အောင်ကိုကိုလတ်၊ DVB 4 November 2016
Healthcare Call Center မိတ်ဆက်ပွဲကို နေပြည်တော် သင်္ဂဟဟိုတယ်မှာ နိုဝင်ဘာလ ၃ ရက်က အခမ်းအနားနဲ့ တရားဝင်ဖွင့်လှစ်လိုက်တာ ဖြစ်ပြီး အဲဒီစင်တာကို ဖုန်းဆက်သွယ် ခေါ်ဆိုမေးမြန်းဆွေးနွေးတိုင်ပင်ရာမှာ ဖုန်းခေါ်ဆိုခအပြင် ကျန်းမာရေး ဝန်ဆောင်ခအနေနဲ့ ၁၀၀ ကျပ် ပေးဆောင်ရမှာဖြစ်ပါတယ်။
အဆိုပါ Call Center ကနေ မိမိခံစားနေရတဲ့ ရောဂါလက္ခဏာတွေနဲ့ ပတ်သက်ပြီး ဆွေးနွေး တိုင်ပင်တာ၊ ကျန်းမာရေးဆိုင်ရာ အသိပညာဗဟုသုတနဲ့ ပတ်သပ်ပြီး မေးမြန်းနိုင်တာတွေအပြင် အထူးကုဆရာဝန်ကြီးတွေရဲ့ ဆေးရုံ ဆေးခန်း အချိန်ဇယားတွေကို စုံစမ်းနိုင်မှာ ဖြစ်ပါတယ်။
ဒါ့အပြင် ဆေးရုံ ဆေးခန်းနဲ့ တခြားကျန်းမာရေးဆိုင်ရာဌာနတွေကို စုံစမ်းတာ၊ မျိုးဆက်ပွား ကျန်းမာရေးနဲ့ ပတ်သက်ပြီး တိုင်ပင်တာ၊၊ အလှအပရေးရာနဲ့ လူနေမှုဘဝပုံစံ အကြောင်းတွေကို ဆွေးနွေးတာနဲ့ ရင်တွင်းခံစားချက်တွေကို ဝေမျှတိုင်ပင်တာနဲ့ ကျန်းမာရေးဆိုင်ရာ သတင်းအချက်အလက်တွေကို နေ့စဉ် နားဆင်နိုင်မှာလည်း ဖြစ်ပါတယ်။
ဖုန်းခေါ်ဆို ဆက်သွယ်မေးမြန်းရာမှာ ဆရာဝန်တွေကိုယ်တိုင် ဖြေကြားပေးမှာ ဖြစ်ပြီး အိမ်တွင်းကုထုံးတွေနဲ့ ဆေးဝါးတွေကို ပေးတာ၊ ရှေးဦးပြုစုနည်းတွေကို သင်ကြားပေးတာ၊ ကျန်းမာရေးနဲ့ ဆက်စပ်တဲ့ မေးခွန်းတွေကို ဖြေကြားပေးတာတွေအပြင်၊ နှစ်သိမ့်ဆွေးနွေး ပညာပေးခြင်းတွေကို ဆောင်ရွက်ပေးနေတယ်လို့ သိရပါတယ်။
Posts
No comments:
Post a Comment