ဒေါက်တာလွဏ်းဆွေ

ဦးအောင်ကြီး သိစေဖို့ …..
ကိုမွှေး

ဦးအောင်ကြီးရေ … ကျနော်တို့ကတော့ ငယ်တယ်ဗျာ။ ဦးအောင်ကြီးတို့ထက် .. ပြောမယ်ဆို ဦးအောင်ကြီးသား အငယ်ကောင်နဲ့မှ ရွယ်တူရယ် … ဦးအောင်ကြီး ၁၉၈၈ အရေးတော်ပုံ ကာလမတိုင်ခင် ခြောက်ဆယ့်လေး မျက်နှာ စာတန်းနဲ့ ဦးနေ၀င်းကြီးကို မျက်နှာ လုပ်ခဲ့တုန်းကလည်း တမြို့တည်းသားချင်း လည်းဖြစ်ပြန် ကျနော့်အဖိုးဖြစ်သူ (ခင်ဗျားတောင် အသုဘလာ ပါသေးတယ်။ ကြံတောသုသာန်ကြီး ရောင်းစားမခံရခင်)ရဲ့ မိတ်ဆွေလည်း ဖြစ်ပြန်ဆိုတော့ ကောင်းကောင်း ဖတ်လိုက်ရပါတယ်။ အဲဒီတုန်းက ငယ်တုန်းဆိုတော့ ဦးအောင်ကြီး ရေးနေကျ ‘ကျနော် အညာသားပါ ခင်ဗျား‘ ဆိုတာလေးတွေလည်း ဖတ်ရတော့ ဦးအောင်ကြီးရဲ့ စားနေကျ ကြောင်ဖား အကျင့်ကိုလဲ ကျနော့် အဘိုးတွေလောက် မသိတော့ ဟုတ်များ ဟုတ်မလားလို့ ရှာကြံပြီး အထင်တော့ ကြီးခဲ့မိသားဗျို့။ မရှက်ပါဘူး ၀န်ခံပါတယ်..။

တကယ်ဆို ခင်ဗျားဟာ ဦးနေ၀င်းကြီးကို သေးဖျန်းဖျန်း ပါအောင် ကြောက်ခဲ့တာပါ။ ဦးနေ၀င်းတို့  ခင်ဗျားညီ ဦးအောင်လေး (မိန်းမ လိုက်စားလွန်းလို့  နူနေသူ)နဲ့ ဦးထွန်းရင်(ကွယ်လွန်)တို့ အရင်ခေတ်က ဟုတ်တာရော မဟုတ်တာရော လုပ်လို့ ပိုင်သမျှကို ဗြောင် သိမ်းလိုက်တုန်းကလည်း ခင်ဗျား တောက်တောင် တချက်ခေါက်ရဲခဲ့တာမှ မဟုတ်တာ ၀ိဓူရ သခင်ချစ်မောင်တို့ထက် အခွက်ပြောင်တဲ့ ဦးအောင်ကြီးဟာ ကြောင်ချီးဆိုတာ ခင်ဗျားရွာက လူတွေတောင် တရွာလုံးသိလို့  ရွေးကောက်ပွဲ ကာလမှာ ခင်ဗျားပါတီကို မဲမပေးလို့ ခင်ဗျားက တရွာလုံး အားကိုးနေရတဲ့ သောက်ရေကန် (ခင်ဗျားတို့ ပိုင်တဲ့ကန်)ကို သောက်ရေခပ်ခွင့်တောင် ပိတ်ခဲ့သေးတာပဲ။ အဲဒီလောက် အောက်တန်းကျ အရှက်မဲ့ပြီး သက်တမ်း သိပ်မတိမ်းမယိမ်းဖြစ်တဲ့ ပေါက်ခေါင်းသား ဦးနေ၀င်းကို ပါပါကြီးလို့ မခေါ်ရုံတမယ် ဖားခဲ့တဲ့ သမိုင်းကို မြို့ခံတွေက သိတယ်ခင်ဗျ။

နိုင်ငံရေးကို အသက်မွေးဝမ်းကျောင်း အလုပ်တစ်ခုအဖြစ် တွင်တွင်ကျယ်ကျယ် လုပ်စားတတ်တဲ့ ပေသီး ခေါက်ပြီး ဘက်ပြောင်းတတ်တဲ့ လူကြီးတစ်ယောက် အဖြစ်က ကျွတ်တမ်းဝင်သင့်ပြီ။
သေမယ်ဆို သေသင့်နေပြီ ဦးအောင်ကြီးရေ…။

ခင်ဗျား သတင်းစာထဲက နေပြီးတော့ ဒေါ်အောင်ဆန်းစုကြည် ပါတီနဲ့ ပတ်သက်ပြီး ကြော်ငြာ ထည့်ခဲ့တာတွေ ခင်ဗျားထက် တိုင်းပြည်ချစ် ဦးနှောက်ရှိတဲ့ လူတွေကိုကျတော့ ကွန်မြူနစ်တွေလို့ စွပ်စွဲခဲ့တာတွေ အဲဒီ ကွန်မြူနစ်ပါတီကြီးကို စထောင်ခဲ့တဲ့ သခင်အောင်ဆန်းဆိုတဲ့ ဗိုလ်ချုပ် အိမ်ထောင်ပြုခါနီးမှာ အတင်း ဒူးဖက်ပြီး ဗိုလ်ချုပ်ရယ် မိန်းမမယူပါနဲ့ လို့ အတင်း တောင်းပန်တော့ ဗိုလ်ချုပ်က ဘာပြန်ပြောခဲ့တယ် ဆိုတာတွေကို ပြန်တွေးလိုက်ရင် တကယ်လို့များဗျာ၊ အဲဒီခေတ်က ခုလို ဆေးပညာတွေ ထွန်းကားနေတဲ့ ခေတ်ဖြစ်ခဲ့ရင် ဦးအောင်ကြီးဟာ လိင်ပြောင်းပြီး ဗိုလ်ချုပ်ကိုတောင် အပိုင်ကြံနိုင်တယ်လို့ ယူဆရလောက်တဲ့ စိတ်မျိုးနဲ့  ပုဂ္ဂိုလ်တစ်ယောက် ဆိုတာ ထင်ရှားပါတယ်။

ဦးအောင်ကြီးကို ခုလိုပြောနေရတာလဲ နာမည်ကြီးချင်ရင် ကိုယ့်ထက် နာမည်ကြီးသူကို တိုက်ဆိုတဲ့ သီအိုရီအရ ခင်ဗျားလုပ်နေကြ လုပ်ရပ်လို မဟုတ်ဘူးဆိုတာ နားလည်ပါ။ အသက်ကြီးပြီး အချိန်မစီးလွန်းလို့  ဒေသချစ်စိတ်နဲ့ ခင်ဗျားကြီး အိုမှ လက်ပေးသင်နေရတာ တကယ်တော့ အချိန်ကုန်ပါတယ် ..။

သေသွားတဲ့ ကာနယ်ကြီးတွေ ခင်ဗျားနဲ့ အတူတူတွေက ခင်ဗျားကို ဦးနေ၀င်းကြီး ခေတ်ကတည်းက ဘယ်လို ဆက်ဆံခဲ့တယ် ဆိုတာလဲ ကျနော်ကသိခဲ့ပါတယ်။ တကယ်လို့သာ ကွန်မြူနစ်တွေ တိုင်းပြည် အာဏာရနေတယ် ဆိုခဲ့ရင်လဲ ဦးအောင်ကြီးဟာ မော်စီလည် (မြန်မာမှု ပြုထားသော မော်စီတုန်း) လို့များ နာမည်ပြောင်းပြီး ကွန်မြူနစ် ရင်ထိုးကြီး ထိုးလို့  သခင်သန်းထွန်း ဘုန်းတော်ဘွဲ့တွေများ ရေးမယ်ဆိုတာ ဗေဒင်မေးရင် ဆန်ကုန်ဦးမယ်၊ သိပ်ကျိန်းသေတယ်ဗျို့။

ဒါပေမယ့် ကွန်မြူနစ်တွေကလဲ ခင်ဗျားအချိုးကို သိတဲ့အပြင် ဦးနေ၀င်းကြီးလို အကွက်သမားတွေ မဟုတ်ကြတော့ ခင်ဗျားကို ဗြောင်ငြင်းမယ်ဆိုတာ သိနေတော့ ခင်ဗျားက ကွန်မြူနစ်မုန်းတီးရေး တီးလုံးတွေ ဒုံမင်း တလှည့် ၀ါးလက်ခုတ် တစ်လှည့် ဒိုးပတ် တလှည့်နဲ့တီးရင်း စိတ်တွေ နာနေတာပေါ့။

အရင်ခေတ်က ကာတွန်း သန်းကြွယ်က ရေးတဲ့ ကာတွန်း တစ်ကွက်လောက်ကို အတည်လိုလုပ်ပြီး ကွန်မြူနစ်တွေကို ခင်ဗျား တစ်ကိုယ်တော် အကျိုးစီးပွားအရ အမုန်းကြီးမုန်းပြီး စူဠသုဘဒ္ဒါ အကြံနဲ့  အပြင်းအထန် တိုက်ခိုက်ခဲ့တာ မမောဘူးလားဗျာ။

တဖက်က ကွန်မြူနစ် ဆန့်ကျင်ရေးတွေ လိပ်ခေါင်း ထွက်လောက်အောင်ပြော ရှေ့သို့ဂျာနယ်၊ ငွေတာရီ၊ မြ၀တီနဲ့ ထုတ်ဝေဖြန့်လွှင့်သမျှ စာပေနဲ့ သတင်းဌာနတွေကနေ အမြဲမပြတ် တိုက်ခိုက်နေပေမယ့် တဖက်မှာလည်း တရုတ်ပြည်ထဲဝင် တိုးတိုးတိတ်တိတ် ကွန်မြူနစ်ပါတီကို သွားသွားဆွေးနွေးပြီး မြန်မာ့ဆိုရှယ်လစ် လမ်းစဉ်ပါတီ တစ်ခုထဲကို ၀င်လာဖို့ ကွန်မြူနစ်ပါတီကို ဖျက်သိမ်းဖို့  လက်သိပ်ထိုး ဆွေးနွေးနေကြ၊ ဦးအေးကိုတို့ ဦးနေ၀င်းတို့ ဦးမောင်မောင်ခတို့ လုပ်ခဲ့ကြတုန်းကတော့ ရပ်တည်ချက်မှန်တဲ့ ကွန်မြူနစ်တွေက ပါတီစုံစနစ်ကို တရားဝင် လုပ်ပါ။ မြေအောက်နဲ့ တောတွင်း ထွက်လာရတဲ့ အဖွဲ့အစည်း မှန်သမျှကို တရားဝင် ရပ်တည်ခွင့်ပေးပါ၊ ရွေးကောက်ပွဲ တရားမျှတစွာ လုပ်ပါ၊ ဒါဆို ကွန်မြူနစ်တွေလဲ ပါဝင်ရပ်တည်မှာ ဖြစ်ပါတယ်၊ ဒီမိုကရေစီရေး တန်းတူရေး သွေးစည်းရေးကို အရင်လုပ်ကြပါလို့  ပြန်ပြောလိုက်ပြီး နှစ်ပိုင်းအတွင်း ရှစ်လေးလုံး အုံကြွမှုကြီး ပေါ်လာတော့ ဦးနေ၀င်းဟာ အရေးပေါ် ညီလာခံတွေ ခေါ်ပြီးတော့ အဲဒီ လမ်းကြောင်းကြီးကို ခပ်တည်တည်နဲ့ အသုံးချဖို့ ဖွင့်ပေးခဲ့ပြီး တာ့တာပြ မှောင်ရိပ်ခိုပြီး ရုပ်သေးဆရာ လုပ်ခဲ့သေးတယ်လေ။ အဲဒီ ကာလလေးမှာ ဦးအောင်ကြီးလဲ လူလူသူသူနဲ့  ဖိုးသင်းမျောက် လုပ်တော့တာပဲ မဟုတ်လား။ စမ်းချောင်း ပဒုမ္မာကွင်းမှာ တပ်မတော်ကို စိတ်နဲ့တောင် မပစ်မှားနဲ့ ဆိုတာကို လူထုကြီး (အပစ်ခံ အသတ်ခံရသော ပြည်သူတစ်ရပ်လုံး) ကို ရှေ့က မိုက်ခွက်ကြီး ကိုင်ပြီး တိုင်ပေးခဲ့တာ မှတ်မိမှာပါ ။

နိဂုန်းချုပ် အနေနဲ့ ပြောချင်တာ ကတော့ ဦးအောင်ကြီးရေ Dream comes true ဖြစ်လောက်ပြီ ထင်ပါတယ်။ အရင်ခေတ်ကတော့ ဆေးပညာတွေ သိပ် မတိုးတက်ခဲ့ဘူး ခုဆို ခါတော်မီလေးပါပဲ ဘ၀ကို ဗြောင်ပြောင်းချင်တယ် ဆိုရင်ဖြင့် …။

ကိုမွှေး