မြေခွေးတအုပ်၊ ကြံစုပ်သူများ၊ ပုဏ္ဏားခြောက်ယောက်နှင့် ငြိမ်းချမ်းရေး နတ်သ မီး၏ အမိမြေ

တုတ်ကြီး (ခေတ္တ တာဝတိံသာ)

အရေးကြီးပြီ ညီနောင်အပေါင်းတို့ … သွေးစည်းကာ ညီစေ ညီကြစို့ … ငါတို့ ရဲ့ သမိုင်းတခေတ်ကို … ငါတို့ သွေးနဲ့ ရေးခဲ့သည် … သွေးသစ္စာလည်း ပြုခဲ့သည် …။

ကိုမွန်းအောင် ဆိုခဲ့သောသီချင်း “ငြိမ်းချမ်းရေးတိုက်ပွဲ” အခွေထဲက …။ မ.က.ဒ.တ မှ ထုတ်ဝေသော သီချင်း …။

ငါတို့ရဲ့ သမိုင်းတခေတ်ကို ငါတို့သွေးနဲ့ ရေးခဲ့သည် …။
နှစ်ငါးဆယ် လွတ်မြောက်ရေးတိုက်ပွဲ နှစ်နှစ်ဆယ် တော်လှန်ရေးတိုက်ပွဲ … ။ နာမည်မျိုးစုံ ပြောင်းကာ နည်းမျိုးစုံဖြင့် နိင်ငံတော် အာဏာအား အဓမ္မ လုယူထားသော စစ်အာဏာရှင် …။ ဖက်ပေါင်းစုံမှ လိမ်ညာနည်း ပေါင်းစုံသုံးကာ ရိုးဖြောင့်သော ပြည်သူ့ဘက်တော်သား ပြည်သူယုံသော ခေါင်းဆောင်များ အဖွဲ့အစည်းများကို လှည့်ဖြား၊ ၀ယ်ယူ၊ ဖျက်ဆီး၊ သုတ်သင်၊ သတ်ဖြတ်၊ ဖျောက်ဖျက်ရာတွင် ကျွမ်းကျင်သော စစ်အာဏာရှင်နှင့် ၄င်း၏ စစ်ယန္တယား စစ်အုပ်စု…။

တဖက်က ဘ၀ပေး အသက်ပေး သွေးရင်းကာ တိုက်ပွဲဝင်နေသော ရဟန်းရှင်လူ ကျောင်းသားပြည်သူနှင့် အမျိုးသားဒီမိုကရေစီအဖွဲ့ချုပ် အပါအ၀င် မြေပေါ်မြေအောက် နိုင်ငံရေးအင်အားစုများ …၊ ပြည်ပရောက် တိုင်းချစ်ပြည်ချစ်များ …။

ကျနော်တို့ သတိရှိဖို့ လိုပါသည်။ ပြင်ဆင်မှု ရှိဖို့လိုပါသည်။ ယခုလက်ရှိ ဖြစ်ပေါ်နေသော တိုင်းပြည် အခြေအနေသည်ကား ကျွန်စုပ်ထားသော သရက်စိ ပေါ်လစ်ရ်ှဘူးထဲ ပြုတ်ကျသည့် အနေအထား …။
ဒေါ်အောင်ဆန်းစုကြည်နှင့် သူမ၏ ပါတီမှ သုံးဦးသော ပုဂ္ဂိုလ်တို့ ခေတ္တတွေ့ဆုံကာ ထွက်ပေါ်လာသော အခြေအနေ သတင်းများအား အားရကျေနပ်လိုက ကျေနပ်ကြပါ။ သို့သော်ငြား မိမိတို့ ပြင်ဆင်မှုနှင့် ပန်းတိုင်များအား လျှော့မချဖို့ အင်မတန် အရေးကြီးလှပါသည်။

ဦးလွင်၊ ဦးအောင်ရွှေ၊ ဦးညွန့်ဝေ တို့သည် အမျိုးသားဒီမိုကရေစီအဖွဲ့ချုပ် တစ်ရပ်လုံးနှင့် လူထု၏ ဆန္ဒ၊ လူထု၏ ပကတိ အခြေအနေကို ထင်ဟပ် ကိုယ်စားပြုနိုင်သည့် အခြေအနေ အရည်အချင်း နောက်ခံသမိုင်းနှင့် သတ္တိ တကယ်ရှိကြပါသလား…။ ဒေါ်အောင်ဆန်းစုကြည်ကို မလိမ့်တပတ် မလုပ်ဟု သခင်ယေရှုလည်း မပြောနိုင်၊ ဂေါတမမြတ်စွာလည်း ဗျာဒိတ်မပေးခဲ့…၊ အလ္လာရှင်မြတ်လည်း ကိုရမ်ကျမ်းထဲ ထည့်မရေးခဲ့သလို ညာကြမည့် သူများလားဟုလည်း မပြောနိုင်ပါ …။

အရေးကြီးပြီ ညီနောင် အပေါင်းတို့ …။
သက်ဆိုင်သူများ …
ကိုယ့်သမိုင်း ကိုယ်ရေးတာကွ ဟုဆိုကာ ကလောင်တံကြီး ထမ်းလျက် ဦးအောင်ရေးမည် ဆိုလျှင်တော့ ကိုယ်ပဲဖတ်ပြီး ကိုယ်သေလျှင် နိဌိတံသွားမည် ဖြစ်သည်ကိုလည်း သတိချပ်သင့် ကြသကဲ့သို့ န.အ.ဖ၏ ကောက်ကျစ်သော နည်းနာများဖြင့် သူတို့သေတွင်း သူတို့ကွေ့ရှောင်ရန် ကြိုးစားချက်အား ကျနော်တို့ ပြတ်သား ရှင်းလင်းစွာ မြင်နိုင်လျက် ပြည်သူတို့၏ စစ်မှန်သော လွတ်မြောက်ရေး တိုက်ပွဲတရပ်အတွက် အားမွေး လေ့လာ ညီညွတ်ရေး တည်ဆောက် အတွေးအခေါ် တရပ်ခိုင်မာစေရန် သတိရှိရှိ ခေါင်းအေးအေး အသင့်အနေအထား ရှိနေကြဖို့ လိုအပ်လှကြောင်း အားလုံးလည်း တွေးမိပြီး ဖြစ်သည်ဟု ယူဆပါသည်။

အဘယ်ကြောင့်ဆိုသော် တိုင်းပြည်တပြည် နိုင်ငံတော်တစ်ခု၏ သမိုင်းသည်ကား တဦးကောင်း တယောက်ကောင်း တဖွဲ့ကောင်းဖြင့် ပြောင်းနိုင်သည် မဟုတ်။ စစ်မှန် ထက်မြက် တည်ကြည်သော ခေါင်းဆောင်များသည် နောက်ကျော ဓားတန်းလန်း ဖြစ်နေတတ်ကြသည်ကို ၀မ်းနည်းစွာ လူသားသမိုင်းတွင် ရှိခဲ့သည်ကို ကြားနာ မှတ်သားခဲ့ရဖူး၏။

မြတ်ဘုရားသည်ပင် သင်္ကန်းဝတ်ထားသော ဒေ၀ဒတ်အား ဆက်ဆံ ပတ်သက်ခဲ့ရဖူးကြောင်း… ဘုရားမဖြစ်မီ ဘ၀ အဆက်ဆက်တွင်လည်း ဒေ၀ဒတ်မျောက်ကြောင့် ခါးကျိုးခဲ့ရသော အဖြစ်အား … မြန်မာနိုင်ငံသူ နိုင်ငံသားတို့နှင့် ဗုဒ္ဓစာပေ(ထေရ၀ါဒ)ကို လေ့လာသူများ မှတ်မိကြပါလိမ့်မည်…။

နိဂုံးချုပ် မေတ္တာရပ်ခံ လိုသည်မှာကား …
ညီနောင်အပေါင်းတို့ တိုင်းချစ်ပြည်ချစ် အပေါင်းတို့ …
မြေခွေး သုတ်သင်ရေးအတွက် ပြင်ဆင်ကြရင်း ‘မွေးဌာနီ’ သီချင်းဖြင့် စိတ်ကူးယဉ်မှုများအား ဆန်းစစ်ကြပါစို့ …။

ပြည်သူ့အရေးတော်ပုံ အောင်ရမည်။
ပြည်သူ့အာဏာ ပြည်သူသာပိုင်သည်။

တုတ်ကြီး (ခေတ္တ တာဝတိံသာ)