ဗွီအိုအေ (မြန်မာပိုင်း) - 14.05.2014
ယူနီဖောင်းဝတ်စုံတွေ ဝတ်ထားကြတဲ့ ဗီယက်နမ်စက်ရုံ အလုပ်သမားတွေဟာ တရုတ်လူမျိုးတွေပိုင်တဲ့ စက်ရုံတွေရှေ့မှာ အလံတွေကို ဝှေ့ယမ်း မော်တော် ဆိုင်ကယ်တွေ ဟွန်းတီး၊ တရုတ်ဆန့်ကျင်တဲ့ ကြွေးကြော်သံတွေ အော်ဟစ် ဆန္ဒပြခဲ့ကြပါတယ်။
Vietnam-Singapore Industrial Park စက်မှုဇုန်မှာရှိနေတဲ့ အမည်မဖော်လိုသူတယောက်က အခြေအနေဟာ ထိန်းမနိုင်သိမ်းမရ အခြေအနေ ဖြစ်တယ်လို့ VOA ဗီယက်နမ်ဌာနကို ပြောပါတယ်။ တနင်္လာနေ့ထဲက စတင် ဆန္ဒပြခဲ့ကြတာမှာ အင်္ဂါနေ့မှာတော့ တရုတ်လူမျိုးတွေနဲ့ နိုင်ငံခြားသားတွေပိုင်တဲ့ စက်မှုဇုန် ၄ ခုလုံးအထိ ပျံ့နှံ့ ကူးစက် ဆန္ဒပြခဲ့ကြပါတယ်။
လုပ်ငန်းတွေရပ်ဖို့ ငြင်းဆန်တဲ့ စက်ရုံတချို့ဖျက်ဆီးခံရတယ်လို့ စက်မှုဇုန်တခုက အမှုဆောင်အရာရှိတယောက်ရဲ့ အပြောကို AP သတင်းက ကိုးကားဖော်ပြထားပါတယ်။ ရေနက်ရေနံတူးစင်ကို ရေပိုင်နက်အငြင်းပွားနေတဲ့ နေရာမှာ တရုတ်က မေလ ၁ ရက်နေ့ထဲက လာရောက်ထားရှိပြီးနောက် တရုတ်နဲ့ ဗီယက်နမ်သင်္ဘောတွေ တိုက်မိတဲ့ ပြဿနာလည်း ဖြစ်ခဲ့ပါတယ်။
အခုလို တောင်တရုတ်ပင်လယ်ထဲက ရေပိုင်နက်အငြင်းပွားမှုကြောင့် ဖြစ်နေတဲ့ တင်းမာမှုတွေနဲ့ ပတ်သက်လို့ အထူးစိုးရိမ်တဲ့အကြောင်း နေပြည်တော်မှာ လုပ်ခဲ့တဲ့ အာဆီယံထိပ်သီး စည်းဝေးပွဲ ကြေညာချက်ထဲမှာ ထည့်သွင်းဖော်ပြ ခဲ့ပါတယ်။
1 comment:
Visit Free Burma site in Facebook to find out Beijing's plan to colonize Burma.
Post a Comment