Saturday, September 20, 2014

သိပ်စဉ်းစားစရာကောင်းနေပါပြီ

ရဲဘော်ကျော်ကိုကို
၁၉-၉-၂၀၁၄
(Rahul Kyaw Ko Ko's Status Update)

နေရာတိုင်းမှာ ကျောင်းသားထုကို အရှုပ်အထွေးတွေဖြစ်အောင် တမင်ဖန်တီးနေသလို ဖြစ်နေပါပြီ။

ပထမဆုံး ရဲဘော်ကောင်းထက်ကျော်ကို ရိုက်ပြီး ဖမ်းစဉ်ကတည်းက ဗကသအပါအ၀င် ကျောင်းသားတွေရဲ့အား ဘယ်လောက်ရှိသလဲ စမ်းကြည့်လိုက်ကြတယ်။

ရဲဘော်ကောင်းထက်ကျော်အရေးနဲ့ လယ်သမားအရေးထဲ ပါဝင်ဆောင်ရွက်တဲ့ ဗဟိုလုပ်ငန်းကော်မတီ နှစ်ယောက်ကို တရားစွဲပါတယ်။

ပညာရေးဥပဒေမူကြမ်း တိုက်ဖျက်ရေးလှုပ်ရှားမှုမှာ ပါဝင်တဲ့ ကျောင်းသားတွေကို ဖမ်းဖို့ အကွက်ဆင်ပြီးဖြစ်တယ်။

စာမေးပွဲတွေဖြေလို့ ကျောင်းသားအင်အား မလှုပ်မရှက် ဖြစ်ချိန်ကျမှ လေးလလောက် လွှတ်ထားတဲ့ ရဲဘော်ဖြူနှင်းထွေးကို အငိုက်ဖမ်းပြီး ဖမ်းလိုက်တယ်။

စာမေးပွဲဖြေနေတဲ့ ကျောင်းသားတွေကို အနားမပေးဘဲ တမင်ရှုပ်ထွေးအောင် စာမေးပွဲအဖြေလွှာတွေ ရေထဲမျှောပြီး ဆွပေးနေတယ်။

နောက်ဆုံးကြားရသလောက် ကျောင်းတိုင်းမှာ စာမေးပွဲဖြေခွင့် ပိတ်ခံရတဲ့ ကျာင်းသား ပျှမ်းမျှ ၂၅ ယောက်လောက်ရှိပြီး တစ်ယောက်နဲ့တစ်ယောက် စကားပြောလို့ စာမေးပွဲခန်းထဲက မောင်းထုတ်ခံရတဲ့ ကျောင်းသားတစ်ယောက် ရွှေဘိုမှာ ဆေးသောက်ပြီး ကိုယ့်ကိုကိုယ် သေကြောင်းကြံလိုက်သတဲ့။

ဒီတော့ ရဲဘော်တို့ ရှေ့ဆက်ရမယ့်လမ်းကို ရှင်းရှင်းမြင်အောင် ကြည့်ကြဖို့တော့ လိုနေပါပြီ။ ယုတ်မာတဲ့ စစ်အာဏာရှင်တွေဟာ ၂၀၁၅ မှာ သူတို့ လွတ်လွတ်လပ်လပ် မဟုတ်တာ လုပ်ရဖို့ ကန့်ကွက်လှုပ်ရှားဖို့ အလားအလာရှိသူတွေကို ဖမ်းဆီးထောင်ချဖို့ ပြင်နေပြီ ဆိုတာ မြင်ကြရတော့မယ်။ အရိုးအရင်းလိုက်ကောက်ပြီး ကိုက်ဖို့ချောင်းနေတဲ့ ဖောက်ပြန်သော နိုင်ငံရေးအင်အားတချို့ ကတော့ တို့ဘက်မှာရှိမှာ မဟုတ်ဘူး။ နှောင်ကြိုးကို ဒို့လက်ရုံးနဲ့ ချိုးဖျက်ဖို့ အချိန်ရောက်ပြီ။ တိုးတက်သောနိုင်ငံရေးအင်အားစုများနဲ့ မဟာမိတ်ဖွဲ့ကြ။

တိုက်ပွဲကို တိုက်တတ်ဖို့၊ တိုက်တိုင်းအောင်ဖို့နဲ့ တိုက်ပွဲဝင်ရဲဘော်အားသစ်တွေ တိုးပွားလာဖို့ မဟာဗျူဟာတွေ ချမှတ်အကောင်အထည်ဖော်ဖို့ အချိန်ကျပြီ။

ဗကသ၊ တကသ စတာတွေ မပြောဘဲ တိုက်ပွဲဝင် ခွပ်ဒေါင်းအလံတော်အောက်ကို ငါတို့နဲ့အတူ လာပြီး ရပ်တည်ကြ။ ဒါပဲ။

ရဲဘော်ကျော်ကိုကို

No comments: