တွယ်ရာမဲ့ ဘ၀များ (၅)

ဒေါက်တာလွဏ်းဆွေ

သောတရှင်များခင်ဗျာ … ပြီးခဲ့တဲ့ ဇွန်လ(၁၅)ရက်နေ့က ထိုင်းနိုင်ငံမှာ လာရောက် အလုပ်လုပ်ကိုင်နေကြတဲ့ မြန် မာ၊ ကမ္ဘောဒီးယားနဲ့ လာအိုနိုင်ငံတွေက ရွှေ့ပြောင်းအလုပ်သမားတွေကို ထိုင်းအလုပ်သမားတွေနဲ့ တန်းတူ အခွင့်အရေးတွေ ရရှိစေဖို့ ထိုင်းနိုင်ငံရဲ့ အလုပ်သမား ကာကွယ်ရေးဥပဒေ ဘီအီး၂၅၄၁အရ အကာအကွယ်ပေးဖို့ အဆင်သင့်ဖြစ်နေပါတယ်လို့ ထိုင်းအလုပ်သမားဝန်ကြီးဌာနက ကြေငြာချက် ထုတ်ပြန်ခဲ့တာကို သတင်းများမှာ ဖတ်ရှုခဲ့ရပါတယ်။ ထိုင်းအလုပ်သမားဝန်ကြီးဌာနရဲ့ ရည်ရွယ်ချက်ကတော့ လုပ်ငန်း၊ တာဝန်နဲ့ အလုပ်သမား ကာ ကွယ်ရေး ဥပဒေအောက်မှာ အိမ်နီးချင်းနိုင်ငံတွေက လာရောက်လုပ်ကိုင်ကြတဲ့ ရွှေ့ပြောင်းအလုပ်သမားတွေကို ထိုင်းအလုပ်သမားတွေနည်းတူ အနိမ့်ဆုံး လုပ်ခနှုန်းထားရရှိရေး၊ အမျိုးသမီးများနဲ့ ကလေးလုပ်သားတွေ အပါအ ၀င် အလုပ်သမားတွေရဲ့ လူမှုဘ၀ဖူလုံရေး၊ စက်မှုလုပ်ငန်းဆိုင်ရာ ဆက်နွယ်မှုတွေနဲ့ လုပ်ငန်းခွင်အတွင်းမှာ လုံခြုံ မှု ရှိစေရေး၊ ကျန်းမာရေးကိစ္စတွေကို အကာအကွယ်ပေးဖို့ ဖြစ်တယ်လို့ ဆိုပါတယ်။

ဒါပေမယ့်လည်း ဥပဒေကို ကြပ်မတ်အကောင်အထည်ဖော်မှုက အားနည်းနေပြီး အခုလက်ရှိ အခြေအနေမှာ ထိုင်းနိုင်ငံမှာရှိတဲ့ မြန်မာရွှေ့ပြောင်း အလုပ်သမားတွေအနေနဲ့ ထိုင်းအစိုးရက တရားဝင် သတ်မှတ်ထားတဲ့ အ နိမ့်ဆုံး လုပ်ခနှုန်းထားကိုတောင် မရရှိကြဘူးလို့ သိရပါတယ်။ အဲဒီလို အနိမ့်ဆုံး လုပ်ခနှုန်းထားတွေ မရရှိတာနဲ့ ပတ်သက်လို့ ထိုင်းတနိုင်ငံလုံးမှာ လက်ရှိဖြစ်တည်နေတဲ့ အခြေအနေကို ရောင်ခြည်ဦး အလုပ်သမားအဖွဲ့ အထွေ ထွေအတွင်းရေးမှူး ဦးမိုးဆွေက အခုလို ပြောပြပါတယ်။

(အသံ) ဟုတ်ကဲ့ အဲဒီမှာတော့ နှစ်ပိုင်းရှိပါတယ်၊ ရှိတယ်ဆိုတာက ထိုင်းနိုင်ငံ အတွင်းပိုင်းကို ရောက်သွားတဲ့ ဒီ ဘန်ကောက်မြို့ပေါ့နော်၊ ထိုင်းနိုင်ငံ အစိုးရရုံးစိုက်တဲ့ နေရာနားမှာရှိနေတဲ့ မြို့တွေနားမှာ ရှိနေတဲ့ အလုပ်သမား တွေကျတော့ အနီးစပ်ဆုံး အပြည့်အ၀ မဟုတ်ရင်တောင် သူတို့ရဲ့ အနိမ့်ဆုံးလစာကို နီးနီးစပ်စပ် ရကြတယ်။ ဒါ ပေမယ့် အခုနပြောတဲ့ အစွန်အဖျား ဒေသတွေမှာ ရှိနေကြတဲ့ လုပ်ငန်းတွေမှာ လုပ်ကြတဲ့ ဥပမာ မဲဆောက်လို၊ ရနောင်းလို နောက်တခုက ထိုင်းနိုင်ငံမှာ ဆိုရင်လည်း ထိုင်းနိုင်ငံ အရှေ့မြောက်ပိုင်း လာအိုနယ်စပ်ဘက်မှာ ရှိနေ တဲ့ စက်ရုံအလုပ်ရုံတွေနဲ့ သစ်သီးခြံမှာလုပ်တဲ့ လူမျိုးတွေကျတော့ အများစုလို့ ပြောလို့ရပါတယ် ထိုင်းနိုင်ငံက သတ်မှတ်ထားတဲ့ အနိမ့်ဆုံးလစာကို မရကြဘူးခင်ဗျ။

မြန်မာနယ်စပ်နဲ့ ထိစပ်လျက်ရှိတဲ့ ထိုင်းနိုင်ငံ တပ်ခရိုင်အတွင်းက အလုပ်သမားတွေအတွက် သတ်မှတ်ထားတဲ့ အနိမ့်ဆုံး လုပ်ခနှုန်းထားနဲ့ လက်တွေ့အလုပ်ခွင်မှာ ရရှိနေတဲ့ လုပ်အားခ အခြေအနေကိုတော့ မဲဆောက်အခြေ စိုက် မြန်မာပြည်သူများအရေး ပူးတွဲလှုပ်ရှားမှုကော်မတီဥက္ကဌ ဦးမိုးကြိုးက အခုလိုပြောပြပါတယ်။

(အသံ) တပ်ခရိုင်မှာတော့ တနေ့လုပ်အားခငွေကို ဥပဒေအရဆိုရင် ၁၄၇ဘတ်ပေးရမှာ ဖြစ်ပါတယ်။ အိုတီကြေး ကို တနာရီကို ၂၈ဘတ်ပေးရမှာ ဖြစ်ပါတယ်။ တကယ်တမ်းကျတော့ ဒီစက်ရုံအလုပ်ရုံ အလုပ်သမားတွေက လုပ် အားခငွေက လူသစ်နဲ့လူဟောင်း နှစ်မျိုးနှစ်စား ခွဲခြားပြီးပေးတာကို အလုပ်ရှင်တွေက လုပ်ကြတယ်ခင်ဗျ။ လူ သစ်ဆိုရင် ၅၀လောက်ပဲ ပေးတယ်။ တနှစ်ကျော်လာတဲ့ အလုပ်သမားမှသာလျှင် ၆၀၊ ၇၀ဆိုပြီးတော့ ပျမ်းမျှခြင်း ရကြတာကို တွေ့ရတယ်။ ဒါကြောင့် ဒီအလုပ်သမားဥပဒေမှာ ပြဌာန်းထားတဲ့ ၁၄၇ဘတ်ဆိုတာ တကယ်တမ်းက တထောင့်တည ပုံပြင်လိုပဲ ဖြစ်နေကြပါတယ်။

ဦးမိုးကြိုး ပြောပြခဲ့တဲ့အတိုင်း ထိုင်းအစိုးရက သတ်မှတ်ထားတဲ့ လုပ်ခနှုန်းထားတွေဟာ တထောင့်တည ပုံပြင်လို ဖြစ်နေပုံကို မဲဆောက်မြို့က မြန်မာရွှေ့ပြောင်း အလုပ်သမားတဦးဖြစ်တဲ့ ကိုသက္ကလည်း ထောက်ခံပြောဆိုပါ တယ်။ သူဟာ ဧရာဝတီတိုင်းသားတဦးဖြစ်ပြီး အရင်နှစ်တွေက အထည်ချုပ်စက်ရုံမှာ လုပ်ခဲ့သူပါ။ ဒါပေမယ့် စက် ရုံပိုင်ရှင်တွေက လုပ်အားခကို မတရားချိုးနှိမ်ပြီး ပေးတဲ့အတွက် အခုအခါမှာ အပြင်ထွက်ပြီး ပန်းရံအလုပ်ကို လုပ် နေတယ်လို့ ဆိုပါတယ်။ အထည်ချုပ်စက်ရုံမှာ လုပ်ခဲ့တုန်းက အလုပ်ရှင်ပေးတဲ့ လုပ်အားခ အနေအထားကို သူ က အခုလို ပြောပြပါတယ်။

(အသံ) ကျနော်တို့ လုပ်ခဲ့တဲ့ အထည်ချုပ်စက်ရုံဆိုရင် ၄၅ဘတ်က အရင်စပေးတယ်။ ဟို ကလေးတွေပေါ့။ ၄၅ ဘတ်၊ ၅၅ဘတ်၊ ၅၀၊ ၆၅ ဒါအများဆုံးပဲ၊ အမြင့်ဆုံးပဲ၊ ၆၅က။ ၇၀တို့ ဘာတို့က ဒါ တအားကြီး သူတို့ဆီမှာ နှစ် ကြာတဲ့လူတွေ၊ သုံးလေးနှစ်၊ လေးငါးနှစ် အဲလိုလုပ်တဲ့ လူလောက် အဲဒီလူလောက်ပဲ ရတာ။ အခု ကျနော်တို့ ၂၀၀၆ခုနှစ်ကတော့ ၁၄၃ဘတ်၊ အခု ၂၀၀၇ခုနှစ်မှာ ၁၄၇ဘတ်။ ဘယ် … အလုပ်သမား ရဖို့နေနေသာသာ အဲဒီ ဥစ္စာ တချို့ဆိုရင် သိတောင်မသိဘူး။ အဲဒါမျိုးတွေ ကြုံရတာ။

လက်ရှိ မဲဆောက်မြို့က သိုးမွှေးစက်ရုံတရုံမှာ အလုပ်လုပ်ကိုင်နေတဲ့ မွန်ပြည်နယ်သူ အသက်နှစ်ဆယ်အရွယ် မိန်းခလေး တဦးကတော့ လုပ်အားခ အနှိမ်ခံရတာနဲ့ ပတ်သက်ပြီး သူမ တွေးမိတာကို ရင်ဖွင့် ပြောပြခဲ့ပါတယ်။ သူမက သိုးမွှေးစက်ရုံမှာ ဒါဇင်စားအဖြစ် လုပ်ကိုင်နေသူတဦး ဖြစ်ပါတယ်။ ဒါပေမယ့် ဘယ်လောက်ပဲ အလုပ်လုပ် ကြိုးစားကြိုးစား အလုပ်ရှင်က နေ့စားခထက် ဈေးပိုမပေးဘူးလို့ အခုလို ပြောပြပါတယ်။

(အသံ) အဲလိုမျိုး ဘယ်လိုပြောမလဲ၊ မြန်မာပြည်သားတွေလေ တအားနဲ့ များလာတော့လေ၊ သူတို့တွေကလေ၊ မြန်မာပြည်သားတွေကို ခိုင်းလို့ရတယ်ဆိုပြီးတော့ အဲဒီလိုမျိုး ဈေးကို မတရားနဲ့ လျှော့တယ်။ ဘယ်လောက်ပဲ အ လုပ်ကြိုးစားကြိုးစား ဈေးကို နေ့စားဈေးလောက်ထက် ဘယ်တော့မှ ပိုမပေးဘူး။ အဲဒါကြောင့်မို့ အခုဆိုရင် လုပ် တယ်၊ အရမ်းနဲ့ အလုပ်လုပ်ကြတယ်၊ မြန်မာပြည်သားတိုင်းဟာပေါ့နော်၊ အဲလိုမျိုး ကိုယ်လုပ်တဲ့ လုပ်အားခနဲ့ မမျှ အောင်ရနေတာ။

မြန်မာရွှေ့ပြောင်း အလုပ်သမားတွေအနေနဲ့ အဲဒီလို ထိုင်းအစိုးရက တရားဝင်သတ်မှတ်ထားတဲ့ အနိမ့်ဆုံး လုပ်ခ နှုန်းထားတွေကို မရရှိတာဟာ နိုင်နှစ်နိုင်ငံအစိုးရ တာဝန်ရှိသူတွေနဲ့ အလုပ်သမားဝန်ကြီးဌာနတွေက ဥပဒေနဲ့ အညီ ကိုင်တွယ်ဖြေရှင်းပေးခြင်း မရှိမှု၊ တာဝန် ပျက်ကွက်မှုတွေကြောင့် အဓိက ဖြစ်တယ်လို့ အလုပ်သမား သွေး စည်းညီညွတ်ရေးအဖွဲ့ တာဝန်ခံ ဦးသံဒုတ်က အခုလို သုံးသပ်ပြောဆိုပါတယ်။

(အသံ) ဗမာအလုပ်သမားတွေ လာတယ်။ လုပ်အားခနည်းတယ်။ ဘာ့ကြောင့် နည်းသလဲဆိုရင် တစ်အချက် ကျ နော်တို့က အရေးပါတဲ့ ထိုင်းနိုင်ငံက ချမှတ်ထားတဲ့ အလုပ်သမား အခွင့်အရေးဆိုင်ရာ ဥပဒေတွေကို ဒီထိုင်းအ စိုးရရော ထိုင်းအလုပ်သမား ၀န်ကြီးဌာနကကော ပြည့်ပြည့်၀၀ အကောင်အထည်ဖော် မပေးနိုင်ဘူး။ နှစ်အချက် ဒီထိုင်းဥပဒေကို ချမှတ်ထားတဲ့ labour act တို့ အလုပ်သမား relation တို့ဆိုတဲ့ ဥပဒေနှစ်ခုရှိတယ်။ အရေး ကြီးတယ်။ အဲတော့ အဲဥပေဒကိုချိုးဖောက်နေတဲ့ လုပ်ငန်းရှင်တွေကိုလည်း ဒီဥပဒေတွေ အသက်ဝင်လာအောင် ထိုင်းအစိုးရက ဘာမှ ထိထိရောက်ရောက် အရေးမယူဘူး။ သုံးအချက်က ထိုင်းနိုင်ငံရဲ့ အစိုးရနဲ့ မြန်မာအစိုးရနဲ့ ကြားမှာ နှစ်ပေါင်းများစွာ ပေါ့နော်၊ MOU ခေါ်တဲ့ Memorandum Of Understanding ပေါ့။ နှစ်နိုင်ငံ အလုပ် သမားအရေးကို သဘောတူညီချက်နဲ့ လုပ်ကြတယ်။ သို့သော်လည်းပဲ ဒီနေ့ကာလမှာ အထိပေါ့နော်။ ရွှေ့ပြောင်း အလုပ်သမားတွေကို ပူးပေါင်းပြီးတော့ ဖြေရှင်းရမယ်ဆိုတာ ဒီနေ့အထိ နှစ်နိုင်ငံအစိုးရက ပျက်ကွက်တယ်။ နောက်တချက်က မြန်မာအစိုးရ ကိုယ်နှိုက်က မြန်မာရွှေ့ပြောင်း အလုပ်သမားတွေရဲ့ အရေးကို လျစ်လျူရှုထား တယ်။ သူကိုယ်တိုင်ကလည်း အလုပ်သမားဝန်ကြီးဌာနမှာ ကျွမ်းကျင်မှုလည်းမရှိဘူး။ သူကိုယ်တိုင်လည်း ဘာမှ မဖြေရှင်းပေးနိုင်ဘူး။ နောက်တချက်က အဲလို အချက်ပေါင်းများစွာထဲမှာပေါ့၊ ဒီအလုပ်သမား ဈေးကွက်ပေါ့နော်၊ မြန်မာရှိတဲ့ အလုပ်သမားဦးရေကလည်း ပိုပြီး တိုးပွားလာတယ်ဆိုတာလည်း ဒါအကြောင်းတချက်လို့ ပြောလို့ရပါ တယ်။ ဒါပေမယ့် ဒီတချက်တည်းကြောင့်တော့ မဟုတ်ဘူး။ အကြောင်း လေးငါးချက်ရှိတယ်။

သောတရှင်များခင်ဗျာ … အဲသလို အနိမ့်ဆုံး လုပ်ခနှုန်းထားကိုတောင် မရရှိကြတဲ့ အခုလိုအချိန်အခါမှာ အရွယ် ရောက်သူ မြန်မာရွှေ့ပြောင်း အလုပ်သမားတွေတင် မကတော့ဘဲ အရွယ်မရောက်သေးတဲ့ မြန်မာကလေးငယ် တွေပါ ထိုင်းနိုင်ငံမှာ အလုပ်သမားတွေအဖြစ် ၀င်ရောက်လုပ်ကိုင်နေကြတာကို တွေ့မြင်နေရပါတယ်။ ဒါ့အပြင် မျက်မြင်သက်သေတွေရဲ့ ပြောဆိုချက်အရ တချို့မြန်မာကလေးငယ်တွေဟာ လိင်လုပ်ငန်းတွေမှာပါ ၀င်ရောက် လုပ်ကိုင်နေကြရတယ်လို့ ၀မ်းနည်းကြေကွဲဖွယ် ကြားသိရပါတယ်။ အခုဆိုရင် ထိုင်းနိုင်ငံမှာ မြန်မာကလေးအ လုပ်သမားတွေ အပါအ၀င် နိုင်ငံခြားသား ကလေးအလုပ်သမားပေါင်း (၃)သိန်းကျော် ရှိတယ်လို့ နိုင်ငံတကာ အ လုပ်သမားအဖွဲ့ (အိုင်အယ်လ်အို)က ခန့်မှန်းထားတာကို တင်ပြပြောဆိုရင်း အခုတပတ် အစီအစဉ်ကို ရပ်နား လိုက်ပါတယ်။

(အသံဖိုင်ကို www.dvb.no ၀က်ဘ်ဆိုက် အပတ်စဉ်ဆောင်းပါး စာမျက်နှာတွင် ရှာဖွေနားဆင်နိုင်ပါသည်)