မြန်မာ့နိုင်ငံရေးတွင် စစ်တပ်က ပါဝင်ပတ်သက်နေမှုကို အမြစ်မကျန် မတွန်းလှန်နိုင်မချင်း ...

Aung Naing Moe's Facebook Status

မြန်မာစစ်တပ်သည် ၁၉၆၂ ခုနှစ် အာဏာသိမ်းချိန်မှစ၍ မြန်မာပြည်အား ...

- တော်လှန်ရေးကောင်စီအစိုးရအနေဖြင့်လည်းကောင်း၊
- မြန်မာ့ဆိုရှယ်လစ်လမ်းစဉ်ပါတီ(မဆလ)အနေဖြင့်လည်းကောင်း၊
- နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့(နဝတ)အနေဖြင့်လည်းကောင်း၊
- နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ(နအဖ)အနေဖြင့်လည်းကောင်း၊
- ယခုနောက်ဆုံး သိန်းစိန် ဦးဆောင်သည့် ဘောင်းဘီချွတ်အစိုးရအနေဖြင့်လည်းကောင်း ...

အစိုးရပုံစံအမျိုးမျိုးပြောင်းကာ နှစ်ပေါင်း ၅၀ ကျော် စစ်တပ်ကပင် တလက်ကိုင် အုပ်ချုပ်လာခဲ့ရာ အုပ်ချုပ်ရေးစွမ်းရည် အတော်ပင် ထက်မြက်နေပေလိမ့်မည်ဟု ထင်လျှင် အမှားကြီး မှားပေမည်။

သိန်းစိန်အစိုးရ အုပ်ချုပ်ရေးအောက်တွင် အောက်ပါအဖြစ်အပျက်များ ဖြစ်ပျက်ခဲ့သည်ကို အများသူငှာ မမေ့မလျော့ သတိမူမိစေရန် အကျဉ်းချုပ် ဖော်ပြလိုက်ရပါသည်။

(၁) မြန်မာပြည်အနောက်ပိုင်း ဘူးသီးတောင်၊ မောင်းတော၊ တောင်ကုပ်မှ အစပြု၍ မြန်မာပြည်အလယ်ပိုင်း မန္တလေးအပါအဝင် မြို့ကြီးများစွာတွင် ဘာသာရေး၊ လူမျိုးရေး အဓိကရုဏ်းများစွာ ဖြစ်ပွားခဲ့(ဖြစ်ပွားဆဲ)ပြီး အသက်အိုးအိမ်စည်းစိမ်များစွာ သေကြေပျက်စီး ဆုံးရှုံးမှုများစွာ ဖြစ်ရရုံမက မတည်မငြိမ်မှုကြောင့် ပြည်သူအများမှာ ကျီးလန့်စာစား သောကများနေကြရခြင်း။

(၂) မြန်မာပြည်မြောက်ပိုင်း ကချင်ဒေသတွင် အစိုးရတပ်များ၏ ထိုးစစ်ကြောင့် ကချင်တိုင်းရင်းသား အများအပြား စစ်ဘေးစစ်ဒဏ်ခံရကာ စစ်ပြေးဒုက္ခသည်စခန်းများတွင် ခုံလှုံနေကြရလျက် ကျန်းမာရေး၊ ပညာရေး အဖက်ဖက်မှ ချို့တဲ့မှုများကို ကြုံတွေ့နေရခြင်း။

(၃) ကေအင်န်ယူအပါအဝင် အခြားအပစ်ရပ်အဖွဲ့များဖြင့်လည်း မကြာမကြာ တိုက်ပွဲများ ဆက်လက်ဖြစ်ပွားနေခြင်း။

(၄) မြန်မာပြည်အနှံ့အပြား လယ်သိမ်း၊ မြေသိမ်း၊ ရွာသိမ်း၊ ကျောင်းသိမ်းမှုများကြောင့် တောင်သူလယ်သမားများနှင့်တကွ ရဟန်းရှင်လူများ အတိဒုက္ခ ရောက်ကြရကာ စီးပွားရေး၊ လူမှုရေး၊ နိုင်ငံရေး မတည်ငြိမ်မှုများ နိုင်ငံနှင့်အဝှမ်း ဖြစ်ပေါ်လျက်ရှိခြင်း။

(၅) အလုပ်သမားများအတွက် သင့်လျော်သော အနိမ့်ဆုံးလစာ ပြဋ္ဌာန်းပေးရန် ပျက်ကွက်ခြင်းနှင့် အလုပ်သမားအခွင့်အရေးများကို ဥပဒေတရပ် ပြဋ္ဌာန်းကာကွယ်ပေးရန် ပျက်ကွက်ခြင်းတို့ကြောင့် အလုပ်သမားတို့မှာ ထိုက်သင့်သောလစာ မရသည့်အပြင် အလုပ်ရှင်တို့၏ ဂုတ်သွေးစုပ် အမြတ်ထုတ်မှု အမျိုးမျိုးကို ခံစားနေကြရခြင်း။

(၆) သဘာဝ သယံဇာတ အရင်းအမြစ်များကို ပြည်တွင်းဖူလုံမှုအတွက် ဦးစားမပေးဘဲ အိမ်နီးချင်းနိုင်ငံများသို့ တင်ပို့ရောင်းချနေခြင်း။

(၇) ဒီမိုကရေစီစနစ်ဆိုပါလျက် ဆန္ဒပြသူများကို အကြမ်းဖက်နှိမ်နင်းခြင်း၊ ဖမ်းဆီးထောင်ချခြင်း၊ သတင်းထောက်များ၊ သတင်းစာဆရာများကို ဖမ်းဆီးကာ တရားစွဲဆိုခြင်းများ ဆက်လက်ပြုလုပ်နေခြင်း။

(၈) အရပ်ဖက် ရာထူးဌာနများတွင် စစ်ထွက်များအား ခန့်ထားခြင်း။

(၉) စစ်တပ်ပိုင် ဦးပိုင်လိမိတက်၊ စစ်ဗိုလ်ချုပ်ကြီးများနှင့် ခရိုနီအပေါင်းတို့၏ လုပ်ပိုင်ခွင့်နှင့် ဓနအင်အား အဆမတန် ကြီးထွားလာခြင်း။

(၁၀) အတိုက်အခံ နိုင်ငံရေးသမား၊ တော်လှန်ရေးသမားများအား ငွေနှင့်ပေါက်၍ ဝယ်ယူဖျက်ဆီးခြင်း။

ဤဖြစ်ရပ်များအားလုံး သိန်းစိန်အစိုးရလက်ထက်တွင် ဖြစ်ပွားခဲ့ ဖြစ်ပွားဆဲ။ ဆက်လက်ဖြစ်ပွားလတ္တံ့ကိုလည်း မြင်ရသေးသည်။

မြန်မာ့နိုင်ငံရေးတွင် စစ်တပ်က ပါဝင်ပတ်သက်နေမှုကို အမြစ်မကျန် မတွန်းလှန်နိုင်မချင်း ဤပြဿနာအဝဝကို ဆက်လက်ကြုံတွေ့နေကြရဦးမည်သာ ...။ ။