ပြည်သူ့ပါတီ NLD

ထွန်းအောင်ကျော်

NLD ကို တရားဝင် နိုင်ငံရေးပါတီအဖြစ်ကနေ ပယ်ဖျက်လိုက်ပြီဟု သန်းရွှေ၏ ဉာဏ်နီဉာဏ်နက်များနှင့် စေ ခိုင်းသည့်အတိုင်း ရွေးကောက်ပွဲကော်မရှင်က ကြေညာလိုက်ပါပြီ။ NLD ကလည်း ဒီကြေညာချက်ကို တရားမ ဝင်ဘူးဟု ပြောသည်။ သိပ်မှန်သည်။ ဤနေရာတွင် “ရွေးကောက်ပွဲကော်မရှင်ဆိုတာ ဘာလဲ” ဟု ဆန်းစစ်ရန် လိုသည်။ သေချာသည်မှာတော့ သူတို့တွင် ၁၉၉၀ ရွေး ကောက်ပွဲအနိုင်ရ နိုင်ငံရေးပါတီကြီးကို တရားမဝင် ကြောင်း ကြေညာနိုင်လောက်သည့် အခွင့်အာဏာမရှိပါ။

ရွေးကောက်ပွဲကော်မရှင်သည် သန်းရွှေ ခင်းကျင်းပြသနေသည့် မျောက်ပွဲတခုသာဖြစ်သည်။ ကော်မရှင် မျောက်များက သန်းရွှေက တုတ်ကိုင်ပြီး အချက်ပြလိုက်လျှင် အမြီးမြှောက်လိုက်၊ ဂျွမ်းထိုးလိုက် လုပ်နေရ သည့်သဘောဖြစ်သည်။ သန်းရွှေက ဘယ်ပါတီကို ပိတ်လိုက်ဆိုလျှင် ၎င်းတို့က သန်းရွှေအလိုကျ လုပ်ရသည့် ဆပ်ကပ်မျောက်များသာဖြစ်သည်။ ၎င်းတို့တွင် NLD ကို တရားဝင် နိုင်ငံရေးပါတီအဖြစ်ကနေ ပယ်ဖျက်ပိုင်ခွင့် အာဏာမရှိ၊ ထို့နည်းတူ ၎င်းတို့ဆရာကြီး သန်းရွှေတွင်လည်း လုပ်ပိုင်ခွင့်မရှိချေ။

“ယနေ့ပြည်သူတို့ ရင်ဆိုင်နေရသော စစ်ကျွန်ဇာတ်သွင်းခံရမည့် ၂၀၁၀ ရွေးကောက်ပွဲကို NLD ပါတီအနေနှင့် ရဲရဲဝံ့ဝံ့ တိုက်မည်လော၊ တိုက်ပွဲလမ်းကြောင်းမှ သွေဖည်၍ ကြေညာချက်များထုတ်ရင်း အချိန်ကုန်ခံမည်လောဟု စောင့်ကြည့်ရပေလိမ့်မည်။”

စင်စစ် NLD ပါတီသည် ရှစ်လေးလုံးအရေးတော်ပုံကြီးမှ ပေါက်ဖွားလာသော ပြည်သူ့ပါတီဖြစ်သည်။ ပြည်သူ တို့ မိုးယံသို့ဟိန်း၍ ဟစ်ကြွေးလိုက်သော ဒီမိုကရေစီရေး၊ တန်းတူညီမျှရေး၊ လူ့အခွင့်အရေးတို့ အပြည့်အဝရရှိ ရေးအတွက် ပြည်သူ့ထောက်ခံမှုဖြင့် ဖွဲ့စည်းလိုက်သည့် ပြည်သူ့ပါတီကြီးဖြစ်သည်။ သန်းရွှေအာဏာစက်နှင့် ဖျက်လို့မပျက်နိုင်သည့် အမြုတေပါတီဖြစ်သည်။

NLD ပါတီ၏ တည်ရှိမှုသည် NLD ပါတီဝင်များက မိမိပါတီအပေါ် ယုံကြည်မှုကင်းမဲ့သွားသည့်အခါ သို့တည်း မဟုတ် ပြည်သူများက NLD ပါတီအပေါ် ထောက်ခံအားပေးမှု မရှိတော့သည့်အခါမှသာ ပျက်ပြယ်ပါလိမ့်မည်။ သန်းရွှေ အမိန့်ပေးရုံမျှဖြင့် NLD သည် အလွယ်တကူ မြန်မာ့မြေပေါ်မှ အငွေ့ပျံ ပျောက်ကွယ်သွားမည့် ပါတီမ ဟုတ်ဟု လုံးဝယုံကြည်မိပါသည်။

ပြည်သူများ ယုံကြည်အားကိုးမှု ရှိနေသမျှ၊ ပြည်သူတို့၏ အကျိုးကို ဆောင်ရွက်နေသမျှ၊ ပြည်သူတို့ နစ်နာချက် များကို တိုက်ပွဲဝင်နေသမျှ NLD ပါတီသည် စစ်အာဏာရှင်စနစ်ကို ဆန့်ကျင်တိုက်ဖျက်ရင်း ဆက်လက်ရပ် တည်နေမည်သာဖြစ်သည်။

မြန်မာပြည်တွင်းပြည်ပရှိ မျိုးချစ်မြန်မာများအားလုံး NLD ပါတီ တည်ရှိနေမှုကို အသိအမှတ်ပြုသည့် ဆန္ဒပြပွဲ များ၊ NLD ပါတီကို ထောက်ခံသည့် ပွဲများကို ကမ္ဘာအနှံ့ တပြိုင်တည်းပြုလုပ်ကြဖို့ လိုပြီဟု တိုက်တွန်းနှိုးဆော် လိုက်သည်။

ပြည်သူ့ပါတီ NLD ကို စစ်အုပ်စု ဖျက်၍ မပျက်နိုင်၊ NLD ပါတီ ခေါင်းဆောင်းများ တိုက်ပွဲလမ်းကြောင်းမှ သွေ ဖည်၍ စစ်အုပ်စုကို အရှုံးပေးသည့်အခါ၊ ပြည်သူ့လိုလားချက်များကို မျက်ကွယ်ပြုသည့်အခါမှသာ NLD သည် သူ့အလိုအလျောက် ပျောက်ကွယ်သွားမည်ဖြစ်သည်။

ထို့ကြောင့် ယနေ့ပြည်သူတို့ ရင်ဆိုင်နေရသော စစ်ကျွန်ဇာတ်သွင်းခံရမည့် ၂၀၁၀ ရွေးကောက်ပွဲကို NLD ပါ တီအနေနှင့် ရဲရဲဝံ့ဝံ့တိုက်မည်လော၊ တိုက်ပွဲလမ်းကြောင်းမှ သွေဖည်၍ ကြေညာချက်များထုတ်ရင်း အချိန်ကုန် ခံမည်လောဟု စောင့်ကြည့်ရပေလိမ့်မည်။

နိဂုံးအားဖြင့် NLD ပါတီသည် ၁၉၉၀ ရွေးကောက်ပွဲရလဒ်ကို နောက်ဆုံးအနေနှင့် စွဲကိုင်ပြီး အစိုးရတရပ်အဖြစ် ကြေညာရဲဖို့ လိုပေသည်။ “ကြောက်ရင် လွဲ၊ ရဲ မင်းဖြစ်” ဆိုသည့် စကားရှိသည် မဟုတ်ပါလား။

ထွန်းအောင်ကျော်