ဒေါက်တာလွဏ်းဆွေ

အကြမ်းမဖက်ခြင်းရဲ့ တန်ခိုး
ဘာသာပြန်- ရဲမင်းထွန်း
(Mizzima ၀က်ဘ်ဆိုက်မှ ကူးယူ ဖော်ပြပါသည်)

(ဘာသာပြန်သူ ဦးရဲမင်းထွန်းသည် နအဖစစ်အစိုးရက ငြိမ်းချမ်းစွာ ဆန္ဒထုတ်ဖော် ပြသခဲ့ကြသော ရဟန်း သံဃာတော်များကို အင်အားသုံး သတ်ဖြတ် ဖြိုခွင်းခဲ့ခြင်းကို ကန့်ကွက်သောအားဖြင့် ဗြိတိန်နိုင်ငံဆိုင်ရာ မြန်မာသံရုံး၏ လက်ထောက် အတွင်းဝန် အဖြစ်မှ နှုတ်ထွက်ခဲ့သူဖြစ်သည်။ အယ်ဒီတာ)

မြန်မာစစ်အုပ်စုက ဘုန်းဘုန်းတို့ ဦးဆောင်တဲ့ ရွှေဝါရောင် တော်လှန်ရေးအပေါ် အကြမ်းဖက် နှိမ်နင်းခဲ့တာဟာ အံ့သြစရာ မဟုတ်ပါ။ ပြည်သူများ အမြင်မှာ စစ်အုပ်စု ဗိုလ်ချုပ်များ အပေါ် ယုံကြည် အားထား လက်ခံနိုင်မှု ရှိရှိသမျှ အားလုံး ဆုံးရှုံး ကွယ်ပျောက်သွားပြီ ဖြစ်လို့ အာဏာ ထိန်းချုပ်ရေး အတွက် အင်အားသုံး နှိမ်နင်းရေး နည်းလမ်း တစ်ခုသာ ကျန်ရှိခဲ့ပါတယ်။
ဒါပေမယ့်၊ သူတို့မှာ သေနတ်နဲ့တင့်ကားတွေ ဘယ်လောက်ပဲရှိရှိ ဒီလို အပြစ်မဲ့ ပြည်သူတွေ အပေါ် အကြမ်းဖက် သတ်ဖြတ်တဲ့ မသတီစရာ အလုပ်တွေကို လုပ်ကိုင်ဖို့မှာ အောက်ခြေက သာမန် စစ်သားလေးတွေ အပေါ်မှာ မှီခိုနေရဆဲပါ။ သမိုင်းက သင်ကြားမှုက အမိန့်နာခံမှုတွေ ရပ်ဆိုင်းသွားတာနဲ့ တချိန်မှာ၊ ဒါမှမဟုတ် ဘက်ပြောင်းကြပြီ ဆိုတာနဲ့ တပြိုင်နက် စစ်အုပ်စုတွေရဲ့ အာဏာဟာလည်း ဖရိုဖရဲ ပြိုကွဲ ကျဆင်းသွားရောတဲ့။
ဒီလို သမိုင်းစက္ခု မှန်ပြောင်းနဲ့ ကြည့်မယ်ဆိုရင်တော့ ရွှေဝါရောင် တော်လှန်ရေးဟာ မပြီးဆုံးသေးပါဘူး။ တာစူစပဲ ရှိပါသေးသည်။
အကြမ်းမဖက်တဲ့ တော်လှန်ရေး တိုက်ပွဲမှာ အာဏာ ဖီဆန်မှုဟာ အဓိက အကျဆုံးပါ။ မဟတ္တမ ဂန္ဒီကြီးက အာဏာအထက်ဆုံး ဆိုတဲ့သူတွေတောင်မှ အုပ်ချုပ်ခံ ပြည်သူတွေရဲ့ ပူးပေါင်း ဆောင်ရွက်မှု မပါရင် အုပ်ချုပ်လို့ မရပါဘူးတဲ့။ လမ်းမတွေပေါ် လူအစုအဝေးနဲ့ အင်အားပြမှ၊ အကြမ်းမဖက် လှုပ်ရှားမှု အောင်မြင်ရမှာ မဟုတ်ပါဘူးတဲ့။ ပြည်သူတွေက အစိုးရနဲ့ ပူးပေါင်း ဆောင်ရွက်မှုတွေ ရပ်ဆိုင်းပြီး အမိန့်နာခံဖို့ ငြင်းဆန်ပါကလည်း လက်ရှိ စနစ်ရဲ့ တည်ရှိမှုအပေါ် ထိခိုက် အင်အားချိနဲ့စေမှာ ဖြစ်ပါတယ်တဲ့။
မြန်မာနိုင်ငံအတွင်း စစ်အစိုးရကို အာဏာ ဖီဆန်တဲ့ လုပ်ရပ်တွေ ဆက်လက် ဖြစ်ပေါ်နေသေးကြောင်း သတင်းတွေ ပေါက်ကြား ထွက်ပေါ်လာနေဆဲပါ။ အစိုးရ ဆန့်ကျင်သူများရဲ့ အဆိုအရ လူမြင်ရာ အုတ်တံတိုင်း နံရံတွေ၊ အကျဉ်းထောင် နံရံတွေ၊ မိုးပျံ ပူပေါင်းတွေနဲ့ နောက်ဆုံး အင်းအိုင် မြစ်ချောင်းတွေထဲက ဖောင်များပေါ်မှာပါ အစိုးရ ဆန့်ကျင်တဲ့ ပိုစတာများကို တွေ့မြင်နေရပါသတဲ့။
ဆန့်ကျင် ဆန္ဒပြမှုတွေဟာ အကြမ်းမဖက် လှုပ်ရှားမှု တိုက်ပွဲကြီး တခုလုံးနဲ့ နှိုင်းယှဉ်ရင် အင်အား အတိုင်းအဆခြင်း မတူညီပေမယ့်လို့ အကြမ်းမဖက်ရေးမူရဲ့ နည်းဗျူဟာ တခုတော့ ဖြစ်ပါတယ်။ ထိုနည်းတူ၊ လူတွေထောင်နဲ့သောင်းနဲ့ချီပြီး လမ်းပေါ်ထွက်လာပြီး ဖိနှိပ် အုပ်ချုပ် သူတွေရဲ့ စိတ်သဘောထား ရုတ်ချည်း ပြောင်းလဲအောင် လုပ်နိုင်တဲ့ ပြည်သူအင်အား ဆိုတာကလည်း ထူးထူးခြားခြား နားလည်ရ ခက်ခဲတဲ့ အရာတခုတော့ မဟုတ်ပါ။
ပြည်သူ့အင်အား ဆိုတာ အကြမ်းမဖက်ရေး နည်းပေါင်းစုံကို အရှည်တည်တံ့စွာ မဟာဗျူဟာ မြောက် အသုံးချစေတဲ့အရာ ဖြစ်ပါတယ်။ အကြမ်းမဖက်တဲ့ နည်းတွေထဲမှာ လူထုနဲ့ ဝန်ထမ်းတွေက အမိန့်အာဏာ ဖီဆန်လို့ အာခံမှု၊ သပိတ်မှောက်မှု၊ ဆန္ဒပြမှုနဲ့ အစိုးရနဲ့ မပူးပေါင်းရေး နည်းလမ်းတွေ ပါဝင်ပါတယ်။ အကြမ်းမဖက် ဆန့်ကျင်ရေး တဦးဖြစ်တဲ့ ဂျင်းရှပ် (Gene Sharp) ကတော့ အကြမ်းမဖက် ဆန့်ကျင်ရေး လှုပ်ရှားမှုပေါင်း (၁၉၈) မျိုးကို စာရင်းပြုစုထားပြီး လှုပ်ရှားမှု တခုတိုင်းဟာ လှုပ်ရှားမှု အသစ်တခုကို ဖန်တီး ဖြစ်ပေါ်စေတယ်လို့ ပြောပါတယ်။
အကြမ်းမဖက်ရေး လှုပ်ရှားမှုမှာ မဟာဗျူဟာမြောက် ရည်ရွယ်ချက် (၄) ရပ် ရှိပါတယ်။ ဒါတွေက တိုင်းနိုင်ငံတခု၊ ဒေသတခုနဲ့ မြို့ကြီးတမြို့တို့ရဲ့ပုံမှန် လှုပ်ရှားမှုတွေကို ရပ်ဆိုင်း စေနိုင်ပါတယ်။ အဲဒီကမှ စီးပွားရေး လုပ်ငန်းများကို လုပ်ကိုင်လို့ မရဘဲ ဖြစ်စေပါတယ်။ ချီလီ နိုင်ငံက ရက်စက် ကြမ်းကြုတ်တဲ့ သြဂတ်စတို ပီနိုချေး လက်ထက်မှာ အတိုက်အခံတို့ တောင်းဆို လှုပ်ရှားခဲ့တာကတော့ ပုံမှန်နှုန်းထားမှ အရှိန်လျှော့ချလို့ ဖြည်းဖြည်းချင်းသာ အလုပ်လုပ်ရေး ဖြစ်ပါတယ်။သတ်မှတ်ထားတဲ့ တရက်မှာ ချီလီ မြို့တော် စန်တီယာဂို မြို့သူမြို့သားတွေဟာ အရှိန်တဝက်လျှော့လို့ လမ်းလျှောက်ခြင်းနဲ့ အရှိန့်လျှော့ ကားမောင်း ပြသခဲ့ပြီး သူတို့တတွေ ခံစားနေရတာ ဒီလောက်နဲ့ လုံလောက်ပြီ ဖြစ်ကြောင်းကို တစုံ တယောက်မှ အန္တရယ် ကျရောက်ခြင်း မရှိစေဘဲ ဗိုလ်ချုပ်များကို ပြောကြားခဲ့ကြပါတယ်။
ပြည်တွင်းနဲ့ အဆက်အသွယ် ရှိနေဆဲ ပြည်ပမှာ ခိုလှုံနေသူ မြန်မာတယောက်က နိုင်ငံရေး လှုပ်ရှားသူများ အနေနဲ့ ပြည်သူများအား အစိုးရနဲ့ မပူးပေါင်းရေးနဲ့ စက်ရုံများနဲ့ လုပ်ငန်းခွင်သို့ မသွားရောက်ရေးကို လှုံ့ဆော်ထားတယ်လို့ ဆိုပါတယ်။
စီးပွားရေး ဘာသာရပ်နဲ့ နိုဘယ်လ်ဆု ရရှိထားသူ သောမတ် ရှီးလင်းက နှစ်ပေါင်း(၃ဝ)က အခြေအနေကို ပြန်ပြောင်း ထောက်ပြရင်း အကြမ်းမဖက်တဲ့ လှုပ်ရှားမှုဟာ ဖိနှိပ်အုပ်ချုပ်သူတွေ လိုအပ်မယ့် ငွေကြေး၊ အစားအသောက်၊ ထောက်ပံ့ရေး ပစ္စည်းများနဲ့ လူအင်အားကို ပေးအပ်ခြင်း မရှိဘဲ ငြင်းဆန်ရေး ဖြစ်တယ်လို့ ပြောကြားပါတယ်။
ဖိလစ်ပိုင် နိုင်ငံက အာဏာရှင် ဖာဒီနန် မားကို့စ်ကို တော်လှန်ခဲ့တဲ့ ပြည်သူ့ တော်လှန်ရေးအတွင်း ပြည်သူတွေက အစိုးရနဲ့ အဆက်အသွယ်ရှိတဲ့ ဘဏ်များကနေ စုဆောင်းငွေများ ပြန်လည် ထုတ်ယူခြင်း၊ ရေဖိုး၊ မီးဖိုးများ မပေးဘဲ ရပ်ဆိုင်းခြင်းတို့ကို ပြုလုပ်ခဲ့ပါတယ်။ ဒီလို လုပ်ဆောင်မှုဟာ ငွေကြေး အကြီးအကျယ် လိုအပ်နေပြီး တလွဲတချော် စီမံခံနေရတဲ့ စီးပွားရေး အပေါ် အကြီးအကျယ် ဖိအား ဖြစ်ပေါ်စေခဲ့ပါတယ်။ ဖိနှိပ်မှုကိုလည်း အလကား လုပ်လို့ မရတာကြောင့် မားကိုစ်ဟာ ငွေ အမြောက်အမြား လိုအပ်ခဲ့ပါတယ်။ ဘာကြောင့်လဲဆိုတော့ သူခိုင်းစေတဲ့ စစ်သားတွေကို ကျွေးဖို့၊ သယ်ယူ ပို့ဆောင်ဖို့၊ လက်နက် တပ်ဆင်ဖို့တို့အပြင် ထိပ်တန်းက ခေါင်းဆောင်တွေနဲ့ အတွင်းစည်းက လူတွေ ဆက်လက် သစ္စာခံဖို့ အတွက်လည်း ငွေနဲ့ပဲ ဝယ်ယူရတဲ့အတွက် ဖိနှိပ်မှုဟာ သူ့အတွက် ငွေကြေးများစွာ ကုန်ကျစေပါတယ်။
အကြမ်းမဖက်တဲ့ မဟာဗျူဟာနဲ့ လှုပ်ရှားမှုတွေဟာ အုပ်ချုပ်သူ စစ်အစိုးရကို အထောက်အပံ့ ပေးနေတဲ့ ထောက်တိုင်များကိုလည်း အင်အားချိနဲ့ စေပါတယ်။ အဲဒါတွေကတော့ ရဲအဖွဲ့နဲ့ စစ်တပ်တို့ အပါအဝင် ထိန်းချုပ်ထားနိုင်ဖို့ လိုအပ်တဲ့ အဖွဲ့အစည်းနဲ့ အုပ်စုများပါ။ ပြည်ပမှာ ခိုလှုံနေသူ မြန်မာတဦးက မြန်မာ စစ်သားများ အနေဖြင့် အမိန့်ကို အပြည့်အဝ နာခံခြင်း မရှိတော့ကြောင်း၊ အချို့ဟာ ခွင့်မဲ့ ပျက်ကွက်နေကြကြောင်းနဲ့ နအဖအတွင်းက ထိပ်တန်း စစ်ခေါင်းဆောင် နှစ်ဦးအကြား မပြေလည်မှုဟာ ထင်ထင်ရှားရှားကြီး ဖြစ်ပေါ်နေကြောင်း ပြောကြားပါတယ်။
ယခင် အကြမ်းမဖက်ရေး လှုပ်ရှားမှု တိုက်ပွဲများမှ ရရှိတဲ့ သင်ခန်းစာအရ လက်စားချေမှု မပါဝင်ဘဲ တရားမျှတတဲ့ လူ့အဖွဲ့အစည်း ပေါ်ထွက်လာရေး အမြင်ကို အားလုံး သိရှိစေရန် ကြေညာ ပြောကြားချက်ဟာ အရေးကြီးပါတယ်။ မျှတတဲ့ ဒီလူ့အဖွဲ့အစည်းမှာ ဖိနှိပ်သူများ ဖက်မှ ဘက်ပြောင်း ခိုလှုံလာသူတွေအတွက် နေရာတနေရာ ရှိမည်ဖြစ်ကြောင်း သိထားစေရေး ဖြစ်ပါတယ်။
နောက်ဆုံး အချက်အနေနဲ့၊ အကြမ်းမဖက်ရေး လှုပ်ရှားမှု ကိုယ်တိုင်ကိုယ်က ပြည်သူလူထုမှ အစိုးရ ဆန့်ကျင်ရေး လုပ်ဆောင်လာရေးကို စွဲဆောင် စေနိုင်ပါတယ်။ အရေအတွက် တိုးတက် များပြားလာတဲ့ မြန်မာနိုင်ငံသား တော်တော်များများဟာ အစိုးရရဲ့ ညပိုင်း သတင်း ကြေညာချက် စတင်တဲ့ အချိန်မှာ ရုပ်မြင်သံကြားများ ပိတ်ခြင်းအပြင် အမှောင်ချ နေထိုင်၍ အစိုးရ ဆန့်ကျင်သူများကို ထောက်ခံသော သင်္ကေတကို ပြသလျက် ရှိနေကြကြောင်း သိရှိရပါတယ်။
ဒီလိုနဲ့ ဗိုလ်ချုပ်တွေ အနေနဲ့ နှုတ်ဆိတ် ငြိမ်သက်မှုတွေကို လိုလားတဲ့အတိုင်း ရတော့တာပေါ့။ ဒါပေမယ့် ဒါဟာ တချိန်မှာ တိုးတက် ကြီးထွားလာနိုင်ချေရှိတဲ့ ငြိမ်ငြိမ်သက်သက်နဲ့ စုစည်း လှုပ်ရှားမှုပါ။ ဒီလို ဖြစ်ရပ်အနေနဲ့ (၁၉၉၇)ခုနှစ်မှာ တူရကီ နိုင်ငံအတွင်း လာဘ်ပေး လာဘ်ယူ ခြစားမှုကို ကန့်ကွက်တဲ့ သန်းပေါင်း (၃ဝ) ရှိတဲ့ လူထုက မီးအမှာင်ချကာ ဆန္ဒပြလို့ ပေါ်ပေါက်ခဲ့ဘူးပါတယ်။
အကျဉ်းကျခံနေရစဉ် အတွင်းက မာတင်လူသာကင်းက 'နာကျင်မှုတွေနဲ့ ဒွန်တွဲ ရရှိခဲ့တဲ့ အတွေ့အကြုံအရ ဖိနှိပ်သူများမှ လွတ်လပ်မှုကို ဘယ်တော့မှ ပေးအပ်ခြင်းမရှိဘူး ဆိုတာ ကျွန်ုပ်တို့ နားလည် သိရှိပါသည်' 'လွတ်လပ်မှုကို ဖိနှိပ်သူများကသာ တောင်းဆိုရပါမည်'ဟု ရေးသားခဲ့ပါတယ်။ မြန်မာနိုင်ငံမှာ ထောင်ပေါင်းများစွာသော ပြည်သူတွေဟာ ဒီနည်းအတိုင်း လုပ်ဆောင်နေကြပြီး မရှိန်မပျက် ဆက်လက် လုပ်ဆောင်နေကြဆဲ ဖြစ်ပါတယ်။

ရဲမင်းထွန်း

(၂ဝဝ၇ခုနှစ်၊ အောက်တိုဘာလ (၁၈)ရက်နေ့ထုတ် International Herald Tribune သတင်းစာပါ ဆောင်းပါးရှင် Shaazka Beyerle နှင့် Cynthia Boaz တို့၏ The Power of nonviolence ကို ပြန်ဆိုသည်။)