“ဟုတ်ယောင်ယောင် နိုင်ငံတော်အဆင့်”

ဟုတ်ယောင်ယောင် နိုင်ငံတော်အဆင့်

ဒေါက်တာလွဏ်းဆွေ

နိုင်ငံခြားသားဧည့်သည်တွေနဲ့ အတွေ့အပြု များလာတဲ့ ၈၈ မျိုးဆက်ကျောင်းသားခေါင်းဆောင်တွေရဲ့ ဓာတ်ပုံတွေကို ကြည့်ပြီး ပြောချင်တာလေးတွေ အနည်းအကျဉ်း ရှိလာတယ်။ တချိန်တုန်းကများဆို ဒီမိုကရေစီရေးလှုပ်ရှားသူတွေအနေနဲ့ နိုင်ငံခြားသားတယောက်ယောက်နဲ့ စကားပြောဖို့အရေး စစ်အစိုးရလက်ကိုင်တုတ်တွေရဲ့ စောင့်ကြည့်စက်ကွင်း လွတ်မလွတ်ကို ကျီးကြည့်ကြောင်ကြည့် ချက်ကင်လုပ်ရတာအမော။ ဒေါ်အောင်ဆန်းစုကြည် ခြံထဲ သံရုံးကား ဘယ်နှစီး ၀င်တာက အစ၊ သံရုံးနဲ့ ဆက်သွယ်တာ အလယ်၊ ဒီမိုကရေစီတိုက်ပွဲဝင်တဦး လမ်းဘေး သေးပန်းတာအဆုံး မှတ်တမ်းတင်နေခဲ့တဲ့ ကာလတုန်းကပေါ့။

အခုတော့ အဲလိုမဟုတ်တော့ဘူး။ ဦးသန်းရွှေကြီးက ဗျူဟာပြောင်း၊ ကစားကွက်ပြောင်းလိုက်တယ်။ ဒေါ်အောင်ဆန်းစုကြည်ခြံထဲကို နိုင်ငံခြားသားဧည့်သည်တွေ၊ သတင်းထောက်တွေ လွတ်လွတ်လပ်လပ် ၀င်ခွင့်ပေးလိုက်ရုံမက နိုင်ငံတော်အဆင့် အလည်အပတ်လာတဲ့ နိုင်ငံတကာက ခေါင်းဆောင်တွေနဲ့ပါ ဆွေးနွေးခွင့်၊ သတင်းစာရှင်းလင်းပွဲလုပ်ခွင့်၊ ခြံထဲ လမ်းလျှောက် စကားပြောဆိုခွင့်တွေပါ ခွင့်ပြုလိုက်တယ်။

နိုင်ငံခြားသားဧည့်သည်တွေ၊ သတင်းထောက်တွေ၊ ခေါင်းဆောင်တွေ၊ ကိုယ်စားလှယ်အဖွဲ့တွေနဲ့ ဒေါ်အောင်ဆန်းစုကြည် တွေ့ခွင့်၊ ဆုံခွင့်၊ သတင်းစာရှင်းလင်းခွင့်တွေ ရပြီးနောက်ပိုင်းမှာ နှစ်ဆန်းပိုင်းကမှ အကျဉ်းထောင်တွေက လွတ်မြောက်လာကြတဲ့ ၈၈ မျိုးဆက်ကျောင်းသားခေါင်းဆောင်တွေကိုလည်း နိုင်ငံခြားသားဧည့်သည်တွေ၊ ကိုယ်စားလှယ်အဖွဲ့တွေက တွေ့ကြ၊ ဆုံကြ၊ မေးမြန်းကြ ဆိုတာမျိုးတွေ ခပ်စိပ်စိပ် တွေ့လာရတယ်။ အခုလို လွတ်လွတ်လပ်လပ် တွေ့ခွင့်၊ ဆုံခွင့်၊ မေးမြန်းဆွေးနွေးခွင့်တွေ ရလာတာဟာ အရင်ကထက်စာရင် ပိုမိုပွင့်လင်းလာမှုအဖြစ် အကောင်းဘက်က ကြိုဆိုရမှာပါ။

ဒါပေမယ့် ခက်တာက ... ဘာ ‘အာဏာ’ မှ မရှိသေးဘဲ ပေးဆပ်ခဲ့မှုတွေအတွက် ထင်ပေါ်ကျော်ကြားမှု၊ ပြည်သူလူထုက ကြည်ညိုလေးစားတဲ့အတွက် အရှိန်အ၀ါကြီးမှုဆိုတဲ့ ‘သြဇာ’ လောက်သာ ရှိသေးတဲ့ ဒေါ်အောင်ဆန်းစုကြည် အပါအ၀င် ဒီမိုကရေစီတိုက်ပွဲဝင် ခေါင်းဆောင်တွေဟာ နိုင်ငံခြားသားဧည့်သည်တွေနဲ့ တွေ့နေရတဲ့ အချိန်တွေ ပိုပိုများလာပြီး ကိုယ့်လူထုနဲ့ ထိတွေ့တဲ့အချိန် ပိုပိုနည်းလာသလို တွေ့မြင်လာရတယ်။ ဒါသည်ပင်လျှင် ဦးသန်းရွှေကြီးရဲ့ ဗျူဟာအသစ်များလားလို့ ကျနော် တွေးနေမိတယ်။ ဒီမိုကရေစီတိုက်ပွဲဝင် ခေါင်းဆောင်တွေနဲ့ အောက်ခြေလူထု ထိတွေ့ဆက်ဆံချိန် နည်းသထက်နည်းအောင် ကွင်းဆက်ဖြတ်တဲ့ နိဿရည်းသစ်တခုပေါ့။

အဲသလို နိုင်ငံခြားဧည့်သည်တွေ၊ နိုင်ငံတကာခေါင်းဆောင်တွေနဲ့ မကြာခဏ ထိတွေ့ဆက်ဆံ စကားပြောလာရတော့ ဒီမိုကရေစီတိုက်ပွဲဝင် ခေါင်းဆောင်တွေရဲ့ စိတ်ထဲမှာ မပြီးဆုံးသေးတဲ့ တိုက်ပွဲဆိုတာကြီးကို မေ့လျော့သွားပြီး အာဏာရှိတဲ့ နိုင်ငံ့ခေါင်းဆောင်တွေ စဉ်းစားပုံ စဉ်းစားနည်းကားတွေနဲ့ အချိန်ကုန်နေမှာကို စိုးတာပါ။ နောက်တချက်က ကိုယ့်ကိုယ်ကိုယ် နိုင်ငံတော်အဆင့်ဆိုတဲ့ စိတ်ကြီးဝင်မှုတွေ ပိုပိုများလာပြီး တကယ်ဒုက္ခရောက်နေတဲ့ အောက်ခြေလူထုနဲ့ ထိတွေ့ဆက်ဆံရမှာကို မေ့လျော့ကုန်မှာ စိုးတာပါ။ တကယ်တော့ ဒေါ်အောင်ဆန်းစုကြည် အပါအ၀င် ဒီမိုကရေစီတိုက်ပွဲခေါင်းဆောင်တွေအပေါ် ဦးသန်းရွှေကြီး စမ်းသပ်လျှောက်လှမ်းခွင့်ပေးထားတဲ့ ဗျူဟာသစ်က လက်တွေ့ ဘာအာဏာမှ မရှိ၊ ဘာလုပ်ပိုင်ခွင့်မှ မရှိတဲ့ “ဟုတ်ယောင်ယောင် နိုင်ငံတော်အဆင့်” ပါ။ မြန်မာပြည်ရဲ့ ဒီမိုကရေစီတိုက်ပွဲက မပြီးဆုံးသေးပါ။ အဲဒီ မပြီးဆုံးသေးတဲ့ တိုက်ပွဲကို ခေါင်းဆောင်တွေနဲ့ လူထုတွေ တက်ညီလက်ညီ ရှေ့ဆက်နေမှာစိုးလို့ ခေါင်းဆောင်တွေ အဲသလို ဟုတ်ယောင်ယောင် နိုင်ငံတော်အဆင့်မှာ သာယာနေကြအောင်များ ဦးသန်းရွှေကြီးက ဂွင်ဆင်ပေးထားလေသလားလို့ စဉ်းစားနေမိတာပါ။ အဲဒါကြောင့်မို့လည်း “ခေါင်းဆောင်ဆိုတာ ဆန္ဒပြတဲ့ နေရာတိုင်း သွားဖို့ မလိုတော့ဘူး” ဆိုတဲ့ အပြောမျိုးတွေ၊ “မိုးထိမိုးမိနဲ့ ဆားလင်းကြီးကို မသွားနိုင်တာ နိုင်ငံခြားဧည့်တွေနဲ့ အလုပ်အရမ်းရှုပ်နေလို့” ဆိုတဲ့ ဆင်ခြေမျိုးတွေ၊ “အခုအချိန်က ‘ခွပ်’ ရမယ့်အချိန် မဟုတ်တော့ဘူး၊ ‘က’ ရမယ့်အချိန်” ဆိုတဲ့ သုံးသပ်ချက်မျိုးတွေ ထွက်ပေါ်လာတာလို့ ထင်မိတယ်။

လွန်တာရှိ ၀န္ဒာမိပါ။

အားလုံးသို့ လေးစားစွာဖြင့် …
ဒေါက်တာလွဏ်းဆွေ
နံနက် ၂း၃၃ နာရီ
၁၄-၉-၂၀၁၂