပြုမှ ဘာသာတရားတခုခုကို ယုံကြည်ခွင့် ကိုးကွယ်ခွင့်ရှိတယ်ဆိုတာ လူ့ ဂုဏ်သိက္ခာနဲ့  မညီညွတ်တဲ့အတွက်၊ မွေးရာပါ လူ့ အခွင့်အရေးကို ချိုးဖောက်ခံနေရတယ်လို့  ယူဆတဲ့အတွက် ဒီဥပဒေကြမ်းကို ချေးလို သေးလို ရွံရှာအော့အန်ချင်စရာအဖြစ် သဘောထားပါကြောင်း မှတ်ချက်ပြုလိုက်ရပါတယ်။ ။