ဘုန်းကြီးကျောင်းတွေ ဖျက်ဆီးခံရတာရဲ့ ရေရှည်အကျိုးဆက်များ

ဘုန်းကြီးကျောင်းတွေ ဖျက်ဆီးခံရတာရဲ့ ရေရှည်အကျိုးဆက်များ
သူရိန်ကျော်ဇော

မြန်မာနိုင်ငံမှာ ဘုန်းကြီးကျောင်းတွေ ရက်ရက်စက်စက် ၀င်အစီးခံရ။ ဖြိုခွင်းခံရတာဟာ မြန်မာ့ လူ့အဖွဲ့အစည်းထဲမှာ လူမှုရေးတည်ငြိမ်မှုကို တဘက်တလမ်းက ထိန်းပေးနေတဲ့ လူမှုအဆောက်အအုံတခု ဖျက်စီးခံလိုက်ရသလိုပ။၊ ဗုဒ္ဓဘာသာဝင် ကိုးဆယ်ရာခိုင်နှုန်းလောက်ရှိတဲ့ မြန်မာနိုင်ငံမှာ ဘုန်းကြီးတွေဟာ လူထုပေါ်မှာရော တိုင်းပြည်အုပ်ချုပ်တဲ့ အစိုးရပေါ်မှာပါ အတိုင်းအတာတခုအထိ အရှိန်အ၀ါရှိတယ်။ အနောက်တိုင်းက လစ်ဘရယ် အယူအဆ တခုဖြစ်တဲ့ လူထုကိုယ်စားပြု ကိုယ်စားလှယ်များနဲ့ အုပ်ချုပ်ခြင်း (rule of representative government) ဆိုတဲ့ အယူအဆ အသားမကျသေးတဲ့ နိုင်ငံမှာ အုပ်စိုးသူများရဲ့ အာဏာ တရားဝင်မ၀င်ဆိုတာ အဲဒီအုပ်စိုးသူမင်းများကို သာသာနာပိုင်များက ဘယ်လို သဘောထားသလဲဆိုတဲ့ အချက်နဲ့ အကဲဖြတ်တာမျိုး တွေ့ရတတ်တယ်။

ဒီအချက်ကို မြန်မာနိုင်ငံအကြောင်း လေ့လာနေတဲ့ ပြည်တွင်း ပြည်ပက လေ့လာသုံးသပ်သူတွေကြားမှာ ကျယ်ကျယ်ပြန့်ပြန့် လက်ခံကြတယ်။ သာသနာကို အလုပ်အကျွေးပြုခြင်း၊ တနည်းအားဖြင့် ဘုန်းကြီးကျောင်းများကို လိုအပ်တဲ့ အထောက်အပံ့ပေးခြင်းဟာ အုပ်စိုးသူများရဲ့ တာဝန်တခုဆိုတာ မြန်မာ လူ့အဖွဲ့အစည်းထဲမှာ အစဉ်အဆက် ခံယူလာတဲ့ အချက်တခု ဖြစ်တယ်။ သီပေါမင်း ပါတော်မူပြီးနောက် အင်္ဂလိပ် အစိုးရမင်းများကို ကိုယ့်အရှင်သခင်အဖြစ် လက်မခံနိုင်တဲ့ အကြောင်းတခုက အင်္ဂလိပ်အစိုးရမင်းကို မိစ္ဆာ အယူဝါဒကို ကိုးကွယ်သူအဖြစ် မြင်ကြတဲ့အတွက် ဖြစ်တယ်။ ဆိုတော့ လူထုပေါ်မှာရော၊ အုပ်စိုးသူများအပေါ်ပါ အရှိန်အ၀ါရှိတဲ့ ဘုန်းကြီးကျောင်းများဟာ လူမှုဝန်ဆောင်မှု လုပ်ငန်းတွေကို အစိုးရက နိုင်နိုင်နင်းနင်း လုပ်တာမျိုး မရှိတဲ့ မြန်မာ့လူ့အဖွဲ့အစည်းမှာ အရေးပါတဲ့ လူမှုဝန်ဆောင်မှု လုပ်ငန်းတွေကို သူ့နည်းသူ့ဟန်နဲ့ တဘက် တလမ်းက ဆောင်ရွက်ပေးနေတဲ့ အင်မတန်မှ အရေးပါတဲ့ လူမှုရေး အဆောက်အအုံတွေ ဖြစ်နေတယ်။

အနောက်နိုင်ငံတွေမှာ ဆင်းရဲချမ်းသာ ကွာဟမှုကို တရားလွန်မဖြစ်အောင် ထိန်းတဲ့အခါ လူတိုင်း လူတန်းစေ့ နေနိုင်ရေးအတွက် လူမှုဖူလုံရေး လုပ်ငန်းတွေကို ဖော်ဆောင်တဲ့အခါ ချမ်းသာတဲ့ လူဆီက အခွန်ကို များများကောက်ပြီး အဲဒီက ငွေတွေကို တဘက်အစွန်းကို ပို့ပေးတဲ့အလုပ်ကို အစိုးရ အေဂျင်စီတွေက လုပ်တယ်။ အဲ့သလို လုပ်ငန်းတွေကို လုပ်ဆောင်မယ့် အစိုးရအေဂျင်စီတွေ မရှိတဲ့ မြန်မာနိုင်ငံမှာတော့ လူမှုတည်ငြိမ်မှု မပြိုပျက်အောင် ထိန်းပေးမယ့် ပုံသဏ္ဌာန် တိတိကျကျ မဟုတ်တဲ့ လူမှုအဖွဲ့အစည်းတွေ အားကောင်းလာတယ်။ အဲ့ဒီ အဖွဲ့အစည်းတွေထဲမှာ ဘုန်းကြီးကျောင်းတွေဟာ ရှေ့တန်းက ပါဝင်နေတယ်။ ပိုက်ဆံရှိတဲ့သူက ဘုန်းကြီးကျောင်းကို လှူလိုက်တဲ့ ပစ္စည်းကို ဘုန်းကြီးကျောင်းတွေက လိုအပ်တဲ့ သူတွေဆီကို ပြန်လည် ဖြန့်ဖြူးပေးနိုင်တယ်။ ရပ်ကွက်ထဲမှာ လူကြည်ညိုတဲ့ ဘုန်းတော်ကြီးက မရှိဆင်းရဲသားတွေအတွက် ငွေလှူကြပါ၊ ပညာမသင်နိုင်တဲ့ ခလေးတွေအတွက် ကျောင်းလေး စီစဉ်ချင်တယ်၊ တတ်နိုင်သမျှ ၀ိုင်းကြပါဆိုပြီး ဆော်သြ လိုက်ရင် ရပ်ထဲရွာထဲက ငွေကြေး ချောင်လည်သူများဆီက ပိုက်ဆံဟာ ဘုန်းတော်ကြီးရဲ့ ဆော်သြချက်နဲ့ဘဲ လိုအပ်နေတဲ့နေရာကို ရောက်လာတယ်။

မြန်မာနိုင်ငံမှာ လူတွေ စားဝတ်နေရေး ပိုပိုကြပ်တည်းလာတဲ့ အခြေအနေတွေမှာ ဘုန်းကြီးကျောင်းတွေရဲ့ အခန်းကဏ္ဍဟာ ပိုတောင်မှ အရေးပါလာ ပိုတောင်မှ ကျယ်ပြောလာတယ်။ မရှိဆင်းရဲသားတွေကို ကျောင်းမှာ လက်ခံကျွေးထားတာအပြင် မူလတန်းကျောင်းတွေ ဖွင့်ပေးတာတို့၊ မြို့တက် ဆေးကုတဲ့အခါ တည်းစရာမရှိတဲ့ သူတွေအတွက် နေရာထိုင်ခင်း စီစဉ်ပေးတာမျိုးတွေအထိပါ ဘုန်းတော်ကြီးတွေ၊ ဘုန်းကြီးကျောင်းတွေရဲ့ လုပ်နိုင်ကိုင်နိုင်စွမ်းတွေဟာ ပိုကျယ်ပြန့်လာတယ်။ ဘုန်းကြီးကျောင်းတွေဟာ လူ့အဖွဲ့အစည်းထဲက နေစင်ထွက်လာတဲ့ တုန်လှုပ်ခြောက်ခြားစရာ လောကဓံတွေကိုလည်း ရေမြှုတ်ကြီးတွေလို ကောင်းကောင်း စုပ်ယူနိုင်တဲ့ လူမှုအဖွဲ့အစည်းတွေ ဖြစ်တယ်။ အနောက် နိုင်ငံတွေမှာလို (counseling) လုပ်တယ်ဆိုတာမျိုး ဆိုလိုတာက အဆင်မပြေမှု တခုခုကြောင့် စိတ်မော လူမောဖြစ်နေတဲ့ အခါမှာ ကိုယ့်ရဲ့ကြုံတွေ့ခံစားချက်ကို စိတ်ရောဂါကုဆရာဝန်ကို ရင်ဖွင့်ပြီး စိတ်သက်သာရာရအောင် ကြိုးစားတာမျိုးဟာ မြန်မာမှာ မရှိပေမယ့် ဘုန်းကြီးကျောင်းတွေဟာ အလားတူ လုပ်ငန်းမျိုးကို လုပ်ပေးနိုင်စွမ်း ရှိတယ်။ လုပ်လည်းလုပ်ပေးနေတဲ့ အဖွဲ့အစည်းတွေ ဖြစ်တယ်။

မြန်မာ့လူနေမှုစံနစ်ပုံစံမှာ ဘုန်းတော်ကြီး ကျောင်းတွေဟာ မြန်မာလူမျိုးတွေရဲ့ ကိုယ်ပါ အမှတ်အသားလိုမျိုးလည်း ဖြစ်နေတယ်။ ဘာ့ကြောင့်လဲဆိုတော့ မြန်မာ့ယဉ်ကျေးမှု၊ မြန်မာဘာသာစကားမှာ ဗုဒ္ဓဘာသာရဲ့ အငွေ့အသက်တွေ အများကြီး စိမ့်ဝင်နေသလို မြတ်ဗုဒ္ဓရဲ့ အဆုံးအမကို တဆင့်ခံယူရာ၊ မြတ်ဗုဒ္ဓရဲ့ သားတော်များ အဖြစ်နဲ့ ဘုန်းတော်ကြီးတွေကို လူတွေက ရှုမြင်လက်ခံကြတဲ့အတွက် ဖြစ်တယ်။ ဒတ်(ခ်ျ)လူမျိုး မနုဿဗေဒပညာရှင် တယောက်က မြန်မာတယောက်ကို ဘာလူမျိုးလဲလို့ မေးတဲ့အခါ ဗုဒ္ဓဘာသာ လူမျိုးလို့ ဖြေတဲ့အတွက် အံ့အားသင့်ဖူးကြောင်း ပြန်ပြောပြဘူးတယ်။ မြန်မာလူမျိုးတွေအတွက် သာသနာ ကွယ်ပျောက်တာဟာ လူမျိုးပျောက်သလို ဖြစ်လိမ့်မယ်။

တချို့နေ့စဉ်ဘ၀ရဲ့ အစိတ်အပိုင်းတခုလို ဖြစ်နေတဲ့ ကိစ္စတွေ၊ လုပ်ငန်းကိုင်ငန်းတွေမှာ ဘုန်းတော်ကြီးတွေနဲ့ မပတ်သက်လို့ မရတာတွေ ရှိတယ်။ ဥပမာ မြန်မာလူမျိုးတွေရဲ့ ဓလေ့တခုဖြစ်တဲ့ မနက်ဘုန်းကြီး ဆွမ်းလောင်းတာမျိုး၊ အသံမစဲ ပဌာန်းပွဲတွေဟာ မြန်မာလူမျိုးတွေနဲ့ ကင်းလို့မရတဲ့ ကိစ္စတွေပဲ။ ကျနော့် အမေဆို မနက်ဘုန်းကြီးဆွမ်း မလောင်းရရင် တခုခု လိုအပ်နေသလို ခံစားရတယ်လို့ ပြောတတ်တယ်။ တခြား ဗုဒ္ဓဘာသာ မြန်မာလူမျိုးများဟာလည်း အလားတူ ခံစားကြရမှာပဲ။ လောကီသားတွေရဲ့ ဒါနပါရမီ ဖြည့်ဆည်းရာမှာ အလှူခံပုဂ္ဂိုလ်များ အဖြစ်နဲ့ မြန်မာနိုင်ငံက သံဃာအဖွဲ့အစည်းဟာ လူတွေရဲ့ စိတ်ဓာတ်ရေးရာ လိုအပ်ချက်၊ ရုပ်ဝထ္ထုပစ္စည်းတွေ မပြည့်မစုံဖြစ်မှုကနေ ပေါ်လာတဲ့ အဆင်မပြေမှု အမျိုးမျိုးနဲ့ ကြုံနေရသူတွေကို စိတ်ပိုင်းဆိုင်ရာ အေးငြိမ်းမှု ပေးနေတဲ့ လူမှုအဖွဲ့အစည်းကြီးတွေ ဖြစ်တယ်။ ခုဘုန်းတော်ကြီးတွေကို အကြမ်းဖက် နှိမ်နင်းပစ်လိုက်တာဟာ ကျနော်တို့ မြန်မာ့လူ့အဖွဲ့အစည်းထဲမှာ သာသနာ့ဝန်တင်မက မရှိမဖြစ် အရေးပါတဲ့ လူမှုဝန်ဆောင်မှု လုပ်ငန်းတွေကိုပါ ၀င်ထမ်းနေရတဲ့ လူမှုအဖွဲ့အစည်းကြီး တခုလုံးကို တိုက်ခိုက်လိုက်ရာ ရောက်တယ်။ ရုပ်ပိုင်းဆိုင်ရာဘက်မှာ မဖွံ့ဖြိုးတဲ့ လူ့အဖွဲ့အစည်းထဲက လူတွေကို တတ်အားသရွေ့ စိတ္တသုခ ပေးနေတဲ့ လူမှုအဖွဲ့အစည်းကြီး ပျက်စီးသွားတာဟာ လူတွေကို ဆောက်တည်ရာမရ ဖြစ်သွားစေနိုင်တယ်။ ဒါတွေဟာ ဘုန်းတော်ကြီးတွေကို အကြမ်းဖက် နှိမ်နင်းမှုရဲ့ ရေရှည်အကျိုးဆက်တွေပါပဲ။

သူရိန်ကျော်ဇော
(ကိုဈာန်ဘလော့ဂ်မှ ကူးယူဖော်ပြပါသည်)