ရခိုင်ပြည်ရောက် ဦးအေးသာအောင်

ကျွန်ုပ်တို့၏ သတင်းထောက် ပေးပို့သည်။
ရခိုင်အမျိုးသားဒီမိုကရေစီအဖွဲ့ချုပ် (ALD) ရဲ့ ခေါင်းဆောင်တဦး လည်းဖြစ်၊ ပြည်သူ့လွှတ်တော်ကိုယ်စားပြုကော်မတီ (CRPP) ရဲ့ အ တွင်းရေးမှူးလည်းဖြစ်တဲ့ ဦးအေးသာအောင်ဟာ ဂီရီမုန်တိုင်းဒဏ်ခံခဲ့ ရတဲ့ ရခိုင်ပြည်နယ်အတွင်း လှည့်လည်ပြီး လေဘေးဒုက္ခသည်များကို ကူညီဆောင်ရွက်ရေးလုပ်ငန်းများ သွားရောက်ဆောင်ရွက်လျက်ရှိရာ ရန်ကုန်မြို့မှာ ထိန်းသိမ်းခံဘ၀က လွတ်မြောက်လာတဲ့ ဒေါ်အောင် ဆန်းစုကြည်နဲ့ တွေ့ဆုံနိုင်ခြင်းမရှိသေးကြောင်း သိရပါတယ်။

ဂီရိလေမုန်တိုင်း တိုက်ခတ်ခဲ့တာကြောင့် မြေပုံမြို့အပါအ၀င် အဓိက ရွာပေါင်း (၁၃၉) ရွာ ပျက်စီးသွားခဲ့တယ်။ ရွာတိုင်းလိုလို ပျက်စီးခဲ့ပါ တယ်။ ရွာတွေမှာရှိတဲ့ အိမ်တိုင်းပျက်စီး ဆုံးရှုံးခဲ့တယ်။ တချို့အိမ်တွေ ဆို အိမ်တိုင်တွေတောင် မရှိတော့ဘူးလို့သိရပါတယ်။ အဓိက (၁၀) ရွာ လောက်ကို ဦးအေးသာအောင်က ကားတို့၊ စက်လှေတို့နဲ့ သွားရောက်ကူညီအားပေးခဲ့တယ်လို့ သိရပါတယ်။

“မြေပုံမြို့ပေါ်မှာလည်း တိုက်တွေလောက်ပဲ အကောင်းကျန်တယ်။ တိုက်ခေါင်မိုးတွေတောင် အမိုးတွေ လန် ကုန်တယ်” ဟု ရခိုင်ပြည်နယ်သို့ ကိုယ်တိုင်ရောက်ရှိနေသူ ရခိုင်အမျိုးသားဒီမိုကရေစီအဖွဲ့ချုပ်မှ ဦးအေးသာ အောင်က ပြောပါတယ်။ အခုလောလောဆယ် NGO တွေရော၊ WFP (World Food Programme) စတဲ့ အဖွဲ့အစည်းက အကူအညီပေးပေမယ့် မမျှမတ ဖြစ်နေတယ်လို့ သိရပါတယ်။ အကူအညီတွေ အများကြီး လို အပ်နေသေးတယ်လို့ ပြောပါတယ်။

ဆက်လက်ပြီး ဦးအေးသာအောင်က “အန်ကယ်တို့ ရခိုင်အမျိုးသားဒီမိုကရေစီအဖွဲ့ချုပ်က ဆန်အိတ် (၁၀၀)၊ တာလဘတ်စ (၁၆၀)၊ သွပ်ပြား (၁၂၀၀) ချပ်နဲ့ ကျေးရွာငါးရွာအတွက် ရေကန်တွေပြန်လည်တူးဖော်ဖို့ ငွေ ကြေးထောက်ပံ့ခဲ့တယ်။ သွပ်ပြားတွေကိုတော့ ကိုယ်ထူကိုယ်ထ စာသင်ကျောင်းတွေကို အဓိကထားပြီး လှူ ဒါန်းခဲ့တယ်။ အန်ကယ် ရောက်နေတာ (၁၀) ရက်လောက်ရှိပြီ။ ကျေးရွာက လူတွေ မြို့တက်ပြီး အကူအညီ တောင်းကြတယ်။ အန်ကယ့်ဆီကိုလည်း အကူအညီလာတောင်းကြတယ်။ အန်ကယ်တို့ဘက်က သူတို့လို အပ်သလောက် အကူအညီမပေးနိုင်လို့ စိတ်မကောင်းဖြစ်ရတယ်” လို့ ပြောပါတယ်။

အဓိက က လယ်သမားတွေမှာ လယ်တွေ၊ တာတမံတွေ ပျက်စီးသွားတယ်။ ဒါတွေကို တကယ့်အင်အားကြီး တဲ့ အဖွဲ့အစည်းတွေက တည်ဆောက်ပေးမှသာ ရေရှည်မှာ အဆင်ပြေနိုင်မယ်။ ပြီးတော့ တံငါသည်တွေက စက်လှေထောင်ပေါင်းများစွာနဲ့ ငါးဖမ်းပိုက်တွေ ပျက်စီးဆုံးရှုံးကုန်ကြတယ်။ ဂီရိဆိုင်ကလုန်းမုန်တိုင်းကြောင့် ပျက်စီးဆုံးရှုံးသူတွေအတွက် အကူအညီများစွာ လိုအပ်နေကြောင်း ဦးအေးသာအောင်က ဆက်လက်ပြောပြခဲ့ ပါတယ်။