တစ်ခွန်းဆို တစ်ခွန်း ပြောတဲ့သူကြီးရယ် (ဟာသ)

အာဖျံကွီး

အာဖျံကွီးတို့တိုင်းပြည်မှာ အာဏာအမဲရိုးကို ကိုက်ချီပြီး တွေ့ရာလူကို မာန်တဖီဖီလုပ်နေတဲ့ နအဖစစ်ခွေး တစ်အုပ်ဟာ အာဏာလက်မလွှတ်ရရေးအတွက် ဥာဏ်နီဥာဏ်နက်မျိုးစုံသုံးပြီး မိုက်တွင်းနက်နက် ဆက်ယက် နေလေရဲ့။ သူတို့ရဲ့ ဥာဏ်နီဥာဏ်နက်တွေက ဘယ်ဘက်မှာသွားပြီး အားကောင်းနေသလဲဆိုရင် ‘မကောင်းမှု မှန်သမျှ နအဖက’ ဆိုတဲ့ ဆိုရိုးစကားအသစ်ကိုတောင် နောင်လာနောက်သားတွေ ဆင်ခြင်နိုင်ဖို့ အမွေအဖြစ် ထားခဲ့ရမလိုလို …။ ဘယ်လိုမကောင်းမှုတွေလဲဆိုတော့ …

(၁) နိုင်ငံရေးဖျက် နအဖစက်
(၂) အုပ်ချုပ်ရေးဖျက် နအဖစက်
(၃) တရားရေးဖျက် နအဖစက်
(၄) ဘာသာရေးဖျက် နအဖစက်
(၅) စီးပွားရေးဖျက် နအဖစက်
(၆) ပညာရေးဖျက် နအဖစက်
(၇) ကျန်းမာရေးဖျက် နအဖစက်
(၈) လူမှုရေးဖျက် နအဖစက်
(၉) စည်းလုံးရေးဖျက် နအဖစက်
(၁၀) ညီညွတ်ရေးဖျက် နအဖစက်
(၁၁) ခေတ်မီရေးဖျက် နအဖစက်
(၁၂) ဖွံ့ဖြိုးရေးဖျက် နအဖစက်
(၁၃) တိုးတက်ရေးဖျက် နအဖစက်
ဆိုသလို သူတို့မှာရှိတဲ့ အာဏာစက်မှန်သမျှဟာ ဖျက်ဆီးတဲ့နေရာမှာသာ အားကောင်းလို့နေလေရဲ့။

နအဖဟာ စစ်တပ်၊ ရဲ၊ ထောက်လှမ်းရေးတွေသုံးပြီး အဲဒီဖျက်ဆီးရေးစက်ကြီး (၁၃)ပါးနဲ့ ကိုယ်တိုင်ကိုယ်ကျ ဖျက်လို့အားမရသေးဘဲ သူတို့ရဲ့စားကြွင်းစားကျန်တွေ ပေးကျွေးပြီး အဖျက်လုပ်ငန်းကို ကူညီဖို့အတွက် လက်ကိုင်တုတ်အဖြစ်ဖွဲ့စည်းထားတဲ့ ကြံ့ဖွံ့၊ အမျိုးသမီးရေးရာ၊ ပြည်သူ့စစ်၊ အရန်မီးသတ်၊ အရန်ကြက်ခြေနီ၊ မီဒီယာကို မီဒီယာနဲ့တုန့်ပြန်ရေးအဖွဲ့ဆိုတဲ့ မာဖီးယားဂိုဏ်းဆန်ဆန် အဖွဲ့အစည်းတွေလည်း ဖွဲ့ထားသေးရဲ့။ ပြည်သူတွေကိုကျတော့ လူစုရင်ဖမ်းမယ်၊ အဖွဲ့ဖွဲ့ရင်ဖမ်းမယ်လို့ ခြိမ်းခြောက်ပြီး ငြိမ်ဝပ်ပိပြားအောင် လုပ်ထား လေရဲ့။ ယုတ်စွအဆုံး ဗြဟ္မစိုရ်လူမှုရေးအသင်း၊ နာရေးကူညီမှုအသင်းလို ပရဟိတအကျိုး သယ်ပိုးနေတဲ့ သူ တော်ကောင်းတွေကို တောင် ပြဿနာအမျိုးမျိုး ရှာတတ်လေရဲ့။

နအဖရဲ့ အဲဒီမာဖီးယားဂိုဏ်းဝင်တွေဟာ တီဗွီဖန်သားပြင်ပေါ်ကနေ နအဖခိုင်းစေတဲ့အတိုင်း အလိမ်အညာ လူထု အစည်းအဝေးတွေ လုပ်လားလုပ်ရဲ့။ မျက်နှာပြောင်တိုက်ပြီး မဟုတ်တန်းတရား ကြွေးကြော်သံတွေ အော်လားအော်ရဲ့။ လူထုခေါင်းဆောင် ဒေါ်အောင်ဆန်းစုကြည် စီးလာတဲ့ကားကို ၀ိုင်းရိုက်လားရိုက်ရဲ့။ ဒီပဲ ယင်းလူသတ်ပွဲကြီးမှာ လူသတ်လားသတ်ရဲ့။ လူထုအပေါ် သြဇာကြီးမားတဲ့ စာရေးဆရာမကြီး လူထုဒေါ် အမာနဲ့ စာရေးဆရာကြီး ဒဂုန်တာရာတို့ကို သတင်းစာကနေ စော်ကားမော်ကား ရေးလားရေးရဲ့။ ကျောင်း သားခေါင်းဆောင် ကိုမင်းကိုနိုင်ကို လက်သီးနဲ့ ၀င်ထိုးလားထိုးရဲ့။ နိုင်ငံရေးအကျဉ်းသား ကိုသက်နိုင်ဦးကို သေအောင် ၀ိုင်းရိုက်လားရိုက်ရဲ့။ နိုင်ငံတကာကအကူအညီပေးနေတဲ့ အန်ဂျီအိုအဖွဲ့တွေကို နှောက်ယှက် လားနှောက်ယှက်ရဲ့။ ပြည်သူတွေအပေါ် အသားလွတ် ဗိုလ်ကျအနိုင်ကျင့်လားကျင့်ရဲ့။ အဲသလို သူတို့လုပ် ဆောင်နေတဲ့ ဒုစရိုက်လုပ်ငန်းတွေကို စာဖွဲ့ရရင်ဖြင့် အမှိုက်ကားတစီးတိုက်စာ ရလောက်ရဲ့။ နည်းနည်းနော နောမှ မဟုတ်တာ။

အခုလည်းကြည့် … ။ နအဖလုပ်ပုံကိုပြောပါတယ်။ ကျောင်းသားခေါင်းဆောင်တွေကို အပြစ်မဲ့ ဖမ်းဆီးခေါ် ဆောင်သွားလို့ ကျန်ရစ်တဲ့ ကျောင်းသားခေါင်းဆောင်တွေ ဦးဆောင်ပြီး ဖမ်းဆီးထားတဲ့ နိုင်ငံရေးအကျဉ်းသား တွေကို အမြန်ဆုံးပြန်လွှတ်ပေးဖို့၊ အမျိုးသားပြန်လည်သင့်မြတ်ရေးအတွက် တွေ့ဆုံဆွေးနွေးရေးအမြန် ဆုံးလုပ်ဖို့ ပြည်သူတွေဆီက လူထုလက်မှတ် ကောက်ခံစုဆောင်းမှု (Signature Campaign) လုပ်တယ်။ တိုင်းပြည်အတွက် ဘယ်လောက်ကောင်းတဲ့ ရည်ရွယ်ချက်လဲ။ ဒါကိုလည်း သူတို့နှောက်ယှက်လား နှောက် ယှက်ပြန်ရဲ့။ အဲသလို နှောက်ယှက်တဲ့ကြားက ငိုအားထက်ရယ်အားသန်ဆိုတဲ့ အဖြစ်အပျက်ကလေး အာဖျံ ကွီးကြုံခဲ့ရပုံကို ပြောပြချင်သေးတယ်။

တရက်မှာ အာဖျံကွီးနေတဲ့ ရပ်ကွက်ထဲကို အဲဒီလူထုလက်မှတ်ကောက်ခံလွှာတွေ တိတ်တိတ်ပုန်း ချီတက်လာ တယ်။ တယောက်တဆင့် လက်သိပ်ထိုးလက်ဆင့်ကမ်းရင်း လက်မှတ်တွေကြိတ်ထိုးကြ၊ ကြိတ်စုကြတယ်။ အဲဒီ သတင်းကိုလည်းကြားရော နအဖလက်ပါးစေ မာဖီးယားဂိုဏ်သားတွေ ရပ်ကွက်ထဲကို တအိမ်တက်ဆင်း ကင်း လှည့်ပါလေရော။ ထိုးသလား၊ မထိုးဘူးလား တအိမ်တက်ဆင်း လျှာအရိုးမရှိ လျှောက်မေးနေလေရဲ့။ ထိုးတဲ့လူကလည်း ဘယ်သူကထိုးတယ် ပြောမှာလဲနော့။ နအဖကို သောက်မြင်ကတ်တဲ့သူက တစ်ရပ်ကွက် လုံးဆိုတော့ ထိုးလည်း မထိုးဘူးလို့ပဲ လိမ်ပြောကြတာပေါ့။ အဲဒါကို မာဖီးယားဂိုဏ်းဝင်တွေက မကျေနပ်သေး ဘဲ လက်မှတ်မထိုးဘူးဆိုတဲ့အကြောင်းကို တအိမ်တက်ဆင်း ၀န်ခံကတိအနေနဲ့ လက်မှတ်လိုက်ထိုးခိုင်းပြန် လေရဲ့။ အတော်များ များကတော့ နားအေးပီးရော ထိုးပေးလိုက်ကြတာပေါ့။ အဲ … ဒါပေမယ့် လူ့ဂွစာကြီး အဘကန့်လန့်ရဲ့ အိမ်ကိုလည်းရောက်ရော အဘကန့်လန့်ပြောလိုက်တဲ့ စကားကြောင့် အဲဒီမာဖီယားဂိုဏ်း သားတွေ ကုတ်ကုတ်ကုတ် ကုတ်နဲ့ ပြန်ဆင်းပြေးသွားကြတယ်လို့ အာဖျံကွီးကြားရတယ်။ အဘကန့်လန့်ပြော တဲ့စကားကို တဆင့်ပြန်ကြားရတဲ့အခါ အာဖျံကွီး အူတက်အောင် ရယ်မိပါလေရဲ့။

အာဖျံကွီးကို အူတက်စေတဲ့ အဘ ကန့်လန့်ရဲ့ စကားကတော့ ‘ဟိုတနေ့က မင်းတို့ပဲ မထိုးနဲ့ဆိုလို့ မထိုးဘူး ပြောပြီးပြီပဲ၊ ဒီနေ့ကျမှ ဘာတွေ လာထိုးခိုင်းနေတာလဲ၊ သွားကြ သွားကြ ကန့်လန့်တို့က တစ်ခွန်းဆိုတစ်ခွန်းပဲ၊ မထိုးဘူးဆို မင်းတို့ကြီးတော်ကြီး ခေါ်လာလည်း မထိုးဘူးပဲ’ ပါတဲ့ ခင်ဗျာ။

(ခေတ်ပြိုင်အင်တာနက်စာမျက်နှာတွင် ဖော်ပြခဲ့ပြီး ဖြစ်ပါသည်)