ကဗျာဆရာကြီး ဦးတင်မိုး ကွယ်လွန်ခြင်း (၁)နှစ်ပြည့် အလွမ်းပြေကဗျာ (၁)

မှိုင်းမှုန်ပြာရီဝေ
တင်မိုး

တရားမျှတ လွတ်လပ်ခြင်းကို
စစ်ဖိနပ်နဲ့ တက်နင်းပြီး
အမျိုးသားသီချင်းတွေ သီဆိုနေ။

ပြည်သူတွေရဲ့ အုံကြွမှုကို
စနစ်တကျ ချေမှုန်း
ဘုန်းကြီးပြ ဘုရားပြ
တရားဓမ္မတွေ အသံမစဲ
ရန်ပွဲ မရှိသကဲ့သို့
ဖုံးဖိနေ။

တရုတ်ကားတွေ ပြ
အလုပ်သမားတွေ မ၀
သိုင်းကားတွေ ပြ
အရိုင်းများ ဒေသ
ဘယ်ကား ပြပြ
လယ်သမားတွေလည်း မ၀
ကမောက်ကမ နိုင်ငံ
မလောက်မင နိုင်ငံ
ကြောက်စရာ့ နိုင်ငံ
အမှန်တရား ပျောက်ဆုံးနေ။

ဆင်းရဲသားတို့နေရာ
လူစုခွဲကာ နေရာပြောင်း
ဟိုပြောင်း သည်ပြောင်း
အပြောင်းအရွှေ့တွေနဲ့ အလုပ်ရှုပ်
တဲပုတ်မှ တိုက်ပေါ်တက် … တဲ့
လယ်ကွက်တွေ မြို့သစ်တည်
ကသီလင်တ အသားမကျ
ဆန္ဒပြဖို့ မတွေးအား
ပြေးပေါက်မှားအောင် နေရာချ
ဗရုတ်သုက္ခ တိုင်းပြည်
ဒီမိုကရေစီနဲ့ ဝေးဝေးနေ။

လွတ်လပ်မှုပိတ် ကျောင်းတွေပိတ်
ခေါင်းညိတ်တဲ့ လူတွေ နေရာပေး
ဈေးတွေ ပလာဇာတွေ ဖွင့်
ထောင်တံခါးတွေ ဖွင့်
အမှန်စကားတွေ မပွင့်
နေရောင်လင့်နေရတဲ့ အခြေအနေ
မှိုင်းမှုန်ပြာရီဝေ …။ ။

တင်မိုး