ရန်သူမဲ့သော နေ့ရက်များ (ကဗျာ)

ရန်သူမဲ့သော နေ့ရက်များ
မောင်ချောနွယ်

မနက် မျက်နှာသစ်ဖို့ပြင်တိုင်း
သွားတိုက်တံပေါ်မှာ လွဲချော်မှုကို တွေ့ရ
မွှေးရနံ့တွေ ကြေကွဲ
ရာသီဥတုက ခြေပြတ်လက်ပြတ် အနေအထား
အရက်ဆိုင်မှာတောင် လူပါးသတဲ့
‘နွား’ ဆေးလိပ်တစ်လိပ်နဲ့ ခုခံထားရင်
ခံသာမယ် ထင်တယ်။

သွေ့ခြောက်ခြောက် သစ်ရိပ်စိမ်း … တဲ့
ဒါဟာ ပျက်ချော်မှုတစ်ခုပါ
မွတ်မွတ်သိပ်သိပ် ငြင်းဆန်ရဲ့
မြောက်မြားစွာ လမ်ချော်ပြီးခဲ့ပါပြီ။

တနင်္ဂနွေများ
အဖန်တလဲလဲ တနင်္ဂနွေများ
နာတာရှည် တနင်္ဂနွေများ
စေးနှဲသူသာ အစီးအနင်းများ
ညည်းညူသံများ
ရွှင်လန်းဝမ်းမြောက်ကြပါစေ။

ဒီလိုနဲ့
ကွန်းခို လွမ်းခဲ့
ကာလရေကြည်တစ်စက်မှာ
အသက်ရှူသံတွေ အငွေ့ပျံ
အသက်ခွက်ထဲ ဘ၀ကို ရေခံကြည့်သောအခါ
အသက်ရှင်ခွင့်ကလွဲပြီး
အားလုံး ဖိတ်စင်ကွဲရှခဲ့ပေပြီ။

ညီမလေး မမမြင့်ရေ …
* တို့နှလုံးသားတွေနဲ့သာ ထုဆစ်ခဲ့ကြတာပေါ့ကွယ်
(တို့နှလုံးသားတွေနဲ့သာ တို့ခေတ်ကို ထုဆစ်ခဲ့ကြတာပေါ့ကွယ်)
သေချာလွန်းတာက
မမြဲတဲ့ အနိစ္စတရားက မြဲလွန်း
တို့တွေ ရှုံးလွန်းလှတယ်ကွယ်။ ။

မောင်ချောနွယ်