(၈၉) နှစ်ပြည့် ဆရာဗန်းမော်တင်အောင်သို့ ဦးညွှတ်ဂုဏ်ပြုခြင်း

ဗန်းမော်တင်အောင် [၁၉၂ဝ - ၁၉၇၈]

ပဲခူးမြို့တွင် အဖ ကျောင်းဆရာ ဦးနေ၊ အမိ ဒေါ်စောမြိုင်တို့က ၁၉၂ဝ ပြည့်နှစ် ဇွန်လ (၉) ရက်နေ့တွင် ဖွား မြင်ခဲ့သည်။ မွေးချင်းသုံးယောက်တွင် အကြီးဆုံးဖြစ်သည်။ ဇာတာအမည် မောင်တင်ဦး၊ အမည်ရင်းမှာ ဦးတင် အောင်ဖြစ်သည်။ ဗန်းမော်တင်အောင်၏ ကလောင်ခွဲများမှာ ဆီမီးခွက်၊ တင်ဦး၊ မောင်တင်အောင်၊ မောင်အေး သွင်၊ တင်အောင် (ဟိုက်စကူး ကျောင်းသား)၊ ဦးတင်အောင် (အယ်ဒီတာ)၊ ထွန်းလင်း၊ မဟာအောင်၊ မောင် မောင်လတ်၊ မောင်ရေချမ်း၊ လင်းယုန် နှင့် လင်းယုန် (ဗမာနိုင်ငံ) တို့ ဖြစ်ကြသည်။

ပဲခူးမြို့ အစိုးရအထက်တန်းကျောင်း (၁၉၂၆ - ၂၉) တွင် ဒုတိယတန်းအထိ၊ တောင်ငူမြို့ အစိုးရအထက်တန်း ကျောင်း (၁၉၂၉ - ၃၁) တွင် စတုတ္ထတန်းအထိ၊ စစ်ကိုင်းမြို့ အစိုးရအထက်တန်းကျောင်း (၁၉၃၁ - ၃၂) တွင် ပဉ္စမတန်း အထိ၊ ဗန်းမော်မြို့ အစိုးရအထက်တန်းကျောင်း (၁၉၃၂ - ၃၅) တွင် သတ္တမတန်းအထိ၊ ရန်ကုန် ဟိုက်စကူးကျောင်း (၁၉၃၅ - ၃၈) တွင် ဆယ်တန်းအောင်သည်အထိ ပညာသင်ကြားခဲ့သည်။

ဆယ်တန်းအောင်ပြီးနောက် ၁၉၃၈ ခုနှစ်၌ မြန်မာ့အလင်းသတင်းစာတွင် အလုပ်သင်သတင်းထောက်အဖြစ် အလုပ်စတင်လုပ်ခဲ့သည်။ စတီးဘရားသားကုမ္ပဏီ သစ်ကိုယ်စားလှယ် (၁၉၃၉ - ၄ဝ)၊ ဗြိတိသျှစစ်တပ် အ ထက်မြန်မာပြည်တပ်ရင်း တပ်စုမှူး [တပ်ကြပ်ကြီး] (၁၉၄၁ - ၄၂)၊ သစ်တောဋ္ဌာန သစ်ဖြတ်ဝန်ထောက် (၁၉၄၂ - ၄၅)၊ စတီးဘရားသား သစ်ကိုယ်စားလှယ် (၁၉၄၅ - ၄၆)၊ ၁၉၄၆ - ၄၉ တွင် သစ်ကုန်သည်၊ သစ်အ ဝယ်တော်လုပ်ငန်းများကို လုပ်ကိုင်ခဲ့ပြီးနောက် သတင်းစာဆရာ၊ စာရေးဆရာဘဝဖြင့် ကွယ်လွန်သည်အထိ ရပ်တည်နေထိုင်သွားခဲ့သည်။

'လင်းယုန်' ကို ၁၉၄၆ ခုနှစ်ကတည်းကပင် ပြည်မြို့မှ ထုတ်ဝေနိုင်ရန် ကြိုးစားခဲ့ဖူးသည်။ တာရာမဂ္ဂဇင်း တွဲ ဖက်အယ်ဒီတာ (၁၉၄၉)၊ လင်းယုန်ဂျာနယ် ထုတ်ဝေသူနှင့် အယ်ဒီတာ (၁၉၅ဝ - ၅၂) နှင့် (၁၉၅၇ - ၅၉)၊ လင်းယုန်သတင်းစာ ထုတ်ဝေသူနှင့် အယ်ဒီတာ (၁၉၅၁ - ၅၂) နှင့် (၁၉၅၈)၊ မြန်မာစာပေမဂ္ဂဇင်း ထုတ်ဝေသူ နှင့် အယ်ဒီတာ (၁၉၅၁) တာဝန်များကို ယူခဲ့သည်။ ယုံကြည်ချက်ကို စာပေဖြင့် တင်ပြရုံမျှမက လူထုလှုပ်ရှားမှု များတွင် ကိုယ်တိုင်ကိုယ်ကျ ပါဝင်ခဲ့သည်။

ကမ္ဘာ့ငြိမ်းချမ်းရေးကွန်ဂရက်(မြန်မာနိုင်ငံ) အမှုဆောင်လူကြီး (၁၉၅၁ - ၆၃)၊ မြန်မာနိုင်ငံစာရေးဆရာအသင်း အမှုဆောင် (၁၉၅ဝ - ၅၁)၊ ပြည်တွင်းငြိမ်းချမ်းရေးအဖွဲ့ အတွင်းရေးမှူးအဖွဲ့ဝင် (၁၉၅၇ - ၆၃)၊ စာရေးဆရာ စာပေကလပ် အမှုဆောင် (၁၉၆၁)၊ ပြည်ထောင်စုမြန်မာနိုင်ငံ စာရေးဆရာ သမဂ္ဂဥက္ကဋ္ဌ (၁၉၆၃ - ၆၄) တာ ဝန်များကို ထမ်းဆောင်ခဲ့သည်။ ၁၉၃၆ ခုနှစ်တွင် မြန်မာ-အယ်လ်ဘေးနီးယား မိတ်ဆွေဖြစ်အသင်း ဥက္ကဋ္ဌနှင့် တရုတ်ဖြူကျူးကျော်မှုနှင့် နယ်ချဲ့ဆန့်ကျင်ရေး အမျိုးသားကော်မတီ ဒုက္ကဋ္ဌတို့တွင်လည်း တာဝန်ယူခဲ့သည်။

ဖဆပလအစိုးရခေတ်တွင် စာပေအရေးအသားကြောင့် ၁၉၅၂ သြဂုတ်လ (၂၉) ရက်နေ့မှ ၁၉၅၇ ဇန်နဝါရီလ (၄) ရက်နေ့အထိ (စုစုပေါင်း ၄ နှစ် ၄ လ ၆ ရက်) ပထမဆုံး အဖမ်းခံရသူဖြစ်ခဲ့သည်။ ၁၉၅၈ နိုဝင်ဘာလထုတ် လင်းယုန်ဂျာနယ်ပါ အရေးအသားကြောင့် ၁၉၅၉ ခုနှစ်ကနေ ၁၉၆၂ အထိ (၂) နှစ်ကြာ ထပ်မံဖမ်းဆီးခံရပြန် သည်။ တဖန် ၁၉၅၆ မှ ၁၉၇၂ ထိ စာပေအရေးအသားကြောင့် ကိုကိုးကျွန်းတွင် (၅) နှစ်နှင့် အင်းစိန်ထောင်၌ (၂) နှစ်ခန့် အကျဉ်းချထားခံရပြန်သည်။ အကျဉ်းထောင်နှင့် ကိုကိုးကျွန်းတွင် စုစုပေါင်း (၁၃) နှစ်မျှ နေထိုင်ခဲ့ရ သည်။

စာပေလောကသို့ ပထမဆုံးဝင်ရောက်လာသည်မှာ ၁၉၃၈ တွင် ဖြစ်သည်။ 'မောင်တင်အောင်' ကလောင် အ မည်ဖြင့် ရေးသားသော "ဘုန်းမေ့နိုင်ဘူး" ဝတ္ထုနှင့်ပင်ဖြစ်သည်။ ထို့နောက် 'မြန်မာ့ရုပ်ရှင်'၊ 'ဘားမားဂျာနယ်'၊ 'မြန်မာ့တာဝန်' မဂ္ဂဇင်းများတွင် 'မောင်တင်အောင်၊ ဟိုက်စကူးကျောင်း၊ ရန်ကုန်' အမည်ဖြင့် ဝတ္ထုများ ရေးခဲ့ သည်။ ၁၉၃၉ တွင် 'မဟာအောင်' ကလောင်အမည်ဖြင့် 'ဂျာနယ်ကျော်' တွင် "စစ်ထွက်ယောက်ျား" ဝတ္ထုတိုကို ရေးသားခဲ့သည်။ ၁၉၄၉ နိုဝင်ဘာ 'ဂျာနယ်ကျော်' တွင် 'ဗန်းမော်တင်အောင်' ကလောင်အမည် စယူပြီး "နော်မူ ဂေး" ဝတ္ထုတိုကို ရေးခဲ့သည်။ ဗန်းမော်မြို့တွင် ပညာသင်ကြားခဲ့ရသည်ကို စိတ်၌ စွဲမှတ်ကာ ကလောင်နာမည် တွင် 'ဗန်းမော်' ထည့်ယူခဲ့သည်။ ဗန်းမော်တင်အောင် ကလောင်အမည်ဖြင့် ပထမဆုံး ထုတ်ဝေပြီး ထင်ရှား ကျော်ကြားခဲ့သော လုံးချင်းဝတ္ထုမှာ "ဘုန်းမောင် တယောက်ထဲရယ်" ဖြစ်သည်။

ဗန်းမောင်တင်အောင် ရေးသားထုတ်ဝေခဲ့သော ဝတ္ထုများမှာ ...
၁။ လွမ်းရစ်တော့ သက်လှယ်ရယ် (၁၉၄၉)၊
၂။ ဤလူ့ရိပ်မြုံ (၁၉၅ဝ)၊
၃။ ဘဝသံသရာ မကြင်ရမယ့် (၁၉၅ဝ)၊
၎။ ဒေါက်တာရေချမ်း (၁၉၅ဝ)၊
၅။ မုန်တိုင်းထဲက လူ (၁၉၅ဝ)၊
၆။ ခင်မမကြူ (၁၉၅၁)၊
၇။ ငွေနှင်းမှုံမှုံ (၁၉၅၁)၊ သူပုန်ကြီး (၁၉၅၁)၊
၈။ ပြည်တော်သာ ခင်ခင်ဦး (၁၉၅၂)၊
၉။ မောင့်မေတ္တာ (၁၉၅၂)၊
၁၀။ အညတရ (၁၉၅၂)၊
၁၁။ အမေ (၁၉၅၃)၊
၁၂။ အညတရ (၁၉၅၃)၊
၁၃။ ပြန်ကြုံတွေ့ရပါပြီ (၁၉၅၅)၊
၁၄။ မောင့်သက်လှယ် (၁၉၅၇)၊
၁၅။ မုန်တိုင်းကထန် (၁၉၅၇)၊
၁၆။ ချောကလက် ဗိုလ်ကြီး (၁၉၅၈)၊
၁၇။ မြိုင် (၁၉၅၈)၊
၁၈။ မမကြီး (၁၉၆ဝ)၊
၁၉။ ငသြ (၁၉၆၁)၊
၂၀။ နှလုံးသားမေတ္တာ မျက်ရည်တို့အကြောင်း (၁၉၆၁)၊
၂၁။ မောင်လွမ်းဝေ (၁၉၆၁)၊
၂၂။ မြကေသီ (၁၉၆၁)၊
၂၃။ မှောင်ထဲက ကဗျာတပုဒ် (၁၉၆၁)၊
၂၄။ လောက ပြဿနာ (၁၉၆၁)၊
၂၅။ ဖြစ်လေရာ ဘဝကွယ် (၁၉၆၁)၊
၂၆။ ဘုန်းမောင်တယောက်ထဲရယ် (၁၉၆၁)၊
၂၇။ အချစ်နှင့် စစ် (၁၉၆၂)၊
၂၈။ မုန်တိုင်းထဲက ကဗျာရှင် ရောင်နီဦးဆီ (၁၉၆၂)၊
၂၉။ မုန်းမေ့မှာ စိုးလှသည် (၁၉၆၂)၊
၃၀။ ဘုန်းမောင်မေတ္တာ (၁၉၆၂)၊
၃၁။ ပန်းများပွင့်သော ညတည (၁၉၆၂)၊
၃၂။ ချစ်အဏ္ဏဝါဘွေ (၁၉၆၂)၊
၃၃။ ဝမ်းနည်း ဝမ်းသာ (၁၉၆၂)၊
၃၄။ ရဲဘော် အောင်ဒင် (၁၉၆၂)၊
၃၅။ ကျနော် (၁၉၆၃)၊
၃၆။ မုန်းမေ့လေသလား (၁၉၆၃)၊
၃၇။ မခင်နီနှင့် ဝရမ်းပြေး အုန်းဖေ (၁၉၆၃)၊
၃၈။ ရိုးမတိုက်ပွဲ (၁၉၆၃)၊
၃၉။ ရွှေဥသြ (၁၉၆၃)၊
၄၀။ လူ့အောက်က လူ (သို့မဟုတ်) အညတရ တောကြက် (၁၉၆၄)၊
၄၁။ မောင့်မေတ္တာ (၁၉၅၆)၊
၄၂။ မြိုင် (၁၉၆၅)၊
၄၃။ မိုးတောင်ကချုန်း (၁၉၆၇)၊
၄၄။ မုန်းတိုင်းထဲက လူ (၁၉၆၇)၊
၄၅။ မိအေး (၁၉၇၂)၊
၄၆။ ရွှေပြည်တော် မျှော်တိုင်းဝေး (၁၉၇၂)၊
၄၇။ မိအေး (၁၉၇၂)၊
၄၈။ အဘမိုးကျော် (၁၉၇၃)၊
၄၉။ ဟေဝန်ပန်းမြိုင် (၁၉၇၃)၊
၅၀။ မြစ်ဧရယ်ပေါ်ဝယ် (၁၉၇၃)၊
၅၁။ မြရင်မ (၁၉၇၃)၊
၅၂။ ဒေါက်တာ လွမ်းဝေ (၁၉၇၃)၊
၅၃။ ဟေဝန်ပန်းမြိုင် (၁၉၇၃)၊
၅၄။ ပုဂံရွှေပြည် (၁၉၇၄)၊
၅၅။ မေခင် (၁၉၇၄)၊
၅၆။ မင်းပြစ်မင်းဒဏ် (၁၉၇၄)၊
၅၇။ ကြေးစား (၁၉၇၅)၊
၅၈။ ပန်းဝေဝေ (၁၉၇၅)၊
၅၉။ သဘာဝတ္တ (၁၉၇၆)၊
၆၀။ သူ့ဇာတ်ကောင် - သူ့ဝတ္ထု - သူ့စာရေးဆရာ (၁၉၇၇)၊
၆၁။ ပါမောက္ခ အုန်းကျော်နှင့် လမ်းဘယ်မမြင်၊
၆၂။ ဆန့်ကျင်ဖက် သမီးပျို
၆၃။ အမေ၊
၆၄။ သင်းရနံ့လှိုင်၊
၆၅။ လူ၊ စသည့် လုံးချင်းဝတ္ထုကြီးများ။
၆၆။ မမထားနှင့် အခြားဝတ္ထုတိုများ (၁၉၅၇)၊
၆၇။ မခင်နီနှင့် လက်ရွေးစင်ဝတ္ထုတိုများ (၁၉၅၇)၊
၆၈။ ညိုဝါရွှေနှင့် လက်ရွေးစင်ဝတ္ထုတိုများ (၁၉၆၁)၊
၆၉။ မြန်မာမျိုးချစ်ပြောက်ကျားခေါင်းဆောင်ကြီး ငမြတ်ထွန်းနှင့် ၀တ္ထုရှည်နှစ်ပုဒ် (၁၉၇၂)၊ စသည့် ဝတ္ထုတို ပေါင်းစု စာအုပ်များ။
၇၀။ မြန်မာနိုင်ငံတော်သမိုင်း (၁၉၆၃)၊
၇၁။ ကိုလိုနီခေတ် မြန်မာနိုင်ငံသမိုင်း (၁၉၆၄)၊ စသည့် သမိုင်းစာအုပ်များ။
၇၂။ ဆိုရှယ်လစ်ဋီကာ (၁၉၆၃)၊
၇၃။ ဆိုရှယ်လစ်အဘိဓာန် (၁၉၆၄)၊ စသည့် နိုင်ငံရေးသဘောတရားစာအုပ်များ။
၇၄။ ဘာလင်ပြဿနာ (၁၉၆၁)၊
၇၅။ တတိယကမ္ဘာစစ်ကြီး ဖြစ်မည်လော (၁၉၆၁)၊
၇၆။ တရုတ် - ဆိုဗီယက် အရေးတော်ပုံ (၁၉၆၃)၊
၇၇။ ကမ္ဘာ့နိုင်ငံကြီးများနှင့် တတိယကမ္ဘာ (၁၉၇၆)၊ စသည့် နိုင်ငံတကာရေးရာ စာအုပ်များ။
၇၈။ သဘာဝသိပ္ပံ တစေ့တစောင်း လေ့လာခြင်း (၁၉၇၄)၊
၇၉။ အဏုစကြဝဠာနှင့် မဟာစကြဝဠာ (၁၉၇၄)၊
၈၀။ ရုပ်ကမ္ဘာ (၁၉၇၈)၊ စသည့် သိပ္ပံပညာ စာအုပ်များ။
၈၁။ အေပီ ချက်ကော့ဖ် ဝတ္ထုတိုများ (၁၉၅၆)၊
၈၂။ တာရာ့စ်ဘူလာဘာ (၁၉၅၇)၊
၈၃။ သေလျှင် မြေကြီး (၁၉၆၄)၊
၈၄။ အိန်စတိန်းနှင့် သူ၏ ဓမ္မတရား (၁၉၇၅)၊
၈၅။ ဂျက်လန်ဒန်၊ သူ့ဘဝ သူ့စာပေ၊ စသည့် ဘာသာပြန်စာအုပ်များ ရေးသားခဲ့သည်။

နောက်ဆုံး ပြုစုခဲ့သော စာအုပ်မှာ 'လူ' ဖြစ်သည်။ ၁၉၆ဝ ပြည့်နှစ် စာပေဗိမာန်ဆုတွင် ဝတ္ထုရှည်ဆု၌ အောင် လင်း၏ 'အရိုင်းစံပယ်' နှင့် 'မမကြီး' တို့ကို တွဲဖက်ပေးခဲ့သော်လည်း ဆုလက်ခံရယူခြင်း မပြုခဲ့ပေ။

၁၉၇၈ ခု အောက်တိုဘာ (၂၃) ရက် ညဦး ၇း၁ဝ နာရီတွင် အဆုတ်ကင်ဆာရောဂါဖြင့် ရန်ကုန်ဆေးရုံ၌ ကွယ် လွန်ခဲ့သည်။ ကွယ်လွန်ချိန်တွင် ဇနီး ဒေါ်ခင်ဦးနှင့် သားသမီး (၆) ယောက် ကျန်ရစ်ခဲ့သည်။ ဆရာဗန်းမော်တင် အောင် ချန်ထားရစ်ခဲ့တဲ့ လူငယ်မျိုးဆက်သစ်တွေအတွက် မမေ့နိုင်လောက်တဲ့ အမှာစကားတရပ်ကတော့ ...

"လူတယောက်ရဲ့တန်ဖိုးဟာ သူဖြတ်သန်းကျော်လွှားနေတဲ့ ခေတ်ကြီးက သူ့ပခုံးပေါ်တင်ပေးလိုက် တဲ့ သမိုင်းတာဝန်ကို သူဘယ်လောက် သယ်ပိုးထမ်းရွက်ခဲ့တယ်ဆိုတဲ့ အချက်နဲ့ တိုင်းတာရမှာပဲ"

စာညွှန်း ။ ။
၁။ ဒဂုန်ရွှေမျှား။ မြန်မာနိုင်ငံစာပေဆုများ။ စာ ၈၆ - ၈၈။
၂။ မလိခ။ မြန်မာစာပေအဘိဓာန် (၄)။ စာ ၂၇ဝ - ၂၇၃။
၃။ မလိခ။ မြန်မာဝတ္ထုအညွှန်း (၁)။ စာ ၂၈၆ - ၃ဝ၁။
၎။ ပြန်/ဆက် စာတည်းအဖွဲ့။ နှစ်ဆယ်ရာစု မြန်မာစာရေးဆရာများနှင့် စာစုစာရင်း။ စာ ၁၆၄ - ၁၆၈။
၅။ ဒဂုန်တာရာ။ ရုပ်ပုံလွှာ (၁၉၅၅)။ စာ ၂၂၁ - ၂၄၈။
၆။ ဒဂုန်တာရာ၊ ဖျတ်ခနဲတွေ့ရသော ရုပ်ပုံလွှာကားချပ်များ။ စာ ၁၂ဝ - ၁၂၈။
၇။ နတ်နွယ်။ မိမိနှင့် စာရေးဆရာများ။ စာ ၁ဝ၆ - ၁၁၁။
၈။ ရှုမဝစာတည်းအဖွဲ့။ ဝမ်းနည်းမှတ်တမ်း၊ ရှုမဝ (ဒီဇင်ဘာ ၁၉၇၈)။ စာ ၁၅၃ - ၁၅၄။
၉။ ပါရဂူ။ ပရကထာ (၁၉၉၈)။ စာ ၂၉၇ - ၃ဝ၉။]

(wikimyanmar.co.cc မှ ကူးယူဖော်ပြသည်)