မြန်မာနိုင်ငံ ပြုပြင်ပြောင်းလဲရေးနှင့် ပတ်သက်သော အထွေထွေသုံးသပ်ချက်

Opinion from Inside – Ko Kyaw Win

ဤ Opinion သည် ကျနော်၏ အီးမေးလ်သို့ တဆင့်ရောက်ရှိလာသည့် ko kyaw win (စာရေးဆရာ ကျော်ဝင်း ဟုတ်မဟုတ် မသေချာပါ) ဆိုသူ၏ သုံးသပ်ချက်များသာဖြစ်ပြီး ဘလော့ဂ်၏ သဘောထား အာဘော် မဟုတ်ပါ။ လက်တွေ့ ဖြစ်နိုင်မဖြစ်နိုင်ကို စာဖတ်သူများ စဉ်းစားနိုင်ရန် တင်ဆက်ပေးခြင်းသာ ဖြစ်ပါသည်။

လေးစားစွာဖြင့် …
ဒေါက်တာလွဏ်းဆွေ

အပိုင်း (၁)

အတိတ်က အမှားများ (၁၉၈၈-၉၀ အလွန်နှစ်များ)

လက်ရှိအခြေအနေကို အတိတ်က မှားခဲ့တဲ့ အမှားတွေရဲ့ အကျိုးဆက်လို့ မြင်တယ်။
ဒါကြောင့် အတိတ်က အမှားတွေကို ကျကျနန မစိစစ်နိုင်ရင် လက်ရှိအခြေအနေကို ထိထိမိမိ ဆုပ်ကိုင်နိုင်စရာ ရှိမယ်မထင်ပါ။

ရှစ်လေးလုံးကနေ အခုအထိ ကိုယ့်ဘက်က အမှားတွေ အကြိမ်ကြိမ် ကျူးလွန်ခဲ့တယ်။ အများစုက လက်ဝဲသွေဖီရေး အမှားတွေ၊ လက်ဝဲသွေဖီရေးက လင်္ကျာသွေဖီရေးထက် အန္တရာယ်ပိုများပါတယ်။ လကျာင်္သွေဖီရေး (အခြေအနေက တောင်းဆိုနေတာထက် နောက်ကျကျန်ရစ်နေတာ) က အရှိန်မြှင့်ပြီး ကျော်လွှားသွားလို့ ရသေးတယ်၊ လက်ဝဲသွေဖီရေး( အခြေအနေက ခွင့်ပြုတာထက် ပိုပြီးတိုက်ပွဲဆင်တာ) က ဟပ်ထိုးကို လဲကျစေတော့တာပါပဲ။ တခါလဲပြီဆိုတာနဲ့ လာဖိမယ့် စစ်ဖိနပ်က အဆင်သင့်မို့ တော်တော်နဲ့ ပြန်ထဖို့ လွယ်မှာမဟုတ်ဘူး။ ဒီလိုနဲ့ အခြေအနေဟာ ရှေ့တိုးမလာဘဲ နောက်ပြန်ဆုတ်ကုန်တာက များတယ်။

အခု ဒီအတိုင်းဖြစ်ခဲ့တာ။ ဒီလိုလက်ဝဲသွေဖီရေးမျိုး အကြိမ်ကြိမ် ဖြစ်ခဲ့တာမို့ အမှားရဲ့ဒဏ်တွေကို အချိန်တိုအတွင်း ပြင်ဆင်နိုင်ဖို့ လွယ်လိမ့်မယ်တော့ မဟုတ်ပါဘူး။ ဒီအခြေခံ Concept နဲ့ ဒီစာတမ်းကို ရေးပါတယ်။

ပထမ လက်ဝဲသွေဖီရေး

ဒေါက်တာမောင်မောင်လက်ထက် ဒုတိယမိန့်ခွန်းအပြီးမှာ အစိုးရနဲ့ Compromise မလုပ်နိုင်ခဲ့တာ မှားတယ်။ အဲဒီတုန်းက သပိတ်ရဲ့ တောင်းဆိုချက်က ကြားဖြတ်အစိုးရ (Interim Government)။ စကားလုံးအရ ကြားဖြတ် ဆိုထားပေမယ့် လက်တွေ့ တကယ်တောင်းနေတာက ယာယီအစိုးရ (Temporary Government) ဖြစ်နေတယ်၊ အစိုးရဘက်က ဘယ်သူမှမပါဘဲ ကိုယ့်စိတ်တိုင်းကျ အစိုးရဖွဲ့မယ်ဆိုတဲ့သဘော။ ဘယ်လိုမှ ရနိုင်စရာ မရှိပါ။ ကိုယ့်ဘက်သူ့ဘက် နှစ်ဘက်စလုံးပါတဲ့ ကြားဖြတ်အစိုးရဆိုရင် ရနိုင်စရာရှိပါတယ်။ (ဥပမာ - ဗိုလ်ချုပ်တို့ လက်ထက်က ဖဆပလ ကိုယ်စားလှယ်တွေ ဘုရင်ခံအတိုင်ပင်ခံကောင်စီမှာ ပါခဲ့တာမျိုး)

အဲဒီကာလ ခေါင်းဆောင်တွေရော၊ လူထုပါ ကြားဖြတ်နဲ့ ယာယီ ကွဲကွဲပြားပြား နားလည်ဟန် ရှိခဲ့ကြပုံမရဘူး။ လက်တွေ့မှာ ဒေါက်တာမောင်မောင် ကမ်းလာတဲ့လက်ကို ကိုယ့်ဘက်က ပုတ်ချခဲ့တယ်။ ဒါရဲ့အနီးဆုံး အကျိုးဆက်က န၀တ အာဏာသိမ်းတာပါပဲ၊ ရေရှည်အကျိုးဆက်က Rule of the Game ချမှတ်နိုင်ရေးမှာ ကိုယ့်ဘက်က လက်လွှတ်လိုက်ရတယ်။

ဒုတိယ လက်ဝဲသွေဖီရေး

တရားဝင် နိုင်ငံရေးပါတီ ဖွဲ့ခွင့်ရတော့ အဲဒီပါတီတွေထဲမှာ UG တွေ ပါလာတာ မှားတယ်။
ဒီအတွက် အဓိက တာဝန်ရှိသူက BCP ။ NLD အပါအ၀င် အများစုလည်း ဒီအမှားနဲ့ မကင်းဘူး၊ ပါတီတည်ဆောက်ရေး (Institutionalization)ကို ဘယ်ပါတီကမှ မလုပ်နိုင်ခဲ့ဘူး။ တူညီဝတ်စုံဝတ် ဟန်ရေးပြနေကြတာနဲ့၊ UG/OG တွဲသုံးတဲ့ လုပ်နည်းလုပ်ဟန်ကိုသာ အားပြုလုပ်နေကြတာ တွေ့ရတယ်။ ပြောရရင် တူတူတန်တန် ပါတီမျိုး တခုမှ မရှိခဲ့ပါ။ အားလုံး သပိတ်ကော်မတီ အကြီးစားတွေသာ ဖြစ်နေကြတယ်။

UG/OG တွဲလုပ်တဲ့ အမှားမျိုးဟာ စစ်ကြိုခေတ်ကတည်းက ရှိခဲ့တာပါ။ ဥပမာ သခင်ဗဟိန်း (BCP UG)နဲ့ ဒို့ဗမာအစည်းအရုံး (OG) တွဲလုပ်ခဲ့ကြတာမျိုး။ ခုအထိလည်း လုပ်နေကြတုန်းပါပဲ။ ဒါကိုနင်းပြီး တဖက်က ဆိုင်တာရော မဆိုင်တာရော သိမ်းကျုံးပြီး General Suppression လုပ်လာနိုင်ပါတယ်။ မလိုအပ်ဘဲ မြန်မြန်ဆန်ဆန် အဖြိုခွဲ ခံခဲ့ကြရပါတယ်။ ဒါကြောင့် လက်ဝဲသွေဖီရေးလို့ ပြောရတာဖြစ်ပါတယ်။

ဒီလက်ဝဲသွေဖီရေး အကျိုးဆက်ကြောင့် မြန်မာ့နိုင်ငံရေး တပ်ပေါင်းစု (မနတ) ယူဂျီပေါက်ရာကနေ တခြားမဆိုင်တဲ့ ပါတီတွေပါ ထိခိုက်ကုန်ပါတယ်။ General suppression နဲ့ အချိန်မတိုင်မီ စောစောစီးစီး ကြုံခဲ့ကြရတယ်။)

တတိယ လက်ဝဲသွေဖီရေး

၁၉၆၂ ခုနှစ်၊ ပုံနှိပ်အက်ဥပဒေကို အကန့်အသတ်မရှိ အာဏာဖီဆန်ရာကနေ အထွေထွေ အာဏာဖီဆန်ရေးအထိ ကျွံသွားတာမှားတယ်။

အမှန်က ၁၉၆၂ ခုနှစ် ပုံနှိပ်အက်ဥပဒေဟာ နိုင်ငံရေးပါတီတွေနဲ့ မဆိုင်ပါဘူး။ နိုင်ငံရေးပါတီတွေမှာ တရားဝင် ကင်းလွတ်ခွင့် ပါရှိပြီးသား ဖြစ်ပါတယ်။ ဒါကို န၀တ သတင်းထုတ်ပြန်ရေးအဖွဲ့က မသိလို့ ဒီဥပဒေနဲ့ နိုင်ငံရေးပါတီတွေကို ကိုင်ဖို့ ကြိုးစားတာပါ။ ဒါကြောင့် ၆၂ခုနှစ် ပုံနှိပ်အက်ဥပဒေ ကင်းလွတ်ခွင့်ကို ကိုင်ပြီး ဆန့်ကျင်တာ မှန်တယ်။ နောက်ပိုင်းမှာ ဒါကိုသိတော့မှ နိုင်ငံရေးပါတီတွေက ထုတ်ဝေတဲ့စာတွေ စာပေစိစစ်ရေးကို စာမူတင်၊ ခွင့်ပြုချက်ရမှထုတ် ဆိုတဲ့အမိန့်ကြေငြာချက် ထုတ်ပြန်လာပါတယ်။ ဒါဟာ လက်တွေ့မဖြစ်နိုင်တာမို့ အာဏာဖီဆန်တာ မှန်တယ်။

ဒီတော့မှ န၀တဘက်က လျှော့လာတယ်။ စာပေစိစစ်ရေးကို စာမူတင်စရာမလို၊ ဒါပေမယ့် တနှစ်တခါ မှတ်ပုံတင်ပါ၊ ပြီးရင် လွတ်လွတ်လပ်လပ်ထုတ် ဆိုတာဖြစ်လာခဲ့တယ်၊ ဒါ ကိုယ့်ဘက်က အနိုင်ပဲ၊ ဒီနေရာမှာတင် ကန့်သတ်သင့်ခဲ့ပါတယ်။

ဒါပေမယ့် လက်တွေ့မှာ ဘရိတ်အုပ်လို့ မရတော့ဘူး။ မတရားတဲ့ ဥပဒေမှန်သမျှ တာဝန်အရ ဆန့်ကျင်ကြဆိုပြီး အထွေထွေ အာဏာဖီဆန်ရေး လုပ်ခဲ့ကြပါတယ်။ လက်ဝဲသွေဖီရေးပဲ ဖြစ်ပါတယ်။ ဒါရဲ့အကျိုးဆက်ကြောင့် ဒေါ်အောင်ဆန်းစုကြည် အပါအ၀င် အစဉ်အလာနဲ့ အတွေ့အကြုံရှိတဲ့ ခေါင်းဆောင်တွေအားလုံး ရွေးကောက်ပွဲမတိုင်ခင် အစောကြီးကတည်းက အဖမ်းခံလိုက်ရပါတော့တယ်။ အစဉ်အလာနဲ့ အတွေ့အကြုံရှိတဲ့ ခေါင်းဆောင်တွေ အပြင်မှာမရှိဘဲ ရွေးကောက်ပွဲကို ရင်ဆိုင်ခဲ့ကြရတယ်။

၁၉၈၉ ရွေးကောက်ပွဲဥပဒေ (လက်ယာသွေဖီရေး)

၉၀ ရွေးကောက်ပွဲမတိုင်ခင် Rule of the game မှာ ကိုယ့်ဘက်က သဘောထားတင်ပြဖို့ အခွင့်အရေးတခု ပွင့်လာဖူးတယ်။ အဲဒါက ၁၉၈၉ ရွေးကောက်ပွဲဥပဒေပါ။ လက်တွေ့မှာ ဒီအခွင့်အရေးကို လက်လွှတ်ခဲ့ရတယ်။ ဒီဥပဒေမှာ လာမယ့်ရွေးကောက်ပွဲကို ပြည်သူ့လွှတ်တော် ရွေးကောက်ပွဲလို့ တရားဝင်ခေါ်ထားတယ်၊ ဒါဆိုရင် အစိုးရဖွဲ့ခွင့် အာဏာရှိရမယ်။ တကယ်လို့ တိုင်းပြုပြည်ပြုလွှတ်တော် ရွေးကောက်ပွဲဆိုရင် ဖွဲ့စည်းပုံအခြေခံဥပဒေ ရေးဆွဲခွင့်အာဏာ ရှိရပါမယ်။ ဒါပေမယ့် ထွက်လာတဲ့ ရွေးကောက်ပွဲဥပဒေမှာ ဘာ mandate မှ ပါမလာဘူး။ ဒါကြောင့် …
၁။ အခုလုပ်မယ့် ရွေးကောက်ပွဲဟာ ဘာလဲ (ပြည်သူ့လွှတ်တော်လား၊ တိုင်းပြုပြည်ပြုလွှတ်တော်လား)
၂။ ဘာ mandate ရှိသလဲ (အစိုးရဖွဲ့ခွင့်လား၊ ဖွဲ့စည်းပုံအခြေခံဥပဒေ ရေးဆွဲခွင့်လား)
၃။ ပထမအကြိမ် လွှတ်တော် ဘယ်တော့ခေါ်မှာလဲ
ဒီမေးခွန်းသုံးခုနဲ့ ပတ်သက်လို့ တိကျတဲ့ အဖြေရမှ ရွေးကောက်ပွဲ ၀င်သင့် မ၀င်သင့် ဆုံးဖြတ်ကြပါဆိုပြီး ပါတီငယ်လေးတခုက ပါတီကြီးတွေကို အဆိုပြုခဲ့ဖူးပါတယ်။ ဒီ/ငြိမ်းက လက်ခံပေမယ့် NLD က လက်မခံ ပယ်ချခဲ့ပါတယ်။ ဒါရဲ့အကျိုးဆက်ကြောင့် ရွေးကောက်ပွဲအပြီးမှာ ပြဿနာတွေ အများကြီး ကြုံခဲ့ရတာ ဖြစ်ပါတယ်။

စတုတ္တ လက်ဝဲသွေဖီရေး

၁၉၉၀ ရွေးကောက်ပွဲ အနိုင်ရတာကနေ ထွက်ပေါ်လာတဲ့ သွေဖီရေးဖြစ်ပါတယ်။
ရွေးကောက်ပွဲရလာဒ်ဟာ popular vote ရဲ့ အကျိုးဆက်သာ ဖြစ်တယ်။ popular revolution ရဲ့ အကျိုးဆက် မဟုတ်။ ဒါကြောင့် ကိုယ့်ဘက်က လိုချင်တာ အကုန်မရနိုင်ဘူး။ လက်ရှိအစိုးရ (စစ်တပ်)နဲ့ တစုံတရာ အပေးအယူ လုပ်နိုင်မှာသာ အဖြေတခု ထွက်နိုင်မယ်။ ၁၉၉၀ ခုနှစ်အောင်ပွဲကို ဒီအခြေခံပေါ်ကနေ စဉ်းစားပြီး ဗျုဟာခင်းသင့်တယ်လို့ မြင်ပါတယ်။ ရွေးကောက်ပွဲအပြီးမှာ အနိုင်ရခဲ့တ NLD အနေနဲ့ ရွေးစရာ သုံးလမ်း ရှိခဲ့ပါတယ်။

၁။ Constitution အသစ်ရေးမလား
(အန္တရာယ်အကြီးဆုံး ရွေးချယ်မှု ဖြစ်ပါတယ်။ ဒါကိုရွေးလိုက်ရင် … (၁) အချိန်ကြာမယ် (၂) စစ်အစိုးရအောက်မှာ ရေးရမယ့် ဖွဲ့စည်းပုံအခြေခံဥပဒေဟာ ရှိနေနှင့်ပြီးသား နှစ်ခုထက် ပိုကောင်းဖို့ မဖြစ်နိုင်ဘူး၊ ပိုဆိုးဖို့သာ ရှိတယ်။)

၂။ ၁၉၄၇ Constitution နဲ့ အာဏာကူးပြောင်းရေး ဆွေးနွေးမလား
(တဘက်က ခုခံမှုအား ကြီးပါလိမ့်မယ်၊ အဖြေတခုခုရဖို့ မလွယ်ပါ၊ ကိုယ့်ဘက်က စဉ်းစားရင်လည်း ၄၇ မှာ အားနည်းချက်ရှိတယ်၊ ၀န်ကြီးချုပ် သို့မဟုတ် သမ္မတရဲ့ တဦးချင်းဆုံးဖြတ်ချက်နဲ့ အရေးပေါ် အခြေအနေ ကြေငြာလို့ရတဲ့ အားနည်းချက်ရှိတယ် (၁၉၅၈ အိမ်စောင့်အစိုးရဟာ ဒီအားနည်းချက်ရဲ့ အကျိုးဆက်) နောင်ဖြစ်လာမယ့် ၀န်ကြီးချုပ် သို့မဟုတ် သမ္မတကို တနည်းနည်းနဲ့ ဖိအားပေးပြီး တပ်က အာဏာသိမ်းနိုင်တယ်။)

၃။ ၁၉၇၄ Constitution နဲ့ အာဏာကူးပြောင်းရေး ဆွေးနွေးမလား
(တဖက်က ခုခံမှု အားနည်းနိုင်တယ်၊ အဲဒီအချိန်မှာ ဦးနေ၀င်း သြဇာရှိနေသေးတယ်၊ ကိုယ့်ဘက်က စဉ်းစားရင်လည်း အားကောင်းချက် ရှိတယ်၊ လွှတ်တော်ရဲ့ သဘောတူညီချက်နဲ့သာ အရေးပေါ် အခြေအနေ ကြေညာနိုင်တဲ့ အားကောင်းချက်ရှိတယ်၊ လွှတ်တော်ဟာ ကိုယ့်လွှတ်တော်ဖြစ်နေရင် ဒါဟာ ပြဿနာ မရှိတော့ဘူး။ ဒါကြောင့် ၁၉၇၄ constitution အခြေခံနဲ့ power sharing လုပ်ဖို့ NLD အနေနဲ့ အစိုးရကို စတင် ကမ်းလှမ်းသင့်တယ်လို့ မြင်ပါတယ်။

ဒါပေမယ့် NLD ဟာ အန္တရာယ် အကြီးဆုံးလမ်းကြောင်း (ပထမ ရွေးချယ်မှု)ကို ရွေးခဲ့ပါတယ်။ ဂန္ဒီ လမ်းကြောင်းပါ။ ဒီတော့ စစ်တပ်က ၁/၉၀ နဲ့ တုန့်ပြန်ပါတယ်။ အကျိုးဆက်က အမျိုးသားညီလာခံ။

ပစ္စုပ္ပန်အခြေအနေ (၁၉၉၀ လွန်နှစ်များ- ၂၀၀၀ လွန်နှစ်များ)

နောက်ထပ်အမှား (အထူးသဖြင့် လက်ဝဲသွေဖီရေး)တွေလည်း အကြိမ်ကြိမ် ကျူးလွန်ခဲ့ပါတယ်။ အမျိုးသား ညီလာခံအတွက် အကြိုညှိနှိုင်းကြတုန်းက rule of the game ကို သူ့ဘက်က တဖက်သတ်ယူတာကို လုံးဝမခုခံဘဲ သဘောတူခဲ့တာ (လင်္ကျာသွေဖီရေး)၊ နောက် ကိုယ်ဘက်က Alternative အစီအစဉ်မရှိဘဲ ညီလာခံကထွက်တာ (လက်ဝဲသွေဖီရေး)၊ ဒေါ်အောင်ဆန်းစုကြည် ပထမအကြိမ်လွတ်ပြီး ကျင်းပနေခဲ့တဲ့ အိမ်ရှေ့တရားပွဲတွေ (Dialogue အတွက် လက်တွေ့မကြိုးစားဘဲ အပေါစား အများကြိုက်နိုင်ငံရေး Debate တွေလုပ်နေတာ (ဒါလည်း လက်ဝဲသွေဖီရေးပါ)၊ ပါတီတည်ဆောက်ရေးကို ကျစ်ကျစ်လျစ်လျစ် ဖြစ်အောင်မလုပ်ဘဲ နယ်လှည့် အင်အားပြနေခဲ့တာ (ဒါလည်း လက်ဝဲသွေဖီရေး) တွေဟာ သွေဖီရေးတွေ ဖြစ်ပါတယ်။ အသေးစိတ်မပြောလိုတော့ပါ။

လက်ဝဲသွေဖီရေး တကြိမ်ကျူးလွန်တာနဲ့ ကိုယ့်ဘက်က အင်အားနည်းပြီး သူ့ဘက်က အင်အားကြီးလာ တာချည်းပါပဲ။ အဲဒီလို အမှားတွေ အကြိမ်ကြိမ် ကျူးလွန်ရင်းနဲ့ လက်ရှိအခြေအနေကို ရောက်လာတာ ဖြစ်ပါတယ်။ ဒေါက်တာမောင်မောင်လက်ထက်က သူ့ဘက် ကိုယ့်ဘက် Balance of power ကို ၅၀း၅၀ သတ်မှတ်ရင် လက်ရှိအခြေအနေမှာ ၉၀း၁၀ ပဲ ရှိတော့မယ်။ ကိုယ့်ဘက်မှာ ၁၀ လောက် ကျန်နေတာကိုက မြန်မာပြည်လူထု နိုင်ငံရေးအသိ နိုးကြားလွန်းလို့ပါ။ ဒါကြောင့် မြန်မာပြည်ပြဿနာ လူထုဘက်မှာ တာဝန်မရှိတော့ပါ။ Leadership ရဲ့ အားနည်းချက်လို့ ပြောချင်ပါတယ်။

လက်ရှိအခြေအနေနဲ့ Road Map

သူ့ဘက်
Rule of the game တစ်ခုလုံးကို စိတ်တိုင်းကျရေးနိုင်တဲ့ အနေအထားရှိနေပြီ၊ သူ့စိတ်ကြိုက် ဗျူဟာခင်းနိုင်ပြီ။

ဒါပေမယ့် ပြည်သူလူထု ထောက်ခံမှုရအောင်တော့ မစည်းရုံးနိုင်ဘူး၊ ဒါကြောင့် လူထုရဲ့ အညွတ်အနူး ထောက်ခံမှုမပါဘဲ သူခင်းတဲ့ဗျူဟာကို ဇွတ်အကောင်အထည် ဖော်ရမယ့်ပုံ ရှိနေပါတယ်။ ဇွတ်အကောင်အထည်ဖော်နိုင်တဲ့ အနေအထားလည်း ရှိနေပါတယ်။

နိုင်ငံတကာ ဖိအားကိုလည်း တစုံတရာ ထည့်တွက်နေရတယ်၊ ဒါပေမယ့် တခုလုံး အပြောင်းအလဲ ဖြစ်သည်အထိတော့ နိုင်ငံတကာ ဖိအားသက်သက်နဲ့ စွမ်းဆောင်နိုင်စရာ မရှိပါဘူး။

ကိုယ့်ဘက်
အဆိုးရွားဆုံး အနေအထားကို ရောက်နေ
NLD - ဒေါ်အောင်ဆန်းစုကြည်မရှိရင် ဘာမှမလုပ်နိုင်၊ ဒေါ်အောင်ဆန်းစုကြည် ကိုယ်တိုင်လည်း အခြေအနေကို ငုံမိဟန်မတူ။
88 Generation - အကုန်နီးပါးလောက် အထဲရောက်နေကြပြီ၊ နောက်ထပ် ကြီးကြီးမားမား လှုပ်ရှားမှု လုပ်နိုင်ဖွယ်ရာ မရှိ၊
ပြင်ပအင်အားစုများ - အဝေးကနေ အော်ရုံသာ တတ်နိုင်ကြတော့တယ်။ သူဖြူရင် ငါမည်းမယ်ဆိုတဲ့ logic နဲ့ သွားနေကြတယ်။ Strategy မရှိ၊
လူထု - မကျေနပ်ချက်နဲ့ အကြောက်တရား မျှခြေမှာ ရှိနေတယ်၊ သို့သော် ဤမျှခြေမှာ မငြိမ်၊ အချိန်မရွေး ပေါက်ကွဲနိုင်တယ်။ (စက်တင်ဘာဟာ ဒီလိုပေါက်ကွဲမှုမျိုး ဖြစ်တယ်)

ခြုံလိုက်ရင် သူ့ဘက်က လုံးဝအပေါ်စီးရနေပြီလို့ ဆိုနိုင်တယ်၊ Road Map ဟာ ဒီအခြေအနေပေါ်မှာ ပေါ်ထွက်လာတာ ဖြစ်ပါတယ်။

Road Map

သူ့ဘက်က ရည်မှန်းချက်
အမြင့်ဆုံး ရည်မှန်းချက် - လုံးဝအာဏာမလွှဲရန်၊ ဒီအတွက် Road map ကို တတ်နိုင်သလောက် အချိန်ဆွဲဆန့်ပြီး တဖြည်းဖြည်း မှိန်ပျောက်သွားအောင် ကြိုးစားနေခဲ့တယ်။
အနိမ့်ဆုံး ရည်မှန်းချက် - Road Map ကို မြန်မြန် အကောင်အထည်ဖော်ပြီး စိတ်ကြိုက် Constitution နဲ့ ခရီးဆက်ရန်

ကိုယ့်ဘက်ရဲ့ လက်ရှိအင်အားနဲ့ဆိုရင် ဒီနှစ်ခုကြားမှာပဲ ဗျူဟာခင်းသင့်ပါတယ်။ ကိုယ့်အတွက် အမြင့်ဆုံး ရည်မှန်းချက်ဟာ သူ့ရဲ့ အနိမ့်ဆုံး ရည်မှန်းချက်ပဲ ဖြစ်နိုင်ပါတယ်။ ဒီထက် ပိုရနိုင်စရာ မရှိပါဘူး၊

စက်တင်ဘာအရေးအခင်း

ဘယ်နိုင်ငံရေးအင်အားစုကမှ ဖော်ထုတ်လိုက်တာ မဟုတ်ပါဘူး။ spontaneous movement သာ ဖြစ်ပါတယ်။ ဒါကို နိုင်ငံရေးအဖွဲ့အစည်း အသီးအသီးက အသုံးချတာတော့ မှန်ပါတယ်။ သို့သော် positive outcome မထွက်လာဘူး၊ negative outcome သာ ထွက်လာပါတယ်။

၈၈ မျိုးဆက်ရဲ့ အားပေးတွန်းဆော်မှုကို အသိအမှတ်ပြုရပါမယ်။ သို့သော် ၃ ရက်အတွင်း အဖြိုခွဲ ခံလိုက်ရပါတယ်၊ ဒါ ဘာကိုပြနေတာလဲဆိုရင် နိုင်ငံရေးအင်အားစုတွေရဲ့ လှုပ်ရှားမှုဆိုရင် အကြီးထွားမခံဘဲ ချေမှုန်းပစ်မှာပဲဆိုတဲ့သဘော ဖြစ်ပါတယ်။

သူ့ဘက်က ပခုက္ကူအမှားကြောင့် သံဃာ့လှုပ်ရှားမှု ပေါ်လာတာဖြစ်ပြီး ၈၈ တွေရဲ့လှုပ်ရှားမှုလိုမျိုး ချက်ခြင်း မချေမှုန်းရဲခဲ့ပါ။ တစုံတရာ Shock ရသွားတယ်လို့ ဆိုနိုင်တယ်။ ဒါကို သိမ်သိမ်မွေ့မွေ့နဲ့ ထိန်းကြောင်းနိုင်ရင် အမြတ်တချို့ ရနိုင်တယ်။ တရားဝင် သို့မဟုတ် တရားဝင်တပိုင်း သံဃာ့အဖွဲ့အစည်းတောင် ပေါ်ထွက်လာနိုင်တယ်၊ အနိမ့်ဆုံး သံဃာနာယကအဖွဲ့ထဲမှာ ဒီမိုကရက်တစ်သံဃာများ ၀င်နိုင်ဖို့ လမ်းပွင့်သွားနိုင်တယ်၊ တခုလုံးပြောင်းဖို့အထိ မမျှော်လင့်သင့်ကြပါဘူး။

ဖြစ်သင့်တာက ဒီလောက်ကြပ်နေတဲ့ အခြေအနေမှာ နိုင်ငံရေးအင်အားစုတွေ အနေနဲ့ supporting အခန်းမှာပဲ ရပ်ခဲ့သင့်ပါတယ်။ ကိုယ်တိုင်ပါဝင်ပူးပေါင်းပြီး နိုင်ငံရေးတောင်းဆိုချက်တွေ တင်လာတော့ တဘက်က ချေမှုန်းဖို့ ဖြစ်လာခဲ့တာပါ။ ဒါလည်း လက်ဝဲသွေဖီရေးပါ၊ ဒါပေမယ့် ရှေ့ကလက်ဝဲသွေဖီရေးတွေလို လုံးဝ ဆုံးရှုံးသွားတာချည်းတော့ မဟုတ်ပေဘူး။ ပေးရတာနဲ့ မကာမိတဲ့ အကျိုးအမြတ်အချို့ ထွက်ခဲ့ပါတယ်။ ပြီးခဲ့တဲ့ ကြေညာချက်နှစ်ခုက (ဆန္ဒခံယူပွဲနဲ့ ရွေးကောက်ပွဲ) ဒီလှုပ်ရှားမှုကနေ ထွက်လာတဲ့ အမြတ်လို့ ဆိုချင်ပါတယ်။

ဖြစ်စဉ်အရပြောရရင် သံဃာနဲ့လူထုရဲ့ အသက်စွန့် စတေးမှုကြောင့် နိုင်ငံတကာဖိအား ပြင်းထန် လာပါတယ်။ (တရုတ်နဲ့ အာဆီယံကပါ တစုံတရာ ဖိအားပေးလာဟန်ရှိ) ဒါကြောင့် သူ့ရဲ့ အမြင့်ဆုံး ရည်မှန်းချက် (လုံးဝမလွှဲရေး) ကနေ အနိမ့်ဆုံး ရည်မှန်းချက် (Road Map မြန်မြန် အဆုံးသတ်ရေး)ကို ရွေးလာတာ ဖြစ်ပါတယ်။

၁/၂၀၀၈ နဲ့ ၂/၂၀၀၈

ကြေညာချက် နှစ်ခုစလုံးက အစိုးရအနေနဲ့ သူ့ရဲ့ expected value ကနေ better off ကို ရွေ့လာတာ ဖြစ်ပါတယ်။ ယေဘုယျအားဖြင့် ကြိုဆိုသင့်တယ်လို့ ထင်ပါတယ်။ သို့သော် ကြေငြာချက် နောက်ကွယ်မှ ရည်မှန်းချက်ကို အကြွင်းမဲ့ယုံ၍ ရသည်တော့ မဟုတ်ပါ။ ဖြစ်နိုင်ခြေ နှစ်ခုရှိနေပါတယ်။

၁။ Road Map ကို အမှန်တကယ် အဆုံးသတ်ချင် နေသလော။ ဤသို့ ရည်ရွယ်လျှင် မေလဆန္ဒခံယူပွဲတွင် Constitution ကို အတည်ပြုနိုင်ဖို့ ကြိုးစားပါလိမ့်မည်။ (စစ်တပ်အနေဖြင့် အမှန်တကယ် ဤရည်မှန်းချက်မျိုး ရှိလျှင် ကိုယ့်အတွက် လက်ရှိအကြပ်အတည်းမှ ထွက်ပေါက်ဖြစ်နိုင်သည်။ လက်ရှိအခြေအနေထက် ပိုကောင်းလာနိုင်သည်။ better off ဟု ယူဆသည်။)

၂။ ဤသို့မဟုတ်မူဘဲ သူဖြူလျင် ငါမည်းမည် ဟူသော အတိုက်အခံတို့၏ logic ကို သိနေတော့ အခြားရည်မှန်းချက် တခုကလည်း ရှိနေနိုင်သေးတယ်။ သူတို့ကိုယ်တိုင်က အတည်မပြုစေလိုခြင်း ဖြစ်ပါတယ်။ လက်ရှိ constitution အတည်မပြုနိုင်သည့်အတွက် နောက်ထပ်အသစ်ရေးဦးမယ်ဆိုပြီး အချိန်ဆွဲနိုင်ပါတယ်။ နောက်တကြိမ် အမျိုးသားညီလာခံ ထပ်ခေါ်လျှင် ဘယ်လောက် ထပ်ကြာမယ်ဆိုတာ မသိနိုင်တော့။ ဘယ်လိုမှ ကောင်းသော အကျိုးဆက် မဖြစ်နိုင်ပါ။ အကယ်၍ စစ်အစိုးရတွင်သာ ဤရည်မှန်းချက်မျိုးရှိလျှင် ထိုအစိုးရ၏ ရည်မှန်းချက်များ အောင်မြင်စေရန် အားသွန်ခွန်စိုက် အားထုတ်ကြိုးပမ်းနေသူများမှာ ပြည်တွင်းပြည်ပမှ အတိုက်အခံ အင်အားစုများပင် ဖြစ်နေသည်ကို သတိပြုကြစေလိုပါတယ်။

ဒီနေရာမှာ Constitution အတည်မပြုနိုင်စေရန် ကြိုးပမ်းနေကြသော ပြည်တွင်းပြည်ပ အတိုက်အခံအင်အားစု များသို့ မေးရန်ရှိလာပါတယ်။ သူတို့ကြိုးပမ်းမှုအောင်မြင်ပြီး Constitution အတည်မပြုနိုင်လျှင် ဘာဖြစ် လာမည်နည်း၊ စစ်အစိုးရမှ ကိုင်း … ကျုပ်တို့ဆွဲတဲ့ constitution မကြိုက်ဘူးဆိုလျှင်လည်း ခင်ဗျားတို့ စိတ်ကြိုက် constitution ရေးကြဗျာ ဆိုပြီး အစိုးရက အသာတကြည် ကမ်းလှမ်းလာလိမ့်မှာ မဟုတ်တာတော့ သေချာသည်။ သူတို့ လက်ရှိအပေါ်စီး ရထားသော အခြေအနေအရ သူတို့လက်မခံနိုင်တဲ့ constitution တခုကို မည်သို့မျှ ခွင့်ပြုလိမ့်မည် မဟုတ်ပါ။ အတိုက်အခံဘက်က လူထုတိုက်ပွဲနဲ့ ဇွတ်အကောင်အထည် ဖော်မယ်ဆိုလျှင်လည်း နောက်ထပ် သေပွဲသတ်ပွဲတွေ ကြုံရဖို့သာ ရှိပါတော့တယ်။ ဒီကိစ္စ အစိုးရနှင့် ညှိနှိုင်းဆွေးနွေး ကြမည်ဆိုလျှင်လည်း သေချာပေါက် အချိန်ကြာပါတော့မယ်။ နှစ်ဘက်စလုံးက expected value များကို တင်းခံနေကြမှာဖြစ်လို့ ဘာအဖြေမှ ထွက်ပေါ်လာနိုင်စရာ မရှိတော့ပါ၊ တိုင်းပြည်သာ ဖွတ်သထက် ညစ်ဖို့ရှိပါတယ်။

Constitution နှင့် ပါလီမန် ရှိသည့်အခြေအနေနှင့် မရှိသည့်အခြေအနေ မည်သည်က ပိုကောင်းသနည်း

ရှိသည့်အခြေအနေက ပိုကောင်းတယ်ဟု ဆိုချင်ပါတယ်။ The Best မဖြစ်နိုင်ပါ၊ better off တော့ ဖြစ်နိုင်ပါတယ်။ ဘာတွေ ပိုကောင်းပါသနည်း။

၁။ Constitution မရှိ၊ ပါလီမန်မရှိတဲ့ အခြေအနေအောက်မှာ လူထုတိုက်ပွဲ ဆင်နွှဲရသည်မှာ အကူအကာ မရှိ၊ အကူတိုက်ပွဲ ဆင်၍မရ၊ ထီးထီးကြီး ဖြစ်နေ၍ အလွန်အန္တရာယ် ကြီးပါတယ်။ ခြေမှုန်းခံရဖို့လည်း ရာနှုန်းပြည့်နီးပါး သေချာနေလေ့ ရှိပါတယ်။ constitution နှင့်ပါလီမန်ရှိလျှင် ပါလီမန်အတွင်းအပြင် ညှပ်တိုက်နိုင်၍ ဤမျှအခြေအနေ မဆိုးနိုင်ပါ။ အသက်ပေး စတေးရသည်များ သိသိသာသာ လျော့ပါးသွားနိုင်ပါတယ်။

၂။ စစ်တပ်ထဲမှာ moderate အင်အားစုအချို့ ရှိနိုင်ပါတယ်။ သို့သော် လက်ရှိအခြေအနေ (atmosphere) အောက်မှာ ဘယ်သူဘယ်ဝါဆိုပြီး သိနိုင်မှာ မဟုတ်ပါ။ ထိုသူများကိုယ်တိုင်လည်း လူလုံးထွက်ပြရဲလိမ့်မှာ မဟုတ်ပါ။ သူတို့အသက်ရှူနိုင်သော ပတ်ဝန်းကျင်တခု ရှိလာပြီးမှသာလျှင် သိနိုင်ပါလိမ့်မယ်။ လက်တွေ့ ပူးပေါင်းဆောင်ရွက်ခြင်းဖြင့်သာ ခွဲခြားသိမြင်နိုင်စရာ ရှိပါတယ်။ Constitution နှင့် ပါလီမန် ရှိလာလျှင် ဤသို့သော ပူးပေါင်းဆောင်ရွက်မှုမျိုး လမ်းပွင့်လာနိုင်ပါတယ်။ တူသည့်အရာ (စီးပွားရေးတိုးတက်မှု ဖြစ်ကောင်းဖြစ်နိုင်သည်) ကို ပူးပေါင်းဆောင်ရွက်ရင်း မတူသည့်အရာ (နိုင်ငံရေး အပြာင်းအလဲ)ကို ညှိနှိုင်းခွင့် ရလာနိုင်ပါတယ်။ ယခုလို အပြန်အလှန် ရန်ဖြစ်နေရတာနဲ့စာလျှင် တိုင်းပြည်အတွက် ပိုကောင်းပါလိမ့်မယ်။

၃။ Constitution နဲ့ ပါလီမန်မရှိတဲ့ အခြေအနေမှာ လူပုဂ္ဂိုလ်တဦး၏ power base မှနေ၍ ပေါ်လစီ ခင်းကြရပါတယ်။ Constitution နှင့် ပါလီမန်ရှိလာလျှင်မူ Institutional base ဖြင့် ပေါ်လစီ ခင်းလာနိုင်စရာ ရှိလာပါလိမ့်မယ်။ ပြောရလျှင် rule of the game ချမှတ်ရာတွင် ကိုယ့်ဘက်မှ တစုံတရာ ပြောရေးဆိုခွင့် (၁၀၀ ရာခိုင်နှုန်းတော့ မဟုတ်) ရလာနိုင်စရာ ရှိပါသည်။

ချုပ်ပြောရလျှင် လက်ရှိအခြေအနေထက် better off ဖြစ်လာလိမ့်မည်ဟု ထင်ပါသည်။

ဘာလုပ်ကြမလဲ

The best may be enemy of good ဆိုသောစကားကို ဆင်ခြင်ကြစေလိုပါသည်။ မိမိ၏ လက်ရှိ အနေအထားအရ၊ အကောင်းဆုံး (the best)ဆိုသော ရွေးချယ်စရာ မရှိတော့ပါ။ မူလအခြေအနေထက် ပိုကောင်း (better off)လျှင်ပင် လောလောဆယ် ကျေနပ်သင့်ပါသည်။ နောက်မှ ပို၍ ပို၍ကောင်းသော အနေအထားသို့ ဦးတည်သင့်သည်ဟု သဘောရပါသည်။

ပွင့်ပွင့်လင်းလင်း ပြောရလျှင် Road Map အမြန်ပြီးရေးသည်သာ အစိုးရအတွက်ရော အတိုက်အခံအတွက်ပါ better off ဖြစ်ပါလိမ့်မည်။ Constitution ကို မထောက်ခံချင်လျှင်တောင်မှ မပျက်ပျက်အောင် ဖျက်မည်ဟု မဆုံးဖြတ်သင့်ပါ။ ဤသို့ ဆုံးဖြတ်လုပ်ကိုင်လိုက်လျှင် ကိုယ့်ဆုတ်လမ်းကို ကိုယ်တိုင်ပြန်ဖျက်သလို ဖြစ်ပါလိမ့်မည်။ ယခု ဤလမ်းကြောင်းအတိုင်း ဦးတည်နေပြီကို သတိချပ်ကြစေလိုပါသည်။

NLD အတွက် စဉ်းစားချက်
NLD ဦးဆောင်ပြီး Constitution ကို ကန့်ကွက်ဖို့ BCP မှ အကြံပေးသည်ကို ဖတ်ရပါသည်။ အစိုးရကသာ အမှန် တကယ် အတည်ပြုလိုလျှင် ဘယ်သူဦးဆောင်ဦးဆောင် မအောင်မြင်နိုင်ပါ။ အကယ်၍ အတည်ပြုနိုင်ပြီး ၂၀၁၀ ရွေးကောက်ပွဲ ကျင်းပဖြစ်လျှင် Constitution လက်မခံတဲ့ပါတီ ရွေးကောက်ပွဲ မ၀င်ရ ဆိုသည်မျိုး လုပ်လာပါက NLD အတွက် ဆုတ်လမ်း မကျန်တော့ပါ။ သို့အတွက် constitution နှင့်ပတ်သက်ပြီး တရားဝင်သဘောထား မပေးဘဲ လူထုဆန္ဒအတိုင်း လက်ခံမည် ဆိုသော အထိုင်နှင့်သာ ရပ်ခံသင့်ပါသည်။ သို့မှသာ အခြေအနေအရ တက်နိုင်၊ ဆုတ်နိုင်မည်ဖြစ်သည်။

အနာဂတ် အလားအလာ (၂၀၁၀ အလွန်)

ဖြစ်နိုင်ခြေအရှိဆုံး အလားအလာမှာ ၂၀၀၈ မေလ ဆန္ဒခံယူပွဲတွင် constitution အတည်ပြုနိုင်ဖို့ များပါသည်။ ထိုမှ ၂၀၁၀ အထွေထွေ ရွေးကောက်ပွဲလည်း ကျင်းပလာနိုင်ပါလိမ့်မည်။ ဤဖြစ်နိုင်ခြေကို အခြေခံ၍ ရှေ့လုပ်ငန်းစဉ်အချို့ ကြိုတင်တွက်ဆ ထားသင့်သည်ဟု ထင်ပါသည်။ (အကယ်၍ ဤအတိုင်း ဖြစ်မလာခဲ့လျှင် အဆိုးရွားဆုံး အခြေအနေအတွက် ပြင်ဆင်ရတော့မည် ဖြစ်ပါသည်။)

နိုင်ငံတကာမှ ဒီမိုကရေစီ ကူးပြောင်းရေးများကို ကြည့်လျှင် လမ်းကြောင်းသုံးမျိုး ရှိသည်ကို တွေ့နိုင်ပါသည်။
၁။ အောက်မှလာသော အပြောင်းအလဲ
- လူထုလှုပ်ရှားမှုများဖြင့် စတင်သော ဒီမိုကရေစီလှုပ်ရှားမှု၊
- တောင်အာဖရိကနှင့် အရှေ့ဥရောပနိုင်ငံများတွင် တွေ့ရ၊
- ထူးခြားချက် -- စားပွဲဝိုင်း ဆွေးနွေးပွဲများကို ဖြတ်ပြီးမှ အဖြေတခုခု ရခဲ့ကြခြင်းဖြစ်

၂။ အထက်မှလာသော အပြောင်းအလဲ
- လက်ရှိအာဏာရထားသော အင်အားစု၊ (တပ်ဖြစ်စေ၊ အရပ်သားဖြစ်စေ) ကိုယ်တိုင်ဦးဆောင်သော ပြုပြင်ပြောင်းလဲရေး၊
- အရှေ့အာရှနိုင်ငံများ၊ တရုတ်တို့တွင် ဖြစ်ပေါ်ခဲ့၊
- ထူးခြားချက် -- စီးပွားရေးဘက်တွင် အောင်မြင်သော်လည်း နိုင်ငံရေးဘက်တွင်မူ လစ်ဘရယ် ဒီမိုကရေစီ အထိမရောက်၊ အမြင့်ဆုံး illiberal demoracy အထိသာ ရောက်နိုင်

၃။ ဘေးမှလာသော အပြောင်းအလဲ
- ပြင်ပအင်အားကြီး နိုင်ငံတခု/များမှ ၀င်တိုက်ပြီး regime change လုပ်တာမျိုး၊
- အီရတ်နှင့် အာဖဂန်နစ္စတန်တွင် ဖြစ်ခဲ့၊
- ထူးခြားချက် -- ဖြစ်နိုင်ခြေနည်း၊ လက်တွေ့ဖြစ်ခဲ့သော် ပြဿနာ အများကြီးရှိ

မြန်မာနိုင်ငံဟာ နံပါတ်တစ် လမ်းကြောင်းနဲ့ စခဲ့တာ မှန်ပေမဲ့ စားပွဲဝိုင်းကို မဖြတ်နိုင်ခဲ့လို့ အဖြေမရ ဖြစ်ခဲ့ရတယ်။ ၁၉၉၀ ခုနှစ်နောက်ပိုင်းမှာ နံပါတ်နှစ်လမ်းကြောင်းကို ဦးတည်လာတာ တွေ့ရပေမယ့် ရှစ်လေးလုံး တောင်းဆိုချက်ထဲက ဈေးကွက်ပြုပြင်ပြောင်းလဲရေးကိုသာ စိတ်ပါလက်ပါလုပ်ခဲ့ (မအောင်မြင်တာတပိုင်း) သော်လည်း ဒီမိုကရေစီပြုပြင် ပြောင်းလဲရေးကိုမူ တတ်နိုင်သလောက် အချိန်ဆွဲနေခဲ့ပြီး စစ်တပ်ကိုယ်တိုင်ကလည်း စိတ်မပါခဲ့ပါ။

အကယ်၍ ၂၀၁၀ ရွေးကောက်ပွဲသာ ဖြစ်ခဲ့လျှင် မည်သည့်ပါတီ အနိုင်ရသည်ဖြစ်စေ ဒီမိုကရက်တစ် အင်အားစုများအတွက် တရားဝင်လမ်းကြောင်းတခု ပွင့်လာနိုင်သည်။ ဤလမ်းကြောင်းကို Transitional period တစ်ခုအဖြစ် သဘောထားပြီး ဆက်လက်လှုပ်ရှားကြရမည်ဖြစ်ပါသည်။

၁။ မိမိတို့ဘက်မှ အမြင့်ဆုံး ရည်မှန်းချက်မှာ လစ်ဘရယ် ဒီမိုကရေစီသို့ ဦးတည်ရေးဖြစ်သည်။ (ဤနေရာတွင် လွှတ်တော်ထဲမှ တပ်ကိုယ်စားလှယ်များ ဖယ်ရှားရေးမှာ ဆုံချက်ဖြစ်သည်။)

၂။ သို့သော် အဆိုပါ အမြင့်ဆုံး ရည်မှန်းချက်ကို အလျင်စလို စတင်၍ မဖြစ်၊ ပြင်ဆင်မှုမရှိဘဲ ဇွတ်ထလုပ်လျှင် နောက်ထပ်သွေဖီရေး တခုသို့ ရောက်သွားနိုင်ပါသည်။

၃။ သို့အတွက် ပထမ ၄နှစ်သက်တမ်းအတွင်း တပ်ကိုယ်စားလှယ်ကိစ္စကို လုံးဝ မကိုင်တွယ်သင့်၊ ဤကာလ လုပ်နိုင်သည်များမှာ …
- တည်ဆဲ constitution အတွင်း citizen right များ တတ်နိုင်သလောက် ချဲ့ယူရန်
- တပ်ကိုယ်စားလှယ်များနှင့် တူတာတွဲလုပ်ပြီး နားလည်မှု တည်ဆောက်ရန် (အခြေအနေပေးလျှင် တပ်မှ Moderate အင်အားစုများကို ဆွဲဆောင်သိမ်းသွင်းရန်)
- Public နှင့် Private sectors များတွင် လုပ်ရန် (အရေးကြီးပါသည်)
- Civil Society များ တရားဝင် ရပ်တည်ခွင့် ရလာအောင် ကြိုးပမ်းရန်

၎။ ဒုတိယ (၄)နှစ် သက်တမ်းလောက်မှစ၍ တပ်ကိုယ်စားလှယ် အဆင့်ဆင့် လျှော့ချရေးကို အဆင့်ဆင့်လုပ်သွားရန်၊ (ကာလသတ်မှတ်ချက်မှာ အတိအကျ မဟုတ်၊ အခိုင်အမာ အခြေအနေအရ ဆုံးဖြတ်ရန်)

၅။ ဤ Transitional Period ကို တည်တည်ငြိမ်ငြိမ်နှင့် မြန်မြန်ဆန်ဆန် ဖြတ်ကျော်နိုင်ရေးမှာ မိမိတို့၏ လုပ်တတ် ကိုင်တတ်မှုအပေါ် မူတည်ပါလိမ့်မည်။ ဤအတွက် အဖွဲ့အစည်းအရရော၊ တစ်ဦးချင်းအရပါ အလေးအနက် ပြင်ဆင်သင့်ပါသည်။