၈၈ အရေးတော်ပုံကာလအတွင်း တောင်ဥက္ကလာ စီမံကိန်းရပ်ကွက်က အဖြစ်အ ပျက်ကို ဘယ်သူတွေ အကွက်ချ ဖန်တီးခဲ့သလဲ (ပေးစာ)

ကိုလွဏ်းဆွေရေ ...

ကိုလွဏ်းဆွေရဲ့ blog မှာပါတဲ့ ‘အာကာထက်’ ရေးထားတဲ့ “မျက်မှန်စိမ်းအတပ်ခံရခြင်းမှ ...” ဆောင်းပါးကို ဖတ်ပြီး ရေးလိုက်တာပါ။ ၁၉၈၈ အရေးတော်ပုံကာလအတွင်း ဖြစ်ရပ်တွေထဲမှာ အထင်ကရ ဖြစ်ပွားခဲ့တဲ့ တောင်ဥက္ကလာ စီမံကိန်းရပ်ကွက်က အဖြစ်အပျက်ကို ဖော်ထုတ်ရေးသားတဲ့သူ မရှိသလောက်ပါပဲ။ အခုမှပဲ တွေ့ရတာပါ။ သာမန်အဖြစ်အပျက် မဟုတ်ပါဘူး။ သမိုင်းမှာ အရေးပါပါတယ်။ ဆောင်းပါးရှင်က ရက်စွဲမမှတ်မိ ဘူးဆိုလို့ ကျနော်ရေးလိုက်ပါတယ်။ နိုင်ငံတော်အာဏာကို စစ်အုပ်စုက ယုတ်မာကောက်ကျစ်မှုတွေနဲ့ အရယူ ဖို့ ခြေလှမ်းအများကြီးထဲက တလှမ်းလှမ်းလိုက်တာပါပဲ။ ၁၉၈၈ စက်တင်ဘာ (၄) ရက်နေ့ပါ၊ ကျနော်လည်း အဲဒီအဖြစ်အပျက်ထဲမှာ သူ့လိုပဲ တောက်လျှောက်ရှိနေခဲ့ပါတယ်။ ၁၉၈၈ ကျနော်ကြုံခဲ့တဲ့ အဖြစ်အပျက်တွေ အားလုံးထဲမှာ သွေးပျက်စရာအကောင်းဆုံးနဲ့ ညစ်ပတ်စက်ဆုပ်ဖို့ကောင်းတဲ့ ဖြစ်ရပ်ပါပဲ။ ဆောင်းပါးရှင် အာ ကာထက် ပါဝင်ခဲ့တဲ့ ရှုထောင့်နဲ့ ကျနော်ပါဝင်ခဲ့တဲ့ ရှုထောင့် မတူတာကလွဲရင် ဖြစ်ရပ်တခုလုံး တူပါတယ်။

အဲဒီတုန်းက ကျနော်တို့ ဗကသ စခန်းချတာက ရန်ကုန်ဆေးရုံကြီးနဲ့ လသာ အထက (၂) မှာပါ၊ ၃-၉-၈၈ နေ့ လည် ၃း၀၀ နာရီလောက်မှာ လူတချို့ ကျနော်တို့ဆီရောက်လာပြီး လုံခြုံရေး လာတောင်းပါတယ်။ သံဃာ တော်လည်း ပါပါတယ်။ ကျနော်တို့ ညနေ ၆း၀၀ နာရီလောက် တောင်ဥက္ကလာ (၁၃) ရပ်ကွက်ကို ရောက်ပါ တယ်။ တောင်ဥက္ကလာက ကြည်ကြည်ဘီစကွတ်စက်ရုံကို ဖောက်မယ်လို့ သတင်းရပါတယ်။ ည ၈း၀၀ နာရီ ကျော်လောက်မှာ ကျနော်တို့ ရှိနေတဲ့ (၁၃) ရပ်ကွက်က ဓမ္မာရုံရှေ့ကို လူတချို့ရောက်လာပြီး စက်ရုံကို ဖောက်တော့မှာဖြစ်တဲ့အတွက် အကူအညီပေးဖို့ လာပြောပါတယ်။

ကျနော်တို့နဲ့ အတူထိုင်နေတဲ့ ဦးဇင်းက“သွားနှင့် လိုက်ခဲ့မယ်” လို့ ပြောပါတယ်။ နောက်နာရီဝက်လောက်ကြာ တဲ့အခါ ထပ်ရောက်လာပြီး “အရေးကြီးပြီ အမြန်လာခဲ့ကြပါ” လို့ထပ်ပြောပါတယ်။ ဦးဇင်းကလည်း ပထမတုန်း ကအတိုင်း ပြောလိုက်ပြန်တယ်။ ဒီတခါတော့ ကျနော်လည်း မနေနိုင်တော့တာနဲ့ ဦးဇင်းကို သွားကြဖို့လျှောက် တော့ ဦးဇင်းက “ဒကာလေးတို့ မသိပါဘူး။ ဒီကောင်တွေ ကလိန်ကကျစ်ကောင်တွေ” လို့ ပြောပါတယ်။ ကျ နော် စဉ်းစားမရခဲ့ဘူး။ လာခေါ်တဲ့လူတွေက အင်္ကျီချွတ်တွေနဲ့ဆိုတာတော့ သတိထားမိတယ်။

တတိယမြောက်လာခေါ်တဲ့အခါ ဦးဇင်းက “ဒို့ဘက်ကလူတွေ တယောက်မှ အင်္ကျီမချွတ်ကြနဲ့လို့ပြောပြီး ကျ နော်တို့ လိုက်သွားကြပါတယ်။ ရှေ့ဆုံးကသွားတဲ့လူတွေ စက်ရုံဝင်းထဲရောက်တော့ ဝင်းသံတံခါးကြီးကို ပိတ် ချလိုက်ပြီး ဂျင်ဂလိတွေနဲ့ ဝိုင်းပစ်ကြပါတယ်။ အဲဒီမှာတင် သံချောင်းခေါက်သံတွေ ဆူညံသွားပြီး အင်္ကျီဝတ် ထားတဲ့ လူတွေနဲ့ အင်္ကျီချွတ်ထားတဲ့လူတွေရဲ့ တိုက်ခိုက်တဲ့ အသံတွေဟာ ပွက်ပွက်ညံနေပါတော့တယ်။ သံ ချောင်းခေါက်သံတွေလည်း အဆက်မပြတ်ပါပဲ။ တောင်ဥက္ကလာ အခြားရပ်ကွက်တွေကလည်း ရောက်လာကြ ပါတယ်။ မိန်းမတွေလည်း ပါပါတယ်။ မီးသတ်ကားတွေနဲ့လည်း ရောက်လာကြတယ်။ သွေးပျက်ထိတ်လန့် ဖွယ် ဆူညံအော်ဟစ်သံတွေနဲ့ ကမ္ဘာပျက်သလိုပါပဲ။ ညမှောင်မည်းကြီးထဲမှာ ပြေးကြလွှားကြ၊ အော်ကြဟစ် ကြ၊ သံချောင်းခေါက်သံတွေ ဆူညံနေတာပါပဲ။ အရုဏ်တက်ခါနီးကျတော့ ကျနော်တို့တွေ ငမိုးရိပ်ချောင်းစပ် က ကိုင်းတောတွေထဲ ရောက်နေကြပြီ။ ကျနော်တို့အဖွဲ့မှာ အများဆုံးထိတာ GTI ကျောင်းသားတွေပါ။

မနက် ၆း၀၀ နာရီလောက်မှာ ရန်ကုန်ဆေးရုံကြီးကို ဖုန်းဆက်တော့ သမဂ္ဂခေါင်းဆောင်ကျောင်းသားတွေ မ ရောက်ကြသေးဘူး။ အဲဒီအချိန်မှာ ကျနော်တို့ဘက်က အခြေအနေကို တော်တော်လေး ထိန်းထားနိုင်နေပြီ။ ဖမ်းမိထားတဲ့ အင်္ကျီချွတ်လူတွေကို တောင်ဥက္ကလာ ရဲစခန်းမှာ စစ်ဆေးပါတယ်။ အားလုံး ကြောင်တောင် တောင်ဖြစ်နေကြပြီး မေးသမျှကို တခွန်းမှပြန်မဖြေပါဘူး။ ရဲစခန်းအပြင်မှာ စောင့်နေတဲ့ လူတွေကလည်း ဒေါ သထွက်နေကြပြီ။ ဖမ်းထားတဲ့ လူတွေထံက ပိုက်ဆံတွေလည်း အများကြီးသိမ်းမိပါတယ်။ ထူးခြားတာက ငွေ စက္ကူတွေအားလုံး အသစ်စက်စက်တွေပါ (အဲဒီမတိုင်ခင်ရက်တွေမှာ စစ်တပ်က ဘဏ်ကငွေတွေ များစွာထုတ် ယူသွားခဲ့ပါတယ်)။ သိမ်းဆည်းလို့ရတဲ့ ဂျင်ဂလိတွေက ဆောင်းပါးရှင် အာကာထက် ပြောသလိုပါပဲ။ ပုံစံတူ၊ ဆိုဒ်တူ၊ စကေးတူ တရွယ်တစားထဲပါပဲ။ စက်ရုံကထုတ်တဲ့ ဂျင်ဂလိတွေပါ။

ဖမ်းမိထားတဲ့ လူတွေကို “မင်းတို့ကို ဘယ်သူခိုင်းတာလဲ၊ မပြောရင် နားရွက်ဖြတ်ပစ်မယ်” လို့ ပြောတော့ ကြောင်တောင်တောင်တွေနဲ့ ပြန်ကြည့်နေကြပါတယ်။ ကြောက်လန့်နေတဲ့ပုံ မတွေ့ပါဘူး။ တကယ် နားရွက်ကို ဖြတ်တော့လည်း နာကျင်ပုံမရပါဘူး။ အဲဒီလိုနဲ့ နားရွက်နောက်တဘက်၊ နှာခေါင်း ဆက်ဖြတ်ပြန်တော့လည်း သွေးတွေကျရုံကလွဲလို့ မထူးခြားပါဘူး။ ဒီမှာတင် ကျနော်တို့ကျောင်းသားတွေနဲ့ ရဲစခန်းအပြင်မှာရှိနေတဲ့ လူစုလူဝေးတို့ရဲ့ပြဿနာ စပါတော့တယ်။ ဖမ်းမိထားတဲ့ လူတွေဟာ အမှောင့်ပယောဂမိနေတဲ့လူတွေ၊ ဘီ လူးသရဲတွေ ... စသဖြင့် အမျိုးမျိုး ထင်မြင်ချက်တွေပေးပြီး သတ်ပစ်ဖို့ အော်ဟစ်ကုန်ကြပြီ။ ဒေါသထွက်ပြီး ထိန်းလို့မရတော့ဘူး။ အော်ဟစ်နေကြတဲ့ လူစုလူဝေးထဲမှာ တောင်ဥက္ကလာသားတွေ မသိတဲ့ အခြားလူတွေ လည်း ပါနေတယ်ဆိုတာသိရတယ်။ နောက်ဆုံး ဖမ်းမိထားတဲ့ လူတွေကို ခွဲတမ်းချပါတော့တယ်။ ပြီးတော့ လမ်းဆုံလမ်းခွတွေမှာ အဲဒီလူတွေကို မီးရှို့ကြပါတယ်။ အဲဒီလူတွေကလည်း မီးလောင်ခံနေရတာတောင် ပူပုံ မရကြပါဘူး။

မနက် ၁၀း၀၀ နာရီလောက်မှာ ကိုကိုကြီး၊ ပေါ်ဦး (မင်းကိုနိုင်) နဲ့ ကျနော်တို့အဖွဲ့တွေ ရောက်လာပါတယ်။ သူ တို့ကို အခြေအနေအားလုံး ပြောပြတယ်။ သူတို့ရောက်တဲ့အချိန် လူထုကို ထိန်းဖို့ မလွယ်တော့ပါဘူး။ ညနေ ပိုင်းလောက်ကျတော့ ငွေကြာရံကျောင်းတိုက်ကို အသက် (၃၀) ခန့် ဂျပန်အမျိုးသားနှစ်ယောက် စကားပြန်နဲ့ ရောက်လာပါတယ်။ သူတို့ရဲ့ထင်မြင်ချက်တွေကို ကျနော်တို့နဲ့ ဆွေးနွေးပြီးတော့ ဖမ်းမိထားတဲ့ လူတချို့ကို ခေါ်လာပြီး နားရွက်အနောက်နားကို ဆေးထိုးပေးလိုက်တဲ့အခါ ချက်ချင်းသတိလည်လာပြီး ဆရာတော်ကို ပြေးပြီး အသက်ချမ်းသာပေးဖို့ တောင်းပန်လျှောက်ထားပါတော့တယ်။

ဒါနဲ့ ကျနော်တို့လည်း ဆရာတော်ရဲ့ မေတ္တာရပ်ခံချက်နဲ့ လမ်းဆုံလမ်းခွတွေက မီးမရှို့ရသေးတဲ့ လူတွေကို လိုက်စုပြီး ငွေကြာရံကျောင်းတိုက်မှာ စောစောက လူတွေလိုပဲ ဆေးထိုးပေးပြီး ဆရာတော်က အဲဒီလူတွေ အားလုံးကို သင်္ကန်းဝတ်ပေးလိုက်ပါတယ်။ လူတွေကို ပြန်လိုက်စုတော့ လူထုနဲ့ ပဋိပက္ခဖြစ်ရပါသေးတယ်။ ကျနော်ပြောလိုတာက ဒီအရေးအခင်းကြီးကို ဘယ်သူတွေက ရည်ရွယ်ချက်ရှိရှိ စနစ်တကျ အကွက်ချ ဖန်တီး သွားသလဲဆိုတာကို သိဖို့ပါပဲ။

အဲဒီအချိန်က တတိုင်းပြည်လုံးလမ်းတွေပေါ် ထွက်ဆန္ဒပြနေကြလို့ မဆလရဲ့ အုပ်ချုပ်ရေးဟာ ရပ်ဆိုင်းသ လောက်ဖြစ်နေပါပြီ။ ဒါပေမယ့် ကျနော်တို့ နိုင်ပြီလို့ ထင်နေတဲ့အချိန်ဟာ ကျနော်တို့ စရှုံးနေပြီဆိုတာ ၇-၉-၈၈ နေ့ လမ်းမတော်ဆေးတက္ကသိုလ် မှာလုပ်တဲ့ (၁၁၉) ဦး အစည်းအဝေးမစခင် ကိုကိုကြီးကို ကျနော်ပြောခဲ့ပါ တယ်။ အဲဒီနောက်မှာတော့ ကျနော်တို့လည်း ... ...။

ဖိုးဂတုံး (၈၈ - ဗကသ)
၁၉-၈-၂၀၁၀