ရင်မုန်လှိုင်း (မောင်လွမ်းဏီ)

မုန်တိုင်းဆိုလား
လေဘေးဒုက္ခ၊ ရေဘေးဒုက္ခ
ရေအေးတမှုတ်မျှ
တခုတ်တရ တိုက်ရအောင်။

ဆံပြုတ်တဇွန်းနဲ့
တို့ကျွန်း ငါ့ရွာ ပြန်ပေးတယ်။

ဘီစကစ်တချပ်၊ ဆယ့်နှစ်ကျပ်ခွဲ
သေခွဲလား ရှင်ကွဲလား
မာမားတထုပ်၊ ဒီဇာတ်ထုပ်ကို
ရေနွေးပြုတ်ပြီး ကြည့်ပါတော့။

ဒီလှိုင်းတွန်းယူ၊ ကျွန်းသူမြစ်ဝ
သေကြ ခြွေမွ ၊ ကြေမွ မြေယာ
ဘဝဆိုတာ သင်္ချိုင်းလား။

သမီးလေးကို၊ မထွေးပွေ့နိုင်
အဖေကိုယ်တိုင်၊ အိမ်တိုင်ဖက်ရင်း။

သားအကြီးဆုံး
အုန်းပင်ကြိုကြား၊ ခေါင်းခါးငိုက်စိုက်။

ငါ့သား ငါ့နွား၊ ငါ့စပါး
ဆားငန်ရေရဲ့ စစ်မြေပြင်။

မြေးမြစ်တီကျွတ်၊ ပြေးမလွတ်လည်း
လွတ်မြောက်ရာကို ငံ့လင့်ပါ။

တူ တူမများ
ဖိုးဖွားအိုလက်
ဘယ့်တွက် ဖြုတ်ထွက်သွားတာလဲ။

ဆွေမျိုးဝမ်းသိုက်၊ ဥကွဲခိုက်
တိုက်တဲ့မုန်တိုင်း၊ ဒီရေလှိုင်းက
အနှိုင်းရှိရင် သိချင်ရဲ့။

ဆားငန်ရေက
မြစ်ဝကျွန်းပေါ်၊ ကျော်လွှားဖုံးလွှမ်း
ဝမ်းစာစပါး၊ ဘယ်တရားနဲ့
ကိုယ့်အားကိုယ်ကိုးရမှာလဲ။

ရေသောက်ချင်တယ်
ရေငတ်တယ်
မတ်တပ်သေတာ မြင်ဖူးလား။

လူဖြူလာမလား၊ ဘိုတွေလာမလား
ဟိုလူဒီလူ လာမလား။

ကယ်ပါ ကူပါ၊ လုပ်ကြပါလို့
ဗေဒါတောက ငါ့ငယ်သံဟဲ့
ရဲနဲ့ စစ်တပ်၊ ညှပ်ပူးညှပ်ပိတ်
သွားလမ်းလာလမ်း ပိတ်ပြန်တယ်။

ဝဋ်ဒုက္ခလား၊ ကပ်ကြီးလား
အမေကြားချင် သိချင်တာလေ
ရေသန့်တွေလာ
မုန့်တွေလာ၊ ခေါက်ဆွဲတွေလာ
ကုလ လာမလားတဲ့။

ပြင်သစ်ရဲ့ မာန်၊ အင်္ဂလန်တွေ
အမေရိကန်တွေ လာကြပြီ တဲ့
အဲ့ဒါတွေ … အဲ့ဒါတွေ … အဲ့ဒါတွေ … မဟုတ်ဘူး
ဘုရင်ရူးတွေ မလာကြနဲ့။
သေသာ သေပါ သေပါတော့လို့
သေပါဟဲ့လို့ အော်ငိုချင်တာ
မုန်တိုင်းထဲက အမေပါ။

အမေတို့မှာ
မူးလို့ ရှူစရာ မရှိ
ရူးလို့ ပျူငှာစရာ မသိ
ဇာတိရွာကို ပြန်ချင်တယ်။

လယ်ကွင်းမြစိမ်း၊ လေပြင်းယိမ်းနဲ့
စိမ်းကားသွားခဲ့သူတွေထဲမှာ
ဘယ်သောအခါမှ မပါခဲ့ပါ။ ။

မောင်လွမ်းဏီ
၁၆ - ၅ - ဝ၈