ရခိုင်ပြည်နယ်၌ ဖိနှိပ်မှုပြင်းထန်လာခြင်း

ပြည်သူ့သူရဲကောင်းများအုပ်စုမှ ပေးပို့သည်။

အဖွဲ့ချုပ်၏ စည်းမျဉ်းစည်းကမ်းများကို ချိုးဖောက်မှုကြောင့် ဗဟိုအလုပ်အမှုဆောင်အဖွဲ့၏ အစည်းအဝေးဆုံး ဖြတ်ချက်ဖြင့်တောင်ကုတ်မြို့နယ် စည်းရုံးရေးအဖွဲ့ဝင်တာဝန်မှ ရပ်စဲခံထားရသော ဦးသန်းဖေသည် အာဏာ ပိုင်များနှင့် ပူးပေါင်းကာ ရခိုင်ပြည်နယ်စည်း ဒု-ဥက္ကဋ္ဌ၊ တောင်ကုတ်မြို့ နယ်စည်း ဥက္ကဋ္ဌ၊ တောင်ကုတ်မြို့နယ် မဲဆန္ဒနယ် ပြည်သူ့ လွှတ်တော်ကိုယ်စားလှယ် ဦးကျော်ခိုင်အား လွန်ခဲ့သည့် မေလဆန်းက တောင်ကုတ်မြို့ နယ်တရားရုံး၌ အသရေဖျက်မှု (ပုဒ်မ-၅၀၀) ဖြင့် တရားစွဲဆိုခဲ့သည်။ ယင်းအမှုအား မေလ (၁၄) ရက်နှင့် မေ လ (၂၉) ရက်နေ့များတွင် တရားရုံးချိန်းခေါ်ယူကာ လိုပြသက်သေ (၂) ဦးဖြစ်သော ဦးသန်းဖေနှင့် ဦးမျိုးမြင့် တို့အား စစ်ဆေးခဲ့ပါသည်။

အမှုဖြစ်စဉ်မှာ ဦးသန်းဖေနှင့် ဦးမျိုးမြင့်တို့အဖွဲ့ချုပ် လူမှုအထောက်အကူပြုအဖွဲ့အား အကြောင်းပြ၍ တောင် ကုတ်မြို့ပေါ် ရပ်ကွက်များ၌ တရားမ၀င်ငွေကြေး ကောက်ခံနေသည်ဟု ကာယကံရှင်အချို့ လာရောက်တိုင် တန်းကြခြင်းအပေါ် အဖွဲ့ချုပ်မြို့နယ်ဥက္ကဋ္ဌအနေဖြင့် မိမိ၏ တာဝန်အရ စွပ်စွဲခံရသူအားဖြေရှင်းပေးပါရန် ၂၂- ၁၀-၀၈ နေ့တွင် အကြောင်းကြားထားရှိခဲ့သည်ကို ပြန်လည်ဖြေကြားခြင်းမရှိဘဲ ၂၀၀၉ မတ်လတွင် အဖွဲ့ချုပ် (ဗဟို)ှ က ၄င်းအား တာဝန်မှရပ်စဲအပြီး (၇) လကြာသည့်အခါမှ တရားစွဲဆိုခြင်းဖြစ်သည်။ လိုပြသက်သေ (၂) ဦးထွက်ချက်အရ စွဲဆိုစဉ်က အသရေဖျက်မှု ပုဒ်မဖြစ်သော်လည်း ၈-၈-၀၈နေ့ တောင်ကုတ်မြို့ ၈-လေးလုံး နှစ် ၂၀ ပြည့် လူငယ်များလမ်းလျှောက်ဆန္ဒပြမှုတွင် အဓိကဦးဆောင်သူမှာ ဦးကျော်ခိုင်ဖြစ်ကြောင်း၊ ဦးသန်း ဖေအနေဖြင့် ဆန္ဒပြပွဲလုံးဝမဖြစ်စေရန် နည်းပေါင်းစုံသုံး၍ တားဆီးခဲ့ကြောင်း၊ သြဂုတ်လ (၈) ရက်နေ့ကပင် ၄င်းသည် အန်အယ်လ်ဒီမဟုတ်တော့ကြောင်း ... စသည်ဖြင့် ဦးသန်းဖေက အသက် (၉၀) အရွယ် လွှတ်တော်
ကိုယ်စားလှယ် ဦးကျော်ခိုင်အား ပုဒ်မပြောင်း၍ ထောင်မကျကျအောင် ကြိုးပမ်းခဲ့ကြသလို ပါတီတွင်းအတွင်း ရေးများကို တရားခွင်၌ သစ္စာမဲ့စွာ ဖွင့်ချပြခဲ့ကြသည်။

အဆိုပါ ဦးသန်းဖေမှာ အစပိုင်း၌ အတက်ကြွဆုံးအသွင်ဖြင့် လှုပ်ရှားပြခဲ့သော်လည်း နောက်ပိုင်းတွင် အာဏာ ပိုင်များ၏ အသုံးချမှု၊ ကြံ့ခိုင်ရေးအဖွဲ့၏ ထောက်ပံ့မှုကိုခံယူကာ ရခိုင်ပြည်နယ်၏ နိုင်ငံရေးလှုပ်ရှားမှု အားအ ကောင်းဆုံးဖြစ်သော တောင်ကုတ်မြို့ရှိ နိုင်ငံရေးအင်အားစုများကို အပြတ်အသတ်ချေမှုန်းတိုက်ဖျက်ရန် စနစ် တကျ ဆောင်ရွက်လာခဲ့သဖြင့် တောင်ကုတ်မြို့နယ်စည်းအဖွဲ့၏ ဆုံးဖြတ်ချက်ဖြင့် ဗဟိုသို့တင်ပြရာမှ တာဝန် ရပ်စဲခံထားရခြင်းဖြစ်သည်။

ဦးသန်းဖေနှင့် အပေါင်းပါအချို့ အဖွဲ့ချုပ်အား အပုပ်ချဖြိုခွဲရန် စီစဉ်ညွှန်ကြားပေးနေသူမှာ တောင်ကုတ်မြို့မှ ကြံ့ခိုင်ရေးအဖွဲ့ဝင်၊ နအဖလက်ကိုင်တုတ် ဦးကျောက်တောင်ပင်ဖြစ်ကြောင်း ဒေသခံမျက်မြင်သက်သေများ က ဆိုကြသည်။ ဇွန်လ (၁၁) ရက်နေ့တွင် တတိယအကြိမ် ရုံးချိန်းဆင့်ခေါ်ထားပြီး၊ အဖွဲ့ချုပ်အနေဖြင့် အသက် အရွယ်ကြီးရင့်လှပြီး ကျန်းမာရေးမကောင်းလှသော်လည်း ပြည်သူလူထုအတွက် ခိုင်မာလှသည့် နိုင်ငံရေးယုံ ကြည်ချက်ဖြင့် လူထုရှေ့မှ မားမားမတ်မတ် ရပ်တည်နေသည့် ဦးကျော်ခိုင်အတွက် ဥပဒေဆိုင်ရာ အထောက် အကူပေးသွားမည်ဖြစ်ကြောင်း၊ ယခုကိစ္စသည် နိုင်ငံရေးပါတီတရပ်၏ ပါတီတွင်းကိစ္စသာဖြစ်ပြီး ဤအမှုကို လက်ခံသည်ဆိုကတည်းကပင် ဥပဒေနှင့်မညီ၊ တရားမျှတမှုမရှိသည်မှာ ထင်ရှားကြောင်းဖြင့် ပြည်နယ်စည်း အဖွဲ့ဝင်တဦးက ပြောကြားသည်။

တချိန်တည်းတွင် လွန်ခဲ့သည့်မေလအတွင်းက အဖွဲ့ချုပ် ရခိုင်ပြည်နယ်စည်းရုံးရေးအဖွဲ့ တွဲဖက်အတွင်းရေးမှူး ဦးသိန်းလှိုင်အား ဥပဒေဖြင့်ပုဒ်မတပ်အရေးယူရန် အပြစ်ရှာမရ၍ လုပ်ကြံရှင်းပစ်ရန် ပြည်ထဲရေးဝန်ကြီး မောင် ဦးက တောင်ကုတ်မြို့မှ နအဖလက်ကိုင်တုတ် ဦးကျောက်တောင်ကို တာဝန်ပေးစေခိုင်းထားကြောင်း ကျောက် တောင်နှင့် နီးစပ်သည့် အသိုင်းအ၀ိုင်းမှ ပုဂ္ဂိုလ်တဦးက ပြောဆိုသည်။ တဆက်တည်းပင် ဦးသိန်းလှိုင် နေထိုင် ရာ ရမ်းဗြဲမြို့၌လည်း သတင်းတပ်ဖွဲ့ဝင်များသည် ဦးသိန်းလှိုင်၏ ဓာတ်ပုံအား ၄င်း၏ တပည့်များထံတွင် ခြိမ်း ခြောက်တောင်းခံနေကြောင်း သိရသည်။

ဦးသိန်းလှိုင်မှာ ကျူရှင်ဆရာတဦးဖြစ်သလို ရခိုင်သမိုင်းသုတေသီ စာရေးဆရာတဦးလည်း ဖြစ်သည်။ ၁၅ နှစ် ကြာမျှ ပြသလာခဲ့သော ၄င်း၏ ကျူရှင်အား ၂၀၀၇ ခုနှစ် ရမ်းဗြဲမြို့နယ်မှ အဓမ္မလုပ်အားစေခိုင်းမှု (၅) မှုကို အ ပြည်ပြည်ဆိုင်ရာ အလုပ်သမားအဖွဲ့ချုပ်သို့ တိုင်တန်းရာတွင် ပါဝင်မှုဖြင့် ၂၀၀၇ ဇွန်လတွင် ကျူရှင်အပိတ်ခံခဲ့ရ သည်။ မောင်လှိုင်(လမု) ကလောင်အမည်အပါအ၀င် အခြားကလောင်ခွဲများစွာဖြင့် ဒေသထုတ်မဂ္ဂဇင်းများတွင် ရခိုင်ယဉ်ကျေးမှုဆိုင်ရာ ရှေးဟောင်းသုတေသန ဆောင်းပါးများလည်း ရေးသားခွင့်မရရှိတော့ပေ။

ယခုအခါ ၄င်းအနေဖြင့် အဖွဲ့ချုပ်(ဗဟို)၊ ရခိုင်ပြည်နယ်စည်းရုံးရေးအဖွဲ့တို့မှ ပေးအပ်ထားသည့် တာဝန်များကို ကျန်းမာရွှင်လန်းစွာ ထမ်းဆောင်လျက်ရှိကြောင်း သိရသည်။ ထို့အပြင် စစ်တွေမြို့၌ နေထိုင်လျက်ရှိသော ပြည်နယ်စည်း ယာယီဥက္ကဋ္ဌ၊ ရသေ့တောင်မြို့နယ် ပြည်သူ့လွှတ်တော်ကိုယ်စားလှယ် ဦးမောင်ကြွင်းအောင် မှာလည်း ၄င်း၏ နေအိမ်အား ရဲတပ်ဖွဲ့ဝင်များ အချိန်ပြည့် ကင်းချစောင့်နေခြင်း၊ နယ်မြေခံသတင်းတပ်ဖွဲ့ဝင် များ နေ့စဉ်လာရောက် စစ်ဆေးဖိအားပေးမှုကို ခံနေရကြောင်း ရခိုင်ပြည်နယ်စည်းရုံးရေးအဖွဲ့မှ ပြောဆိုသည်။