ကြံ့ဖွံ့အစိုးရ ပစ်လိုက်တဲ့ မျိုးစောင့်ဥပဒေဆိုတဲ့ ခဲတလုံး

ကြံ့ဖွံ့အစိုးရ ပစ်လိုက်တဲ့ မျိုးစောင့်ဥပဒေဆိုတဲ့ ခဲတလုံး

တူမောင်ညို

“လူမျိုးရေး၊ ဘာသာရေး သွေးခွဲ ရန်တိုက်ပေးမှု” ဆိုတာ နယ်ချဲ့သမားနဲ့ ဖောက်ပြန်တဲ့ အုပ်စိုးသူများအတွက် မရိုးနိုင်တဲ့ ထိရောက်မှုအရှိဆုံး လက်သုံးနည်းတခုသာ ဖြစ်ပါတယ်။

ပြင်းထန်သည်းသန်လာတဲ့ ပြည်သူလူထုရဲ့ အထွေထွေမကျေနပ်မှု ဦးတည်ချက်ကို ရည်ရွယ်ချက် လွဲမှားသွေဖီသွားစေပြီး ဖရိုဖရဲ ပြိုကွဲသွားစေဖို့တွက် ဒီနည်းကို သုံးလေ့ရှိတယ်။ သုံးမြဲဖြစ်တယ်။ ဒီနည်းနဲ့ သူတို့ရင်ဆိုင်နေရတဲ့ အကြပ်အတည်းကနေ ယာယီ ထွက်ပေါက်ရှာလေ့ရှိတယ်။ သူတို့ ယာယီ ထွက်ပေါက်ရဖို့ ပြည်သူများရဲ့ အသက်သွေးနဲ့ စည်းစိမ်းဥစ္စာတွေကို ပက်ပက်စက်စက် စတေးလေ့ရှိတာပါပဲ။

ယနေ့(ဗိုလ်)ဦးသိန်းစိန်ကြံ့ဖွံ့အစိုးရအနေနဲ့ တဖြည်းဖြည်း ပြင်းထန်သည်းသန်လာနေတဲ့ ပြည်သူလူထုရဲ့အထွေထွေမကျေနပ်မှုမြားဦး လမ်းလွဲပျက်ပြားသွားစေဖို့နဲ့ ဖရိုဖရဲ ပြိုကွဲသွားစေဖို့အတွက် “လူမျိုးရေး၊ ဘာသာရေး သွေးခွဲ ရန်တိုက်ပေးမှု” တွေကို ပြောင်ပြောင်တင်းတင်း လုပ်ဆောင်နေတာ တွေ့မြင်နိုင်ပါတယ်။

“မျိုးစောင့်ဥပဒေ” ဆိုတာရဲ့ တကယ့်ရည်ရွယ်ချက်ကို မြင်တဲ့အတိုင်း ရှင်းရှင်းဘွင်းဘွင်း ပြောရမယ်ဆိုရင် ဘုန်းကြီးအချို့ကို အသုံးချပြီး ဒေါ်အောင်ဆန်းစုကြည်နဲ့ ဒီချုပ်ကို ပစ်မှတ်ထားတိုက်ခိုက်တဲ့ ကြံ့ဖွံ့အစိုးရနဲ့ ခရိုနီတွေရဲ့ တိုက်ကွက်တွေထဲက တိုက်ကွက်တခုလည်းဖြစ်ပါတယ်။ ၂၀၁၅ ရွေးကောက်ပွဲကို မျှော်မှန်းပြီး တိုက်နေတာလည်းဖြစ်တယ်။

ဒီလုပ်ရပ်ရဲ့နောက်ကွယ်မှာ ကြံ့ဖွံ့အစိုးရနဲ့ ခရိုနီတွေ ပါဝင်နေတယ်။ ခရိုနီတွေ ပါဝင်တော့ ခရိုနီတွေ ပိုင်ထားတဲ့ သို့မဟုတ် ကိုင်ထားတဲ့ မီဒီယာတွေလည်း သဘာဝကျစွာ ပါလာပါတယ်။ ဒါ့ပြင် “ဘုန်းကြီး” တွေလည်း ထဲထဲဝင်ဝင် ပါဝင်ပတ်သက်နေတယ်။ အဲဒီအထဲမှာ “ဝီ - ဂူ - ဝါ” ကိုယ်တော်တို့ဟာ ရှေ့တန်းက ပါနေကြတယ်။ အဲဒီနောက်တော်ပါး အကြိုအကြားမှာ ဦးခင်မောင်ဆွေ၊ ဒေါက်တာသန်းငြိမ်းတို့ရဲ့ NDF ပါတီနဲ့ ခွန်ထွန်းဦး၊ စိုင်းညွန့်လွင်တို့ရဲ့ SNLD (ကျားခေါင်းပါတီ) တို့ “မျှော”လိုက်သွားကြတယ်။ နောင်မှာ သူတို့ နောင်တတွေ တပွေ့ကြီး ရပါလိမ့်မယ်။

“Time မဂ္ဂဇင်း ကန့်ကွက်ချက်” ဆိုသည်မှာ “မျိုးစောင့်ဥပဒေ” အပေါ် ကြံ့ဖွံ့ပါတီနဲ့ ကြံ့ဖွံ့အစိုးရတို့က အားပေးထောက်ခံခြင်းကို ဗြောင်ဖော်ပြလိုက်ခြင်းသာဖြစ်တယ်။ “မျိုးစောင့်ဥပဒေ” ဆိုတာ တချိန်က ဝန်ကြီးချုပ် ဦးနုရဲ့ “နိုင်ငံတော်ဘာသာလှုပ်ရှားမှု” ကို ကြံ့ဖွံ့ပါတီက ကြံ့ဖွံ့နည်းကြံ့ဖွံ့ဟန်နဲ့ ဖော်ထုတ်လာမှုရဲ့ ကနဦး ခြေလှမ်းပဲ ဖြစ်ပါတယ်။ စစ်အာဏာရှင်စနစ်၊ မဟာဗမာလူမျိုးကြီးဝါဒနဲ့ ဖိနှိပ်ခဲ့တဲ့ အဆက်ဆက်သော အုပ်စိုးသူများဟာ ပုန်းရှိုးကွယ်ရှိုး ကိုင်တွယ်ကျင့်သုံးခဲ့ကြတဲ့ “ဘာသာကြီးဝါဒတင်းပုတ်”ကို ယခုအခါ ဗြောင်ကိုင်ဆောင်လာဖို့ ကြိုးပမ်းလာပြီ ဖြစ်ပါတယ်။

ဒီလို ဖက်ဆစ်ဆန်တဲ့ ခြေလှမ်းကို ဒီမိုကရေစီပါတီ/တိုင်းရင်းသားပါတီတွေဖြစ်တဲ့ NDF နဲ့ SNLD တို့ မြင်အောင်ကြည့်နိုင်စွမ်း ဘာကြောင့်များ ချို့တဲ့ရတာပါလိမ့်။ ဆန့်ကျင်နိုင်စွမ်း မရှိရတာ ဘာကြောင့်ပါလဲ။

“စစ်တပ်က အမျိုးသားနိုင်ငံရေး ဦးဆောင်မှု အခန်းကဏ္ဍ”ကို ထာဝစဉ် မောင်ပိုင်စီးထားနိုင်တဲ့ အခြေခံအောက်မှာ၊ “မျိုးစောင့် ဥပဒေ” ဖော်ထုတ်လှုပ်ရှားလာပြီ။ နောင်မှာ “နိုင်ငံတော်ဘာသာ/နိုင်ငံတော်သာသနာ” ဆိုတဲ့ လှုပ်ရှားမှုတွေက တလှမ်းပြီး တလှမ်း ခြေချမလာဘူးလို့ ဘယ်သူပြောနိုင်သလဲ။ ဦးနုရဲ့“နိုင်ငံတော်ဘာသာ” အကျိုးဆက်အဖြစ် ခရစ်ယာန်ဘာသာ အများစု ကိုးကွယ်ကြတဲ့ ကချင်တိုင်းရင်းသားတွေထဲကနေ “ကေအိုင်အိုလှုပ်ရှားမှု” ပေါ်ထွက်လာခဲ့ခြင်းဖြစ်ပါတယ်။

ဘုန်းကြီးတွေကို ကိုင်ထားနိုင်ရင် လာမယ့် ရွေးကောက်ပွဲတွေမှာ ဘုန်းကြီးတွေရဲ့ တပည့် ဒကာဒကာမတွေရဲ့ “မဲတပြား” ကို ချုပ်ကိုင်ရတာ ပိုပြီး လွယ်ကူလိမ့်မယ်ဆိုတဲ့ တနပ်စားတွက်ကိန်းနဲ့ စဉ်းစားလုပ်ဆောင်ခဲ့ပုံလည်း ပေါ်ပါတယ်။

မြန်မာနိုင်ငံဟာ လူမျိုးပေါင်းစုံ နေထိုင်ပိုင်ဆိုင်ပြီး လူမျိုပေါင်းစုံပြည်သူများဟာ မိမိနှစ်သက်ရာ ဘာသာအယူဝါဒကို ကိုးကွယ်ယုံကြည်နေကြသူတွေ ဖြစ်ပါတယ်။ ဘာသာတခုကို လူများစုက ကိုးကွယ်တယ်ဆိုပြီး တဖက်သတ် ချီးမြှောက်ခြင်းဟာ ကျန်ဘာသာ သာသနာ ကိုးကွယ်ယုံကြည်သူများကို ခွဲခြား၊ နှိမ့်ချ၊ စော်ကားလိုက်တာလည်း ဖြစ်ပါတယ်။

ဒီတိုက်ကွက်ကို ဖော်ထုတ်ဖို့ ကြံ့ဖွံ့အစိုးရဟာ ရခိုင်ပြည်နယ် ကျောက်နီမော်ရွာကနေ စပြီး မိထ္ထီလာ/ဥက္ကံ အလယ် လားရှိုးနဲ့ မလေးရှား အဆုံး ပြည်သူတွေရဲ့ အသက်တွေသွေးတွေကို စတေးခဲ့တာ ဖြစ်ပါတယ်။

ဗိုလ်ရွှေမန်းက “၉၆၉ တွေကို အရေးယူမယ်” လို့ အမေရိကန်ခရီးစဉ်မှာ ပြောခဲ့ပေမယ့် လက်တွေ့မှာ ဘာမှ ဖြစ်မလာခဲ့ဘူး။ အမေရိကန်မှာ ကျွံသွား/လွန်သွားတဲ့ ဗိုလ်ရွှေမန်းပါးစပ်ကို ဗိုလ်အောင်သောင်းက ခရူးရှာ့ရှူးဖိနပ်နဲ့ ပိတ်ဆို့ ပတ်ကြမ်းတိုက်“ပြ”လိုက်တာပဲ။ အတိုင်အဖောက်ညီညီ ဗိုလ်ရွှေမန်းကလည်း“နောက်ပြန်လှည့်သူတွေ ချေမှုန်းမယ်”လို့ လက်သီးလက်မောင်းတန်း“ပြ”လိုက်တယ်။ တကယ်တော့ ဗိုလ်အောင်သောင်း အပြောတွေက “၉၆၉ တွေကို အရေးယူမယ်” လို့ ဗိုလ်ရွှေမန်းပြောခဲ့တဲ့ကိစ္စကို အာရုံပြောင်းလိုက်တာပဲဖြစ်တယ်။ ဗိုလ်ရွှေမန်းကို အဖတ်ဆယ်ပေးလိုက်တာသာဖြစ်တယ်။

ဒီလိုနဲ့ “၉၆၉” နဲ့ ပတ်သက်လို့ ဘာသံမှ မကြားရတော့ဘူး။ အသံမကြားရတော့ဘူး ဆိုတာ “၉၆၉” ကို “ချို” ထားလိုက်တာဖြစ်တယ်။ လောလောဆယ် “၉၆၉” မလိုသေးဘူး။ “မျိုးစောင့်ဥပဒေ”ဆိုတာနဲ့ အညှာကိုင်ထားနိုင်ပြီဖြစ်တယ်။ သံဃာထုကို ၂ ဂိုဏ်းခွဲ လိုက်နိုင်ပြီလည်းဖြစ်တယ်။ “မျိုးစောင့်ဥပဒေ”ကို မထောက်ခံရင် ဗုဒ္ဓဘာသာမဟုတ်ဘူးတဲ့။ “မျိုးစောင့်ဥပဒေ” ကို ဆန့်ကျင့်တဲ့ လူ/ ပါတီ မှန်သမျှ ၂၀၁၅ မှာ မြစ်ထဲကနေ ပင်လယ်ထဲရောက်သွားမယ်တဲ့။ ကျနော်တို့ လူမျိုးပေါင်းစုံပြည်သူများဟာ “ကျားဆိုးရောရှင်ကြီးဆိုး” ကိုပါ တပြိုင်နက် ရင်ဆိုင်နေရပါပြီ။ လူမျိုးပေါင်းစုံပြည်သူများ၊ ဒီမိုကရေစီနိုင်ငံရေးပါတီများ၊ ဒီမိုကရေစီနဲ့ လူ့အခွင့်အရေးကို ပြည့်ပြည့်ဝဝ ယုံကြည်နားလည်သူများအနေနဲ့ “မျိုးစောင့်ဥပဒေ” ဆိုတာကို သန္ဓေသားဘဝမှာတင် တစိတ်တည်းတဝမ်းတည်း ပြတ်ပြတ်သားသား ဆန့်ကျင်ဖို့ အရေးတကြီး လိုအပ်နေပြီဖြစ်ပါကြောင်း ပန်ကြားလိုက်ပါတယ်။

တူမောင်ညို
၂၀၁၃ ခုနှစ်၊ ဇွန်လ ၂၉ ရက်