Monday, November 5, 2012

KIO ငြိမ်းချမ်းရေးအဖွဲ့ခေါင်းဆောင် ပညာရေးဌာနတာဝန်ခံ ဦးဆွမ်လွတ်ဂမ်နှင့် တွေ့ဆုံးမေးမြန်းခြင်း

KIO ငြိမ်းချမ်းရေးအဖွဲ့ခေါင်းဆောင် ပညာရေးဌာနတာဝန်ခံ ဦးဆွမ်လွတ်ဂမ်နှင့် တွေ့ဆုံးမေးမြန်းခြင်း
Messenger News Journal (Monday, Nov 5, 2012)

အရပ်သားအစိုးရအဖွဲ့လက်ထက်တွင် ပထမဦးဆုံး တရားဝင်ပြုလုပ်ခဲ့သည့် ပြည်ထောင်စုငြိမ်းချမ်းရေးဖော်ဆောင်ရေးအဖွဲ့ လုပ်ငန်းကော်မတီနှင့် ကချင်လွတ်မြောက်ရေးအဖွဲ့ KIO တို့၏ ငြိမ်းချမ်းရေးတွေ့ဆုံဆွေးနွေးပွဲကို အောက်တိုဘာလ ၃ဝ ရက်က ရွှေလီမြို့၊ ကျင့်ချိန်ဟိုတယ်၌ ကျင်းပပြုလုပ်ခဲ့သည်။ မြန်မာအစိုးရဘက်မှ သမ္မတရုံးဝန်ကြီး ဦးအောင်မင်း ဦးဆောင်၍ ပတ်ဝန်းကျင်ထိန်းသိမ်းရေးနှင့်သစ်တောရေးရာဝန်ကြီးဌာန ပြည်ထောင်စုဝန်ကြီး ဦးဝင်းထွန်း၊ သမဝါယမဝန်ကြီးဌာန ပြည်ထောင်စုဝန်ကြီး ဦးအုန်းမြင့်၊ မပခ (တိုင်းမှူး) ဗိုလ်မှူးချုပ် ထွန်းထွန်းနောင်၊ ရမခ(တိုင်းမှူး) ဗိုလ်မှူးချုပ် အောင်စိုး၊ ကချင်ပြည်နယ်ဝန်ကြီးချုပ် ဦးလဂျွန်ငန်ဆိုင်း၊ ရှမ်းပြည်နယ်ဝန်ကြီးချုပ် ဦးစပ်အောင်မြတ်၊ ဒုတိယရှေ့နေချုပ် ဦးထွန်းထွန်းဦး အပါအဝင် အဖွဲ့ဝင် ၁၂ ဦး ပါဝင်လာခဲ့ပြီး KIO ဘက်မှ ပညာရေးဌာနတာဝန်ခံ ဦးဆွမ်လွတ်ဂမ် ဦးဆောင်၍ ဦးခွန်ဆိုင်း၊ ဦးဇော်တောင်၊ ဦးခွန်နောင်၊ ဦးလပိုင်လ၊ ဦးဇော်နောင်၊ ဦးဂျီးနောင်၊ ဦးနော်ထွယ်နှင့် ဦးဆိင်းခေါတို့ တက်ရောက်လာခဲ့ကြသည်။

တွေ့ဆုံဆွေးနွေးပွဲ မကျင်းပမီက နှစ်ဘက်တပ်များကိစ္စကို ဦးစားပေး ဆွေးနွေးမည်ဟု သတင်းများ ထွက်ပေါ်လာခဲ့သော်လည်း KIO ဘက်မှ ဗိုလ်ချုပ် ဂွမ်မော် တက်ရောက်လာခဲ့ခြင်း မရှိသလို မြန်မာအစိုးရဘက်မှလည်း ကာကွယ်ရေးဝန်ကြီးဌာနမှ ဒုတိယဗိုလ်ချုပ်ကြီး မြင့်စိုးကလည်း တွေ့ဆုံပွဲသို့ လာရောက်ခြင်းမရှိခဲ့ဘဲ မူဆယ်မြို့တွင် နေရစ်ခဲ့သည်။ ဆွေးနွေးပွဲရလဒ်အဖြစ် KIO ဘက်မှ တွေ့ဆုံဆွေးနွေးပွဲ အဆက်ဆက်တွင် အစဉ်တစိုက် တောင်းဆိုလာခဲ့သော နိုင်ငံရေးအရ တွေ့ဆုံဆွေးနွေးပွဲများ ပြုလုပ်ရန် ကိစ္စကို အစိုးရဘက်မှ သဘောတူညီခဲ့သော်လည်း လက်ရှိဖြစ်ပွားနေသော စစ်ရေးအရှိန်များ လျှော့ချရေးနှင့် ပတ်သက်၍မူ ဆွေးနွေးနိုင်ခြင်းမရှိခဲ့ပေ။

လာမည့် ငြိမ်းချမ်းရေးဆွေးနွေးပွဲများနှင့်ပတ်သက်၍ KIO ငြိမ်းချမ်းရေးအဖွဲ့ခေါင်းဆောင်၊ ပညာရေးဌာနတာဝန်ခံ ဦးဆွမ်လွတ်ဂမ်နှင့် တွေ့ဆုံးမေးမြန်းထားသည်များကို ဖော်ပြလိုက်ပါသည်။

မေး ။ ။ အခုတွေ့ဆုံဆွေးနွေးပွဲမှာ ဗိုလ်ချုပ် ဂွမ်မော် မပါလာနိုင်တာ ဘာကြောင့်လဲ။

ဖြေ ။ ။ ဒါက ကျွန်တော်တို့ကို အခုအစိုးရက ထိုးစစ်ဆင်နေတာလေ။ သူက ခေါင်းဆောင်ဆိုတော့ ကြီးကြပ်ကွပ်ကဲတာတွေ လုပ်နေရတော့ တာဝန်က များတယ်။ ဒါကြောင့် မအားမလပ်ဖြစ်ပြီးတော့ မရောက်နိုင်တာပါ။

မေး ။ ။ KIO ဘက်က အပစ်အခတ်ရပ်စဲရေး လုပ်စရာ မလိုတော့ဘူး။ နိုင်ငံရေးဆွေးနွေးပွဲပဲ လုပ်မယ်လို့ ပြောနေတာရှိတယ်လေ။ နိုင်ငံရေးတွေ့ဆုံဆွေးနွေးမှုဆိုတာ ဘာကို ပြောတာလဲ။ ဘယ်အချက်တွေကို အဓိက ဆွေးနွေးမှာလဲ။

ဖြေ ။ ။ နိုင်ငံရေးတွေ့ဆုံဆွေးနွေးပွဲဆိုတာ ကျွန်တော်တို့ KIO ဘက်က လိုချင်တာကတော့ တိုင်းရင်းသားလူမျိုးစုတွေကို ကိုယ်ပိုင်ပြဌာန်းခွင့်၊ ဖက်ဒရယ်ပေးဖို့ အဓိက ပါပဲ။ ကိုယ့်လူမျိုးတွေကို ကိုယ်အုပ်ချုပ်ဖို့ အဓိက က ဒါပဲ။

မေး ။ ။ ကိုယ်ပိုင်ပြဌာန်းခွင့်ဆိုတာနဲ့ ပတ်သက်ပြီး ဒီထက်ပိုပြီး ရှင်းပြပေးပါလား။ အခု ကချင်ပြည်နယ် ဝန်ကြီးချုပ်ကလည်း ကချင်လူမျိုးပဲလေ။ ပြီးတော့ လွှတ်တော်မှာလည်း ကချင်လွှတ်တော်အမတ်တွေ ရှိနေတာပဲ။

ဖြေ ။ ။ ဒါက ကိုယ်ပိုင်ပြဌာန်းခွင့် မဟုတ်ဘူးလေ။ ဒါက သူတို့ လုပ်ထားတဲ့ ဥပဒေအရ သူတို့ဥပဒေနဲ့ အုပ်ချုပ်တာပေါ့။ ကျွန်တော်တို့ အခုလိုချင်တာက ကိုယ့်ပြည်နယ်ရဲ့ ဥပဒေကို ကိုယ်ပြဌာန်းပြီးတော့ အုပ်ချုပ်မှာပေါ့။

မေး ။ ။ အခု တွေ့ဆုံဆွေးနွေးပွဲမှာရော ဘယ်လိုအောင်မြင်မှုတွေ ရခဲ့တယ်လို့ ယူဆပါသလဲ။

ဖြေ ။ ။ ကျွန်တော်တို့ တောင်းဆိုထားတဲ့ နိုင်ငံရေးတွေ့ဆုံ ဆွေးနွေးပွဲကို လုပ်မယ်ဆိုတာ သဘောတူတယ်ဆိုတဲ့အကြောင်း ပြောတာပေါ့။ ဒါက တစ်ဆင့်အောင်မြင်တယ်ပေါ့။ အရင်က ဒီလို မပြောဘူးလေ။ ဒါကြောင့် အခု ဒီလို ပြောတာတော့ အနည်းငယ် အောင်မြင်တယ်လို့ ပြောနိုင်တာပေါ့။

မေး ။ ။ တပ်မတော်အစိုးရလက်ထက်က လုပ်ခဲ့တဲ့ ဆွေးနွေးပွဲတွေနဲ့ အခု အရပ်သားအစိုးရအဖွဲ့လက်ထက်မှာ လုပ်တဲ့ ဆွေးနွေးပွဲ ဘာများကွာခြားတာ တွေ့ရပါသလဲ။

ဖြေ ။ ။ အရင်ကတော့ စစ်အစိုးရဆွေးနွေးပွဲဆိုတော့ ဒီလို ပြောတာတွေ မရှိဘူး။ စစ်အမိန့်နဲ့ပဲ။ ရရမယ်ဆိုရင် ရကို ရရမယ်။ သွားပြောပြရုံပဲလေ။ စစ်အစိုးရလက်ထက်က ဆွေးနွေးပွဲဆိုတာကတော့ သူတို့ပြောတာကို လိုက်နာရမယ်။ သူတို့ပြောတဲ့အတိုင်း လုပ်ရမယ်။ ဆန္ဒကိုထုတ် ဖော်ခွင့်မရှိဘူး။ ကွာတာပေါ့။ အခုကတော့ တပိုင်းတစတော့ ထုတ်ဖော်ပြောခွင့်ရလာတာပေါ့လေ။ လူတွေအားလုံး ပြောခွင့်ရတယ်။

မေး ။ ။ နောက်လာမယ့် ဆွေးနွေးပွဲတွေကို ဗန်းမော် (သို့မဟုတ်) မူဆယ်မှာလုပ်ဖို့ ဝန်ကြီးဦးအောင်မင်းက တောင်းဆိုထားတဲ့အပေါ်မှာရော KIO ဘက်က ဘယ်လိုသဘောထားရှိလဲ။

ဖြေ ။ ။ ဒါက မပြောနိုင်သေးဘူး၊ ကျွန်တော်တို့ စဉ်းစားရဦးမယ်။ ဆွေးနွေးပွဲလုပ်မယ့်နေရာကတော့ အခု ဒီတရုတ်ပြည်လို နိုင်ငံခြားတနေရာရာမှာပဲ ကောင်းတယ်။ နောက်ပြီး ဘယ်မှာဖြစ်ဖြစ်၊ လွတ်လပ်တဲ့နေရာပေါ့။ ဖိနှိပ်ချုပ်ချယ်ထားတာ၊ ကန့်သတ်ထားတာ။ အမျိုးမျိုးပေါ့လေ။ အမျိုးမျိုး Pressure ပေးထားတာမျိုး မလုပ်ချင်ဘူး။

မေး ။ ။ အခု ဆွေးနွေးပွဲကြောင့် လက်ရှိဖြစ်ပွားနေတဲ့ တိုက်ပွဲအရှိန်တွေ လျော့ကျသွားနိုင်မလား။

ဖြေ ။ ။ ဒါကတော့ မပြောနိုင်သေးဘူး။ ဒါက တိုက်ပွဲအရှိန်လျော့ဖို့ ဆွေးနွေးတာလည်းမဟုတ်ဘူး။ တိုက်ပွဲဆိုတာကလည်း သူတို့တပ်မတော်ကပဲ တိုက်နေတာဆိုတော့။ အမြဲတမ်း ပြောတယ်လေ။ အမြဲတမ်းပဲ တိုက်ပွဲအရှိန်လျှော့ရအောင်ဆိုတော့ မလျှော့ဘူးလေ။ ကျွန်တော်တို့ KIO ဘက်ကတော့ သူတို့မလာရင် မပစ်ဘူး။ ပစ်စရာမှ မရှိတာ။ သူတို့လာပစ်မှ ပစ်တာ။ ကျွန်တော်တို့ ပြည်နယ်ကို သူတို့တက်လာတာကိုး။ အဲဒါပဲ။ သူတို့လျှော့ရင် စစ်ပွဲတော့ မရှိတော့ဘူး။

မေး ။ ။ နောက်တစ်ကြိမ် ဆွေးနွေးပွဲမှာရော ဗိုလ်ချုပ်ဂွမ်မော်တို့လို အရေးပါတဲ့ ထိပ်ပိုင်းခေါင်းဆောင်တွေ တက်ရောက်မှာလား။

ဖြေ ။ ။ ဒါကတော့ အခြေအနေပေါ်မှာ မူတည်တယ်။ တိုင်းပြည်ရဲ့ အခြေအနေပေါ်မှာ မူတည်ပါတယ်။

မေး ။ ။ ဦးသိန်းစိန်အစိုးရအပေါ်မှာရော KIO အနေနဲ့ ဘယ်လိုမြင်ပါသလဲ။

ဖြေ ။ ။ ဦးသိန်းစိန်အစိုးရကတော့ သူတို့အခြေခံဥပဒေနဲ့သူ အုပ်ချုပ်နေတာပေါ့။ အဲဒီအခြေခံဥပဒေကို ကျွန်တော်တို့က လက်မခံဘူး။

(Jade Land ဖေ့စ်ဘွတ်ခ်စာမျက်နှာမှ ကူးယူဖော်ပြသည်။)

2 comments:

Wut Mon said...

ကေအိုင် အိုရဲ့ ပညာရေးဌာနတာဝန်ခံတဲ့ ပြောတဲ့စကားတွေက
ပညာတက်မစံလိုက်တာ။ နိုင် ငံရေးကိုကြိုးစားလေ့လာပါအုံး

Yangonster said...

KIO is the one who participated in national convention to draft this constitution, now they are telling that they do not accept it. What a nonsense..........