ေမွ်ာ့ကုထံုး

ေမွ်ာ့ကုထံုး
ၿငိမ္းေဇဦး

ေမွ်ာ့ေတြျဖစ္သြားၾကၿပီ
ထြားႀကိဳင္းျပည့္ၿဖိဳးေနၾကတာေပါ့
ထြားႀကိဳင္းျပည့္ၿဖိဳးဖို႔ ႀကိဳးစားေနၾကတာေပါ့။

အသိဉာဏ္ရွိဖို႔ မလိုေတာ့ဘူး
ေသြးေႏြးသတၱ၀ါေတြ ကုပ္ပိုးေပၚ ခုန္ခ်ႏိုင္ဖို႔ပဲလိုတယ္။

ေသြးေႏြးသတၱ၀ါေတြရဲ႕
လစ္ဟာေပါက္ျပဲေနတဲ့
မရွိေတာ့တဲ့ ...
ႏြမ္းရိစုတ္ျပတ္ေနတဲ့ အကာအရံေတြကို
တြားတက္ ...
ကုတ္ကတ္ ...
ေသြးစုပ္ႏိုင္ဖို႔ အားေကာင္းခ်က္ယူတတ္ဖို႔ပဲလိုတယ္။

အဲဒီအတြက္ က်င့္၀တ္ေတြမလိုေတာ့ဘူး
အသိဉာဏ္မလိုေတာ့ဘူး
ေသြးညီႇန႔ံကို အာ႐ံုခံတတ္ဖို႔ပဲလိုတယ္
ဒါကလည္း ဗီဇအျဖစ္ အဲဒီမ်ဳိး႐ိုးဇီ၀မွာ ထည့္သြင္းေပးလိုက္ခဲ့ၿပီ။

အဲဒီမွာ ... အားလံုးဟာ ေမွ်ာ့ေတြေပၚ ေမွ်ာ့ေတြတြယ္လို႔
ေမွ်ာ့ေတြပဲ ျမင္ေနရ
ေမွ်ာ့သံေတြပဲ ၾကားေနရ
ေမွ်ာ့ေတြပဲ လမ္းသလားေနၾက
ေမွ်ာ့ေတြပဲ ခမ္းနားေနၾက
ေမွ်ာ့ေတြပဲ အသံေကာင္းဟစ္ေနၾက
ေမွ်ာ့ေတြပဲ ရင္ၾကားေစ့ေနၾက
ေမွ်ာ့ေတြပဲ မ်က္လံုးေလးစင္း ေခါင္းကေလးညိတ္လို ့ ေဘးတီးေနၾက
ေမွ်ာ့ေတြပဲ ပညာရွိေယာင္ေဆာင္ၾက
ေမွ်ာ့ေတြပဲ ေရဒီယို စကားေထာက္ ဧည့္ႀကိဳလုပ္ၾက
ေမွ်ာ့ေတြပဲ အေရးဆိုၾက
ေမွ်ာ့ေတြပဲ ေျခေအး၀မ္းေယာင္လုပ္ၾက
ေမွ်ာ့ေတြပဲ ဗ်ဴဟာခင္းၾက
ေမွ်ာ့ေတြပဲ စီမံကိန္းဆြဲၾက
ေမွ်ာ့ေတြပဲ ေရွ႕ႀကိဳတြက္ၾက
ေမွ်ာ့ေတြပဲ ေလသံပစ္ၾက
ေမွ်ာ့ေတြပဲ အတည္ျပဳၾက
ေမွ်ာ့ေတြပဲ ျမင္ေနရေတာ့တဲ့
အဲဒီေမွ်ာ့ေထြးႀကီးဟာ ဧရာ၀တီနဲ႔ သံလြင္တလႊား
ခ်င္းတြင္း ဒုဌ၀တီတလႊား
ဘယ္သူမွ ပိုင္နက္သတ္မွတ္မထားတဲ့ ေလထုေတြၾကား
ဘယ္သူမွ ျခံစည္း႐ိုး ခတ္မထားတ ဲ့ နယ္ပယ္ေတြၾကား
ေမွ်ာ့ေတြဟာ တာသြားလို ့
ေမွ်ာ့ေတြၾကားမွာ
ေမွ်ာ့ၾကမ္းမရွိဘူး။

ေမွ်ာ့မင္းသား
ေမွ်ာ့သုခမိန္
ေမွ်ာ့ဘုရင္ ေမွ်ာ့၀န္ႀကီး
ေမွ်ာ့ကြၽမ္းက်င္သူ
ေမွ်ာ့ေပၚေမွ်ာ့ေရာင္းသူ
ေမွ်ာ့ကဲခတ္သူ ေမွ်ာ့ထဲ ေမွ်ာ့ေသြးစမ္းသူနဲ႔
ေဟာ ၾကည့္ေနရင္းပဲ ...
ျမင့္ျမင့္မားမား ေမာက္ေမာက္မာမာ
ေမွ်ာ့ေတြဟာ ေမွ်ာ့ေတြေပၚတြယ္လို ့
ေမွ်ာ့ေတြဟာ ေမွ်ာ့လိုကပ္ေနၾကတယ္
ေမွ်ာ့ေတြဟာ ေမွ်ာ့အာမခံခ်က္နဲ႔
သံၿပဳိင္တခြန္းပဲ
ေမွ်ာ့သံေပးလိုက္တယ္
ကမၻာႀကီး တုန္ယင္ေတာင္သြားႏိုင္ရဲ႕
ေနေကာင္းသြားမွာပါတဲ့ ... ။ ။

ၿငိမ္းေဇဦး