တစ်ချက်လောက် ထောက်ပြပါရစေ ဗွီအိုအေ …

၂၀၀၈ ခုနှစ် ဒီဇင်္ဘာလ (၇) ရက် တနင်္ဂနွေနေ့ ညနေ ၆ နာရီမှ ၇ နာရီအစီအစဉ်မှာ မစုမြတ်မွန်က …

“ကုလအတွင်းရေးမှူးချုပ် ဘန်ကီမွန်းက လက်ရှိအခြေအနေတွေအရ မြန်မာပြည်ကိုသွားဖို့ အချိန်မကျသေး ဘူးလို့ ပြောလိုက်တာကို အင်အယ်လ်ဒီ(အမျိုးသားဒီမိုကရေစီအဖွဲ့ချုပ်)က လက်ခံတယ်လို့ တုန့်ပြန်ကြောင်း” ကြေညာလိုက်တော့ အတော်လေး အံ့သြသွားမိပါတယ်။

သတင်းကို ဆက်လက်နားထောင်တဲ့အခါ စုံစမ်းမေးမြန်းထားသူ မနန္ဒာချမ်းနဲ့ အင်အယ်လ်ဒီက ဦးဥာဏ်ဝင်းတို့ ဆွေးနွေးခန်းမှာတော့ ဦးဥာဏ်ဝင်းက “ဘန်ကီမွန်းက မြန်မာ့အရေးကို စိတ်ပျက်ဖွယ်ရာအဖြစ်ပြောတာ မလွန် ကြောင်း၊ တိုးတက်မှုမရှိတဲ့အပြင် ပိုဆိုးလာနေတဲ့အတွက် ပြောသင့်ပြောထိုက်တယ်လို့မြင်ကြောင်း” ကိုသာ ပြောခဲ့ပြီး ဘန်ကီမွန်း မြန်မာပြည်မလာဖို့ ဆုံးဖြတ်ချက်ကို လက်ခံတယ်လို့ လုံးဝမပြောခဲ့ပါဘူး။

ဘန်ကီမွန်းမလာသေးဘူးလို့ ပြောတာကို ပြောသင့်ပြောထိုက်တဲ့ စကားတစ်ခုအဖြစ် နားလည်တာနှင့် ဘန်ကီ မွန်း မြန်မာပြည်ကိုမသွားဖို့ ဆုံးဖြတ်တာကို အင်အယ်လ်ဒီက လက်ခံတယ်ဆိုတာနှင့်က အတော်လေးကွာခြား ပါတယ်။ အင်အယ်လ်ဒီက မူအရ ကုလကို ဘယ်သောအခါမှ မလာသင့်သေးဘူးလို့ မပြောနိုင်ပါဘူး။ ပြောလို့ လည်း မရပါဘူး။

ကြောင်ကိုရေချိုးနေတာ မဟုတ်ပါဘူး။ အင်မတန်အရေးကြီးတဲ့ အဓိပ္ပါယ်ကောက်လွဲမှားမှု အန္တရာယ်ကို စိုး ရိမ်မိတဲ့အတွက် တင်ပြခြင်းဖြစ်ပါတယ်။

အောင်တင်