NO VOTE , VOTE NO နဲ့ ပတ်သက်ပြီး ကိုသံတုတ်၏ ပေးစာ

ဒေါက်တာလွဏ်းဆွေခင်ဗျား ..

စစ်ကျွန်အဖြစ် နွံနစ်မခံနိုင်တဲ့ စိတ်ဓာတ်ကတော့ ကျွန်တော်တို့အားလုံး တူညီကြပါတယ်။ No Vote ရဲ့ ရည်ရွယ်ချက်က ၉၀ပြည့် ရွေးကောက်ပွဲရလဒ် ရှိပြီးသားဖြစ်နေလို့ ဆိုတာကို ကျွန်တော် လုံးဝ သဘောတူညီပါတယ်။ ဒါပေမယ့် ကျွန်တော့် အမြင်ကိုပြောရရင် ဒီတစ်ခုတည်းကို အသေဆုပ်ကိုင် ထားခြင်းအားဖြင့် Flexibility ပျောက်သွားနိုင်ပါတယ်။ စစ်အစိုးရမှာ က အခုလက်ရှိ အခြေအနေအရ သူလိုချင်သလို ကစားနိုင်တဲ့ Maneuveribilty အပြည့်ရှိနေပါတယ်။ အဲဒီလို အချိန်မျိုးမှာ ကိုယ့်ဘက်က ၉၀ ပြည့် ရွေးကောက်ပွဲရလဒ်ကို ဖက်တွယ်ပြီး နေမယ်ဆိုရင် မြုပ်မယ့်လှေကို အသေဖက်တွယ်ထားသလို ဖြစ်နေမှာကို စိုးရိမ်ရပါတယ်။ ၉၀ပြည့် ရွေးကောက်ပွဲရလဒ်ကို စွန့်လွှတ်ဖို့ ပြောတာမဟုတ်ပါ။ စွန့်လွှတ်ဖို့လည်း မလိုပါ။ ဒါ ကို တဖက်က ဆုပ်ကိုင်ထားရင်း တခြားတဖက်ကလည်း ဖြစ်နိုင်တဲ့နည်းမှန်သမျှနဲ့ ဆန့်ကျင်သွားဖို့ကို ဆိုလိုရင်းဖြစ်ပါတယ်။ အခြေအနေအရ လိုအပ်ရင် လိုအပ်သလို သင့်လျော်မယ့် ဗျူဟာကို ပြောင်းလဲကျင့်သုံးနိုင်ဖို့ အရေးကြီးတယ်လို့ ယူဆပါတယ်။ အခု လက်ရှိအခြေအနေက ဆရာဖြေရှင်းထားသလို ဒီဆန္ဒခံယူပွဲကို မဖြစ်မြောက်အောင် လုပ်နိုင်ရင်တော့ အ ကောင်းဆုံးပဲ ဖြစ်ပါတယ်။ ဒါပေမယ့် ဒါဟာ လက်တွေ့မှာ မလွယ်ကူပါ။ မဖြစ်အောင် တားဆီးနိုင်တဲ့ လက်တွေ့ကျတဲ့ နည်းလမ်းတွေကို အခုအချိန်အထိ မဖေါ်ထုတ်နိုင်ကြသေးပါ။

ဆရာ့ဆောင်းပါးထဲမှာ ပါသလို ပြည်သူတွေရဲ့ ဆန္ဒအစစ်အမှန်က ၁၉၉၀ ပြည့်နှစ် ရွေးကောက်ပွဲမှာ မဲအပြတ်အသတ်နဲ့ အနိုင်ရရှိခဲ့တဲ့ အမျိုးသားဒီမိုကရေစီအဖွဲ့ချုပ်ကိုပဲ အာဏာလွှဲပြောင်း ပေးစေလိုတယ်ဆိုတဲ့ အချက်ကို အပြည့်အ၀ လက်ခံ ပါတယ်။ ၁၉၉၀ ရွေးကောက်ပွဲမှာ မဲအနိုင်ရခဲ့တဲ့ လွှတ်တော်ကိုယ်စားလှယ်တွေ ရေးဆွဲတဲ့ ဖွဲ့စည်းပုံအခြေခံဥပဒေကိုသာ ဆန္ဒမဲပေး အတည်ပြုလိုတယ် ဆိုတာလည်း မှန်ပါတယ်။ ပြည်သူတရပ်လုံးက ဒီလိုပဲ သဘောထားရှိကြပါတယ်။ ဒါပေမယ့် ဆရာပြောတဲ့ ချဲဒိုင်ရဲ့ ဥပမာနဲ့ပဲ ပြန်ပြောရမယ်ဆိုရင် ကိုယ့်လက်ထဲမှာ လက်ဆုပ်လက်ကိုင်ရှိတဲ့ အရင်ပေါက် ထားတဲ့ ချဲလက်မှတ်ကိုသာ အလျော်ပေးဖို့ တောင်းဆိုလို့ မရတော့ပါဘူး။ မပေးဘူးကွာ၊ ဘာလုပ်ချင်လဲ၊ တိုင်ချင်ရာတိုင် လို့ သူက ပြောနေပါပြီ။ ရဲကိုတိုင်လို့လည်း ရတဲ့ကိစ္စမျိုးမဟုတ်တော့ သူ့ဆီကတော့ တောင်းလို့ရတော့မှာ မဟုတ်ပါဘူး။ တောင်းဆိုမှုတွေလုပ်လာတာလည်း ၁၈ နှစ် ရှိခဲ့ပါပြီ။ မအောင်မြင်တာလည်း အထင်အရှားပါပဲ။ ဒီတော့ မအောင်မြင်တဲ့ ဗျူဟာတစ်ခုကို ကျွန်တော်တို့ ဆက်လက်ဆုပ်ကိုင်ထားသင့်ပါသလား။ ဗျူဟာအသစ်တစ်ခု ဖေါ်ထုတ်သင့်နေတာ ကြာပါပြီ။

၉၀ ရလဒ် ပျက်ပြယ်အောင် မလိမ့်တပတ်နည်းနဲ့ ဖျက်ချင်လို့ ကျင်းပမယ့် ဆန္ဒခံယူပွဲကို မဲသွားပေးမယ်ဆိုရင် (ကန့်ကွက် မဲ ပေးပေး၊ ထောက်ခံမဲ ပေးပေး) အရင်ပေါက်ပြီးသား ချဲလက်မှတ်ကို ဆုတ်ဖြဲပစ်သလိုမျိုး ၉၀ ရလဒ်ကို နင်းချေဖျက်ဆီး ပစ်တာနဲ့ အတူတူပဲ ဖြစ်ပါလိမ့်မယ် ဆိုတာကို ကျွန်တော့်အနေနဲ့ သဘောမတူပါ။ ဘာကြောင့်လဲဆိုရင် အရင်ပေါက်ပြီး သား ချဲလက်မှတ်က ဆုတ်ဖြဲ ခံလိုက်ရပါပြီ။ ကန့်ကွက်မဲ ပေးနိုင်သမျှ ပေးထားရင် ဒီအခြေခံဥပဒေဟာ ပေါ်ပေါက်မလာ နိုင်ပါဘူးဆိုတဲ့ မျှော်လင့်ချက်ရှိနေပါတယ်။ ဒီအခြေခံဥပဒေ ပေါ်ပေါက်မလာဘူးဆိုရင် ၉၀ ရွေးကောက်ပွဲရလဒ်ကို ပစ် ပယ်ရာလည်း မရောက်ပါဘူး။ မဲမပေးဘဲနေရင်တော့ လာပေးတဲ့ လူရဲ့မဲအပေါ်မှာ အခြေခံပြီး သူ့လူတွေပေးတဲ့ မဲနဲ့အ တည်ပြုသွားမှသာ ၉၀ ရွေးကောက်ပွဲရလဒ် လုံးဝပျက်ပြယ်သွားမှာ ဖြစ်ပါတယ်။

ဒီအခြေခံဥပဒေမူကြမ်းဟာ မြန်မာပြည် နိုင်ငံရေးမှာ စစ်တပ်ကသာ ထာဝရ ဂုတ်သွေးစုပ် ခြယ်လှယ်ပြီး ပြည်သူတွေကို စစ် ကျွန်အဖြစ် ထာဝရ သွတ်သွင်းဖို့ ရေးဆွဲထားတဲ့ အခြေခံဥပဒေဆိုတာ အငြင်းပွားစရာ လုံးဝမရှိပါ။ သံဃာကိုတောင် သတ် ဖြတ်တဲ့ စစ်အုပ်စုကို ဘယ်လိုနည်းနဲ့ပဲ ဆန့်ကျင်ဆန့်ကျင် တရားတယ်လို့ ယူဆတာကိုလည်း ကျွန်တော် အပြည့်အ၀ လက်ခံပါတယ်။ ဒါတင်မက မဆိုင်တဲ့ အပြစ်မရှိတဲ့ မိသားစုဝင်တွေကိုပါ ဓားစာခံအဖြစ်ဖမ်းပြီး တော်လှန်ရေးမှာ လှုပ်ရှား တက်ကြွသူတွေကို အကြပ်ကိုင် အဖမ်းခံခိုင်းတာဟာလဲ အလွန်သိက္ခာမဲ့တဲ့ လုပ်ရပ်ဖြစ်ပါတယ်။ ဒီတော့ သူ့ဖက်က ဘာ စည်းမှမထားတဲ့ အစိုးရမျိုးကို ကျွန်တော်တို့ကလည်း ဘယ်လိုနည်းနဲ့ ဆန့်ကျင်ဆန့်ကျင် လုံးဝတရားပါတယ်။

ဒါပေမယ့် အခု လက်ရှိအခြေအနေအရ လက်တွေ့ဖြစ်နိုင်တဲ့ အခြေအနေကို သုံးသပ်ရရင် ကျွန်တော့်အမြင်အရ ကတော့ ဒီဆန္ဒခံယူပွဲကို လုံးဝဖြစ်မလာအောင် လုပ်နိုင်ဖို့ဆိုတာ မလွယ်တော့ပါ။ စစ်တပ်က မဖြစ်ဖြစ်တဲ့နည်းနဲ့ ဇွတ်ကျင်းပမှာ ဖြစ်ပါတယ်။ အဲဒီအခါ မဲသွားမပေးဘဲနေရုံနဲ့ ဒီဆန္ဒခံယူပွဲ ပျက်သွားမှာ မဟုတ်ပါ။ ဆရာ ဥပမာပေးထားတဲ့ "လေ့လာဖို့ သူတို့ ဖြန့်ဝေမယ့် အခြေခံဥပဒေမူကြမ်း စာအုပ်တွေကို မီးပုံရှို့ပြီး ဆန္ဒပြတာမျိုး၊ လာရောက်စည်းရုံးတဲ့ နအဖ လက်ကိုင်တုတ်တွေကို ၀ိုင်းဝန်းဆန့်ကျင် မောင်းထုတ်တာမျိုး၊ ဒီကြားထဲကနေ နအဖက ဇွတ်တရွတ် ကျင်းပမယ်ဆိုရင် လမ်းပေါ်ထွက် ဆန္ဒပြတာမျိုး၊ မဲရုံတွေကို မီးရှို့ဖျက်ဆီးတာမျိုး … " စတဲ့ နည်းတွေဟာ လက်တွေ့မှာ မလွယ်ကူပါ။

စစ်တပ်က မျက်လုံး ဒေါက်ထောက် ကြည့်နေပြီး နည်းနည်းလေး စ လိုက်တာနဲ့ ချက်ခြင်း ချေမှုန်းပစ်မှာ ဖြစ်ပါတယ်။ လာရောက်စည်းရုံးတဲ့ နအဖ လက်ကိုင်တုတ်တွေကို ၀ိုင်းဝန်းဆန့်ကျင် မောင်းထုတ်တာမျိုးကတော့ ပိုပြီး မလွယ်ကူပါ။ လက်ရှိဖြစ်နေတဲ့၊ ဖြစ်ခဲ့တဲ့ အဖြစ်အပျက်တွေကို အခြေခံပြီး တွေးကြည့်ပါ။ ငြိမ်းချမ်းစွာ လမ်းလျှောက် ဆန္ဒပြခဲ့ကြတဲ့ ၈၈ မျိုးဆက်တွေကို နအဖ လက်ကိုင်တုတ်တွေက လူစုလူဝေးနဲ့ အတင်း အနိုင်အထက်ပြုပြီး အကြမ်းဖက် ဖမ်းဆီးသွားတာကိုတောင် ဘယ်သူမှ ၀င်မတားတာကို ထောက်ရင် လာရောက် စည်းရုံးတာလောက်ကိုတော့ ဘယ်သူမှ ၀ိုင်းဝန်းဆန့်ကျင် မောင်းထုတ်မှာ မဟုတ်ပါ။ လမ်းပေါ်ထွက် ဆန္ဒပြတာမျိုး၊ မဲရုံတွေကို မီးရှို့ဖျက်ဆီးတာမျိုးလုပ်ရင် အကြမ်းဖက်တယ်ဆိုတဲ့ ပုဒ်မတပ်ပြီး ရက်ရက်စက်စက် နှိမ်နင်းမှာ ဖြစ်ပါတယ်။ ပြည်သူတွေ ထပ်ပြီး အနာခံဖို့၊ သွေးမြေကျဖို့ဆိုတာ နောက်ဆုံးအဆင့်မှ ရွေးချယ်သင့်ပါတယ်။ ပြည်တွင်းက လူအများစုကတော့ အရင်ကန့်ကွက်မဲ ပေးကြည့်ပြီး အခြေအနေကို စောင့်ကြည့်ချင်တဲ့ သဘောမှာ ရှိနေတယ်လို့ ထင်ပါတယ်။ မလိုအပ်ဘဲ ဘယ်သူမှ အနာမခံချင်တဲ့ သဘောမျိုး ဖြစ်နေပါတယ်။

အားလုံးက ၀ိုင်းပြီး ကန့်ကွက်ကြလျက်နဲ့မှ မဲလိမ်ပြီး အတင်းအတည်ပြုမယ်ဆိုရင်တော့ ပြည်သူအားလုံး မခံမရပ်နိုင်ဖြစ်ပြီး လမ်းပေါ်ထွက် ဆန္ဒပြတာမျိုး ဖြစ်လာနိုင်ပါတယ်။ ဖိလစ်ပိုင်က မားကို့စ် ပြုတ်ကျသွားတဲ့ အရေးအခင်းဟာ နောက်ဆုံး မဲလိမ်ပြီးမှ ပြည်သူအားလုံး စတင် အုံကြွလာတာ ဖြစ်ပါတယ်။ ဒီကြားထဲမှာက ကြိုကြားကြိုကြား ဆန္ဒပြတာမျိုးလောက်ပဲ ရှိ နေတာပါ။

ဒီတော့ အချုပ်ပြောရမယ်ဆိုရင်တော့ ဒီဆန္ဒခံယူပွဲကို လုံးဝဖြစ်မလာအောင် လုပ်နိုင်ရင်တော့ အကောင်းဆုံးပဲ ဖြစ်ပါ တယ်။ ဒါပေမယ့် ဒါဟာ ဖြစ်နိုင်ချေ အလွန်နည်းနေပါတယ်။ အဲဒီတော့ ဖြစ်လာခဲ့ပြီဆိုရင် မဲသွားမပေးဘဲနေလို့ ဆန္ဒခံယူပွဲ ပျက်သွားမှာ မဟုတ်ပါ။ အဲဒီအခြေအနေမှာ ကန့်ကွက်မဲ ထည့်ခြင်းကသာလျှင် အကောင်းဆုံးဖြစ်မယ်လို့ ကျွန်တော် ယူပါ တယ်။ ကန့်ကွက်မဲထည့်ခြင်းဟာ ၉၀ ရွေးကောက်ပွဲ ရလဒ်ကို ပစ်ပယ်ခြင်းမဟုတ်ပါ။ ဆက်လက် ဆုပ်ကိုင်ထားနိုင်တဲ့ အ ခြေအနေမှာ ရှိနေပါသေးတယ်။ ဒါပေမယ့် ဆုပ်ကိုင်ထားလည်း သိပ်အကြောင်းမထူးတော့ဘူးလို့ ကျွန်တော်ကတော့ ထင် ပါတယ်။ ကုလသမဂ္ဂကိုတောင် ဒီရလဒ်ကို ဆက်လက်ပြောဆိုနေတာ မသင့်တော်တော့ကြောင်း ပြောင်ပြောင်တင်းတင်း ငြင်းပြီးပြီပဲ။ အဲဒီတော့ Vote No သာလျှင် လက်ရှိ အခြေအနေအရ အသင့်တော်ဆုံး နဲ့ ပြည်သူအများစုအတွက်လည်း အန္တရာယ်ကင်းကင်းနဲ့ ကိုယ့်ဆန္ဒကို ထုတ်ဖေါ်လို့ရတဲ့ အနေအထားမှာ ရှိနေတယ်လို့ ယူဆမိပါတယ်။ အဲဒါကိုမှ မဲထပ် လိမ်ရင်တော့ ဘာဆက်လုပ်ရမလဲဆိုတာ အခုတည်းက ကြိုစဉ်းစားပြီး ဒေါ်အောင်ဆန်းစုကြည် မှာလိုက်သလို အဆိုးဆုံး အတွက် ဘာတွေ ပြင်ဆင်ထားမလဲ ဆိုတာ ဒီမိုကရေစီခေါင်းဆောင်များ ကြံစည်တွေးတော ပြီး ပြည်သူလူထုကို လမ်း ညွှန်ကြဖို့ လိုနေပါပြီ။

ဒါပေမယ့် တစ်ခု အားမရတာက စစ်တုရင်စကားနဲ့ ပြောရရင် ပြိုင်ဘက်ရဲ့ ရွှေ့ကွက်ပေါ်မှာ တစ်ကွက်ချင်းပဲ လိုက်ရွှေ့နေကြပြီး ရှေ့သုံးလေးကွက်လောက် ကြိုမစဉ်းစားထားနိုင်၊ သူ့ရွှေ့ကွက် ကိုလည်း ထိထိရောက်ရောက် မဖျက်နိုင်ပဲ ဖြစ်နေတယ်လို့ မြင်ပါတယ်။ တနည်းအားဖြင့် ပြောရရင် Strategic Planning ရော၊ Action plan ပါမရှိတဲ့ သဘောဖြစ်နေပါတယ်။ စစ်တပ်ကတော့ စစ်သားတွေ ပီပီ Battle Plan ဆွဲထားပြီးလောက်ပါပြီ။ အောက်က ပုံစံလေးကို ကြည့်ရင် သိသာပါလိမ့်မယ်။
အဲဒီတော့ ဆန္ဒခံယူပွဲ ဖြစ်မလာအောင် လုပ်နိုင်ပြီပဲ ထားပါတော့ ... ပြီးရင် ဘာဆက်လုပ်ကြမှာလဲ။ မလုပ်နိုင်လို့ ကန့် ကွက်မဲပေးပြီဆိုပါတော့ ... အောင်မြင်သွားရင် ဘာဆက်လုပ်ရမလဲ။ မအောင်မြင်ဘဲ မဲလိမ်ပြီး ဇွတ်အတည်ပြု လိုက်ပြီဆို ရင်ရော ၂၀၁၀ ရွေးကောက်ပွဲအထိ စောင့်ကြမှာလား၊ ဒါမှမဟုတ် ဘာဆက်လုပ်ရမလဲ၊ စစ်တပ်ကရော ဘာတွေ လုပ်လာ နိုင်မလဲ ... ဆိုတာ ကွက်လပ်တွေ ဖြစ်နေပါတယ်။ ကျွန်တော်ကတော့ ဥာဏ်မမီပါဘူး။ တတ်နိုင်သလောက်လေး တင်ပြ ဆွေးနွေးရခြင်း ဖြစ်ပါတယ်။ ဒီမိုကရေစီ ခေါင်းဆောင်များ ကြိုတင်စဉ်းစား ထားပြီးသားဖြစ်ပြီး အချိန်မကျသေးလို့ မထုတ် ပြန် သေးတာဆိုရင်လည်း ကျွန်တော့်ရဲ့ ဆန္ဒစောမှုကို တောင်းပန် ပါတယ်ခင်ဗျား။ ဆရာ့အနေနဲ့လည်း အချိန်ရမယ်ဆိုရင် အသေးစိတ် ဆွေးနွေးပေးစေ လိုပါတယ်ခင်ဗျား။

သံတုတ်