သစ်သီးပုပ်များ

သစ်သီးပုပ်များ
စိုးနေလင်း

ပြင်သစ်ပြည်ကျေးလက်က
ဆယ်ကျော်သက်ကလေးတွေရဲ့
အေးစက်ခက်ရှ အကြည့်က
နာဇီဝါဒရဲ့ ခြေလှမ်းတွေကိုတောင်
ယောင်ကန်း ရှက်အမ်းဖြစ်စေခဲ့ကြ။

ဒီမှာက ...
မျက်လွှာချ ပြုံးပြ
အတောင်ပံမှ မဖြန့်ရဲဘဲ
ကောင်းကင်ပြင်ထဲ ပျံဝဲချင်သတဲ့
ပြည့်တန်ဆာမတယောက်ရဲ့
သဲ့သဲ့ညည်းတွားသံကမှ
ဘ၀အနက်အဓိပ္ပါယ်
တင့်တယ်ပြည့်ဝနိုင်သေးပါရဲ့။

ပဲ့ကြွေသွားတဲ့ သစ္စာတရားထဲမှာ
အနုပညာဝါဒအားလုံး
ပြုန်းတီးချနင်းခံလိုက်ရပြီ …
ပတ်ဘလိုနီရူဒါ* ရယ်
ကြယ်ကြွေတွေကိုယ်စား
စကားနည်းနည်း ပြောပေးစမ်းပါ။

ဒါဟာ …
ဧရာဝတီရဲ့ဝမ်းဗိုက်ထဲက
ထွက်ကျလာတဲ့ ပိုးလောက်တွေ
ရွှေရည်စိမ်တံဆိပ်တွေ ချိတ်လို့
ပျို့အံချင်စရာအပြုံးက
မြေခွေးမျက်လုံးတွေကို ဖုံးကွယ်မရ
ဆုချနေတဲ့ လက်ချောင်းတွေထဲမှာ
သားရေကြာပွတ်တခုရှိတယ်။

မေ့ပျောက်လွယ်သူတွေပါပဲ
တစစ အေးခဲထုံထိုင်းလာကြ
ခဏငယ်လေးအတွင်းမှာပင်
ရာဇ၀င်ညစ်စွန်း
မှောင်လွန်းတဲ့ တမွန်းတည့်အောက်
ညှိုးခြောက်ကွယ်ပျောက်သွားပေလိမ့်မယ်။ ။

* Poet Pablo Neruda - ချီလီကဗျာဆရာ

စိုးနေလင်း
(လူထုကို သစ္စာဖောက်ပြီး
စစ်အာဏာရှင်တို့နှင့် ပူးပေါင်းအကျိုးပြုနေကြသော
အနုပညာရှင်များကို ရည်ညွှန်းပါသည်)