ပွင့်လင်းလူ့အဖွဲ့အစည်းတဲ့လား ... ဘယ်သူတွေအတွက် ဖွင့်မှာလဲ
Watote
မကြာသေးခင်က မြန်မာနိုင်ငံကို ကမ္ဘာကျော် ရင်းနှီးမြှုပ်နှံသူ ဂျော့ဆိုးရက်စ လာရောက်သွားပြီး လွတ်လပ်ရေးဖခင် ဗိုလ်ချုပ်အောင်ဆန်းနာမည်နဲ့ ဖောင်ဒေးရှင်းတွေကို ပိုက်ဆံစိုက်ပြီး ဖွင့်ပေးမယ် ဆိုတဲ့ သတင်း သိုးသိုးသန့်သန့် ကြားလိုက်ရတယ်။ သိပ်မကြာဘူး၊ မကြာခင်က ပြန်လွတ်လာတဲ့ ၈၈ ကျောင်းသားခေါင်းဆောင်တချို့က ပွင့်လင်းလူ့အဖွဲ့အစည်းဆိုတဲ့ နာမည်နဲ့ အင်ဂျီအို တခုထောင်မယ့် သတင်းကိုပါ နောက်ဆက်တွဲ ကြားရတယ်။ ဂျော့ဆိုးရက်စ ခရီးစဉ်နဲ့ ၈၈ ကျောင်းသားတချို့ရဲ့ ပွင့်လင်းလူ့အဖွဲ့အစည်း အင်ဂျီအိုအသံတွေ မရှေးမနှောင်း ထွက်လာတာ တိုက်ဆိုင်မှုသက်သက်တော့ ဖြစ်ဟန်မတူဘူး။ ဘာပဲဖြစ်ဖြစ် မြန်မာနိုင်ငံကို ၀င်ဖို့ ပြင်နေတဲ့ ရင်းနှီးမြှုပ်နှံသူ ဂျော့ဆိုးရက်စ အကြောင်း ကိုယ့်တိုင်းပြည်အရေးကို စိတ်ဝင်စားသူတွေ သိထားသင့်တယ်လို့ ယူဆတဲ့အလျောက် ယူကေနိုင်ငံက အထင်ကရ မဂ္ဂဇင်းတစောင်ဖြစ်တဲ့ New Statesman ၂၀၀၃ ခုနှစ် ဇွန်လ ၂ ရက်နေ့ထုတ် မဂ္ဂဇင်းမှာ ဖော်ပြထားတဲ့ ဂျော့ဆိုးရက်စ (George Soros) အကြောင်းကို ကောက်နှုတ်တင်ပြလိုက်ပါတယ်။ New Statesman မဂ္ဂဇင်းဟာ ယူကေမှာ သိက္ခာရှိတဲ့ မဂ္ဂဇင်းကြီးတစောင်ဖြစ်ပြီး ဒေါ်အောင်ဆန်းစုကြည်ဟာ ဒီမဂ္ဂဇင်းရဲ့ သူရဲကောင်းဘွဲ့ ချီးမြှင့်ခံရသူဖြစ်တယ်။
*****
ဆိုးရက်စကို ၁၉၉၇ အာရှငွေကြေး အကျပ်အတည်းဆိုက်ချိန်မှာ မလေးရှားရင်းဂစ်ကို ကစားပြီး အကြီးအကျယ် ပွပေါက်တိုးသွားသူအဖြစ် ကျနော်တို့ စသိကြတယ်။ ဒါပေမယ့် သူ့အရင် ဆယ်နှစ်လောက်ကတည်းက ဆိုးရက်စဟာ ပေါင်စတာလင်ကို ကစားရာကနေ ဒေါ်လာသန်းထောင်ချီပြီး အမြတ်ယူနိုင်ခဲ့သူအဖြစ် ကမ္ဘာ့ငွေကြေးဈေးကစားသူလောကမှာ တဟုန်ထိုး ထင်ရှားလာသူဖြစ်တယ်။
ဆိုးရက်စက သူ့ကို ကမ္ဘာတ၀ှမ်း ဗဟိုက ထိန်းချုပ်တဲ့ စီးပွားရေးပုံစံကျင့်သုံးတဲ့ အရှေ့ဥရောပက နိုင်ငံတွေကို အရင်းရှင်စီပွားရေးပုံစံကို ပြောင်းလဲကျင့်သုံးရာမှာ သူဟာ အဓိက အခန်းကဏ္ဍတွေကနေ ပါဝင် philanthropist အဖြစ် မြင်စေချင်တယ်။
သူ့ကိုယ်သူ ဘယ်အစိုးရနဲ့မှ မပတ်သက်တဲ့ လွတ်လပ်တဲ့ အတွေးအခေါ်ရှိသူ၊ အမေရိကန်အစိုးရရဲ့ (military-industrial complex) စစ်လက်နက်ပစ္စည်းနဲ့ ၀န်ဆောင်မှုတွေ ထုတ်လုပ်ရောင်းချတဲ့ လုပ်ငန်းနဲ့ ကင်းကင်းရှင်းရှင်းရှိသူအဖြစ် ပုံဖော်လေ့ရှိတယ်။ ဒါပေမယ့် သူ ဖွဲ့ပေးထားပြီး ပိုက်ဆံထောက်ပံ့နေတဲ့ အင်ဂျီအိုအဖွဲ့အစည်းတွေက ဘုတ်အဖွဲ့ဝင်တွေကို တချက်လောက် ကြည့်ကြည့်။ သူဟာ နယူးယောက်အခြေစိုက် လူ့အခွင့်အရေးလေ့လာစောင့်ကြည့်ရေးအဖွဲ့ (Human Rights Watch) အဖွဲ့ရဲ့ အဓိက အလှူရှင်ဖြစ်ပြီး မနှစ်က ၂၀၁၁ ခုနှစ်ကဆိုရင် လူ့အခွင့်အရေးအဖွဲ့ရဲ့ ဘတ်ဂျက် ဒေါ်လာ ၁၂၈ သန်းမှာ ဆိုးရက်စရဲ့ ထည့်ဝင်ငွေတခုတည်းက ဒေါ်လာ သန်းတရာ ရှိတယ်။ [1] ဒီလူ့အခွင့်အရေးအဖွဲ့ထဲမှာ အမေရိကန်အစိုးရရဲ့ ထောက်လှမ်းရေးနဲ့ သုတေသနဌာန လက်ထောက်ဝန်ကြီးဟောင်း Morton Abramowitz ဆိုသူ ပါတယ်။ သူဟာ ပြည်ပရေးရာတွေမှာ စွက်ဖက်တဲ့ အမေရိကန်အစိုးရရဲ့ နိုင်ငံခြားဆက်ဆံရေးကောင်စီ (Council of Foreign Relations) ရဲ့ အတိုင်ပင်ခံတယောက်ဖြစ်တယ်။ နောက်တခါ ယူဂိုစလားဗီးယားနိုင်ငံ တစစီပြိုကွဲချိန်မှာ ဘဲလဂရိတ်က အမေရိကန်သံအမတ် ၀ါရင်ဇင်မာမန်း (Warren Zimmerman) နဲ့ စီအိုင်အေက ထောင်ပေးပြီး ဆိုးရက်စ ကိုယ်တိုင် ငွေကြေးထောက်ပံ့နေတဲ့ လွတ်လပ်တဲ့ ဥရောပအသံ (Radio Free Europe/ Radio Liberty) စတဲ့ အဖွဲ့အစည်းတွေက ဒါရိုက်တာ ပေါဂိုးဘဲ (Paul Goble) စတဲ့ ပုဂ္ဂိုလ်တွေပါတယ်။ ဆိုးရက်စ ငွေကြေး အဓိကထောက်ပံ့နေတဲ့ နောက်အဖွဲ့တဖွဲ့ကတော့ အိုင်စီဂျီလို့ သိကြတဲ့ ပဋိပက္ခဖြေရှင်းရေးအဖွဲ့ ဖြစ်တယ်။ ဒီအဖွဲ့ရဲ့ ဂေါပကဘုတ်အဖွဲ့မှာ သူကိုယ်တိုင်ပါရုံမက အမေရိကန်အစိုးရရဲ့ အမျိုးသားလုံခြုံရေး အကြံပေးတွေဖြစ်တဲ့ ဘရက်ဇင်းစကီ (Zbigniew Brzezinski) နဲ့ ရစ်ချက်အယ်လင် (Richard Allen) စတဲ့ ပုဂ္ဂိုလ်တွေအပြင် နေတိုးကွန်မင်ဒါ ၀က်စလီကလပ် (Wesley Clark) စတဲ့ ပုဂ္ဂိုလ်တွေပါတယ်။ နောက်ပြီး ၈၈ အရေးအခင်း စဖြစ်ချိန်မှာ မြန်မာနိုင်ငံကို ကသောကမျောရောက်လာတဲ့ ဒီမိုကရက်တစ်ပါတီက အောက်လွှတ်တော်အမတ် စတီဗင်ဂျေဆိုလတ်ဇ (Stephen J Solarz) ဟာ ၁၉၉၄ ကနေ ကနေ့ချိန်ထိ အိုင်စီဂျီရဲ့ အုပ်ချုပ်ရေးကော်မတီမှာ ထိုင်နေသူဖြစ်တယ်။ ဆိုးရက်စရဲ့ အိုင်စီဂျီမှာ နောက်ထင်ရှားတဲ့ ပုဂ္ဂိုလ်တယောက်ကတော့ အီရတ်ကို အမေရိကန်က ကျူးကျော်သိမ်းပိုက်ဖို့ အဓိက လှုံ့ဆော်ခဲ့သူ တယောက်ဖြစ်တဲ့ ကွန်ဆားဗတစ်လက်သစ် နီယိုကွန်း (Neo-cons) လို့ သိကြတဲ့ ပေါဝိုဖိုဝစ်စ (Paul Wolfowtiz) ပဲ။
နောက်တခါ ဆိုးရက်စရဲ့ စီးပွားရေးလုပ်ဖော်ကိုင်ဘက်တွေကို ကြည့်ရင် ကမ္ဘာမှာ အကြီးဆုံး ပုဂ္ဂလိက အစုစပ် ရင်းနှီးမြှုပ်နှံမှုကုမ္ပဏီတွေထဲ တခုအပါအ၀င်ဖြစ်တဲ့ ကာလိုင်းအစု (Carlyle Group) မှာ သူဟာ ဒေါ်လာသန်းရာချီ ရင်းနှီးမြှုပ်နှံထားသူဖြစ်ပြီး ဒီကုမ္ပဏီရဲ့ ၀င်ငွေအများစုဟာ စစ်လက်နက်ပစ္စည်းနဲ့ ၀န်ဆောင်မှုတွေကို ကန်ထရိုက်ယူ လုပ်ရာကနေ လာတာဖြစ်တယ်။ ကာလိုင်းအစုရဲ့ ထင်ရှားတဲ့ ပုဂ္ဂိုလ်တွေထဲမှာ အမေရိကန်သမ္မတဟောင်း ဘုရ်ှအကြီးကောင် (George Bush Senior)၊ ယူကေ ၀န်ကြီးချုပ်ဟောင်း ဂျွန်မေဂျာ (John Major) နဲ့ ဖိလစ်ပိုင်သမ္မတဟောင်း ဖီဒယ်ရားမို့စ (Fidel Ramos) ... စတဲ့ ပုဂ္ဂိုလ်တွေပါတယ်။
ဆိုးရက်စဟာ စီအိုင်အေက လက်သပ်မွေးထားသူ ဟုတ်မဟုတ် မပြောနိုင်ပေမယ့် သူ့ရဲ့ကုမ္ပဏီတွေနဲ့ သူထောင်ပေး၊ ပိုက်ဆံထောက်ပံ့ပေးနေတဲ့ အင်ဂျီအိုတွေဟာ အမေရိကန်အစိုးရရဲ့ နယ်ချဲ့ဝါဒနဲ့ ဘယ်လိုမှ ခွဲခြားလို့မရဘူး ဆိုတာကတော့ တစက်ကလေးတောင် သံသယဖြစ်စရာမရှိဘူး။
ဒီနေရာမှာ တချို့ မျက်မှောင်ကြုတ်မိကောင်း ကြုတ်မိမယ်။ ဘာလို့ဆို ဆိုးရက်စဟာ တချိန်မှာ စစ်သွေးဆာနေတဲ့ တက္ကဆက်က ကောင်းဘွိုင်သမ္မတ George W Bush ကို ဖယ်ရှားရေးဟာ သူ့အတွက် သေရေးရှင်ရေးတမျှ အရေးကြီးတယ်။ GWB ပြုတ်ကျဖို့ စည်းစိမ် ပြုတ်ချင်ပြုတ်ပါစေ ဆိုပြီး ကြွေးကြော်ခဲ့လို့ပဲ။ တကယ်တော့ ဒါက နားလည်ဖို့ မခက်ပါဘူး။ သူဟာ GWB ရဲ့ ရည်ရွယ်ချက်တွေကို မကြိုက်လို့ မဟုတ်ဖူး။ သူတို့ နှစ်ယောက်စလုံးဟာ Pax Americana လို့ သိကြတဲ့ ဆိုးရက်စတို့လို ကမ္ဘာ့အရင်းရှင်ကြီးတွေ တကမ္ဘာလုံးကို စိတ်တိုင်းကျ ဖလှယ်နိုင်မယ့် ကမ္ဘာ့အခင်းအကျင်းမျိုး ဖန်တီးရေးကို လိုလားသူတွေဖြစ်ပြီး တကယ်က GWB ရဲ့ လုပ်နည်းလုပ်ဟန်ကို မကြိုက်တာသာ ဖြစ်တယ်။ ဘုရ်ှအစိုးရက အမေရိကန်တွေအနေနဲ့ ကိုယ့်ရည်ရွယ်ချက် ဘာဆိုတာကို ဘာမှ ဖုံးကွယ်ထားစရာမလိုဘူး။ မင်းတို့ ဈေးကွက်တွေ ဖွင့်ပေး၊ မဖွင့်ပေးရင် ဆက်ဒမ်ဟူစိန်ကို ကြည့်ဆိုတဲ့ မောက်မောက်မာမာ ဆက်ဆံပုံမျိုးနဲ့ ဆိုရင် ကိုယ့်ရည်ရွယ်ချက် ပြည့်မြောက်မှာ မဟုတ်တာကို ဆိုးရက်စ ကောင်းကောင်းသိတယ်။ တဘက်မှာ လူသိခံစရာမလိုဘဲ သူ့ရဲ့အင်ဂျီအိုတွေကတဆင့် ပွင့်လင်းတဲ့ကမ္ဘာရဲ့ နယ်နမိတ်တွေကို တဖြည်းဖြည်းနဲ့ ချဲ့ချဲ့လာနေတဲ့နည်းဟာ ဘယ်လောက် ထိရောက်သလဲဆိုတာ သူ ကောင်းကောင်းသိတာပေါ့။ ဒီတော့ တကမ္ဘာလုံးကို ကြီးစိုးရေး ရည်မှန်းချက်ကို ဂျော့ဘုရ်ှလို ကောင်းဘွိုင်စတိုင်နဲ့ ဖော်ဆောင်ဖို့ မဖြစ်နိုင်ဘူး ဆိုတာ သူ ကောင်းကောင်းသိတာပေါ့။ အမေရိကန်ရဲ့ ရည်မှန်းချက် သိပ်သိသာထင်ရှားလာတဲ့အခါ သူ့ရန်ကို ဟန့်တားဖို့ တန်ပြန်မဟာမိတ်အဖွဲ့တွေ ဖွဲ့လာတဲ့အထိ ဖြစ်လာရင် ဘယ်အင်ပိုင်ယာမဆို ကျဆုံးရမှာ မုချဆိုတာ LSE လန်ဒန် ဘောဂဗေဒပညာသင်ကျောင်းထွက် ဆိုးရက်စတယောက် ကောင်းကောင်းသိတယ်။ ဒီတော့ ကလင်တန်လက်ထက်တုန်းကလို ခြိမ်းခြောက်တဲ့ ပုံစံမပြဘဲ လာဘ်ထိုးတဲ့နည်း၊ ချော့တဲ့နည်း၊ multilateralism နည်းနဲ့ သွားတာက အင်ပိုင်ယာတွေ ပိုပြီး တည်တံ့နိုင်မယ်ဆိုတာ သူ ကောင်းကောင်းသိတယ်။ ဘုရ်ှအစိုးရရဲ့ ပေါ်လစီတွေကြောင့် ဥရောပမှာ သဘောထားတွေ ကွဲတယ်။ နေတိုးအဖွဲ့လည်း ပုံပျက်ပန်းပျက်ဖြစ်လာတယ်။ နောက် ရုရှ၊ ဂျာမနီနဲ့ ပြင်သစ်တို့ဟာ သီးသန့် မဟာမိတ်အဖွဲ့ဖွဲ့တဲ့ထိ ဖြစ်လာသလို အာရပ်နိုင်ငံတွေထဲမှာလည်း နာဆာ (Nasser) နောက်ပိုင်း ပထမဆုံးအကြိမ်အဖြစ် ညီညွတ်မှုတည်ဆောက်ဖို့ အဓိပ္ပာယ်ရှိရှိ စလုပ်လာတာတွေ ဖြစ်ပေါ်လာခဲ့တယ်။ ဆိုတော့ ဂျော့ဘုရ်ှနဲ့ အပေါင်းပါ ကွန်ဆားဗေးတစ်လက်သစ်တွေရဲ့ unilateralism နဲ့ဆို အမေရိကန်ရဲ့ ရည်မှန်းချက် ပျက်ကိန်းဆိုက်မှာကို ဆိုးရက်စ မြင်တာပေါ့။ အဲဒီအတွက် သူဟာ ဂျော့ဘုရှ် ပြုတ်ကျရေးကို အသည်းအသန် ကြိုးပမ်းခဲ့တာဖြစ်တယ်။
ဒီတော့ ဆိုးရက်စရဲ့နည်းက ဘာလဲ။ ပိုက်ဆံ ဒေါ်လာ သုံးလေး ဘီလီယံလောက်ရယ်၊ လက်တဆုပ်စာ အင်ဂျီအိုတွေရယ်ကို အားပြုပြီး အမေရိကန် နိုင်ငံခြားရေးဝန်ကြီးဌာနက မျက်စိမှိတ်ပြ၊ ခေါင်းညိတ်ပြတာကို စောင့်ပြီး ဟန်ချက်ညီ ကြိုးစားသွားမယ်ဆိုရင် ပြည်ပစီးပွားရေးလုပ်ငန်းတွေကို အ၀င်မခံချင်တဲ့ အစိုးရတွေကို ဖြိုချပြီး အဲဒီ့နိုင်ငံထဲက အတွင်းပစ္စည်းတွေကို အချောင်ဝင်နှိုက်၊ ပြီးရင် ကိုယ့်လုပ်ရပ်အတွက် စေတနာရှင်အဖြစ် ကိုယ့်ကို ကျေးဇူးတောင်တင်ကြဦးမယ်။ ဆိုးရက်စရဲ့နည်းဟာ ဒီနည်းပဲ။
စစ်အေးတိုက်ပွဲကာလမှာ အရှေ့ဥရောပနိုင်ငံတွေမှာ ဆိုရှယ်လစ်စနစ် ကျဆုံးရတာဟာ စနစ်မှာကို အားနည်းချက်တွေ ရှိနေလို့အပြင် အုပ်ချုပ်သူတွေက အောက်ခြေလူတန်းစားဆီက ထောက်ခံမှုကို ရေရှည်ထိန်းနိုင်အောင် မလုပ်ခဲ့ကြလို့လို့ သုံးသပ်ကြတာတွေဟာ မှန်သင့်သလောက်မှန်တယ်။ ဒါပေမယ့် ဒီနိုင်ငံတွေမှာ ဆိုရှယ်လစ်ဝါဒ ပြိုကျရာမှာ ဆိုးရက်စရဲ့ အခန်းကဏ္ဍဟာလည်း အင်မတန် အရေးပါတယ်။ ၁၉၇၉ ခုနှစ်မှာ သူဟာ ပိုလန်က ပိုလန်သွေးစည်းညီညွတ်ရေးလှုပ်ရှားမှုလို အစိုးရဆန့်ကျင်ရေးအုပ်စုတွေ၊ ချက်ကိုစလိုဗက်ကီးယားက ဗားစလပ်စဟာဗယ်လ (Vaclav Havel) တို့လူသိုက် စတည်ထောင်တဲ့ ၇၇ လှုပ်ရှားမှုနဲ့ ဆိုဗီယက်ယူနီယံက အွန်ဒရေ ဆားခရော့ဗ (Andrei Sakrov) တို့ကို အဲဒီ့အချိန်က ပိုက်ဆံ ဒေါ်လာ သုံးသန်းထိ ထောက်ပံ့ခဲ့တယ်။ (ဟိုတနေ့က ဒေါ်အောင်ဆန်းစုကြည်က ဒီမိုကရေစီအသွင်ကူးပြောင်းရေးမှာ ပိုလန်ကိုလည်း အတုယူစရာအဖြစ် ပြောသွားတာ ကြားလိုက်ရတော့ ကြက်သီးထမိသေးတယ်။) ၁၉၈၄ မှာ သူဟာ သူ့ရဲ့ဇာတိဖြစ်တဲ့ ဟန်ဂေရီမှာ ပထမဆုံး ပွင့်လင်းလူ့အဖွဲ့အစည်းအင်စတီကျု (Open Society Institute) ကို စတည်ထောင်တယ်။ ဒီအဖွဲ့အစည်းကနေ အတိုက်အခံတွေရဲ့ လှုပ်ရှားမှုတွေကို ဒေါ်လာသန်းချီ ပုံပြီး ထောက်ပံ့ခဲ့သလို ရေဒီယို အသံလွှင့်ရုံတခုလည်း ထောင်ပေးခဲ့တယ်။ အပြင်ပန်းမှာတော့ Civil Society အရပ်ဘက် လူ့အဖွဲ့အစည်းတွေ အားကောင်းအောင် ရည်ရွယ်တယ်လို့ ပြောပေမယ့် တကယ်တမ်းမှာတော့ ဒီလုပ်ရပ်တွေ၊ လှုပ်ရှားမှုတွေဟာ လက်ရှိ ရှိပြီးသား ဟန်ဂေရီနိုင်ငံရေး အဆောက်အဦကို နှဲ့ပစ်ပြီး နောက်ဆုံးမှာ ကမ္ဘာ့အရင်းအနှီးတွေနဲ့ ဒီနိုင်ငံတွေကို စီးပွားရေးကိုလိုနီပြုကျင့်တဲ့ထိ လုပ်တော့တာဖြစ်တယ်။ Americanisation of Europe ဥရောပကို အမေရိကန်မှုပြုတဲ့ဖြစ်ရပ်မှာ သူဟာ အဓိက ဇာတ်ကောင်ပဲဆိုပြီး ဆိုးရက်စ ကိုယ်တိုင် သူ့ထုံးစံအတိုင်း ခပ်ကြွားကြွားလေး ပြောဖူးတယ်။
အရှေ့ဥရောပက နိုင်ငံတွေရဲ့ ဈေးကွက်တွေ တခုပြီးတခု ပွင့်လာခဲ့ပေမယ့် ယူဂိုစလားဗီးယား တနိုင်ငံကတော့ တင်းခံပြီး ကျန်နေခဲ့တယ်။ အဲဒီ့မှာ ပြည်သူလူထုက ဆလိုဗိုဒမ် မီလိုဆိုဗစ်ချကိုပဲ အကြိမ်ကြိမ် ရွေးကောက်တင်မြှောက်တယ်။ ဆိုးရက်စကလည်း ဂီယာထပ်တင်တယ်။ ၁၉၉၁ ကစပြီး ဆိုးရက်စရဲ့ ပွင့်လင်းလူ့အဖွဲ့အစည်းအင်စတီကျုဟာ မီလိုဆိုဗစ်ချ ဆန့်ကျင်ရေးအဖွဲ့အစည်းတွေ၊ အတိုက်အခံပါတီတွေကို ဒေါ်လာ သန်းတရာကျော် ထောက်ပံ့ခဲ့သလို ဒီပိုက်ဆံတွေနဲ့ပဲ ပုံနှိပ်တိုက်တွေ၊ နောက် B92 လို့ သိကြတဲ့ အနောက်ဝါဒဖြန့် ရေဒီယိုအသံလွှင့်ရုံတခုကို ထောင်ပေးခဲ့တယ်။ ပုံမှန်အားဖြင့် ကြည့်ရင် တက္ကသိုလ်ရေဒီယို အသံလွှင့်ရုံသက်သက်လို့ ထင်စရာရှိပေမယ့် ဒီလှုပ်ရှားမှုတွေအားလုံးကို ကမ္ဘာမှာ အင်အားအကြီးဆုံး နိုင်ငံကြီးကို ကိုယ်စားပြုပြီး ကမ္ဘာမှာ အချမ်းသာဆုံး ပုဂ္ဂိုလ်တွေထဲ တယောက် အပါအ၀င်ဖြစ်တဲ့ ဆိုးရက်စ ကိုယ်တိုင် ပိုက်ဆံတွေ ထောက်ပံ့ခဲ့တာဖြစ်တယ်။
ပွင့်လင်းလူ့အဖွဲ့အစည်း ဆိုတာကို ဆိုးရက်စက ဘယ်လိုအဓိပ္ပာယ်ဖွင့်လဲဆိုတော့ ပြီးပြည့်စုံခြင်းမရှိဘဲ တိုးတက်မှုတွေကို ဖွင့်ထားတဲ့ အဖွဲ့အစည်းလို့ အဓိပ္ပာယ်ဖွင့်တယ်။ ဒီအဓိပ္ပါယ်ဖွင့်ဆိုချက်ကနေ သူ့အဖွဲ့အစည်းရဲ့ တကယ့်သရုပ်မှန်ကို ဖမ်းမိမှာမဟုတ်ဖူး။
ဆိုးရက်စက Open Society ဆိုတဲ့ နာမည်ကို LSE မှာ သူတွေ့ခဲ့တဲ့ ဖီလော်ဆော်ဖာ ကားပေါ်ပါ (Karl Popper) ဆီက ယူတယ်လို့ ဆိုတယ်။ စိတ်မကောင်းစရာ ကောင်းတာက ပေါ်ပါရဲ့ လစ်ဘရယ် အရေးအသားတွေကို သူ့အဖွဲ့အစည်းမှာ ယူသာသုံးတယ်၊ တကယ်တမ်းမှာ သူ့အတွက် ပွင့်လင်းလူ့အဖွဲ့အစည်းဆိုတာ လူ့အခွင့်အရေးနဲ့ အခြေခံလွတ်လပ်ခွင့်တွေကို လေးစားတဲ့ လူ့အဖွဲ့အစည်းကို ခေါ်တာ မဟုတ်ဘဲ သူနဲ့ သူ့စီးပွားဖက်တွေ ပိုက်ဆံရှာနိုင်အောင် ဖွင့်ပေးထားတဲ့ အဖွဲ့အစည်းကသာ သူ့အတွက် ပွင့်လင်းလူ့အဖွဲ့အစည်း ဖြစ်တယ်။ ဆိုးရက်စဟာ သူ ကူညီပြီး ‘ဖွင့်’ ပေးခဲ့တဲ့ နိုင်ငံတိုင်းကနေ ပိုက်ဆံရှာနိုင်တာ တွေ့ရတယ်။ ဥပမာ - ယူဂိုစလားဗီးယားကနေ ကိုဆိုဗိုကို ဖဲ့ထုတ်ပြီးနောက်မှာ ကိုဆိုဗိုက သတ္ထုတူးဖော်တဲ့ Trepca ကုမ္ပဏီမှာ ဒေါ်လာသန်းငါးဆယ် စရင်းနှီးမြှုပ်နှံတယ်။ အဲဒီ့ကုမ္ပဏီပိုင်တဲ့ ငွေ၊ ရွှေ နဲ့ တခြားတွင်းထွက်ပစ္စည်းတွေရဲ့ တန်ဖိုးဟာ ဒေါ်လာသန်းငါးထောင်အထက်မှာ ရှိတယ်လို့ ခန့်မှန်းရတယ်။ ပြည်ပအရင်းအနှီးတွေ အ၀င်မခံချင်တဲ့ နိုင်ငံတွေကို ပထမ ဆေးပြင်းတိုက်၊ ပြီးရင် ‘စီးပွားရေး ပြုပြင်ပြောင်းလဲမှု’ တွေကို အကြံပေး၊ နောက်ဆုံးမှာ အစိုးရပိုင်တွေကို အောက်ဈေးနဲ့ ၀င်နှိုက်တဲ့နည်းနဲ့ ဆိုးရက်စဟာ ဘာလင်တံတိုင်းပြိုပြီးတဲ့နောက် အရှေ့ ဥရောပနိုင်ငံတွေမှာ သရဖူမဆောင်းတဲ့မင်း ဖြစ်လာခဲ့တယ်။
သူ ထောင်ပေးခဲ့တဲ့ Central European University ဟာ ဟန်ဂေရီ၊ ပိုလန်နဲ့ ချက်သမ္မတနိုင်ငံတွေမှာ လက်ခွဲတွေရှိပြီး ထုံးစံအတိုင်း ဒီကောလိပ်တွေမှာ လစ်ဘရယ်လက်သစ် အရင်းရှင်စနစ်ရဲ့ အကျင့်စရိုက်တွေကို ဗြောင်ပဲ ဖြန့်တယ်။ ဒေသတွင်းမှာ အမေရိကန် လိုလားတဲ့ မျိုးဆက်သစ် နိုင်ငံရေးခေါင်းဆောင်တွေကို စနစ်တကျ မွေးထုတ်တဲ့အလုပ် လုပ်တယ်။ အကျိုးဆက်အဖြစ် ကနေ့ဆိုရင် အရှေ့ဥရောပနိုင်ငံတွေမှာ ဆင်းရဲချမ်းသာကွာဟမှုဟာ ပိုပို ကြီးသထက် ကြီးလာနေတာကို တွေ့လာရတယ်။
ဆိုးရက်စဟာ ကျနော်တို့နိုင်ငံကို ဝင်ဖို့ ပြင်နေပြီ။ ကျနော်တို့အားလုံး သတိရှိကြရလိမ့်မယ်။
[1] OSI ရဲ့ ၂၀၁၁ ထည့်ဝင်ငွေစာရင်းကို ကိုးကားပြီး Wikipedia အင်တာနက်ဆိုက်မှာ ဖော်ပြထား။
Watote
အင်္ဂလိပ်လို ဖတ်ချင်သူတွေအတွက် လင့်က ဒီမှာပါ။
http://www.mindfully.org/WTO/2003/George-Soros-Statesman2jun03.htm
(Ko Watote's Facebook မှ ...)
Posts
18 comments:
ဂျော့ဆိုးရက်စ ဟာ ဘာကောင်ပဲ ဖြစ်ဖြစ်၊ ကျနော်ပြည်သူတွေနဲ့ နိုင်ငံရေးသမားတွေ စဉ်းစားဖို့က မြန်မာပြည်ဟာသူကူညီရင် ထိုင်းတို့၊ မလေးတို့၊ စင်္ကာပူတို့ဖြစ်လာမလား၊ ဖြစ်မလာဘူးလားဆို
တာကိုပဲ။ တိုးတက်မယ် ဖြစ်လာမယ်ဆိုရင် လက်တွဲလုပ်ရမှာပဲ။ မဟုတ်ရင် ရပ်ကြည့်နေရမှာလား။ အမေရိကန် စနစ်မျိုး မြန်မာပြည်မှာ ထူထောင်တော့ကော မကောင်းဘူးလား။ မြန်မာပြည်သူတွေ တော်တော်များများ၊ တရုတ်ပြည်သူတွေ တော်တော်များများ၊ ဖွံ့ဖြိုးဆဲနိုင်ငံက ပြည်သူတွေ တော်တော်များများ အမေရိကန်ဆိုရင် သွားချင်ကြတာချည်းပဲ။ အရင်းရှင်စနစ်တွေ အရင်းရှင်အကြောင်းတွေသင်ပေးလို့ တနိုင်လုံး အရင်းရှင်ဖြစ်တော့ရော အကြောင်းလား။ သူဌေးဝါဒကို ကျင့်သုံးဖို့လိုတယ်။ ဆင်းရဲသားဝါဒ၊ ကွန်မြူနစ်ဝါဒကို လူတွေ ဘယ်လောက်မုန်းနေတယ်ဆိုတာ သက်သေတွေရှိတယ်။ မြန်မာပြည်က နိုင်ငံရေးသမားတွေ ကိုယ့်နိုင်ငံကိုယ် ချမ်းသာအောင် လုပ်နိုင်ဖို့လိုတယ်။ ချမ်းသာအောင် လုပ်နိုင်တဲ့ အစိုးရကို ပြည်သူတွေက တသက်ကျေးဇူးတင်နေမှာပါ....
ဒီစာကို ရေးတဲ့ ၀တုတ်ကတော့ အင်္ဂလန်မှာ သူများထောက်ပံ့တာနဲ့ ပညာသင်၊ မြန်မာပြည်အရေး ကျွမ်းကျင်သူလိုလို၊ ကွန်မြူနစ်ဝါဒကို ယုံကြည်သူလိုလို၊ ကားမတ်အုတ်ဂူသွား ဓါတ်ပုံရိုက်ပြီး သူ့ဖေ့ဘုတ်မှာ တင်လိုတင်၊ မြန်မာပြည်မှာ ကွန်မြူနစ်ဝါဒကို ပြန်လည် အသက်သွင်းချင်နေတာလိုလို။ သူကတော့ အင်္ဂလန်မှာနေ ၊ အရှင်းရှင်စနစ်ရဲ့ အသီးအပွင့်ကို စားပြီး မြန်မာပြည်မှာ အရှင်းရှင်စနစ်က ဘာဖြစ်သလေးနဲ့။ တရုတ်ပြည်က ကွန်မြူနစ်ဗန်းပြပြီး အရှင်းရင်ဖြစ်နေတာကိုတော့ ငြိမ်နေတယ်။ ကွန်မြူနစ်ဝါဒဆိုတာ မြန်မာပြည်ကို ဘယ်တုန်းကမှ အကျိုးမပြုခဲ့ဘူး။ ပြည်တွင်းစစ်ကို ရှည်စေတယ်။ တရုတ်ကွန်မြူနစ်က အခုထိ မြန်မာပြည်ကို လွှမ်းမိုးနေတယ်။ တရုတ်ကျွန်နဲ့ အမေရိကန်ကျွန် တခုခုဖြစ်ရမယ်ဆို တရုတ်ကျွန်ဖြစ်ရင် ပိုဆိုးမယ်ဆိုတာ သိရက်နဲ့ ငြိမ်နေတာ။ ဗိုလ်မှူးချုပ်ကျော်ဇော မြေးလို့ ပြောရင် ရှက်ဖို့တောင်ကောင်းတယ်။ ဒီကော်မင့်ကို ဖျက်မှာသေချာပေမယ့် တင်လိုက်ပါတယ်။ မြန်မာပြည် ကြီးပွားတိုးတက်မှာကို မရှုစိမ့်သူ မည်သူမဆို ကျဆုံးပါစေ။
စာရေးသူ ပြတဲ့ website ကို သွားကြည့်ပါတယ်။ နာမည်ကြီး အရှိန်အ၀ါ ရှိတဲ့ site မျိုး မဟုတ်ပါဘူး။ ဒီလို မြန်မာပြည်သူ တွေနဲ့ မရင်းနှီးလှတဲ့ပုဂ္ဂိုလ်မျိုးအကြောင်းသိချင်ရင် တကယ်ကြည့်သင့်တာ wikipedia ပါပဲ။ ဟောဒီမှာ သွားကြည့်ပါ။ http://en.wikipedia.org/wiki/George_soros တယောက်ယောက်က မြန်မာပြန်ဆိုပေးနိုင်ရင် ပိုကောင်းပါတယ်။
www.newstatesman.com is a highly respected magazine not only in the UK but also in the world.
ဘယ်သူတွေအတွက် ဖွင့်ပေးဖွင့်ပေး ဒီအတိုင်း စုတ်ပြတ်နေတဲ့ အခြေအနေမှာ နေတာထက်တော့ ပိုကောင်းမှာတော့ အသေအချာပါပဲ။
ဆရာ၇ယ်.. အမေရိကန်က ခုမှ ၀င်မလို့လုပ်တုန်းလေ
တရုတ်ကြီးကို ဗမာပြည်က ရွာကြီးသုံးရွာလည်းပေးလိုက်
ရပြီးပြီ..လက်ရှိလည်းတရုတ်ကြီးက ဗမာပြည်ကိုဝါးမြို
ထားလိုက်ပြီ။ တရုတ်ကျွန်ခံရတာထက်စာရင်အမေရိကန်
ကျွန်ခံလိုက်ရတာက ပိုကောင်းမယ်ထင်ပါတယ်.တရုတ်
ကသာဗမာပြည်ကိုစီးပွားရေးအားလုံးကိုမြိုထားပေမဲ့နာဂစ်
မှာတရုတ်က ထိထိရောက်ရောက်ကူညီတာမကြားမတွေ့
ခဲ့ရပါဘူးဆရာ..ဆရာက တရုတ်တွေဗမာပြည်သိမ်း
တာ..တရုတ်တွေအောက်ဗမာပြည်ရောက်တာကိုကျေ
နပ်နေတယ်ထင်တယ်။တရုတ်နဲ့ဆက်ဆံလာတာအနှစ်
၂၀.ဗမာပြည်ဖွတ်တက်သတက်ဖွတ်ဖြစ်ပြီးမွဲပြာလာ
တာဆရာအသိပါနော်..အမေရိကန်က တခုခုဗန်းပြ
ပြီးအချောင်နှိုက်တာဆိုရင် တရုတ်ကြီးကတော့ ပေါ်
တင်ကြီးကို လာပြီးစစ်တပ်နဲ့ပေါင်းပြီးလူဝါးဝ တာပါ .ဆိုရင် ဆရာ ဘာပြောမလဲဗျာ..
ဆရာရေ ..တရုတ်ကျွန်နဲ့စာရင် အမေရိကန်ကျွန်လေး
ခံရရင်မကောင်းလားဗျ..ခုပဲကြည့်လေ.နိုင်ငံေ၇းဒုက္ခ
သည်ဆိုတဲ့သူတွေအများစုကအမေရိကန်မှာပဲပြုံ တိုးနေ
တာစဉ်းစားစရာပဲနော်..တကယ်ဆို တရုတ်သဘောကျ
သူ..ကွန်မြူနစ်ဆိုသူများ..တရုတ်ပြည်ကြီးကိုသွားနေ
သင့်တယ်လို့အကြံပေးပါရစေ။တရုတ်နဲ့ပေါင်းတာသစ်တော
လဲပြုန်း..သယံဇာတလည်းပြုန်း..တိုင်းပြည်လည်းဗုန်း
ဗုန်းလဲ ပြီးသေတော့မလို့ဖြစ်နေရတဲ့အဖြစ်နဲ့စာရင်
အမေရိကန်ကျွန်လုပ်ရတာက နဲနဲတော့..ဟုတ်ဟုတ်
မဟုတ်ဟုတ်..လုပ်လုပ်မလုပ်လုပ်..လူ့အခွင့်အရေး
ဆိုတဲ့စကားလေးကိုကြားလို့ပြောလို့ရသေးတယ်ပေါ့
တရုတ်ဆိုရင် ဒီမိုကရေစီလည်း..နားခါးနေတာ.လူ့
အခွင့်အရေးတို့ဆိုရင်လည်း ကြားဖူးတာမဟုတ်ဘူး
လေဆရာ...ဆိုတော့ ကျွန် တွေပဲလို့ပြောချင်ပြော
အမေရိကန်ကျွန်ဖြစ်ရရင် တရုတ်ထက်တော့သာမယ်
ထင်ပါတယ်..ဘာဖြစ်လို့လည်းဆိုတော့ ဒုက္ခသည်
ဆိုသူအများစုသွားပြီးအခြေချနေထိုင်တဲ့နိုင်ငံကတရုတ်
မဟုတ်ပဲ ..အမေရိကန်ဖြစ်နေလို့ပါပဲဆရာ..
ကျနော့်အမြင်ပြောရရင် ဒီဆောင်းပါးကို မတင်သင့်ဘူး။ George Soros ဟာ မြန်မာပြည်အတွက် တန်ဖိုးရှိမယ့်သူပါ။
တင်ပေးတဲ့ဒေါက်တာဘလော့ဂါကိုစိတ်ပျက်မိတော့တယ်
ကိုဝတုတ်က "www.newstatesman.com is a highly respected magazine not only in the UK but also in the world" လို့ဆိုပါတယ်။ ဒါပေမယ့် အဲဒီ မဂ္ဂဇင်းဟာ အစွန်းရောက်နိုင်ငံရေးအမြင် (radical politics) ကို အခြေခံထားကြောင်း သူတို့ အယ်ဒီတာကိုယ်တိုင်က ၀န်ခံထားတာမမေ့ဖို့ လိုပါတယ်။ http://en.wikipedia.org/wiki/New_Statesman
မြန်မာပြည်သူ အများစုဟာ George Soros အကြောင်း အရိပ်အမြွက်တောင်မသိကြသေးဘူး။ ဒီအခြေအနေမှာ ဒီလူအကြောင်း အကောင်းအဆိုး စုံစုံလင်လင်ပါဝင်တဲ့ wikipedia ဆောင်းပါးမျိုးနဲ့ အရင်မိတ်ဆက်ပေး သင့်ပါတယ်။ အဲဒီလို မဟုတ်ဘဲ အဆိုးမြင် သက်သက်နဲ့ စဖွင့်လိုက်တာကျတော့ စစ်အစိုးရ လုပ်နေကျ misinformation & propaganda ပုံစံခွက်ထဲရောက်သွားတယ်လို့ မြင်တယ်။ ဒီခေတ်အခါမျိုးမှာ misinformation ကို စစ်အစိုးရကဘဲ လုပ်လုပ်၊ ဒီမိုကရေစီဘက်တော်သားကဘဲ လုပ်လုပ် လက်ခံနိုင်စရာ အကြောင်းမရှိပါ။
တရုတ်က မြန်မာပြည်ရဲ့ အနစ်တွေကို ဂုတ်သွေးစုပ်နေတာကြာပေါ့ဗျာ။ ၈၈ နောက်ပိုင်း မြန်မာပြည်ထံက အနစ်တွေစားဖို့  လွတ်လိုက်တဲ့ တရုတ်ထောက်လှမ်းရေးတွေ ထောင်ချီရှိခဲ့တယ်လို့  သိရတယ်။ မြန်မာပြည်က အဆင်းရဲဆုံး။ အစိုးဆုံးထဲက အခုအထိ ရုန်းမထွက်နိုင်သေးဘူး။ တရုတ်က မြန်မာလူထုကို ဆက်ဆံတော့ Right လုံးဝမရှိဘူး- ဘယ်သူသေသေ ငါမသေရင်ပြီးရောဘဲ။ အနောက်နိုင်ငံကဆက်ဆံရင် Right နဲ့ ယှဉ်ပြီး ဆက်ဆံလိမ့်မယ်။ ခံသာသေးတယ်လို့  ပြောရမယ်။ လွမ်းမိုးမှုခြင်းတူပေမယ့် လူထုအတွက် ခံစားရတာ တော့ ဘယ်သူ့ ကပိုကောင်းမယ်ဆိုတာ စဉ်းစားကြပါ။ အိုအက်စ်အိုင် ကိုကြိုဆိုသင့်တယ့့့် ဘီဘီစီက သူရိန်ကျော်ဇော (ခေါ်) ၀တုတ်ရေ
တကယ်တော့ ပညာရေး စနစ် အဆင့်အတန်း အလယ်အလတ် ကစလို့  ထိပ်တန်းအဆင့်ရှိ့် တဲ့  နိုင်ငံတွေ မှာဆို (အထူးသဖြင့် အနောက်နိုင်ငံ တွေ မှာ ဆိုပါတော့) secondary level လို့ ခေါ်တဲ့ ၇ တန်း က စလို့  Higher Education Level အထိ သူတို့ ရဲ့ ပညာရေးသင်ရိုးညွန်းတမ်းအရ assignment တွေ ကို ကျောင်းသား/သူတွေ လုပ်တဲ့ အခါမှာ Wikipedia ကို ရည်ညွန်းခွင့်၊ ကိုးကားဖို့ ရာ အသုံးပြုခွင့်  reference လုပ်ဖို့ ခွင့်မပြုပါဘူး။ ဘာလို့ လည်းဆိုတော့ တာဝန်ခံမှု မရိ်ှလို ပါ။ အကယ်၍ ကိုးကားချင်တယ်ဆိုရင် လည်း Encyclopaedia Britannica လိုဟာမျိုးကိုသာ သုံးဖို့ ခွင့်ပြုပါတယ်။ ဒါတောင်အငယ်တန်းတွေ အတွက်ပါ။
အရပ်စကားနဲ့ အလွယ်ပြောရရင် Wikipedia ဟာ နဲနဲ အဆင့်မြင့် တဲ့ high class ဈေးအိမ်သာ က နရံ လိုပါပဲ၊ ဒါ့ကြောင်းလည်း ဘယ်အဖွဲ့ အစည်း၊ ဘယ်ပညာရှင်မှ လည်း Wikipedia မှာရေးနေတာ တွေ ကို အဟုတ်လုပ်ပြီး ရည်ညွန်း ကိုးကားဖို့ မသုံးကြပါဘူး။
တဖက်သားကို ခပ်စပ်စပ် လေး ပညာတတ် အသိုင်းအ၀ိုင်းမှာ နှိပ်ချင်ရင် ၀ီကီ ဟာ တွေ လာပြောနေလား လို့  ပြောတတ်ကြပါတယ်။ ဒါပေမယ့် လည်း ၀ီကီ ကို ပစ်ပယ်ဖို့ ပြော တာ မဟုတ်ပါဘူး။ အခြေခံ အပေါ်ရံ မိတ်ဆက် ကတော့ သူလို ကို လို လူတွေ အတွက် အသုံးဝင်ပါတယ်။
ကျမ တို့  နိုင်ငံ သားတွေ ၂၁ ရာစုမှာ သူများတွေ နဲ့  ရင်ဘောင်တန်းချင်ရင်တော့ ဝေးဝေးမြင်နိုင်အောင် မြင့်မြင့် တက် ကြပါ။
BTW ဟိုတယောက် က ဦးဇင်းထင်တယ်
တကယ်တမ်းတော့လေ ငတ်နေသူများလို ပေါ့ ကိုယ်ရှေ့ မှာ ဘာစားစရာ ဘဲ ရှိရှိ အကုန်စားမှာ ဘဲ ဆို သလို တို့ များတို့ ပြည်သူပြည်သားတွေဖြစ်နေပြီလားမသိဘူးနော်။ လိုက်ဖက်သည်မလိုက်ဖက်သည်မသိ cheese cake နဲ့  နွယ်ချို တို့ ကာ စားသလို။ သင့်တော်သည် မသင့်တော်သည် မသိ caviar ကို ကြော်စားသလို တို့ လူမျိုး ကဖြစ်နေပြီလားမသိဘူးနော်၊ မြင်တာ ရတာ အကုန် လွေးမယ် ဟဲ့ နောက် မှ အစာဆိပ်တတ်သေသေ၊ နာတာရှည် နူဏာ စွဲ စွဲ မမြင်နိုင် မငဲ့နိုင် မစဉ်းစားနိုင် လောက်အောင် အငတ်တဏှာ၊ မငတ်တဏှာ၊ သြော် ၀ဋ်နာ များ
ခေတ်များပျက်နေပုံ များ။
ငွေးကြေးဈေး ကွက်အလုပ် လုပ်ပုံ တွေ။ အရင်းအနှီး ဈေးကွက် အလုပ်လုပ် ပုံတွေ ကို ကျွန်တော် တို့ လေ့လာ ကြရမှာပါ။ ဂျော့ဆိုးရက်စ တို့ ဝါရန်းဘတ်ဖတ် တို့ လို လူတွေ ဟာ ဒီပညာရပ် တွေ ကို နက်နက် နဲ နဲ လေ့ လာတတ် မြောက် ကြတဲ့ အတွက် ချမ်းသာအောင် လုပ်သွားနိုင် ကြတဲ့ သူတွေပါ။ သူတို့ မဟုတ် မတရားလုပ် ပြီးချမ်းသာ လာတာ ဆို ရင် ဒီလွတ်လပ် တရားမျှတတဲ့ ငွေကြေး ဈေးကွက်မှာ ရပ်တည်လို့ မရနိုင်ပါဘူး။ CFA, ACCA, CPA စတဲ့ သက်မွေးဝမ်း ကြောင်း ပညာရပ် တွေဟာ တကယ် တော့ အရင်းရှင်စီး ပွားရေး ကိုကာကွယ် ဖို့ ။ ခေတ်စကားဆိုရင် တော့ Shareholders' interest ရှယ်ယာလက်ဝယ်ပိုင်ဆိုင် သူ၏အကျိုးစီးပွားကို ကာကွယ် ဖို့ ၊ ဆိုတဲ့ခြေခံ အချက်ကို မန်တိုင် ပြုပီး တည်ဆောက် ထားတယ်ဆိုတာ အမှန်ပါပဲ။ လေ့လာပါ ဝေဖန်မစောပါနဲ့ ။ အထူးသဖြင့် လူငယ်တွေကို မှားယွင်းသောအတွေးမပေးမိပါစေနဲ့ ။ မြန်မာ လူမျိုး တွေအရင်း နှင့် ငွေကြေး အကြောင်း တို့ ။ ရင်းနှီးမြုပ်နှံမှူအကြောင်း တို့ အများကြီးနားလည်အောင်လုပ်ဖို့ လိုပါသေးတယ်။ မြန်မာ အစိုးရ အနေနဲ့ စင်ကပူအစိုး ရပိုင် GIC (Government of Singapore Investment Corporation) တို့ လိုဟာတွေ ကိုစီမံတည်ထောင် နိုင်အောင် အများကြီးလေ့လာဖို့ လိုပါတယ်။
ဒီလူကြီးတွေ ဆီကအများကြီးသင်ယူရမှာပါ။ သူ့ တို့ အမြတ်ကြီးစားလူယုတ်မာတွေ မဟုတ်ပါဘူး။ ပညာရှင် လူချမ်းသာတွေသာဖြစ်ပါတယ်။
ကျွန်တော် ဒီ Link လေးရှယ်ပါရစေ။ လူငယ်တွေအတွက်ပါ။
ဒါကငွေကြေးနဲ့ ရင်းနှီးမြုပ်နှံ မူပညာရှင်တွေပါ။ MR Soros တစ်ယောက်အပါအ၀င်ဖြစ်ပါတယ်။
John (Jack) Bogle
Warren Buffett
David Dreman
Philip Fisher
Benjamin Graham
William H. Gross
Carl Icahn
Jesse L. Livermore
Peter Lynch
Bill Miller
John Neff
William J. O'Neil
Julian Robertson
Thomas Rowe Price, Jr.
James D. Slater
George Soros
Michael Steinhardt
John Templeton
Ralph Wanger
Read more: http://www.investopedia.com/university/greatest/benjamingraham.asp#ixzz1oFqq2vMq
China is not nor never has been good neighbor to our country, most of the resources are systematically being looted, and plans staged with long term goals to make our country as one of their state. We can go on and on about its nefarious acts but suffice to say that every one of us know, disliked and hated about it. This of course nothing to do with being xenophobic, racist or stereotypical views, but rather as at the interest and welfare of citizens who have mere adequate or minimal nationalism.
Now, watote, answer the question, why are you never dare to express, write and elaborate your views on China’s disgusting tactics towards your own country like elite pundit (I suppose you at least born there or ethnically belong anyway)? If you believe freedom and genuinely look forward to see progress of the nation, you, as an educated one like you portrayed yourself, should put an effort to let the rest of us know better or well-informed about what great Sino brothers are well up to. Any informative, thought provoking no matter how arrogant the tone or controversial the topic, will be welcome and appreciated, by us peasants. This offer is made because it can be assumed that although you grown up, get food, shelter and education of some sort there, family member and relatives currently residing in China, you are also Burmese, like me, like one of 60 million. You do not have to be tight lipped on China when it comes to politics. Sure you can teach a thing or two to poor and unfortunate ones, let alone how to find reliable sources on and off the wire.
Speaking of reliable, verifiable, quotable, and more words with suffix –able sources, there are only relative truths with varying degrees. Wikipedia may be too basic for ivory towers, but it can give good starting point and with good neutrality, add in one’s sensible approach, it is useful, needless to say. Specialize or biased sources are as good only as they can be depending on intended use. Here you are using them to cause stirrup, misguided, rage or confusion, or simply doing well-researched trolling. You are just an indoctrinated bigot and please do not release any more negative, ill-intentioned and deceiving articles.
ဟုက်ကဲ့“ဖြစ်နိုင်ရင်တော့တာဝန်ခံမှုရှိအများလေးစားတဲ့ကျမ်းတွေ၊
webSiteတွေကိုပဲဖတ်ချင်လေ့လာချင်၊ကိုးကားချင်ကြပါတယ်။
ဒါပေမယ့်အဲဒီကinformationတွေအားလုံးကိုအလကားမရဘူးလေ။ပိုက်ဆံလိုတယ်။
ပိုက်ဆံပေးနိုင်တယ်ထား။ခရက်ဒစ်ကဒ်ရှိဖို့လိုတယ်လေ။ကိုးကားစရာစာအုပ်တွေအစုံအလင်နဲ့
ပထမကမ္ဘာကစာကြည့်တိုက်ကြီးတွေဆိုတာလဲ
ရုပ်ရှင်ထဲမှာပဲမြင်ဘူးတယ်။
Ven. Pandita
ကိုမှတ်ချက်ပေးတဲ့စာရေးသူကိုသိတယ်လို့ထင်ပါတယ်။သူဟာစာတွေအများကြီးဖတ်ထားပုံပါပဲ။
ပညာတွေလဲအများကြီးတတ်ပုံပေါ်ပါတယ်။
ဒါပေမယ့်သူရေးတဲ့စာတွေကတော့မောက်မာတဲ့လေသံအမြဲပါတယ်။
ခုမှတ်ချက်ကိုဖတ်ကြည့်ရင်လဲ
သူမောက်မာတာသူများကိုချိုးဖဲ့ပြောချင်တာအထင်းသားပေါ်နေပါတယ်။
တခြားမှတ်ချက်ပေးသူ(Ven.Pandita)ဟာသံဃာတော်ဟုတ်သည်ဖြစ်စေ၊မဟုတ်သည်ဖြစ်စေ၊
သူပေးတဲ့မှတ်ချက်နဲ့မပတ်သက်သင့်ပါဘူး။
တခါကလဲဘာမှမဆိုင်ပဲ၊ပုဂ္ဂိုလ်ရေးတိုက်ခိုက်တာထည့်ရေးခဲ့ဘူးတယ်။မဟာဂန္ဒာရုံဆရာတော်ကြီးက(ပါဒ်ဆင့်မှာ“ဓ”ကိုရိုက်မရတာခွင့်လွှတ်ပါ)ဆုံးမခဲ့တယ်“စိတ်ကောင်းရှိဖို့က ပထမ”တဲ့။
အဲပညာတတ်ဖို့ကအဌမနေရာမှာထင်တယ်။
မမှတ်မိတော့ဘူး
အခုလို ဂျော့ဆိုရက်စ အကြောင်း ပြည့်ပြည့်စုံစုံ တင်ပေးတာ ကျေးဇူးတင်ပါတယ်ဗျာ..
Post a Comment