အဖြေရှာနိုင်ငံရေးနှင့် ကျနော်

အဖြေရှာနိုင်ငံရေးနှင့် ကျနော်

ဒေါက်တာလွဏ်းဆွေ

အဖြေရှာနိုင်ငံရေးကို စိတ်ဝင်စားသည့် ကျနော် ၂၀၁၃ ခုနှစ် နိုဝင်ဘာ ၃ ရက်နေ့က “ကျနော် တွေ့ဆုံမေးမြန်းခွင့် ရလိုတဲ့ မြန်မာ့နိုင်ငံရေးနယ်ပယ်မှ ပုဂ္ဂိုလ် ၁၆ ဦး” ဆိုသည့် ခေါင်းစဉ်ဖြင့် အဆိုပြုလွှာနှင့် အကူအညီတောင်းခံလွှာဆန်ဆန် ပို့စ်တခု အားလုံးသို့ အသိပေး ရေးသားတင်ဆက်ခဲ့ပါသည်။ အဘယ့်ကြောင့် “အဖြေရှာနိုင်ငံရေး” ကို ကျနော် စိတ်ဝင်တစား လုပ်ဆောင်လိုရသည်လဲဆိုလျှင် ယနေ့မြန်မာ့နိုင်ငံရေးအခြေအနေသည် သမ္မတဦးသိန်းစိန်အစိုးရမှ ပြုပြင်ပြောင်းလဲရေးကို လုပ်ဆောင်နေသည်ဆိုသော်ငြား ရှေ့မတိုးသာ နောက်မဆုတ်သာ အခြေအနေ (Deadlock) တွင် ဖြစ်တည်နေဟု ယူဆမိသောကြောင့် အဆိုပါ Deadlock အခြေအနေမှ လွန်မြောက်ပြီး (အနားယူသွားသော ဗိုလ်ချုပ်မှူးကြီးဟောင်း ဦးသန်းရွှေမှသည် မြန်မာနိုင်ငံသား မောင်ကကြီး၊ မယ်ခခွေး အဆုံး) အားလုံး စိုးရိမ်ကြောင့်ကြမှုကင်းကင်း၊ သံသယရှင်းရှင်းနှင့် ပျော်ပျော်ရွှင်ရွှင်၊ ညီတူညာတူ ရှေ့ဆက်နိုင်သည့် အခြေအနေသို့ ရောက်ရှိရန် အဖြေရှာနိုင်ငံရေးပုံစံတခု လိုကိုလိုအပ်နေသည်ဟု ကျနော့်အနေနှင့် ယုံကြည်လာမိသည့်အလျောက် အဆိုပါ “အဖြေရှာနိုင်ငံရေး” ကို ကျနော် စိတ်ဝင်တစား လုပ်ဆောင်လိုမိခြင်းဖြစ်ပါသည်။

အဆိုပါပို့စ်အား ဖတ်မိခဲ့သူများက ကျနော့်အား “အဖြေရှာနိုင်ငံရေးကို လုပ်ဆောင်ချင်ရအောင် ခင်ဗျားက ဘာမို့လို့လဲ” ဟု တဆက်တစပ်တည်း မေးခွန်းထုတ်ချင်ကြမည်ဟုလည်း ကျနော် တွေးမိပါသည်။ ထိုသို့ တွေးမိသည့်အလျောက် ကျနော်သည် မည်သို့သော ပုဂ္ဂိုလ်ကျော်၊ ပုဂ္ဂိုလ်ထူးမျိုးမှ မဟုတ်ကြောင်း ဦးစွာ စကားပလ္လင်ခံလိုပြီး ကျနော်သည် စစ်မှန်သော ဒီမိုကရေစီလမ်းကြောင်းပေါ်တွင် မြန်မာနိုင်ငံသူနိုင်ငံသားများ ပျော်ပျော်ရွှင်ရွှင် လျှောက်လှမ်းစေချင်သည့်ဆန္ဒဖြင့် ကိုယ်ပိုင်ဘလော့တခုကို ဖိအားတစုံတရာမရှိဘဲ လွတ်လွတ်လပ်လပ် လုပ်ကိုင်တင်ဆက်နေသော မြန်မာ့နိုင်ငံရေးစိတ်ဝင်စားသူ မီဒီယာသမားတဦးမျှသာ ဖြစ်ပါကြောင်း အရှိကိုအရှိအတိုင်း ပြောကြားလိုပါသည်။

ထိုသို့ မြန်မာ့နိုင်ငံရေးကို စိတ်ဝင်စားသည့် သာမန်ပုဂ္ဂိုလ်မျှသာဖြစ်သော်လည်း မြန်မာ့နိုင်ငံရေးတွင် Deadlock ဖြစ်နေသော အခြေအနေများကို တွေ့ရှိလာပြီး “အဖြေရှာနိုင်ငံရေး” လုပ်ဖို့ လိုကိုလိုအပ်သည်ဟု စိတ်ကူးမိလာသည့်အလျောက် ကိုယ်စွမ်းကိုယ်စရှိသမျှ ပါဝင်ဆောင်ရွက်လိုသည့်ဆန္ဒ ဖြစ်ပေါ်လာရင်း လွတ်လပ်သည့် မီဒီယာသမားတဦးဖြစ်သော ကျနော်က အဆိုပါ အဆိုပြုလွှာနှင့် အကူအညီတောင်းခံလွှာဆန်ဆန် ပို့စ်ကို အသိပေးတင်ဆက်ခဲ့ခြင်းဖြစ်ပါသည်။

ယနေ့မြန်မာနိုင်ငံတွင် တိုင်းရင်းသားပြည်သူအားလုံး စိုးရိမ်ကြောင့်ကြမှုကင်းကင်း၊ သံသယရှင်းရှင်းနှင့် ပျော်ပျော်ရွှင်ရွှင်၊ ညီတူညာတူ ရှေ့ဆက်နိုင်သည့် နိုင်ငံရေးအခင်းအကျင်းတရပ်သို့ ရောက်ရှိနိုင်ရေးအတွက် အမျိုးသားပြန်လည်သင့်မြတ်ရေးနှင့် ပြည်တွင်းငြိမ်းချမ်းရေးကို စစ်စစ်မှန်မှန် လုပ်ဆောင်နိုင်ဖို့ အထူးအရေးကြီးနေသည်မှာ အားလုံးအသိပင်ဖြစ်ပါသည်။ ထိုသို့ အထူးအရေးကြီးနေသော်လည်း ဦးသိန်းစိန်အစိုးရနှင့် ဒီမိုကရေအင်အားစုများအကြား မြန်မာ့တပ်မတော်နှင့် တိုင်းရင်းသားလက်နက်ကိုင်အင်အားစုများအကြား ကြိုးပမ်းဆောင်ရွက်နေကြသော အမျိုးသားပြန်လည်သင့်မြတ်ရေးနှင့် ပြည်တွင်းငြိမ်းချမ်းရေးလုပ်ငန်းစဉ်များမှာ ရှေ့မတိုး နောက်မဆုတ်သာ (Deadlock) အခြေအနေတွင် ရောက်ရှိနေသည်ဟု ကျနော့်အနေနှင့် ရိုးရိုးသားသား ရှုမြင်မိပါသည်။ ထိုသို့ Deadlock ဖြစ်နေရခြင်းတွင် အဓိက လက်သည်တရားခံသည် ၂၀၀၈ ဖွဲ့စည်းပုံအခြေခံဥပဒေ ဖြစ်နေသည်ကိုလည်း ထင်ထင်ရှားရှား တွေ့မြင်နေရပေသည်။

ဦးသိန်းစိန်အစိုးရ၊ မြန်မာ့တပ်မတော်နှင့် လွှတ်တော်အတွင်း အမတ်နေရာအများစု ရယူထားသော ကြံ့ခိုင်ဖွံ့ဖြိုးရေးပါတီတို့က ၂၀၀၈ ဖွဲ့စည်းပုံအခြေခံဥပဒေကို အနည်းအကျဉ်း ပြင်ဆင်ရုံမှအပ ရှိရင်းစွဲအတိုင်း ဆက်လက်ဆုပ်ကိုင်ထားလိုကြပြီး တိုင်းရင်းသားလက်နက်ကိုင်အင်အားစုများ၊ အဓိကအတိုက်အခံပါတီ NLD၊ ဒီမိုကရေစီအင်အားစုများနှင့် ပြည်သူလူထုအများစုက ဖက်ဒရယ်ပြည်ထောင်စုဖွဲ့စည်းရေး၊ ဒီမိုကရေစီစံနှုန်းစံထားများနှင့် မကိုက်ညီသည့် ၂၀၀၈ ဖွဲ့စည်းပုံအခြေခံဥပဒေပါ အချက်အလက်အားလုံးကို ပြင်ဆင်လိုသည့်အပေါ် သဘောထားကွဲလွဲနေကြရင်း ရှေ့မတိုး နောက်မဆုတ်သာ (Deadlock) အခြေအနေတွင် ရောက်ရှိနေခြင်းဖြစ်ပါသည်။ မကြာမတင်သော ကာလတွင် နှစ်ဘက်ထိပ်တိုက်တွေ့ကြရင်း အနိဌာရုံဖြစ်ရပ်ဆိုးများနှင့် ထပ်မံကြုံတွေ့ရနိုင်သည့် အခြေအနေတွင် ဆိုက်ရောက်နေသည်ဟုလည်း ထင်မြင်မိပါသည်။

ကျနော့်အနေနှင့်မူ အဆိုပြုခဲ့သည့် ပုဂ္ဂိုလ် ၁၆ ဦးကို အချိန်လုံလုံလောက်လောက် တွေ့ဆုံမေးမြန်းခွင့် ရရှိခဲ့လျှင် မြန်မာပြည်သူလူထု သွေးထွက်သံယိုဖြစ်မှုများ ထပ်မံမကြုံတွေ့ရဘဲ နှစ်ဘက်သဘောတူ လက်ခံနိုင်သည့် အနေအထားနှင့် အဆိုပါ Deadlock အခြေအနေကို လွန်မြောက်နိုင်သည့် ပြဿနာဖြေရှင်းနည်းလမ်းစများ ပေါ်ထွက်လာမည်ဟု ယုံကြည်ထားသည့်အလျောက် အဆိုပါ အဖြေရှာနိုင်ငံရေးပို့စ်ကို တင်ဆက်အကူအညီတောင်းခံခဲ့ခြင်းဖြစ်ပါသည်။

အားလုံးသို့လေးစားစွာဖြင့် …
ဒေါက်တာလွဏ်းဆွေ
ည ၁၁း၂၄ နာရီ
၁၄-၁၁-၂၀၁၃