Thursday, May 15, 2014

မြန်မာပြည်ကို အရေခွံဆုတ်နေတဲ့ ဘိန်းတရုတ်ခရိုနီ

လက်စောင်းထက်
(Tomorrow သတင်းဂျာနယ်အမှတ်-၁၁ ပါ ဆောင်းပါး)

ခရိုနီတွေအကြောင်း ပြောပြနေတဲ့ ခရိုနီလက်ဟောင်းကြီးက “တကယ်တမ်း ပြောရရင် ထိပ်သီးခရိုနီ၂၀ထဲမှာ မြန်မာတစ်ယောက်မှ မပါဘူးဗျ။ ဒီလိုပြောပြန်တော့ ဆရာကျောင်းတို့ ဦးဇော်ဇော်တို့ ဦးတေဇတို့က ထိပ်သီး ၂၀ထဲမပါဘူးလားလို့ ခင်ဗျားက မေးချင်မယ်။ အစိုးရဆီက အခွင့်အရေး အရဆုံး အမြတ်အစွန်း အရဆုံး ၂၀ထဲမှာ အဲဒီသုံးယောက် မပါဘူးဆိုတာ အသေအချာ ပြောရဲတယ်။

ဘာကြောင့် ပြောနိုင်သလဲဆိုတော့ အရင်ထောက်လှမ်းရေးတွေ ပြုစုထားတဲ့ စာရင်းရှိတယ်။ အဲဒီအထဲမှာ ခုနသုံးယောက်က ၂၀ အပြင်မှာပဲရှိတယ်။ ဒါပေမဲ့ လှူရတန်းရမဲ့ အချိန်ကျရင် ရုပ်ပြကောင်းအောင် သူတို့ကိုပဲ ပွဲထုတ်လေ့ရှိတော့ လူတွေက သူတို့သုံးယောက်က အခွင့်အရေး အရဆုံး၊ အချမ်းသာဆုံးလို့ ထင်နေတာ။ အခုကျွန်တော် ပြောပြမဲ့ ဘိန်းခရိုနီကမှ မြန်မာနိုင်ငံကို အုပ်ချုပ်ခဲ့တဲ့ အာဏာရှင်မိသားစုတွေ၊ ၀န်ကြီး ၀န်ကလေးတွေရဲ့ ယုံကြည်ခံရဆုံး အခွင့်အရေး အရဆုံးသူ ဖြစ်တယ်။

သူတို့မိသားစုနေဖို့ အင်းစိန် သုခလမ်းနဲ့ ပဏ္ဍိတလမ်းမှာနေတဲ့ သူတွေကို မှော်ဘီ ၀ါးတစ်ရာကို ပြောင်းပစ်ပြီး ရပ်ကွက်ကြီး တစ်ခုလုံးကို မိသားစု စံနန်းတော် လုပ်ခဲ့သူလည်းဖြစ်တယ်။ ပြောရရင် ဒါဟာ မြို့ပြဖွံ့ဖြိုးမှု စီမံကိန်းလည်း မဟုတ်ဘူး။ ဘိန်းဘုရင် မိသားစု စံစားဖို့ သက်သက်ပဲ။ ဒါပေမဲ့ ထောက်လှမ်းရေး ညွှန်ကြားရေးမှူး ဗိုလ်ချုပ်ခင်ညွန့်က အဲဒီနေရာကို ပေးခဲ့တယ်။ ဘာလို့ပေးခဲ့သလဲဆိုရင် အဲဒီ ဘိန်းတရုတ်တွေက ထောက်လှမ်းရေး အသေးသုံးအတွက် တစ်နှစ်ကို ဒေါ်လာ တစ်သန်း ထောက်ပံ့ခဲ့လို့ပဲ။

ဒီဘိန်းတရုတ်ခရိုနီက မြန်မာနိုင်ငံရဲ့ အရင်းအမြစ်တွေကို တရုတ်ဘက်ကို နည်းမျိုးစုံနဲ့ ရောင်းစားနေတဲ့သူ ဖြစ်တယ်။ အခုအနားယူသွားတဲ့ ဒုသမ္မတဟောင်းကို သူ့ကုမ္ပဏီထဲမှာ ရှယ်ယာတွေပေး၊ ကုမ္ပဏီရဲ့ နာယကခန့်ပြီး တစ်နိုင်ငံလုံးရဲ့ အရင်းအမြစ်တွေကို ထုတ်ယူ သုံးစွဲခွင့်ရခဲ့တာ ဖြစ်တယ်။ အဲဒီ ဒုသမ္မတဟောင်းဟာ အဲဒီ ဘိန်းတရုတ်ရဲ့ ကုမ္ပဏီမှာ အစုရှယ်ယာ ၄၀ ရာခိုင်နှုန်းအထိ ပိုင်ဆိုင်ပြီး နာယက တာဝန်ထမ်းဆောင်လျက်ရှိတယ်။

တစ်နိုင်ငံလုံးက အုန်းအုန်းကျွက်ကျွက် ကန့်ကွက်နေတဲ့ မြစ်ဆုံရေအားလျှပ်စစ်ဟာ တကယ်ပြောရရင် နှစ်ကျပ်ကွက် ဖြစ်တယ်။ မြစ်ဆုံရဲ့ ရေအောက် မြေကြီးတွေထဲမှာ နှစ်ပေါင်းများစွာ အနည်ကျနေတဲ့ ရွှေတွေရှိတယ်။ ဒါကြောင့် မြစ်ဆုံက တူးသမျှ မြေကြီးတွေကို တရုတ်ဘက်ကို ငွေအကုန်ခံ သယ်သွားတာဖြစ်တယ်။

အဲဒီမြစ်ဆုံစီမံကိန်းအတွက် သူတို့ရင်းနှီးမြှုပ်နှံမဲ့ ငွေထက် အဆပေါင်းများစွာ တန်တဲ့ ရွှေတွေကို အဲဒီဘိန်းတရုတ် ပွဲစားလုပ်တဲ့ CPIကုမ္ပဏီက ရသွားပြီးဖြစ်တယ်။ ပြောရရင် အဲဒီဘိန်းတရုတ်ခရိုနီဟာ တိုင်းပြည်မျက်နှာကို နဲနဲမှထောက်တာ မဟုတ်ဘူး။ အဲဒီလို မထောက်ထားနိုင်တဲ့ အကြောင်းက သူဟာ တရုတ်ဖြစ်နေလို့ပဲ။ ခက်တာက အဲလိုလူတွေကိုမှ အာဏာရှင်တွေက ယုံကြည်ကြတာကိုးဗျ။

သူ ပွဲစားလုပ်တဲ့ ရေအားလျှပ်စစ်နဲ့ ပတ်သက်တဲ့ စာချုပ်တွေဟာ အများပြည်သူရှေ့ကို ရောက်မလာပေမဲ့ အခြေခံအချက်ကတော့ သူတို့ တရုတ်ကုမ္ပဏီတွေကို ရင်းနှီးမြှုပ်နှံခွင့် ပြုလိုက်လို့ နိုင်ငံတော်က ပြန်ရမှာက ထွက်တဲ့လျှပ်စစ်ရဲ့ ၁၀ရာခိုင်နှုန်းပဲ ဖြစ်တယ်။ ပြီးရင် နိုင်ငံအတွက် လိုအပ်လာရင် ၅၀ရာခိုင်နှုန်းအထိပဲ ပေါက်ဈေးနဲ့ ၀ယ်ခွင့်ရှိတယ်။ ရေအားလျှပ်စစ် အတွက် နိုင်ငံတော်က သဘာဝပတ်ဝန်းကျင် ညစ်ညမ်းမှုတွေ ဂေဟစနစ် ပျက်စီးမှုတွေ ရှိပေမဲ့ ဘယ်သူသေသေ ငတေမာရင်ပြီးရောဆိုတဲ့ အာဏာရှင် မိသားစုက အဲဒီဘိန်းတရုတ် ခရိုနီလုပ်ချင်သမျှကို ခွင့်ပြုပေးခဲ့တယ်။ မြစ်ဆုံမှာ တကယ် သူတို့ ဆောက်မှာက ဆည်ပေါင်း ခုနှစ်ခုဖြစ်တယ်။

လက်ရှိအစိုးရက တားထားတာက မြစ်ဆုံဆည်တစ်ခုထဲဖြစ်လို့ ကျန်တာတွေ သူတို့ ဆက်ဆောက်ခွင့် ရနေသေးတယ်။ အဲဒီစီမံကိန်းကနေ ဘိန်းတရုတ် ခရိုနီရသွားတဲ့ ပွဲခက အမေရိကန် ဒေါ်လာ သန်း ၄၀၀ ဖြစ်တယ်။ ပြောရရင် မြန်မာနိုင်ငံက ရေအားလျှပ်စစ်စီမံကိန်းတွေအားလုံးကို အရင်လျှပ်စစ်ဝန်ကြီး ဦးဇော်မင်း လက်ထက်မှာ လက်မှတ် အကုန်ထိုးသွားတာ ဖြစ်တယ်။

အဲဒီအပြင် အာဏာရှင်တွေက ဘယ်လောက် သဘောကောင်းသလဲဆိုတော့ မြန်မာနိုင်ငံကနေ နိုင်ငံတစ်ကာ ထွက်ပေါက် ၀င်ပေါက်တွေဖြစ်တဲ့ အပြည်ပြည်ဆိုင်ရာ ဆိပ်ကမ်းနဲ့ ရန်ကုန် အပြည်ပြည်ဆိုင်ရာ လေဆိပ်တွေကို နှစ်ရှည်စာချုပ်နဲ့ သူ့ကို လုပ်ခွင့်ပေးလိုက်တယ်။ ဒီတော့ သစ်လုံးထွင်းပြီး ဘိန်းဖြူတွေထည့်ပြီး နိုင်ငံခြားပို့တာမျိုးတွေ ဖြစ်လာတာပေါ့ဗျာ။ နိုင်ငံတကာ ရဲတပ်ဖွဲ့က သတင်းပေးလို့ ဖမ်းမိတော့လဲ ဘယ်သူက အရေးယူလဲ၊ ဘယ်သူကမှ အရေးမယူရဲဘူး။

ဘာကြောင့်လဲဆိုရင် စားထားတာတွေက နင့်နေလို့ပေါ့။ အာဏာရှင်ကြီးရဲ့ သမီးတွေ ၀ယ်သမျှ စိန်တွေကို ဒုသမ္မတဟောင်းက ငွေချေရတယ်။ အဲဒီငွေက ဒီဘိန်းတရုတ် ခရိုနီဆီကရတာ ဖြစ်တယ်။ မဟုတ်ဘူး ငြင်းလို့တော့မရဘူး။ အဲဒီငွေပေးငွေယူ ကိစ္စတွေမှာ လိုက်လုပ်ပေးရတဲ့ သူက ပြောပြထားတာ။ ထောက်လှမ်းရေးပိုင်းမှာ တာဝန်ရှိတဲ့ အကောက်ခွန်တို့၊ သတင်းတပ်ဖွဲ့တို့ စစ်ဖက်ရေးရာ လုံခြုံရေးတို့ စသုံးလုံးတို့က အဲဒီဘိန်းတရုတ်ခရိုနီကို နိုင်ငံတကာ ထွက်ပေါက်ဝင်ပေါက်တွေ လုပ်ပိုင်ခွင့်ပေးတဲ့ ကိစ္စကို လုံးဝ မကျေနပ်ကြဘူး။ သူကိုယ်တိုင် ကမ္ဘာကျော် မူးယစ်ရာဇာမိသားစုဝင်ဖြစ်သလို သူ့ဇနီးကလည်း စင်္ကာပူ တရုတ်မလေးဗျာ။ ဒီလို မိသားစုကို ငွေမျက်နှာ တစ်ခုထဲနဲ့ နိုင်ငံတော်ရဲ့ ၀င်ပေါက်ထွက်ပေါက်တွေကို ပေးတဲ့လုပ်ရပ်က အော့နှလုံးနာဖို့ ကောင်းတယ်။

ဒါပေမဲ့ ဘယ်သူမှ မတတ်နိုင်ဘူး။ အာဏာရှင် မိသားစုရဲ့ ညွှန်ကြားချက်နဲ့ အရင်က အတွင်းရေးမှူး(၁)၊ နောက်ပိုင်း ဒုသမ္မတ(၁)ဖြစ်တဲ့ သူက အကုန်ခွင့်ပြုပေးခဲ့တာကိုး။ လောလောဆယ်တော့ လာမဲ့၂၀၁၅ကို မျှော်တွေးပြီး ဒုသမ္မတဟောင်းက အဲဒီဘိန်းတရုတ် ခရိုနီဆီက သူထည့်ထားတဲ့ ရှယ်ယာတွေ ပြန်ထုတ်ပေးဖို့ တောင်းဆိုနေလေရဲ့။ ရှယ်ယာဆိုတာ သူကငွေထည့်ရတာ မဟုတ်ဘူးလေ၊ လုပ်ငန်းတစ်ခု ချပေးလိုက်လို့ သူ့အတွက် အကျိုးအမြတ်ကို ဟိုဘိန်းတရုတ် ခရိုနီက ငွေမပေးချင်လို့ ရှယ်ယာဆိုပြီး သူ့ကုမ္ပဏီမှာ ထည့်ခိုင်းထားတာတွေ။

ဂျာနယ်တစ်စောင်ကလဲ ခရိုနီတွေကို ချတာပဲ။ ဒါပေမဲ့ ကျွန်တော်နဲ့ သူတို့နဲ့ မတူတာက ခင်ဗျားကို ကျွန်တော်က အတွင်းရေး အချက်အလက်တွေ သေသေချာချာ ပြောပြနိုင်တယ်။ ဟိုဂျာနယ်က ငယ်ကျိုးငယ်နာဖော်ပြီးပဲ ဆဲနိုင်ပေမဲ့ ခင်ဗျားက facts and figuresနဲ့ ရေးပြနိုင်တယ်၊ အဲဒါကွာတာပဲ။

ရန်ကုန်မြို့ထဲမှာ လမ်းတွေကျပ်လို့ဆိုပြီး ကမ်းနားမှာ ကွန်ကရစ် လမ်းမကြီး ဖောက်တယ်ဗျာ။ ဘယ်သူတွေကို တင်ဒါခေါ်လို့လဲ။ အဲဒီဘိန်းတရုတ် ခရိုနီလက်ထဲကို ဒီအတိုင်း ထည့်လိုက်တာပဲ။ ဒါတောင်ကာကွယ်ရေးဦးစီးချုပ်က ဗိုလ်တစ်ထောင်ဘုရား အကျော်က တပ်ထိန်းရုံးကို ဖျက်မပေးနိုင်ဘူး တင်းခံနေလို့ အဲဒီလမ်းက သံလျက်စွန်းအထိ မရောက်ပဲ အဲဒီဓနိတောနားမှာတင် ရပ်သွားတာ။ အဲဒီလမ်းကို သူ့ကိုနှစ်၃၀ BOTဆိုပြီး ပေးတယ်။ အမှန်က၂နှစ်နဲ့ အရင်းကျေတဲ့လမ်းဗျ။ လမ်းအသုံးပြုဖို့ ငွေကောက်တဲ့ နှုန်းကလဲ ကြောက်လန့်စရာ။ နေပြည်တော် ရန်ကုန်လမ်း မိုင်၂၀၀ထက် များနေတယ်။

ဒီတော့ဒီလောက် အကျိုးရှိတဲ့ လုပ်ငန်းကို ရန်ကုန်မြို့တော် စည်ပင်သာယာရေး ကော်မတီ လမ်းတံတားဌာနက ဘာလို့ မဖောက်တာလဲ၊ ငွေမရှိလို့လားဆိုပြီး စည်ပင်က လူကြီးတွေကို မေးကြည့်တော့ အပေါ်က တစ်ခါထဲ အဲဒီဘိန်းတရုတ် ခရိုနီကို ချပေးလိုက်တာတဲ့။

ကုန်သည်ကြီးများ ဟိုတယ် ဆောက်တော့လဲ သူပါတာပဲ။ နောက်ပိုင်း မူးယစ် နောက်ကြောင်းရှိတဲ့ သူပါရင် အဲဒီဟိုတယ်မှာ ကုလသမဂ္ဂ အပါအ၀င် တစ်ခြား ဘယ်အဖွဲ့အစည်းရဲ့ အစည်းအဝေးမှ မလုပ်ဘူးဆိုလို့ တခြား ရှယ်ယာရှင်တွေက သူ့ကိုနစ်နာကြေး ဒေါ်လာ ၁၂သန်းပေးပြီး ထုတ်လိုက်ရတာ။ အဲဒီမှာလည်း နင့်နေအောင် ပွသွားတယ်။

ရန်ကုန်လေဆိပ် အသစ် တည်ဆောက်ရေး ပရောဂျက်ကိုရတဲ့ အတွက် တာမွေဘက်က အိမ်ယာမှာ အဲဒီတုန်းက ပို့ဆောင်ရေးဝန်ကြီး ဗိုလ်ချုပ်လှမြင့်ဆွေကို အိမ်တစ်လုံး ဆောက်ပြီး လက်ဆောင် ပေးခဲ့တယ်။ ၀န်ကြီးပြောင်းသွားပြန်တော့ နောက်တက်လာတဲ့ ၀န်ကြီးဗိုလ်ချုပ် သိန်းဆွေကိုလည်း အိမ်တစ်လုံး ဆောက်ပေးရုံမက အဲဒီဝန်ကြီးရဲ့သားတွေ နိုင်ငံခြားကိုသစ်ပို့ဖို့ ချောင်းဝဘုန်းကြီးကျောင်းနောက်မှာ မြေတွေရော အဆောက်အဦးတွေရော ဆောက်ပေးခဲ့တယ်။

အဲဒီဘိန်းတရုတ် ခရိုနီ အကြောင်းကတော့ ပြောပြရရင် စာအုပ်တစ်အုပ်လောက် ရနိုင်တယ်၊ ဒီတစ်ပတ်တော့ ဒီလောက်နဲ့ နားကြဦးစို့ရဲ့ဗျာဆိုပြီး ခရိုနီဟောင်းကြီးက သူ့စကားကို လက်စသတ်သွားလေရဲ့။

လက်စောင်းထက်

2 comments:

Tomahawk said...

အဓိက ကတော့အဘဦးဝင်းတင်ပြောသွား
တဲ့အာဏာရှင်ဖြုတ်ချရေးပါပဲ။
ခရိုနီနဲ့အာဏာရှင်တွေဆိုတာတဦးပေါ်တဦး
အလွန်အမှီသပဲာပြုနေကြတာပဲ။
အင်မတန်ခံပြင်းစရာကောင်းတာကတိုင်းပြည်ကိုလက်ညိုးထိုးရောင်းစားနေတဲ့အာဏာ
ရှင်တစ်စုနဲ့ဒင်းတို့ကိုပွဲစားလုပ်အသက်ဆက်
ပေးနေတဲ့ဒီဘိန်းတရုတ်ထွန်းမြင့်နိုင်ဆိုတဲ့ခွေး
မသားပဲ။အဲဒီလိုကောင်မျိူးကိုရတဲ့နည်းနဲ့အမြန်ဆုးံအ
ပြတ်ရှင်းရပါလိမ့်မယ်။
အာဏာရှင်ကိုတိုက်ရိုက်မကိုင်နိင်သေးရင်
သူရဲ့ဒေါက်တိုင်ဖြစ်တဲ့ဒီလိုဘိန်းတရုတ်လို
ကောင်ကိုရှင်းပြစ်ရမယ်။

genius said...

* ခက်တာက
မမြဲတဲ.အရာကို
မြဲမယ်ထင်နေကြတော.လည်း
တရားမရှိ ဘဲ
လက်ထဲ ဒါးရှိတာကို
အဟုတ်မှတ်နေ
မိုးပေါ်တက်သွားတဲ. ဒုံးပျံ
ပြန်မကျဘဲ
အမြဲတမ်း ပျံနေနိုင်မလားဘဲ
...
...
...
- စောင်.ကြည်.လိုက်တော.မယ် ။