သပွတ်အူဇာတ်ထုပ်၊ မိုးကျရွှေကိုယ်နိုင်ငံရေးနှင့် မလည်ရှုပ်များ

ဒေါက်တာလွဏ်းဆွေ
(၁၅-၉-၀၆ နေ့က ခေတ်ပြိုင်အင်တာနက်စာမျက်နှာတွင် ဖော်ပြခဲ့သည့် ဆောင်းပါးဖြစ်ပါသည်)

မြန်မာ့ဒီမိုကရေစီရေးလှုပ်ရှားမှုက (၁၈) နှစ်ပြည့်လုပြည့်ခင်။ သို့သော်ဇာတ်ကမပေါင်းနိုင်သေး။ ပွဲက ကြာလာ သည်နှင့်အမျှ ဇာတ်တွေက ပိုပိုရှုပ်လာသည်။ ရှုပ်သထက်ရှုပ်အောင်လည်း နအဖက ဖန်တီးလာသည်။ ထိုသို့ ဖန်တီးရင်း နအဖကိုယ်တိုင်လည်း သူ့ဇာတ်သူမနိုင်တော့။ ဗိုလ်ချုပ်ခင်ညွန့်လိုပုဂ္ဂိုလ်ပင်လျှင် အခွေခံခဲ့ရသည် ကို သင်ခန်းစာယူကာ အောက်ကတိုင်းမှူးတွေက လျင်သူ စားစတမ်း၊ ရတုန်း ၀ါးစတမ်းမူကို ကျင့်သုံးနေကြ သည်။

အထက်ဗိုလ်ချုပ်မှူးကြီး နှစ်ဦးကလည်း သူ့လူကိုယ့်လူ အကွက်ချောင်းနေကြသည် (နိုင်ငံရေးပုရောဟိတ်တဦး ကတော့ ဗိုလ်ချုပ်မှူးကြီးနှစ်ဦး မကွဲပါဟု တတိယနိုင်ငံတနေရာမှနေပြီး အတည်ပေါက် ဟောကိန်းထုတ်နေ သည်ကို အင်တာနက်ဝက်ဘ်ဆိုက်တခုတွင် ဖတ်ရသည်။ နောင်တချိန်မှ ဘွာတေးမဖြစ်ပါစေနှင့်ဟုသာ ဆု တောင်းရသည်။ နအဖရှေ့ပိုင်းဇာတ်ထုပ်တွင် ဖြုတ်၊ ထုတ်၊ လုပ်ကြံခံသွားကြရရှာသည့် ဗိုလ်ချုပ်များ၏ အဖြစ် ဆိုးများကို အဆိုပါပုရောဟိတ် မေ့နေလို့ဖြစ်မည်ဟုပင် အောက်မေ့မိသည်)။ အငိုက်မိသည်နှင့် လျင်သည့် ဘက်က ဦးအောင်တွယ်သည်။

ဟိုတလောကပင် အရှေ့မြောက်ပိုင်းတိုင်းမှူး ဗိုလ်ချုပ်မြင့်လှိုင်ကို ချောင်ထိုးလိုက်ပြန်သည်။ မူဆယ်(၁၀၅)မိုင် နယ်စပ်ကုန်သွယ်ရေးဂိတ် လာဘ်စားမှုများနှင့် ဆက်နွယ်နေသည်ဟုသိရသည်။ ရုံးတင်စစ်ဆေးနေသည်ဟု လည်း ကြားရသည်။ ဒါကထူးခြားဖြစ်စဉ်တော့မဟုတ်။ နအဖတိုင်းမှူးတွေဆိုသည်က အပေါ်ကဗိုလ်ချုပ်မှူး ကြီးနှစ်ဦးကစားနေသည့် စစ်တုရင်ခုံပေါ်က နယ်ရုပ်တွေမျှသာဖြစ်သည်။ သူပြီးလျှင် နောက်ထပ်တိုင်းမှူးတဦး အလှည့်ရောက်လာဦးမှာ မုချဖြစ်သည်။

သူတို့နှစ်ဦး နောက်ဆုံးအာဏာမြဲဖို့အရေး တယောက်ပြီးတယောက် အပြန်အလှန် ထိုးကျွေးနေကြဦးမှာ သေ ချာသည်။ သို့သော် နအဖအတွင်းထဲ အုပ်စုကွဲအချင်းချင်း အာဏာစားမာန်ခုတ်နေသော်ငြား နွားကွဲလျှင် ကျား ဆွဲခံရမည်ကိုစိုး၍ ညီညွတ်ချင်ယောင်ဆောင်နေကြပြန်သည်။ ထို့အပြင် ကျူးလွန်ထားသည့်ပြစ်မှုက များလွန်း သည့်အတွက်လည်း လွတ်ရာလွတ်ကြောင်းကို နအဖတတွေ စဉ်းစားတော့ပုံမပေါ်။ မရှင်းနိုင်အောင် ရှုပ်ထားမှ ပွဲပိုကြာမည်ဟုသာ မိုက်မိုက်မဲမဲတွေးတော့ပုံပေါ်သည်။ ထို့ကြောင့် ရှုပ်ပြီးရင်းဆက်ရှုပ်အောင်လုပ်ဖို့သာ နအဖ ကြံနေတော့သည်။

သူတို့အချင်းချင်း ဇာတ်ရှုပ်နေသည့် နအဖသည် အတိုက်အခံများဘက်ကိုပါ ဇာတ်ရှုပ်အောင် တပြိုင်နက် တည်း ဖန်တီးခဲ့သည်။ တိုင်းရင်းသား လက်နက်ကိုင်အဖွဲ့အစည်းများနှင့် အစစ်အမှန်ငြိမ်းချမ်းရေးကို မတည် ဆောက်ဘဲ သပ်သျှိုသွေးခွဲနည်းကို ကျင့်သုံးနေကာ စီးပွားရေးလုပ်ခွင့် မက်လုံးပေးပြီး လက်နက်ချခိုင်းခဲ့သည်။ နအဖထောင်ချောက်အတွင်း အလစ်အငိုက်မိသွားသည့် လက်နက်ကိုင်အဖွဲ့အစည်းများလည်း မနည်းတော့ပြီ။ ကျောချမှဓားပြမှန်းသိရသော်လည်း သိသည့်အချိန်တွင် နအဖကျော့ကွင်းမှ ရုန်းမထွက်နိုင်တော့ဘဲ လည်စင်း ခံကြရခြင်းဖြစ်သည်။

အခုနောက်ဆုံး ကရင်အမျိုးသားအစည်းအရုံး (KNU) အဖွဲ့နှင့် ကရင်အမျိုးသားလွတ်မြောက်ရေးတပ်မတော် (KNLA) တပ်မဟာ (၇) ကို သပ်လျိုသွေးခွဲဖို့ ကြံစည်လာပြန်သည်။ ကေအင်ယူဗဟိုကော်မတီ၏ နိုင်ငံရေးအ တွေးအခေါ် မြင့်မားမှုကြောင့်သာ သွေးခွဲ၍မရခြင်းဖြစ်သည်။ ယခုအခါ ကေအင်ယူဗဟိုနှင့် တပ်မဟာ (၇) တို့ ပြန်လည်နားလည်မှုရသွားကြပြီဖြစ်သည် (သို့သော်နောက်ဆုံးတွင် ဗိုလ်ချုပ်ထိန်မောင်နှင့်အဖွဲ့ တပ်မဟာ ၇ မှ ခွဲထွက်ပြီး နအဖထံ လက်နက်နှင့် ငြိမ်းချမ်းရေးအတုအယောင် လဲလှယ်သွားခဲ့သည်)။ နအဖအနေနှင့် ထိုသို့ တိုင်းရင်းသားလက်နက်ကိုင်အဖွဲ့အစည်းများကြား သွေးကွဲအောင် ဖန်တီးရုံမျှမက အတိုက်အခံ နိုင်ငံရေးအဖွဲ့ အစည်းများနှင့် ပြည်သူများအကြား နဝေတိန်တောင်ဖြစ်အောင်ပါ မိုးကျရွှေကိုယ် နိုင်ငံရေးသမားများကို ပွဲ ထုတ်ပြီး ဇာတ်ကို ရှုပ်သထက်ရှုပ်အောင် ဖန်တီးလာပြန်သည်။

နအဖ ပွဲထုတ်လာသည့် မိုးကျရွှေကိုယ် နိုင်ငံရေးသမားများကတော့ ဒေါက်တာဇာနည်နှင့် မနေ့တနေ့ကမှ လတ်လတ်ဆတ်ဆတ် ပွဲထုတ်လိုက်သည့် ကျောင်းသားခေါင်းဆောင် ကိုအေးလွင် ဆိုသူတို့ပဲဖြစ်သည်။ ဒေါက် တာဇာနည်ကိုမူ ဗိုလ်ချုပ်ခင်ညွန့် အာဏာရှိစဉ်ကာလကတည်းက ပွဲထုတ်ခဲ့ခြင်းဖြစ်ပြီး ကိုအေးလွင်ကိုတော့ အခုရက်ပိုင်းအတွင်းမှ နအဖက ဘွားကနဲ ပွဲထုတ်လိုက်ခြင်းဖြစ်သည်။ လက်ရှိပြည်တွင်းရှိ လူထုအကြား၌ သြ ဇာကြီးလာသည့် ကျောင်းသားခေါင်းဆောင် မင်းကိုနိုင်၊ ကိုကိုကြီးတို့ ၈၈ မျိုးဆက်ကျောင်းသားအဖွဲ့နှင့် စင် ပြိုင်ကျောင်းသားအုပ်စုတစုကို နအဖ ထိုးတင်လိုက်ပုံပေါ်သည်။

တနည်းအားဖြင့် သူတို့အားကိုးလိုသည့် ဒေါက်တာဇာနည်၏နောက်တွင် မည်သူမှမရှိတော့မှန်းသိ၍ ဇာတ် လိုက်အသစ် မွေးထုတ်လိုက်ခြင်းဖြစ်သည်။ နအဖအနေနှင့် မိုးကျရွှေကိုယ် နိုင်ငံရေးသမားများနှင့် (၁၈) နှစ် ကြာ ဇာတ်ထုပ်ကို ပိုရှုပ်အောင် ဖန်တီးချင်ပုံရသည်။ ပြည်သူတွေအနေနှင့် မည်သူ့ကိုအားကိုးရမှန်းမသိအောင် လုပ်ချင်ပုံရသည်။ သို့သော် လိမ်ပုံလိမ်နည်းက ယုတ္တိမရှိ၊ မပိရိ၍ ဒေါက်တာဇာနည်တယောက် မီဒီယာနှင့် စီးချင်းထိုးပွဲတွင် ကားခနဲ ကျသွားခဲ့လေပြီ။ ဘီဘီစီ ဦးကျော်ဇံသာနှင့် အမေးအဖြေတွင် ဒေါက်တာဇာနည် ဘာဆိုသည်ကို ကွက်ကွက်ကွင်း ကွင်းသိလိုက်ရသည် (မသိသေးသူများ ဘားမားတူးဒေးဝက်ဘ်ဆိုက်တွင် တက်ဖတ်လို့ရပါသည်)။

ဒေါက်တာဇာနည်သည် မြန်မာစစ်အစိုးရကို စီးပွားရေးအရ အရေးယူပိတ်ဆို့မှုဖြစ်အောင် ဦးဆောင်လှုံ့ဆော်ခဲ့ သူအဖြစ်မှ နောက်ဆုံးတွင် စစ်အစိုးရကို စီးပွားရေးပိတ်ဆို့မှုတွေ ပြန်လည်ဖွင့်ပေးအောင် စည်းရုံးပြောဆိုကာ အတွေးအခေါ် ဂငယ်ကွေ့ ကွေ့ခဲ့သည့် နိုင်ငံရေးလှုပ်ရှားသူတဦးဖြစ်သည် (ထိုအထဲတွင် အဝေးရောက် အမျိုး သားညွန့်ပေါင်းအစိုးရအဖွဲ့ဝန်ကြီး ဦးဘိုလှတင့်လည်း အဆစ်ပါလိုက်သေးသည်)။ တကယ့်တော့ မြန်မာနိုင်ငံ ကို အမေရိကန်နှင့် ဥရောပတိုင်းပြည်များက စီးပွားရေးပိတ်ဆို့ခဲ့ခြင်းတွင် ဒေါက်တာဇာနည်ထက် အတိုက်အခံ ခေါင်းဆောင် ဒေါ်အောင်ဆန်းစုကြည်၏ လှုံ့ဆော်တိုက်တွန်းမှုများက ပို၍အခရာကျသည်ဟု မြင်ပါသည်။

အာဏာရှင်နိုင်ငံတွေအပေါ် စီးပွားရေးပိတ်ဆို့မှု ဘာ့ကြောင့်လုပ်ရသည်ဆိုသည့် အကျိုးအာနိသင်ကို တဆုံး အထိနှိုက်မတွေးဘဲ ပိတ်ဆို့ဖို့ လွယ်လွယ်လှုံ့ဆော်၊ ပြန်ဖွင့်ဖို့ လွယ်လွယ်ပြောဆိုသည့် ဒေါက်တာဇာနည်အပေါ် အားလုံးက အယုံအကြည်ကင်းမဲ့ကုန်ကြခြင်းသည် သဘာဝကျသည့်ကိစ္စဟုပင် ပြောရပေမည်။ ဒေါက်တာဇာ နည်အား ကိုယ့်စိတ်ထင်ရာတွေကို တုတ်ထိုးအိုးပေါက် ပြောရဲဆိုရဲသူတဦးအဖြစ် အသိအမှတ်ပြုရမည်ဖြစ် သော်လည်း ဟိုမရောက်သည်မရောက် အတွေးအခေါ်များနှင့် မလည်ရှုပ်ဝင်လုပ်သည်ကိုတော့ ရှုတ်ချရမည် ဖြစ်ပေသည်။

နိုင်ငံရေးကို မည်သူမဆို လုပ်ခွင့်ရှိသည်ဆိုသော်လည်း လက်ငင်းမြန်မာနိုင်ငံရှိ ပြည်သူလူထု၏ လက်ခံယုံ ကြည် မှု အနေအထားအရ မိုးပေါ်ကနေ ဖုတ်ဆိုပြုတ်ကျလာပြီး နိုင်ငံရေးခေါင်းဆောင် လုပ်ချင်၍မရကြောင်း မိုးကျရွှေကိုယ် ဒေါက်တာဇာနည် သိဖို့ကောင်းပါသည်။ ဒေါ်အောင်ဆန်းစုကြည်တို့၊ ကိုမင်းကိုနိုင်တို့ ဘယ်လို ဘယ်ပုံ ပေးဆပ်ခဲ့၊ ပေးဆပ်နေကြကြောင်း သိစေလိုပါသည်။ ဒေါက်တာဇာနည် မသိလည်း မြန်မာပြည်သူလူ ထုက ဘယ်သူဟာ အစစ်အမှန်၊ ဘယ်သူဟာ မိုးကျရွှေကိုယ်ဆိုသည်ကို သိသည်ဟု ပြောကြားလိုပါသည်။ ထို သို့မသိသည့်အတွက်လည်း ဒေါက်တာဇာနည်ကို နအဖက ဆွဲစားပြီး ပွဲကိုပိုရှုပ်အောင် လုပ်သွားခြင်းဖြစ်သည် ဟု သုံးသပ်မိပါသည်။

အခုလည်း နောက်ထပ်မိုးကျရွှေကိုယ်တယောက် လာပြန်ချေပြီ။ ကျောင်းသားခေါင်းဆောင် ကိုအေးလွင်ဆိုသူ ခေါင်းဆောင်သည့် (၂၅) ဦးပါ ကျောင်းသားအုပ်စုက အောက်တိုဘာတွင် ပြန်စမည့် အမျိုးသားညီလာခံကို လေ့လာသူအဖြစ် တက်ရောက်ဖို့လျှောက်ထားကြောင်း၊ နအဖကလည်း လျှောက်လွှာကို လက်ခံကြောင်း သ တင်းထုတ်ပြန်လာသည်။ ရှင်းရှင်းပြောရလျှင် နအဖက ကျင်းပနေသည့် အမျိုးသားညီလာခံကို တက်ရောက် နေသည့် ကိုယ်စားလှယ်ဆိုသူများသည် မည်သူမည်ဝါတွေဖြစ်ကြောင်း ပြည်သူလူထုရော နိုင်ငံတကာကပါ သိရှိကြသည်မဟုတ်။ သွားတက်တက် မတက်တက် မည်သူကမှလည်း စိတ်ဝင်စားသည်မဟုတ်။ ထိုသို့ လူမ သိသူမသိ တက်ရောက်လို့ရပါလျက်နှင့် မီဒီယာကို သတင်းထုတ်ပြန်ပြီး ပွဲရှုပ်အောင်လုပ်လာခြင်းသည် နအဖ ၏ စနက်ဟု အတတ်ပြော၍ရပေသည်။ အမျိုးသားညီလာခံ ပြန်မစခင် ပွဲကိုထပ်ရှုပ်အောင် လုပ်လာခြင်းဖြစ် သည်။

သို့သော်လည်း ကိုအေးလွင်ဘာဆိုသည်ကို ဘီဘီစီ ဦးကျော်ဇံသာက ရှင်းအောင်လုပ်ပေးလိုက်ပြန်ပြီ။ (၁၃- ၉-၀၆) နေ့ညက လွှင့်သွားသည့် ဘီဘီစီ မြန်မာ့အရေးကမ္ဘာ့အရေးကဏ္ဍကို နားထောင်လျှင် ရှင်းသွားပါလိမ့် မည်။ ထိုအမေးအဖြေတွင် ကိုအေးလွင်သည် နအဖလျှောက်ချင်သည့် လမ်းကြောင်းအတိုင်း ဒေါ်အောင်ဆန်း စုကြည် မပါသည့်နည်းနှင့် မြန်မာ့ဒီမိုကရေစီရေး အကျပ်အတည်းကို ဖြေရှင်းလိုသည့် အနေအထားမျိုးကို ဝေ့ လည်ကြောင်ပတ် ပြောဆိုသွားခဲ့သည်။ ဒေါ်အောင်ဆန်းစုကြည်သည် ၁၉၉၀ ပြည့်ရွေးကောက်ပွဲ၏ အရွေး ချယ်ခံ ကိုယ်စားလှယ်မဟုတ်ဆိုသည့် စကားလုံးကိုပဲ ထပ်တလဲလဲသုံးပြီး ပြောဆိုနေသည်။ ဒေါ်အောင်ဆန်း စုကြည်မပါသည့် နိုင်ငံရေးအဖြေရှာမှုကို လုပ်ချင်သည့်ပုံစံမျိုး ခပ်ခပ်တည်တည် ပြောဆိုနေသည်။

ဒေါ်အောင်ဆန်းစုကြည်သည် အရွေးချယ်ခံကိုယ်စားလှယ် မဟုတ်သော်ငြား ၁၉၉၀ ပြည့်နှစ် ရွေးကောက်ပွဲ တွင် မဲအများဆုံးနှင့် အနိုင်ရရှိသည့် ပါတီ၏ သြဇာအကြီးဆုံး ခေါင်းဆောင်နှင့် မြန်မာပြည်သူလူထုတရပ်လုံး က အားကိုးယုံကြည်သည့် တဦးတည်းသော ခေါင်းဆောင်ဆိုသည်ကိုတော့ ကိုအေးလွင် မသိကျိုးကျွံပြုနေခဲ့ သည်။ ထိုသို့သော ခေါင်းဆောင်မျိုးမပါဘဲ မြန်မာ့နိုင်ငံရေးကို အဖြေရှာဖို့စဉ်းစားသည့် ကိုအေးလွင်ကို နအဖ ဘက်တော်သားဟုပြောလျှင် လွန်အံ့မထင်။ နအဖကိုယ်တိုင်ကလည်း ထိုလမ်းအတိုင်း လျှောက်ချင်နေသည် ကိုး။ တနည်းအားဖြင့် နအဖက ကိုအေးလွင်ကို ထုတ်ရှိုးပြီး ဒေါ်အောင်ဆန်းစုကြည်မပါဘဲ နိုင်ငံရေးအကျပ်အ တည်းကို လွန်မြောက်လိုသည့် သူတို့၏ ဆန္ဒကို သွေးတိုးစမ်းလိုက်သည့် သဘောပင်ဖြစ်သည်။

အချုပ်ပြောရလျှင် ကျနော့်အနေနှင့် အထက်ပါ ဇာတ်ရှုပ်များနှင့် ပတ်သက်ပြီး ‘မျိုးစေ့မမှန် ပင်မသန်’ ဆိုသည့် စကားကို သွားသတိရမိပါသည်။ ဒေါက်တာဇာနည်နှင့် ကိုအေးလွင်တို့တွင် မြန်မာ့ဒီမိုကရေစီရေးကို အဖြေရှာ လိုသည့် စိတ်ဓာတ်နှင့် မြန်မာပြည်သူတွေအတွက် ဘာပဲလုပ်ရလုပ်ရဆိုသည့် စိတ်ဓာတ်များ ရှိကောင်းရှိမည် ဟု ထင်ရသော်လည်း နအဖမျိုးစေ့က ပေါက်ဖွားလာ၍ ပြည်သူလူထုကြားတွင် အပင်မသန့်သည့်အဖြစ်မျိုး တွေ့ ရှိရခြင်းအတွက်တော့ ကျနော့်အနေနှင့် စိတ်မကောင်းဖြစ်မိပါသည်။ သို့သော် မြန်မာပြည်သူများလွတ် မြောက်ရေးအတွက် အမှန်တကယ် အာသီသရှိသည်ဆိုလျှင်တော့ စိတ်ဓာတ်မကျဘဲ ပြည်သူလူထုကြားတွင် ရှင်သန်နိုင်သည့် အပင်များဖြစ်အောင် မျိုးစေ့ကို အသစ်တဖန်ပြန်လည်မွေးမြူကြဖို့ စေတနာစကား ပြောကြား လိုပါသည်။ နို့မဟုတ်လျှင်တော့ ‘မြန်မာ့ဒီမိုကရေစီရေးအတွက် မကူညီရင်နေပါ၊ ပြည်သူလူထု အာရုံထွေပြား အောင် မလည်ရှုပ်တွေတော့ ၀င်မလုပ်ကြပါနဲ့’ ဟု မေတ္တာရပ်ခံဖို့သာ ရှိတော့မည်ဖြစ်ပါသည်။

ဒေါက်တာလွဏ်းဆွေ