သမိုင်းစိမ်း

သမိုင်းစိမ်း
ကမာပုလဲ

အကျိုးစီးပွားဆိုတဲ့ မှတ်ကျောက်မှာ
လူတွေ ဆေးအကြိမ်အကြိမ် ကျနေကြတယ် မေမေ။

ကျောချင်းကပ်ခဲ့ကြတာတွေလည်း
ပေထက်အက္ခရာမတင်တော့တဲ့
ယုံတမ်းရာဇ၀င်တွေ ဖြစ်ခဲ့ပြီ။

တခါက ရဲဘော်ရဲဘက်စိတ်ဓာတ်ဆိုတာ
ခုခါမှာ သုံးစားမရတော့ဘူးလား
ကျနော်တို့ရဲ့ စွန့်လွှတ်ခဲ့မှုဟာ
ကလေးငယ်တွေရဲ့ ကစားပွဲတခုလို
ပြီးပြီးပျောက်ပျောက်လား
သူတို့ ခြေလက်အင်္ဂါတွေ စွန့်လွှတ်ခဲ့ရတယ်
သူတို့ တကယ်ကျဆုံးခဲ့ကြတယ်။

မတူတဲ့ အကျိုးစီးပွားတွေက
မတူတဲ့ လူတန်းစားစရိုက်တွေကို ပြဌာန်းတယ်ဆိုရင်
တအိုးထဲ စားခဲ့တဲ့ ထမင်း
တပုဒ်ထဲ သံပြိုင်ဆိုခဲ့တဲ့ သီချင်းကို လွမ်းတယ်
အဲဒီလွမ်းတတ်တာကိုက
ဒီခေတ်မှာ
အရူးတယောက်ရဲ့
မိုက်မိုက်မဲမဲ စိတ်ဝေဒနာလို့
ပြောနေကြပြန်တယ် မေမေ။

ရုရှားစာရေးဆရာကြီး ဂျက်ကော့ဗ်ရဲ့
လူနာဆောင် အမှတ် (၆) ဟာ
လက်ရှိ ကျနော်ရောက်နေတဲ့ အရပ်ဖြစ်နေတယ်၊
ရန်သူက သွားကြားထိုးနေချိန်မှာ
အဲဒီအသားစအတွက်
ကျနော်တို့ရဲ့ တခါက အချင်းချင်းတွေ ရန်ဖြစ်နေကြတယ်၊
လူထုလက္ခဏာ မဆောင်နိုင်တော့တဲ့ လေထုဟာ
အရင်ကလို မနီစွေးတော့ဘူး
စိမ်းသွားခဲ့ပြီ။ ။

ကမာပုလဲ
၂၆၊ ၀၉၊ ၂၀၁၀