စစ်ရထားတေး

စစ်ရထားတေး

ဘာသာပြန်-မနှင်းပွင့်

စစ်မြင်းကဟီ ... ချီလေတဲ့ စစ်သည်များ
စစ်ရထားခြူသံ တခြွင်ခြွင်ကြား
မြားအိတ်နဲ့လေး နံဘေးမှာတွဲလဲ
နည်းတဲ့ပရိသတ်ကြီးမဟုတ်ပါလားကွယ်
မယားသည် ... မိဘများ ... သားသမီးလည်းပါ
ချီလေတဲ့ စစ်ကြောင်းမှာ ငိုကာယိုကာ
ပြိုကာလဲလို့ ပြေးလိုက်ကြရာလမ်းတလျှောက်
ဖုတ်ထောင်းထောင်းထတဲ့နောက် လမ်းတွေ ပိတ်သွား
တံတားမဟာရှန်ယန်တောင်မြင်ကွင်းကကွယ်
သွယ်ဖြာမျက်ရည်ယိုကာစီးတယ်
ငိုညည်းရင်း ခြေဆောင့် ဖြေမပျောက်ခင်
ရင်ထုမနာ မျှော်လင့်ရာမဲ့တဲ့ ရေရွတ်သံမှိန်မှိန်
တိမ်တွေဆီတောင် ရောက်သွားသလို ...။

အို ... နေပါဦး ကိုစစ်သည်ငဲ့
ဘယ့်အတွက်များ သွားရသလဲ စစ်တလင်းကို
သဲသဲကွဲကွဲ သိလိုသပဆို မေးသာကြည့်ပေတော့
အမိန့်တော်ကြောင့်ပေါ့လို့ ရင်ဆို့ကွဲကြေ
ဖြေလိမ့်မယ် ရိုးရိုးလေး တွေးတောင်မနေနဲ့ကွယ် ...။
ဒီခေတ်မယ် စစ်သည်ဖြစ်ကြောင်း အဓမ္မစုဆောင်းခံခဲ့ရ
ကျုပ်သဘောနဲ့ကျုပ် မဟုတ်ရပါဘူး
ထူးထူးခြားခြား ဆယ့်ငါးနှစ်သားများကိုတောင်
မြစ်ဝါဘက်ပို့ တိုက်ဖို့တဲ့ အရပ်ကတို့
နို့ ... လေးဆယ်ကျော်များလည်း မလွတ်ပေါင်ဗျာ
နယ်ပယ်ချဲ့ထွင်ရာ အနောက်ဘက်ရှေ့တန်း
အလိုမပါ လှမ်းကြရရှာ ချီကြလေပေါ့တခါ ...။

ရွာမှာတော့ လူကြီးတွေ မျက်ရည်တဝေဝေနဲ့
ကလေးများကို သျှောင်ထုံး အသက်ဆုံးချင်လည်းဆုံး
သန်မြန်တုန်း ရှေ့တန်းကို ပို့ဆိုတာကိုး
ကံဆိုးသူမောင်ရှင် မသေလို့ ပြန်လာရင်တောင်
သျှောင်တခုလုံး အဖြူရောင်ဖုံးဖုံး လုံးလုံးကြီးမလဲသေးရင်
နင်လာခဲ့ဦးဆို ရှေ့တန်းကို ပြန်လွှတ်ခံရနိုင်သေးတယ် ...။

ရှေ့တန်းက သွေးပင်လယ် ကျယ်သထက်သာကျယ်လာခဲ့
ဒါပေမယ့် ဘုန်းဘုရား အားရတော်မမူသေးဘူးဆိုရင်
မြင်မြင်သမျှနယ်ပယ် လက်အောက်ရောက်ရမဟဲ့ဆို
အို ... စတေးရတာကတော့ ငတို့ပေါ့ကွယ် ...။
ဒါနဲ့ ကြားပြီးပလား ...
ဟွာရှန်နယ်တခုလုံး ... ပေါင်းမြက်တွေ ဖုံးပြီး
လုံးလုံးကြီး ဆူးကြမ်းလွှမ်း လယ်တွေကန်းကုန်သတဲ့ ...။
အသန်တကာ့အသန်ဆုံး လယ်သူတွေ ရုန်းတာတောင်
အရှုံးပေးရမတတ် သီးထွက်ညံ့သတဲ့ ...။

တို့ဒေသက လုလင်များ အားကိုးရပါသဘိနဲ့
သတ္တိအရာ ဘာယှဉ်နိုင်မလဲ
ရဲလိုက်တဲ့သွေး စွေးစွေးကိုနီလို့
သို့ပေမယ့် အို့မခေါ် ရွေးမမောင်းလေနဲ့
အကြောင်းသိစေမကွဲ့ နာတတ်တယ်
ဝမ်းရေးသာတယ်မလွယ် အသည်းတော့မငယ်ပေဘူး
ဆုပ်လည်းစူး စားလည်းရူးပြီမို့ ... သေပါစေ နေလို့လည်းသိပ်မထူး
ရူးရူးမိုက်မိုက် ယောက်ျားသားတွေကို စစ်နောက်လိုက်ခိုင်း
ထင်ရာစိုင်းပြီးမှ အခွန်တော်အပြည့်ဆောင်ကြစေတဲ့
တဖဲ့တရွဲ့ တောင်ကြက်လိုယက်ရတဲ့ဘဝ မျှမျှတတလည်း လုပ်ဦး
ဘာနဲ့ အခွန်ထမ်းကြရမတုန်းလို့ ကျုံးသာဟစ်လိုက်ချင်တော့ ...။

အခုတော့ နားလည်လာသား ခင်ဗျားလူရည်တတ်လား
မဟုတ်ရင် သားဆိုတာ ဒီခေတ်ကြီးမှာ အလကားဗျ
ချွေးမြေကျမှ စားရတဲ့ ခင်ဗျားလို ကျုပ်လို လယ်သမားအဖို့
သမီးဆိုရင်တောင် အိမ်နားက လယ်သမားနဲ့ ထိမ်းမြားအပြီး
နီးနီးတော့ နေရပေဦးမယ် ဘဝဆည်းဆာခရီးအတွက်ထီးပေါ့ဗျာ ...။

ဒါနဲ့စာလိုက်ရင် နာကြည်းစရာ သားတို့ခမျာ
ဆန္ဒပါမပါတောင်မမေး ခွေးလိုအတင်းမောင်းသွင်း
ရောက်ရာအရပ်မှာ သေမင်းနဲ့ တွေ့ကြရှာတယ် ...။
ကိုကိုနိုကန်နံဘေးမယ် အရိုးတွေကို ဖွေးဖွေးလှုပ်လို့
အုပ်လိုက်သေပွဲဝင် ကန်စပ်လွင်ပြင်ထဲ
သည်းလာတဲ့ မိုးသံတဖြောက်ဖြောက်အလယ်
ရောက်နှင့်သူတို့ ဝိညာဉ်သစ်တွေနဲ့ ဆုံစည်းသံ
တီးတိုးညံရာ မဲဇာအရပ်မှာ ခင်ဗျားသားရဲ့ အရိုးဖြူတွေလာနားလို့
သွားလေသူတို့ အရိုးပုံနဲ့ ပေါင်းဆုံလိမ့်မယ် ...။     ။

BALLAD OF THE WAR CHARIOTS
TU FU (712-770)
TANG DYNASTY

ဘာသာပြန်-မနှင်းပွင့်