နီလာသိန်းသို့ စကားလက်ဆောင်

နီလာသိန်းသို့ စကားလက်ဆောင်
ခိုင်မာကျော်ဇော

လူ့အခွင့်အရေး
ဒီမိုကရေစီအရေး
ငြိမ်းချမ်းရေး
သမီးတို့ရဲ့ အနာဂတ်အရေးအတွက်
ပြည်သူတွေနဲ့အတူ ချီတက်နေတဲ့ အမေ့ကို
သမီးလေးက အပြည့်အ၀ နားလည်ပါတယ်
မနီလာသိန်းရယ် …။

သမီးလေးသာ စကားပြောတတ်ရင်
အန်တီစု ဘာကြောင့် အိမ်ပြင်မထွက်ရတာလဲဆိုတာ
သမီး သိတယ်။
လူထုတွေ ဘာကြောင့် ထမင်းငတ်နေတယ်ဆိုတာ
သမီး သိတယ်။
ကျောင်းသားတွေ ဘာကြောင့် အဖမ်းခံရတယ်ဆိုတာ
သမီး သိတယ်။
ဘုန်းဘုန်းတွေ ဘာကြောင့်သပိတ်မှောက်ကြတယ်ဆိုတာ
သမီး သိတယ်။
မိစ္ဆာတွေ လက်ခမောင်းခတ်တဲ့ အ ကာလ နေ့ရက်တွေကိုလည်း
သမီး အတိအကျ သိပါတယ်လို့ ပြောမှာပါပဲ …။

သမီးလေးက
သံဃာတော်တွေ ဦးဆောင်ခဲ့တဲ့
‘ရွှေဝါရောင်တော်လှန်ရေးကြီး’ အကြောင်းကိုလည်း
သူ့ ပါးဖောင်းဖောင်းကြီးတွေနဲ့
ကောင်းကောင်းကြီး ပြောပြလိမ့်မယ် …။

မွေးကင်းစ ကတည်းက
သူ သင်အံခဲ့ရတဲ့
စစ်အုပ်ချုပ်ရေး
ကျောင်းသား နိုင်ငံရေးနဲ့
လူ့အခွင့်အရေး တောင်းဆိုသံတွေကို
သမီးက ပြန်ပြီး ပြောပြလိမ့်မယ် …။

သံလွင်မြစ်ကမ်းနံဘေးက သမီးလေးက
ခြေလက်တွေ အပိုင်းပိုင်း အပြတ်ပြတ်
ခုတ်ဖြတ်ခံခဲ့ရတဲ့ သမီးအဖေရဲ့အကြောင်း
အားတင်းပြီး လူ့လောကထဲကို သမီးလေးကို
အရောက် ပို့ပေးခဲ့ပေမယ့်
အားပြတ်ပြီး လူ့လောကထဲက ထွက်ခွာသွားတဲ့
သမီးအမေရဲ့ အကြောင်းကို သိတယ် …။

မိစ္ဆာစစ်အစိုးရက
‘တိုင်းရင်းသား စည်းလုံးညီညွတ်မှု မပြိုကွဲရေး’လို့
အသံကောင်း ဟစ်နေပေမယ့်
စစ်တပ်ဟေ့ ဆိုတာနဲ့
ကလေးတွေ အငိုတိတ်၊ မီးခွက်ကလေးတွေ မှိတ်
ပိန်းပိတ်အောင် မှောင်သွားတဲ့ တောင်ပေါ်ရွာတွေ
အငုံဘ၀နဲ့ နွမ်းခဲ့ရတဲ့ တိုင်းရင်းသူလေးတွေ
အရွယ်မရောက်သေးတဲ့ သူပုန်လေးတွေ
မိုးထဲလေထဲမှာ အသက်လု ပြေးနေရတဲ့ ဒုက္ခသည်တွေ
ရွာတွေ၊ လယ်တွေ၊ ခြံတွေပျက်ပြီး
မြေမြှုပ်မိုင်းကွင်းကြီး ဖြစ်နေတာတွေကို
အဲဒီ သမီးလေးက အသေအချာ ပြောပြလိမ့်မယ် …။

အဖွားရဲ့ လက်မှာ
ဆိတ်နို့ကို မိခင်နို့ အမှတ်နဲ့
အငမ်းမရ စို့နေတဲ့ သမီးလေးကတော့
သားမဟုတ်တဲ့ သားကို ချစ်ပြနေရတဲ့
ထိုင်းနိုင်ငံရောက် အမေတွေအကြောင်းကို သိတယ် …။

‘အမေ့နို့ရည်တွေ လျံကျနေတယ် သမီးရေ
စိတ်မှန်းနဲ့သာ စို့လှည့်ပါ’ လို့
မျက်ရည်စက်လက်နဲ့ ပြောတဲ့ အမေ့ရဲ့ အသံကိုလည်း
အဲဒီသမီးလေး ကြားနေရတယ်တဲ့ …။

သမီးလေး ကြီးလာရင်
သူနဲ့ သူ့ပတ်ဝန်းကျင်က
ဆင်းရဲကျပ်တည်းမှု အထွေထွေကို
အပြည့်အစုံ ဇာတ်စုံခင်းပြလိမ့်မယ်။
ဈေးကွက် စီးပွားရေးစနစ်နဲ့
ခေတ်မီတိုးတက်တဲ့ နိုင်ငံတော်သစ်ဆီကို ချီတက်နေတယ်ဆိုတဲ့
စစ်အစိုးရ အသုံးမကျပုံတွေကိုလည်း
အဲဒီသမီးလေးက သူ့ဘ၀နဲ့ယှဉ်ပြီး ပြောပြလိမ့်မယ် …။

သမီးတို့ အားလုံးက
သူတို့ဘ၀နဲ့ ရင်းပြီးရခဲ့တဲ့
မြန်မာပြည် တနံတလျားက ပုံရိပ်အားလုံးကို
ကမ္ဘာကြီး ညွှတ်ကျသွားအောင် ပြောပြကြလိမ့်မယ် …။

မိစ္ဆာစစ်ဘီလူးတွေ ရေးတဲ့
သမိုင်းဆိုး သမိုင်းညစ်ကို
ကမ္ဘာ့ပြည်သူတွေနဲ့အတူ
သမီးတို့ ပြောင်းလဲရိုက်ချိုးပစ်လိမ့်မယ် …။

မနီလာသိန်းရေ
ကျောင်းသားထုနဲ့အတူ
သမီးတို့ ရှိတယ်
ပြည်သူတွေ ရှိတယ်
ရွှေဝါရောင် ရဟန်းမြတ်တွေ ရှိတယ်
အမှန်တရား မြတ်နိုးတဲ့ ကမ္ဘာ့ပြည်သူတွေ ရှိပါတယ် …။

ပေါင်းစည်းခြင်းသည် အားမာန်
ညီညွှတ်ခြင်းသည် ခွန်အား
တွဲလက်တွေ ခိုင်ခိုင်ထားလို့
ပန်းတိုင်ဆီ အရောက်သွားကြမယ်နော် …။ ။

ခိုင်မာကျော်ဇော

(‘ပလိုင်းအိမ်နှင့် လူ့အခွင့်အရေးကဗျာများ’ စာအုပ်မှ ကူးယူဖော်ပြပါသည်)