(အင်တာဗျူး - ဗွီအိုအေ)
၈၈ မျိုးဆက် ပွင့်လင်းလူ့အဖွဲ့အစည်းခေါင်းဆောင် ကိုမင်းဇေယျ (ဓာတ်ပုံ - ပွင့်လင်းလူ့အဖွဲ့အစည်း၊ တောင်ဒဂုံ)
ဦးကျော်ဇံသာ ။ ။ ကျနော်တို့ သုံးသပ်မိသလောက် ပြောရရင် ၈၈ မျိုးဆက်ရဲ့  လူထုထောက်ခံမှု၊ ပြည်သူလူထု ချစ်ခင်လေးစားမှုက လုံးဝကျဆင်းသွားခြင်း မရှိသေးဘူးလို့ ကျနော် တွက်ပါတယ်။ Popularity ကတော့ သိပ်ပြီးတက်နေတုန်းပဲ။ ဆိုတော့ ပြည်သူတွေရဲ့  ၈၈ အပေါ်မှာ ထားရှိတဲ့ မျှော်မှန်းချက်ကို ၈၈ မျိုးဆက်က အပြည့်အဝ ဖြည့်ဆည်းနိုင်ပြီလို့ တွေးမိပါသလား။ဦးမင်းဇေယျ ။ ။ တကယ်တမ်း ပြောမယ်ဆိုရင် မှန်ပါတယ်။ အခုနတုန်းက ဦးကျော်ဇံသာ ပြောသလို ကျနော်တို့ ပြည်သူတွေက ၈၈ မျိုးဆက်တွေပေါ်မှာ အရမ်းကို မျှော်လင့်ခဲ့တယ်။ အရမ်းလည်း ယုံကြည်ကိုးစားတယ်။ ဒါကိုလည်း ကျနော်တို့ ကိုယ်တွေ့တွေ အများကြီး ကြုံခဲ့ရပါတယ်။ အဲဒီအပေါ်မှာ ကျနော်တို့ ပီတိတွေ ဖြစ်ပါတယ်။ ဂုဏ်လည်း ယူပါတယ်။ ပြည်သူတွေရဲ့  အသိအမှတ်ပြုမှုကို ကျနော်တို့တွေက အလကား ရခဲ့တာ မဟုတ်ပါဘူး။ ပေးဆပ်မှုတွေ၊ လုပ်ဆောင်မှုတွေနဲ့ ရခဲ့တာပါ။ ဒါပေမဲ့ ကျနော့်အမြင်က ထပ်ပြီးတော့ ကိုယ့်ကိုယ်ကို ပြန်စဉ်းစားကြည့်တဲ့အခါကြတော့ ကျနော်တို့ ၈၈ မျိုးဆက်တွေဟာ ကျောင်းသားဘဝကနေ စလာတာ။ ပြီးတော့မှ နိုင်ငံရေးလောကထဲကို ရောက်လာတာ။ အဲဒီအတွက် ကျနော်တို့မှာ နိုင်ငံရေးအတွေ့အကြုံပညာကလည်း ကြိုတင်သင်ယူထားခဲ့မှု မရှိခဲ့ဘူး။ စိတ်ခံစားမှုနဲ့ ကျနော်တို့ လုပ်ခဲ့ရတာ။ တကယ့်တကယ် အခု ပွင့်လင်းရာသီရောက်လို့ နိုင်ငံရေးပုံစံမျိုး စနစ်တကျနဲ့ လုပ်ဖို့ကိုင်ဖို့။ နောက် တာဝန်ယူမှု၊ တာဝန်ခံမှုကို တကယ်လုပ်ရမယ်ဆိုတဲ့အခါကြတော့ ကိုယ့်ကိုယ်ကို အဆင်သင့်မဖြစ်ဘူး ဖြစ်နေတယ်လို့ ခံစားရတယ်။ စောစောက နေရာဆိုတာ ကျနော်တို့ နားလည်းထားတာက နေရာဆိုတာ တာဝန်ယူမှု။ အာဏာဆိုတာ တာဝန်ယူမှု။ ကျနော့်ကို ကျနော် စဉ်းစားပြီး တွေးကြည့်တယ်။ ကျနော် တကယ် တာဝန်ယူနိုင်သလား။ တကယ် ကျနော် တာဝန်ခံနိုင်တဲ့အဆင့် ရှိပြီလား။ ကျနော့်ရဲ့  ဘဝအတွေ့အကြုံနဲ့ ပညာအရ ကျနော် မဝံ့မရဲ ဖြစ်တယ်။ အဲဒါကြောင့်လဲ ကျနော်ကိုကျနော် တွန့်ဆုတ်တွန့်ဆုတ် တကယ့် နိုင်ငံရေးအာဏာကို ရယူမယ့်အဆင့်ကို တက်ဖို့အတွက်။ ဆိုပါစို့ အရပ်စကားအရဆို ဝန်ကြီးလုပ်ဖို့။ သမ္မတလုပ်ဖို့ ကျနော် မဝံ့ရဲဘူး။ ကျနော် တာဝန်မကျေမှာ စိုးရိမ်တယ်။ ကျနော်ဟာ နိုင်ငံရေးသမားတယောက်ဖြစ်ဖို့ ဘယ်တုန်းကမှ မတည်ဆောက်ခဲ့ဘူး။ မပြင်ဆင်ခဲ့ဘူး။ ကိုယ်ရဲ့  မကျေနပ်မှု၊ ပြည်သူတွေရဲ့  လိုလားမှုတွေကို ဖြည့်ဆည်းပေးရင်နဲ့ အချိန်ကုန်ခဲ့တယ်။ အဲဒီတော့ ကျနော်မှာ လိုအပ်ချက်တွေ အများကြီးရှိတယ်။ အဲဒီလို ခံယူထားတော့ မဝံ့မရဲ ဖြစ်တယ်။ အဲဒါ ကျနော်တို့တတွေ တော်တော်များများ အဲဒီလိုမျိုး ခံစားမှုများ ရှိတယ်လို့ ကျနော်က ယူဆတယ်။ အဲဒီလိုမျိုး ဖြစ်နေတယ်။
အကျယ်ဖတ်လိုပါက ... ၈၈ မျိုးဆက်တွေရဲ့  ရှေ့ အနာဂတ် နိုင်ငံရေးခြေလှမ်း
Posts
No comments:
Post a Comment