ဗမာစစ်အစိုးရသစ်သို့ အိတ်ဖွင့်ပေးစာ

တိုက်ပွဲဝင်တဦး

မင်းတို့ဟာ မင်းတို့ရွေး၊ အစိုးရဖွဲ့၊ ငါတို့ မပြောဘူး။ အရပ်သားအစိုးရဆိုပြီး လူဝတ်လဲရုံနဲ့ ဖြစ်ရိုးလား။ ထား လိုက်။ မင်းတို့ မတရားဘူးဆိုတာ ငါတို့ သိတယ်။ ဖွဲ့စည်းပုံကို စစ်အာဏာရှင်အတွက် ဆွဲတယ်။ လူမှုရေးပဲ လုပ်မယ်ဆိုတဲ့ ကြံ့ဖွံ့အသင်း ပါတီထောင်ပြီး အရှက်မရှိ ရွေးကောက်ပွဲဝင်တယ်။ မဲလိမ်တယ်။ ရသေးတယ်။ လူထုက ဖွဲ့စည်းပုံစာအုပ်တောင် မမြင်ဖူးလိုက်ဘူး။ မင်းတို့ တော်တယ်။ လူထုက မင်းတို့ကို ထောက်ခံတယ် ဆိုပြီး သွေးနားထင်ရောက်နေကြတယ်။

ဒီနေ့သတင်းကတော့ ဂွတ်ရှယ်ပဲ။ ဗမာနိုင်ငံသားအားလုံး အသက် (၁၈) နှစ်မှ (၄၅) နှစ်အထိ ဘယ်သူမဆို စစ်မှုမထမ်းမနေရ ဥပဒေကို မင်းတို့ မတရားတဲ့ လွှတ်တော်က အတည်ပြုပြဌာန်းတော့မယ်ဆိုတဲ့ သတင်း။

မင်းတို့ရဲ့ နာဂစ်ဖွဲ့စည်းပုံကို ပြန်ကြည့်မယ်။
အခန်း(၈) နိုင်ငံသား၊ နိုင်ငံသားများ၏ မူလအခွင့်အရေးများနှင့် တာဝန်များ
ပုဒ်မ (၃၈၆) မှာ ... နိုင်ငံသားတိုင်းသည် ဥပဒေပြဌာန်းချက်များနဲ့အညီ စစ်ပညာသင်ကြားရန်နှင့် နိုင်ငံတော် ကာကွယ်ရေးအတွက် စစ်မှုထမ်းရန် တာဝန်ရှိသည်။
ပုဒ်မ (၃၈၄) မှာ ... နိုင်ငံသားတိုင်းသည် ဤဖွဲ့စည်းပုံအခြေခံဥကဒေပါ ပြဌာန်းချက်များကို လိုက်နာစောင့် ထိန်းရန် တာဝန်ရှိသည်။

ရှင်းပါတယ်။ လူထုကို စစ်မှုထမ်းရမယ်။ မထမ်းရင်တော့ ထောင်ချမယ်ဆိုပြီး ခြိမ်းခြောက်ထားတဲ့ ဥပဒေ။

မှန်တယ်။ ကိုယ်နိုင်ငံကို ကာကွယ်ဖို့အတွက် ယောက်ျားမှန်ရင် စစ်သားလုပ်ရမယ်ဆိုတာ သိတယ်။ နားလည် တယ်။ ဘယ်သူမှ သွေးမနည်းဘူး။

အခြားနိုင်ငံတွေမှာလည်း ဒီလိုဥပဒေရှိပါတယ်။ သိတယ်။ ဒါပေမယ့် အဲဒီတိုင်းပြည်တွေမှာ လူတွေဟာ လူ့အ ခွင့်အရေး အပြည့်အ၀ရှိတယ်။ စားဝတ်နေရေးလည်း အဆင်ပြေတယ်။ ဒီမိုကရေစီလည်း ထွန်းကားတယ်။ လွတ်လပ်မှုအပြည့်အ၀ရှိတယ်။ ငါတို့မှာတော့ ဒီမိုကရေစီနဲ့တူတဲ့ အရိပ်အရောင်လေးတွေတောင် မပေါ်သေး။ မင်းတို့ အစိုးရသစ်ကလည်း လုပ်ပေးနိုင်မယ်လို့မထင်။

ထမင်းနပ်မှန်အောင် မနည်းကြိုးစားနေရတဲ့ ပြည်သူတွေကို စစ်ထဲဝင်ခိုင်းမယ်ဆိုတော့ မင်းတို့အစိုးရဟာ နေ ၀င်း၊ သန်းရွှေ စစ်အစိုးရတွေထက်ဆိုးတဲ့ (---) အစိုးရ ဖြစ်လာမှာပဲ။ နအဖ (နင့်အဖေအစိုးရ) ကို ဆက်ခံတဲ့ အစိုးရဆိုတော့ ...။ မိုးကောင်းတုန်း ရွာထားပေါ့။

တိုင်းပြည်ကို နှစ်ရှည်လများ မတရားအုပ်ချုပ်ပြီး လူထုရဲ့ဘ၀တိုးတက်ရေးကို ဘာမှမလုပ်ပေး၊ စစ်အုပ်စုနဲ့ ပေါင်းတဲ့ လူတွေလောက်ပဲ ကြီးပွားချမ်းသာတဲ့ ခေတ်ကြီးဆိုတာ လူတိုင်းအသိ။ ဆင်းရဲသားပြည်သူတွေကို ဆက်လက်စော်ကားမယ့် အစိုးရဆိုတာ ရုပ်လုံးပေါ်နေပြီ။ မင်းတို့ အုပ်ချုပ်သူလူတန်းစားတွေက ချမ်းသာပြီး သားဆိုတော့ ဘာအရေးလဲ။

ငါတို့တိုင်းပြည်ကို နယ်ချဲ့ ရန်စကျူးကျော်မခံရအောင် ငါတို့ အသေခံနိုင်တယ်။ ဒီနေ့ ဗမာစစ်တပ်ရဲ့ရည်ရွယ် ချက်ဟာ အာဏာရှင်အသိုင်းအ၀ိုင်းကို ကာကွယ်ရေး၊ တော်လှန်တဲ့ တိုင်းရင်းသားတွေကို ချေမှုန်းရေး၊ လွှတ် တော်တက်ရေး၊ အစိုးရဖွဲ့မှာပါဝင်နိုင်ရေး ... စတာတွေကို ဦးစားပေးလုပ်ကိုင်နေတာတွေဟာ အင်မတန် စက် ဆုပ်စရာကောင်းပါတယ်။ စစ်သားဆိုတာ နိုင်ငံ့ဝန်ထမ်း ...။

မင်းတို့ဥပဒေကို ပြန်ကြည့်မယ်။
အခန်း (၁) နိုင်ငံတော်အခြေခံမူများမှာ ပါတဲ့
ပုဒ်မ ၂၆ (က) မှာ နိုင်ငံ့ဝန်ထမ်းများသည် ပါတီနိုင်ငံရေးနှင့် ကင်းရှင်းရမည်။
ဒါက လူလည်ကျထားတဲ့ ဥပဒေ။
အမျိုးသားနုိုင်ငံရေးအတွက် စစ်တပ်က ပါလို့ရတယ်ပေါ့လေ။

ပုဒ်မ (၈) နိုင်ငံတော်သည် စစ်မှန်၍ စည်းကမ်းပြည့်ဝသော ပါတီစုံဒီမိုကရေစီစနစ်ကို ကျင့်သုံးသည်။ ဒီဥပဒေ အရဆိုရင် စစ်တပ်က နိုင်ငံရေးမှာ ၀င်မပါသင့်။ ဒါတွေကို ဆွေးနွေးနေရင် ကြာနေမယ်။ စစ်တပ်ထဲဝင် အချိန် ဖြုန်း အသက်ပေးရမယ်ဆိုရင် မတန်ဘူးဆိုတာပဲ ပြောချင်တယ်။

လူထုမှာ ၁၉၈၈ ကတည်းက စစ်အာဏာရှင်တွေကို တွန်းလှန်ရင်း အသက်တွေ၊ ဘ၀တွေ ပေးဆပ်ခဲ့ရတယ်။ အပြစ်မဲ့တဲ့ ပြည်သူတွေကို အာဏာရှင်တွေက စစ်တပ်ကို အသုံးချ သတ်ခဲ့တယ် (နောက်တက်မယ့် အစိုးရ အဲဒီသမိုင်းကြွေးတွေ ရှင်းပြီးမှ လူတွေကို စစ်ထဲဝင်ခိုင်း)။ ၂၀၀၇ မှာလည်း သံဃာတော်တွေကို သတ်ခဲ့ တယ်။ အတုတွေလို့တောင် စွပ်စွဲလိုက်သေးတယ်။ လက်နက်မဲ့လူတွေကို သတ်၊ ဖမ်း၊ ညှင်းပန်းနှိပ်စက်။ ယခုထိ နိုင်ငံရေးအကျဉ်းသမားတွေကို မလွှတ်သေး။ ကမ္ဘာမှာတောင် မကြားဘူးတဲ့ နှစ်ရှည်ထောင်ဒဏ်တွေချ။ မင်း တို့ လူမှဟုတ်ရဲ့လား (အခုချက်ချင်းလွှတ်ပါ၊ ဒါပြီးမှ မင်းတို့ဥပဒေဆွဲ)။

ဖွဲ့စည်းပုံကလည်း ဒီမိုကရေစီမဆန်။ လွှတ်တော်ထဲမှာ အရှက်မရှိဝင်ထိုင်မယ့် စစ်တပ်အကြီးအကဲရဲ့ ကိုယ် စားလှယ် (၁၁၆) ယောက်ကိုလည်း မင်းတို့အစိုးရသစ်က ဥပဒေနဲ့ ဖယ်ခိုင်းလိုက်ပါ (ဒါပြီးမှ စစ်မှုထမ်းဥပဒေ ကို အတည်ပြု)။

ခြုံပြောမယ်။ စစ်တပ်ဆိုတာ တိုင်းပြည်ကို ကာကွယ်မယ့် ၀န်ထမ်းကောင်းတွေပါ။ အာဏာရှင်တွေကြောင့် ညစ်နွမ်းခဲ့ပေမယ့် ပြင်လိုက်ရင် အသစ်ဖြစ်သွားမယ်။ ပြည်သူကို အကာအကွယ်မပေးရင်တော့ ပြည်သူတွေ က အခွင့်ကြုံတဲ့တနေ့ တွန်းလှန်ကြလိမ့်မယ်။

အခု သိက္ခာကျဆင်းသွားတဲ့ စစ်တပ်အောက်မှာ အမှုထမ်းရမှာထက် စစ်မှန်တဲ့ လွတ်လပ်ရေး၊ ဒီမိုကရေစီရေး များအတွက် ပြည်ထောင်စုတပ်မတော် အစစ်အမှန်တခုဖွဲ့ပြီး လူထုတရပ်လုံးပါဝင်ကာ တော်လှန်ရေးစရမယ့် အချိန် သမိုင်းကြောင်းအရ ပေါ်ပေါက်လာတော့မယ်ဆိုတာ နောက်တက်လာမယ့် ဒီမိုကရေစီအရေခြုံ စီးပွား ရှာစားတော့မယ့်သူတွေ (နအဖကို ကာကွယ်ပေးမယ့် အစိုးရသစ်) ကို ပြည်သူများကိုယ်စား အသိပေးလိုက်ပါ တယ်။

ပြည်သူလူထုကို အလေးမထားတဲ့ အစိုးရအသစ်ကို ရရာလက်နက်စွဲကိုင်ပြီး စတင်တိုက်ခိုက်ရမယ့် အချိန်က တော့ ကြိုတင်လျှို့ဝှက်ညှိနှိုင်းစရာမလို။ အဲဒီနေ့ကတော့ အစိုးရသစ်က လူထုကို စစ်သားမလုပ်ရင် ထောင် ဒဏ် (၅) နှစ်ချမယ့် ဥပဒေကို ပြဌာန်းလိုက်မယ့်နေ့ပဲဖြစ်ပါတယ် (ပြည်ထောင်စုတပ်မတော်ဖွဲ့စည်းပြီး မတရား တဲ့ အစိုးရသစ်အား တော်လှန်ရေးစတင်တော့မယ့် အချိန်ကို ပြည်သူလူထုတရပ်လုံး သိရှိစေရန် တပ်လှန့်နှိုး ဆော်လိုက်ပါတယ်။ ပြည်သူလူထုဟာ နွားတွေမဟုတ်ဘူးဆိုတာ မကြာမီ စစ်အာဏာရှင်များ သိစေရပါမယ်)။

တိုက်ပွဲဝင်တဦး

(၉-၁-၂၀၁၁၊ ည ၁၁း၀၀ နာရီ)