ဘာကြောင့် အမွဲဆုံးနိုင်ငံ ဖြစ်ရသလဲ

ဘာကြောင့် အမွဲဆုံးနိုင်ငံ ဖြစ်ရသလဲ

ဦးစိန်ကျော်လှိုင်

မဆလ ခေါ် မြန်မာ့ဆိုရှယ်လစ်လမ်းစဉ်ပါတီ ကျဆုံးတဲ့ အကြောင်းရင်းတွေထဲမှာ တိုင်းပြည်ကို LDC ခေါ် အဆင်းရဲဆုံးနိုင်ငံစာရင်း သွင်းတဲ့အပေါ် ပြည်သူတွေ မကျေနပ်တာလည်းပါတယ်လို့ မဆလခေတ် စက်မှု (၁) ၀န်ကြီးဟောင်း ဦးတင့်ဆွေက ၀န်ခံပြောဆိုပါတယ်။ နှစ်ပေါင်း ၂၀ ကျော်တဲ့ထိ မြန်မာနိုင်ငံ ဘာကြောင့် အဆင်းရဲဆုံးနိုင်ငံအဖြစ်က မလွတ်သေးသလဲဆိုတာ ဦးစိန်ကျော်လှိုင်က ခုလို သုံးသပ်ထားပါတယ်။

မြန်မာနိုင်ငံကို ၁၉၈၇ ခုနှစ်မှာ အဆင်းရဲဆုံးနိုင်ငံစာရင်း သွင်းတဲ့အချက်ကလည်း မလဆပါတီ ကျဆုံးတဲ့ အကြောင်းတွေထဲမှာ တချက်အပါအ၀င်ဖြစ်တယ်လို့ မဆလခေတ် စက်မှု (၁) ၀န်ကြီးဟောင်း ဦးတင့်ဆွေက သူရေးတဲ့ ကျောပိုးအိတ်လေးကို ချီကာလွယ်ဆိုတဲ့ သူ့ရဲ့ ကိုယ်ရေးအတ္ထုပ္ပတ္တိစာအုပ်မှာ ၀န်ခံထားတာ ဖြစ်တယ်။

မဆလ၀န်ကြီးဟောင်း ဦးတင့်ဆွေ

ဒါပေမယ့် တိုင်းပြည်ကို LDC ခေါ် အဆင်းရဲဆုံးနိုင်ငံစာရင်း ဘာကြောင့် သွင်းရတယ်ဆိုတဲ့ မဆလ၀န်ကြီးဟောင်း ဦးတင့်ဆွေရဲ့ အမြင်ကတော့ မြန်မာစီးပွားရေးပညာရှင်တချို့ရဲ့ အယူအဆနဲ့ ကွဲပြားနေပါတယ်။

မဆလ၀န်ကြီးဟောင်း ဦးတင့်ဆွေရဲ့အမြင်ကို ချုပ်ပြောရရင် ...

“မဆလ၀န်ကြီးဟောင်း ဦးတင့်ဆွေရဲ့ အပြောအရဆိုရင် မဆလအစိုးရက တိုင်းပြည်ကို အဆင်းရဲဆုံး နိုင်ငံဖြစ်အောင် လျှောက်တာကိုပဲ ပြည်သူတွေက ကျေးဇူးတင်ရမယ့်ကိန်း ဖြစ်နေပါတယ်။ တိုင်းပြည်ရဲ့ ကြွေးတွေ သက်သာအောင် LDC ခေါ် အဆင်းရဲဆုံးနိုင်ငံစာရင်း သွင်းလိုက်ပေမယ့် အနောက်နိုင်ငံ ဆန်ရှင်ခေါ် စီးပွားရေးဒဏ်ခတ်မှုတွေကြောင့် ပြည်သူတွေ LDC ခေါ် အဆင်းရဲဆုံးနိုင်ငံစာရင်းဝင်တဲ့အကျိုး မခံစားရလေခြင်းဆိုပြီး အနောက်နိုင်ငံဆန်ရှင်ကို မဆလ၀န်ကြီးဟောင်း ဦးတင့်ဆွေက အပြစ်တင်ထားတဲ့ သဘောဖြစ်နေတယ်။ တကယ်တော့ ဆန်ရှင်နဲ့ LDC ခေါ် အဆင်းရဲဆုံးနိုင်ငံစာရင်း အသွင်းခံရတာ ဘာမှမဆိုင်ဘူးလို့ ဒေါက်တာမျိုးညွှန့်က ရှင်းပြပါတယ်။”

မြန်မာနိုင်ငံမှာ အဲဒီအချိန် တင်ရှိနေတဲ့ ပြည်ပကြွေးက အမေရိကန်ဒေါ်လာ သန်း ၄ ထောင်ခန့် ရှိတယ်။ မဆလပါတီနဲ့ မဆလအစိုးရက ဒီကြွေးတွေကို တတ်နိုင်သမျှ နည်းစေလိုတဲ့ ဆန္ဒရှိတယ်။ တဘက်ကလည်း LDC ခေါ် အဆင်းရဲဆုံးနိုင်ငံစာရင်း ၀င်သွားရင် ကြွေးတွေ လျှော်ပစ်နိုင်မယ်။ ချေးငွေတွေကို ထောက်ပံ့ငွေအဖြစ် ပြောင်းလဲနိုင်မယ် ... စတဲ့ အခွင့်အရေးတွေ ရနိုင်တယ်။ ဒါပေမယ့် မြန်မာနိုင်ငံ LDC ခေါ် အဆင်းရဲဆုံးနိုင်ငံ စာရင်းဝင်ပြီး တနှစ်အကြာမှာ ၈၈ အရေးအခင်း ဖြစ်လိုက်လို့ ပြည်သူတွေ အနာဂတ်မျိုးဆက်သစ်တွေ မခံစားရလို့ မွေပါလည်းဆုံး သားလည်းဆုံးအဖြစ် ရောက်ရတယ်လို့ ရေးထားပါတယ်။

တကယ်တော့ မြန်မာနိုင်ငံကို LDC ခေါ် အဆင်းရဲဆုံးနိုင်ငံစာရင်း သွင်းပေးဖို့ မဆလအစိုးရက ကုလသမဂ္ဂကို လျှောက်ထားတဲ့အချိန်ဟာ မဆလအရပ်သားအစိုးရ နာမည်ခံထားတဲ့ ဦးနေ၀င်းအစိုးရ အုပ်ချုပ်တာ ၂၅ နှစ်ရှိပြီဖြစ်ပါတယ်။ တိုင်းပြည်စီးပွားရေးကို စစ်ဗိုလ်တွေက ကိုင်တွယ်လို့ စီမံခန့်ခွဲမှု ညံ့ဖျင်းတဲ့အတွက် စီးပွားရေးဘုံးဘုံးကျနေတာကြောင့် တိုင်းပြည်ကို LDC ခေါ် အဆင်းရဲဆုံးနိုင်ငံစာရင်း လျှောက်ထားတာဖြစ်တယ်။ မဆလ၀န်ကြီးဟောင်း ဦးတင့်ဆွေ ပြောသလို ပြည်သူကို ငဲ့ညှာလို့ မဟုတ်ဘူးလို့ စီးပွားရေးပညာရှင် ဒေါက်တာမျိုးညွှန်က ထောက်ပြပါတယ်။

မဆလ၀န်ကြီးဟောင်း ဦးတင့်ဆွေရဲ့ အပြောအရဆိုရင် မဆလအစိုးရက တိုင်းပြည်ကို အဆင်းရဲဆုံး နိုင်ငံဖြစ်အောင် လျှောက်တာကိုပဲ ပြည်သူတွေက ကျေးဇူးတင်ရမယ့်ကိန်း ဖြစ်နေပါတယ်။ တိုင်းပြည်ရဲ့ ကြွေးတွေ သက်သာအောင် LDC ခေါ် အဆင်းရဲဆုံးနိုင်ငံစာရင်း သွင်းလိုက်ပေမယ့် အနောက်နိုင်ငံ ဆန်ရှင်ခေါ် စီးပွားရေးဒဏ်ခတ်မှုတွေကြောင့် ပြည်သူတွေ LDC ခေါ် အဆင်းရဲဆုံးနိုင်ငံစာရင်းဝင်တဲ့အကျိုး မခံစားရလေခြင်းဆိုပြီး အနောက်နိုင်ငံဆန်ရှင်ကို မဆလ၀န်ကြီးဟောင်း ဦးတင့်ဆွေက အပြစ်တင်ထားတဲ့ သဘောဖြစ်နေတယ်။ တကယ်တော့ ဆန်ရှင်နဲ့ LDC ခေါ် အဆင်းရဲဆုံးနိုင်ငံစာရင်း အသွင်းခံရတာ ဘာမှမဆိုင်ဘူးလို့ ဒေါက်တာမျိုးညွှန့်က ရှင်းပြပါတယ်။

ဒီနေရာမှာ နိုင်ငံတခုကို ဘယ်လိုအခြေအနေမျိုးမှာ LDC ခေါ် အဆင်းရဲဆုံးနိုင်ငံစာရင်း သွင်းခွင့်ပေးသလဲ ဆိုတာ ပြန်ကြည့်ဖို့ လိုပါတယ်။

ကုလသမဂ္ဂရဲ့ သတ်မှတ်ချက်အရ တဦးချင်းဝင်ငွေ နည်းနေတာ ဖြစ်ရမယ်လို့ ဆိုပါတယ်။ တဦးချင်းဝင်ငွေ ဆိုရာမှာ ၃ နှစ်စာ ပျမ်းမျှ တဦးချင်းဝင်ငွေက ဒေါ်လာ ၉၀၅ ဒေါ်လာထက် နည်းရမယ်။ နောက် အဟာရ၊ ကျန်းမာရေး၊ ပညာရေး၊ သက်ကြီးစာတတ်မြောက်မှု ... စတဲ့ ညွှန်းကိန်းတွေ အခြေခံတဲ့ လူသားရင်းမြစ် အားနည်းနေတာ ...။ နောက် လယ်ယာစိုက်ပျိုးမှု ထုတ်လုပ်မှု မတည်ငြိမ်တာ၊ ကုန်စည်နဲ့ ၀န်ဆောင်မှု ပြည်ပပို့တဲ့နှုန်း မတည်ငြိမ်တာ သဘောဝဘေးကြောင့် အိုးအိမ်စွန့်ခွာရတဲ့ လူဦးရေရာနှုန်း ... စတဲ့ စီးပွားရေး အားနည်းချက်တွေကို ကြည့်ပြီး ဆုံးဖြတ်တာဖြစ်ပါတယ်။

၂၀၁၁ ခု ဇန်န၀ါရီလ ၁ ရက်ထိ LDC ခေါ် အဆင်းရဲဆုံးနိုင်ငံပေါင်း ၄၈ နိုင်ငံရှိပြီး LDC ခေါ် အဆင်းရဲဆုံးနိုင်ငံစာရင်း သတ်မှတ်ချိန်ကစပြီး ကနေ့ထိ LDC ခေါ် အဆင်းရဲဆုံးနိုင်ငံစာရင်းက လွတ်သွားတာ ၃ နိုင်ငံပဲရှိပါတယ်။ Botswana, Cape Verde နဲ့ မော်လဒိုက်တို့ ဖြစ်တယ်။

ကနေ့ဆိုရင် မြန်မာနိုင်ငံကို LDC ခေါ် အဆင်းရဲဆုံးနိုင်ငံစာရင်း အသွင်းခံရတာ နှစ်ပေါင်း ၂၀ ကျော်ပြီ ဖြစ်ပါတယ်။ နှစ်ပေါင်း ၂၀ ကျော်အတွင်း စစ်အစိုးရ အဆက်ဆက် အုပ်ချုပ်ခဲ့ပေမယ့် LDC နိုင်ငံအဖြစ်က လွတ်မယ့်လမ်းစတောင် မမြင်ရဖြစ်နေတာ ဘာကြောင့်လဲလို့ မေးစရာဖြစ်ပါတယ်။

သမ္မတဦးသိန်းစိန်ရဲ့ စီးပွားရေးအကြံပေးအဖွဲ့ခေါင်းဆောင် ဒေါက်တာဦးမြင့်ကတော့ မြန်မာအနေနဲ့ အိမ်နီးချင်း အာဆီယံနိုင်ငံတွေ အမီလိုက်ချင်ရင် ပထမဆုံး LDC ခေါ် အဆင်းရဲဆုံးနိုင်ငံစာရင်းက လွတ်အောင်လုပ်ရမယ်လို့ တချိန်က စင်္ကာပူနိုင်ငံ Burma Studies Conference ကို တင်သွင်းတဲ့ စာတမ်းမှာ ထောက်ပြအကြံပေးခဲ့ပါတယ် (ဒါပေမယ့် သမ္မတအကြံပေး ဖြစ်ချိန်က စပြီး ခုထိ အဲဒီစကား မပြောတော့ပါ)။

LDC ခေါ် အဆင်းရဲဆုံးနိုင်ငံစာရင်းက လွတ်ဖို့ဆိုရင် တဦးချင်း ပျမ်းမျှဝင်ငွေက ဒေါ်လာ ၁,၀၈၆ ထက် ကျော်ရမယ်လို့ သတ်မှတ်ထားပါတယ်။ ၂၀၀၈ ခုနှစ်အတွက် မြန်မာနိုင်ငံသားတဦးရဲ့ ပျမ်းမျှဝင်ငွေက ကျပ်ငွေ ၃ သိန်းခွဲနီးပါးထိ တက်လာတယ်လို့ လက်ရှိ ရန်ကုန်တိုင်း ၀န်ကြီးချုပ်ဖြစ်နေတဲ့ ဒု-ဗိုလ်ချုပ်ကြီးမြင့်ဆွေ တချိန်က ပြောခဲ့ပါတယ်။ ဒု-ဗိုလ်ချုပ်ကြီးမြင့်ဆွေ အပြောအရဆိုရင်တောင် ၂၀၀၈ ခုအတွက် တဦးချင်းဝင်ငွေက ဒေါ်လာ ၄၀၀ မရှိဖြစ်နေလို့ LDC အဆင့်က လွတ်ဖို့ လမ်းမရှိဖြစ်နေပါတယ်။

စစ်အစိုးရအုပ်ချုပ်ရေးတလျှောက်လုံးမှာ တိုင်းပြည်ရဲ့ စီးပွားရေးတိုးတက်မှု ဂျီဒီပီကို တနှစ်ထက်တနှစ် စာရွက်ပေါ်မှာ တိုးပြီး လိမ်ပြနေပေမယ့် ဂျီဒီပီကိန်းဂဏန်းကို စားလို့ရတာမဟုတ်ဘဲ ထမင်းစားရတဲ့ ပြည်သူတွေကတော့ တဦးချင်းဝင်ငွေ တက်မလာတာ လက်တွေ့ဖြစ်တယ်လို့ ဒေါက်တာမျိုးညွန့်က ဝေဖန်ထားပါတယ်။

သောတရှင်များခင်ဗျား ...

အိမ်နီးချင်း အာဆီယံနိုင်ငံတွေက သူတို့ပြည်သူတွေဘ၀ တိုးတက်အောင် ကြိုးပမ်းအားထုတ်နေချိန်မှာ မြန်မာက အဆင်းရဲဆုံးနိုင်ငံ ဆိုတဲ့အဖြစ်နဲ့ ဆက်သွားနေတာ သိက္ခာမရှိဘူးလို့ သမ္မတ ဦးသိန်းစိန်ရဲ့ စီးပွားရေးအကြံပေးအဖွဲ့ခေါင်းဆောင် ဒေါက်တာဦးမြင့်ကလည်း သူ့စာတမ်းမှာ တချိန်က ဝေဖန်ခဲ့ပါတယ်။ ၅ နှစ်သက်တမ်းသာခံမယ့် သမ္မတ ဦးသိန်းစိန်အစိုးရလက်ထက်မှာ မြန်မာနိုင်ငံကို LDC ခေါ် အဆင်းရဲဆုံး နိုင်ငံစာရင်းက လွတ်အောာင် လုပ်နိုင်ပါ့မလားဆိုတာ စောင့်ကြည့်ရမှာဖြစ်ကြောင်းပါခင်ဗျား ...။ ။

(အာရ်အက်ဖ်အေ ဦးစိန်ကျော်လှိုင်၏ သုံးသပ်ချက်ကဏ္ဍမှ ကောက်နှုတ်ချက်)

(Vicky Mandra's Facebook မှ ...)