မြစ်ဗေဒ (ကဗျာ)

မြစ်ဗေဒ
စိုးနေလင်း

မြစ်က စကားမပြောဘူး
မြစ်က စီးဆင်းတယ်၊ တိုက်စားတယ် ပို့ချတယ်။

လူတွေက မြစ်ကိုမှီပြီး
သီးနှံစိုက်ပျိုးတယ်၊ သားငါးမျိုးစုံ ရှာစားတယ်
ခရီးလမ်းပန်းသွားကြတယ်။

မြစ်ကစီးဆင်းရင်း တိုက်စားရင်း ပို့ချရင်းနဲ့
နက်ရှိုင်းသောင်ထွန်း ကောက်ကွေ့တယ်။

လူတွေကမြစ်ရဲ့ ကျန်းမာရေးကို ဂရုမစိုက်ဘူး
အညစ်အကြေး စွန့်ချတယ်
အမှိုက်သရိုက် စွန့်ပစ်တယ်
သားငါးတွေကို မျိုးတုံးအောင် စားသုံးပစ်တယ်
မြစ်ရေကြည်မြကို နောက်ကျိညစ်ညမ်းစေတယ်။

မြစ်က မြစ်ရဲ့ဝိညာဉ် ရှင်သန်ရေးအတွက်
ပင်လယ်အနက်ရှိုင်းထဲ စီးဝင်ပစ်လိုက်တယ်။

မြစ်ဟာ မြစ်လို ကျင့်ကြံနေထိုင်သွားခဲ့တယ် ။ ။

စိုးနေလင်း