စာပေကင်ပေတိုင်ရုံးမှ ဟားစရာများ (၄)

ဖုံးကာမှ ပေါ်
မြားကြီး

မြားကြီးတို့ မြန်မာနိုင်ငံက စာပေကင်ပေတိုင် (အဲလေ …) စာပေစိစစ်ရေးရုံးဆိုတာ စာအုပ်ထုတ်ဝေသူတွေ၊ စာနယ်ဇင်း လုပ်ကိုင်သူတွေကို အမျိုးမျိုး ဒုက္ခပေးတဲ့ ဌာနကြီး ဖြစ်ရုံသာမက မဟုတ်တာ လုပ်တဲ့သူတွေကို အ ကာအကွယ်ပေးတဲ့ ဌာနကြီးဆိုလည်း မမှားပေဘူး ခင်ဗျ။ ဘာဖြစ်လို့ သဟာလို ပြောရသလဲဆိုတော့ စာပေကင် ပေတိုင်ရုံးဆိုတဲ့ ဌာနကြီးက မြန်မာပြည်မှာ လာဘ်လာဘတွေရဖို့ အင်မတန် အပေါက်အလမ်းများတဲ့ ဌာနကြီးမ ဟုတ်လား။ စာအုပ်လုပ်တဲ့ သူတွေဆီက နည်းအမျိုးအမျိုးနဲ့ ငွေညှစ်လိုက်၊ မဟုတ်တာလုပ်တဲ့ သူတွေက သူတို့အကြောင်းတွေကို စာနယ်ဇင်းတွေမှာ မရေးကြ မသားကြလေအောင် အဲဒီရုံးက ဆင်ဆာလူကြီးမင်းတွေဆီ လာပြီး လာဘ်ထိုးလိုက်နဲ့ ယူလို့မဆုံး တပြုံးပြုံး ဖြစ်နေတဲ့ ဌာနကြီးပေါ့ခင်ဗျာ။

အဲဒါကြောင့်မို့ လူတယောက် ဘာပဲမဟုတ်တာ လုပ်လုပ် သူ့အကြောင်း ရေးသားတာတွေကို ခွင့်မပြုဖို့ ဆင်ဆာ လူကြီးမင်းတွေဆီ သွားပြီး ပေးကမ်းညှိနှိုင်း လိုက်ပြီဆိုတာနဲ့ အဲဒီလူရဲ့အကြောင်းကို စာနယ်ဇင်းတွေက ရေးသားခွင့် မရလေတော့ဘူးမှတ်။ အဲသလိုနဲ့ မင်းသမီးငယ်တဦးနဲ့ ရှုပ်တာ လူမိသွားတဲ့ ဒါရိုက်တာက လာဘ်သွားထိုးလိုက်၊ မင်းသမီးငယ်တဦးကို တိတ်တိတ်ပုန်း မယားအဖြစ် လက်ထပ်ခွင့်တောင်းတာ လူမိသွားတဲ့ ဂျာနယ် အယ်ဒီတာချုပ်က လာဘ်သွားထိုးလိုက်၊ သူများစာမူတွေကို ကိုယ့်စာမူလုပ်ပြီး မဂ္ဂဇင်းတိုက်တွေကို ပို့တာ လူမိသွားတဲ့ ဂျာနယ်အယ်ဒီတာချုပ်က လာဘ်သွားထိုးလိုက်၊ ဘယ်နှစ်ဆက်မြောက်မှန်းမသိ အိမ်ထောင်ပြုတာကို လူသိမှာစိုးတဲ့ စူပါမင်းသမီးက လာဘ်သွားထိုးလိုက်နဲ့ စာပေကင်ပေတိုင်ရုံးက ဆင်ဆာ လူကြီးမင်းတွေဟာ ယူလို့မဆုံး တပြုံးပြုံးဖြစ်ပြီး အိုကေမှာ စိုပြေနေကြတာပေါ့ခင်ဗျာ။

နဂိုကတည်းကိုကလည်း စာပေကင်ပေတိုင်ရုံးဆိုတာ သူတို့ရဲ့ မဟုတ်တရုတ် လုပ်ရပ်တွေကို မရေးသားကြ မသားကြလေအာင် ဆင်ဆာဖြတ်ဖို့အတွက် နအဖ စစ်အာဏာရူးတွေ ကိုယ်တိုင်က လစာပေးပြီး ဖွင့်ထားတဲ့ ဌာနကြီး မဟုတ်လား။ အဲဒီတော့ လူပုဂ္ဂိုလ် တဦးချင်းဆီက လာဘ်ငွေယူပြီး ဆင်ဆာလုပ်ပေးတဲ့ ကိစ္စက ဘာများ ဆန်းတော့မှာလဲ နော့။

တခါသားမှာတော့ ပုဂ္ဂလိက အထူးကု ဆေးခန်းကြီးတခုမှာ ကိုယ်ဝန်လာဖျက်ချတဲ့ အပျိုစင် စူပါမင်းသမီး တဦးက ဆင်ဆာလူကြီးမင်းတွေဆီ သွားခွံ့ဖို့ အချိန်မရလိုက်ဘူး (အလောသုံးဆယ် ဆေးရုံတက်လိုက်ရလို့) ထင်ရဲ့။ သူမ ဆေးရုံတက်တဲ့ သတင်းက အ၀ါရောင် ဂျာနယ်တခုမှာ ပါလာပါလေရော။ ဒါပေမယ့် သူမက အဲဒီဂျာနယ်ကို ချော်လဲပြီး ခြေထောက် ထိခိုက်မိသွားလို့ ဆေးရုံးလာတက်တာလို့ လိမ်ပြောလိုက်ပုံ ပေါ်တယ်။ ဒါပေမယ့် အဆိုပါဂျာနယ်ရဲ့ ရေးသားဖော်ပြပုံကြောင့် အပျိုစင် စူပါမင်းသမီးခင်ဗျာ ဖုံးထားသမျှ ပေါ်ခဲ့ရလေရဲ့။

အဆိုပါဂျာနယ်က ပညာပြလိုက်တာပဲလား၊ မသိလို့ ရိုးရိုးသားသား ရေးလိုက်မိတာပဲလား မသိ။ ရေးသား ဖော်ပြလိုက်ပုံက ‘ပရိသတ် အချစ်တော် စူပါမင်းသမီးလေး - - - - ချော်လဲပြီး ခြေထောက် ထိခိုက် မိသွားတဲ့အတွက် - - - အထူးကုဆေးခန်းကြီးမှာ တက်ရောက်ကုသ၊ မီးယပ်နဲ့သားဖွား အထူးကုဆရာဝန်ကြီး ဒေါက်တာဦး - - - က ကြပ်မတ် ကုသပေးနေ’ ပါတဲ့ခင်ဗျား။

မြားကြီး