ဒီမိုကရေစီ အမြတ်ရလိုက်သူများကို မေတ္တာရပ်ခြင်း
မောင်မောင်ဘု
သရုပ်ဖော်ပုံ - ကာတွန်းဟန်လေး (ဧရာဝတီဝက်ဘ်ဆိုက်)
ရှစ်လေးလုံးဒီမိုကရေစီတိုက်ပွဲမှသည် ယခုအချိန်ထိ အနေအထားများကို လေ့လာသုံးသပ်ကြည့်လိုက်ပါက အမြတ်ထွက်သွားတဲ့ အုပ်စုများကို တွေ့လိုက်ရပါတယ်။ ဒီအုပ်စုတွေကတော့ ...
(၁) ဗိုလ်ချုပ်မှူးကြီးအုပ်စု
(၂) အာဏာရှင်နဲ့ ပေါင်းလုပ်စားအုပ်စု
(၃) ဒုက္ခသည်ဗန်းပြအုပ်စု (NGO များ အပါအ၀င်)
(၄) ဒီမိုဗန်းပြအုပ်စုတွေ ဖြစ်ကြတယ်။
တအုပ်စုချင်းကို လေ့လာကြည့်ကြပါစို့ ....။
(၁) ဗိုလ်ချုပ်မှူးကြီးအုပ်စု
ဗိုလ်ချုပ်မှူးကြီးကတော့ တခေတ်မှာတယောက် ထွန်းပေါက်သူလို့ ပြောရင်ရပါတယ်။ တိုင်းပြည်တခုလုံးကို ငြိမ်ဝပ်ပိပြားအောင် နှစ်ပေါင်းနှစ်ဆယ်ကျော်ကြာ အုပ်ချုပ်နိုင်ခဲ့တယ်။ ကမ္ဘာပေါ်မှာ ဘယ်အာဏာရှင်မှ မလုပ်နိုင်တဲ့ စွမ်းရည်ရှိတယ်။ ဘာကြောင့်လဲဆိုတော့ အခြားအာဏာရှင်တွေ ခွေးပြေးဝက်ပြေး ပြေး၊ ခွေးသေ၀က်သေ သေနေတဲ့အချိန်မှာ သူက အေးဆေးပဲ။ သူနဲ့ သူ့အုပ်စုကို အရေးယူလို့မရတော့တဲ့ ဖွဲ့စည်းပုံအခြေခံဥပဒေကို ရေးဆွဲနိုင်ခဲ့တယ်။ အာဏာကို စိတ်ချလက်ချ လွှဲပြောင်းပေးခဲ့တယ်။ မြန်မာပြည်ကို ဒီမိုကရေစီလမ်းကြောင်းပေါ် တင်ပေးခဲ့တယ်လို့ ပြောရင်ရလောက်တယ်။ အတိုက်အခံပါတီကြီးတခုတောင် နောက်ပိတ်ဆုံး သူ့လမ်းကြောင်းအတိုင်း လိုက်သွားရတာ လူတိုင်းအသိ။ နောက်ဆိုရင် ဗိုလ်ချုပ်မှူးကြီးဟာ ဒီမိုကရေစီဖခင်ကြီး ဆိုပြီး တင်စားခံရလောက်တယ် ... အဟက် အဟက်။ သူ့တပည့် စစ်ဗိုလ်လူထွက်တွေ တိုင်းပြည်ကို ဆက်လက်အုပ်ချုပ်နိုင်စေမယ့် နိုင်ငံရေးအခင်းအကျင်းကြီးတခုကို ဖန်တီးပေးခဲ့ပါတယ်။ မတထောင်တကောင်ဖွား ဗိုလ်ချုပ်မှူးကြီးပါ။ ဘယ်သူ သူ့လောက်တော်မယ်ထင်သလဲ။
(၂) အာဏာရှင်နဲ့ ပေါင်းလုပ်စားအုပ်စု
ဒီအုပ်စုလည်း ပန်းပန်လျက်ပဲ။ ကြီးပွားချမ်းသာပြီး ကျက်သရေမင်္ဂလာအဖြာဖြာနဲ့ ပြည့်စုံနေတဲ့ အုပ်စုကြီးပါ။ လွှတ်တော်အမတ်ကြီးတွေ ဖြစ်သူဖြစ်၊ အားကစားစပွန်ဆာကြီးတွေ ဖြစ်သူဖြစ်။ ၀န်ကြီးတွေဖြစ်သူဖြစ်။ ဘ၀အကျိုးပေးကောင်းသူများပါတကား။ ပိုက်ဆံအရှာ တော်လိုက်တာ၊ အင်တာနေရှင်နယ် စီးပွားရေးသမားကြီးတွေနော်။ ဘယ်အစိုးရပြောင်းပြောင်း လုပ်စားတတ်လိုက်ကြတာနော် ဆိုပြီး ချီးကျူးစရာကောင်းလိုက်တဲ့ အုပ်စုကြီးပါ။ အခု ဒီမိုကရေစီခေတ်ကြီးမှာလည်း ထိပ်တန်းမှာပဲ။ ဗေဒါပျံအံကိုခဲ ပန်းပန်လျက်ပဲ ဆိုတာ သူတို့ကို တင်စားတာဖြစ်မယ်။
(၃) ဒုက္ခသည်ဗန်းပြအုပ်စု (NGO များအပါအ၀င်)
သူတို့အုပ်စုကလည်း ခပ်မိုက်မိုက်ပဲ။ ဒုက္ခသည်အတုတွေနဲ့ စီးပွားဖြစ်သွားကြတယ်။ နိုင်ငံခြားသွားချင်ရင် သူတို့ကို ပသလိုက်။ သွားရရော။ ဒုက္ခသည်အစစ်တွေ ရိက္ခာမရရင်နေမယ်။ အတုတွေကတော့ နိုင်ငံခြားမှာ နာမည်အမျိုးမျိုးနဲ့ ကြီးပွားနေကြရော။ မြန်မာပြည်မှာ ကိုရင်၊ နိုင်ငံခြားမှာ ဖိုးခွားဖြစ်နေတာ မဆန်းတော့။ ရယ်စရာတော့ အကောင်းသား။ နောက် ပညာရေး၊ ကျန်းမာရေး ဗန်းပြလုပ်စားနေကြတဲ့ NGO လူကြီးတွေ၊ ပညာရှင်ကြီးတွေလည်း ဒေါ်လာတွေ ထောပြီး လူကိုလူလို့မထင်တော့။ သူတို့အတွက် မျောက်လေးတွေပေါ့။ ပြပြီး ဆန်တောင်းလို့ရတယ်လေ။ တိုင်းပြည်ပျက်လေ လုပ်စားလို့ကောင်းလေဆိုတဲ့ လူတော်ကြီးများ အုပ်စုဖြစ်တယ်။
(၄) ဒီမိုဗန်းပြအုပ်စု
ဒီလူတွေလည်း အခုဆို မြန်မာပြည်ဒီမိုကရေစီအရေးလှုပ်ရှားသူများအဖြစ် နာမည်တွေကြီးနေကြတယ်။ ဒီမိုကရေစီထောက်ပံ့ကြေးတွေ ရပြီး ကောင်းစားနေတဲ့သူတွေပေါ့။ ခေတ်မီနည်းပညာတွေလည်း တတ်၊ ဒီမိုကရေစီကိုလည်း နားလည်ဆိုတော့ စာအုပ်ကြီးငယ်ရေးပြီး တချို့ဆို ကမ္ဘာကျော်သတဲ့။ ကောင်းလေစွ။ ဗန်းပြလုပ်စားတတ်တဲ့ အရည်အချင်းတွေက သာမန်လူတွေ တတ်မယ်ထင်သလား။
အခြားအုပ်စုလေးတွေလည်း အများကြီးကျန်ပါသေးတယ်။ အခုက ထင်ရှားတဲ့ အုပ်စုကြီးတွေကို ဦးစားပေး ဖော်ပြလိုက်တာပါ။
မြန်မာပြည် ဒီမိုကရေစီအရေးအတွက် အမှန်တကယ် လှုပ်ရှားခဲ့ကြတဲ့လူတွေက အခုမှ အချုပ်အနှောင်ထဲမှ တိုးထွက်လာနိုင်ခါစ။ သူတို့ကို ပြင်ပလေ ပြည့်ပြည့်၀၀ ရှူခိုင်းလိုက်ပါ။ ထောင်မကျဖူးပေမယ့်လည်း ဒီမိုကရေစီအရေးအတွက် ကိုယ်တတ်နိုင်သလောက် လှုပ်ရှားခဲ့ကြတဲ့လူတွေကိုလည်း လေးစားပါတယ်။
အခု ဒီမိုကရေစီအစစ်အမှန် ရရှိရေးအတွက် ၀ိုင်းဝန်းအားသစ်မွေးနေတဲ့အချိန်မှာ လှုပ်ရှားသူတွေရော ပြည်သူလူထုရော အသက်၀၀ရှူခွင့်ရပြီး ကိုယ်ပိုင်ထင်မြင်ချက်များကို လွတ်လပ်စွာ ထုတ်ဖော်ပြောဆိုနိုင်ခွင့်များကို တားဆီးခြင်းမပြုကြပါရန် အမြတ်ရပြီးဖြစ်တဲ့ ခိုင်မာတောင့်တင်းပြီးသား အုပ်စုများကို မေတ္တာရပ်ခံတင်ပြအပ်ပါတယ်။
ကိုယ့်တိုင်းပြည် ဆုတ်ယုတ်တာကို မြင်ချင်တဲ့ နိုင်ငံသားဆိုတာ မရှိနိုင်ပါဟု ယုံကြည်လျက် ...။
မောင်မောင်ဘု
၂၄.၁.၂၀၁၂
Posts
13 comments:
နောက်တစ်အုပ်စုရှိပါသေးတယ်လေ ဒီမိုဗန်းပြ ဘလော့ရေးစားတဲ့အုပ်စု
အပြောပဲရှိ လက်တွေ့ဘာမှမဖြစ်/မလုပ်နိုင် နောက်ကွယ်ကနေသူများတွေ ရန်တိုက်ပေး/မြှောက်ပေးတဲ့အုပ်စုလေ :D
you are Right!
အချောင်သမားအုပ်စုဆိုတာကိုလည်း ဖော်ပြပေးပါဦး
what about the writer? Which group r u in?
I am totally with the writer. The group which got a complete lion-share is no doubt, but the Than Shwe and his cliques!
Excellent, Maung Maung Bu!!!!
You might not probably know that there was a group who claimed themselves as refugees in Western countries, and became citizens and went back home to Burma for a visit or to show off how much they were successful, ha..ha..
ကောင်းကောင်း .. ကော့မန့်ပေးလိုက်တဲ့ ကျွန်တော်မိန်းမက ရေချိုးနေရင်း လှမ်းအော်တယ်။
"ဒီမိုကရေစီ အမြတ်ရလိုက်သူတွေထဲမှာ ဌာနအသီးသီးကိုအရပ်ဝတ်လဲပြီးနေရာယူလုပ်စားနေသူတွေကောင်းစားနေကြောင်းနဲ.တကယ်အစစ်အမှန်ဝန်ထမ်းကြီးများချောင်ထိုးခံနေရပုံတွေလည်းရှိသေးတယ်လေ.. အဲဒီအကြောင်းလေးတွေလည်းရေးပါအုံး..
Seem right.But....
For Gp1:Like U Nay Win and their family, they have black spot in History.They have no courage to show their face in public and hide in their mouse hole. They know their self that people in Burma don't love them.Don't like them. Don't respect them.
For Gp2 : People know that how they make money and how they sell country for their money.
I think when they saw Min Ko Naing whom is very much loved and very welcome by Burmese people, they prefer to be like him.
There are many things that can't not be effort by money.
ဖြိုး ပြောတာမှန်တယ်။ ဒီမိုဗန်းပြ ဘလောက်ရေးတဲ့ အုပ်စုလည်းရှိတယ်။ ဟိုကသတင်း၊ ဒီကသတင်းကို ချိပ်ပေးရုံဘဲ။ ဟန်ကိုကျနေတာဘဲ။ ပြောရင်းဆိုရင်း ဘလောက်တောင်ရေးချင်စိတ်ပေါက်လာပြီ
a great piece of writing - truly thought-provoking! while many students such as ko min ko naing are still braving the arrests in burma, there are some people like the WE FIGHT, WE WIN" self-styled student leader and blogger seemingly enjoying the benefits and conveniently living in the US. which group does he belong to?
HA HA HA....WHAT ABOUTYOU?
jUST POINTING AND NOTHING TO DO GROUP
အဲဒါတွေဋ္ဌကည့်ရင် တို.ဗမာတွေ တော်တော် အသုံးမကျဘူးဆိုတာ ရှင်းနေတာဘဲ။
ရှေးဘုရင်တွေ လက်ထက်ထဲက နန်းလုဋ္ဌက၊ သားအဖ ညီအကိုတွေသတ်ဋ္ဌကနဲ.။ ယူလိုက်ဋ္ဌကတဲ့ မိန်းမတွေ၊ တိုက်လိုက်တဲ့စစ်။ ပြည်သူတွေ ခံစားခဲ့ရတဲ့ မှတ်တမ်းက ရှားရှားပါးပါး။
ခုလည်း ၆၂ခု ဘိုးဘိုးနေ၀င်း စစ်အာဏာသိမ်းပြည်ကတည်းက အာဏာရုးပြီး တိုင်းပြည်ပျက်လာတာ ဒီကနေ.အထိ။
ငသန်းရွှေဋ္ဌကီး လုပ်ကွက်ကို ချီးကျုးတာတော့ မဋ္ဌကိုက်ဘူး။ ကလိန်ကကျစ် ကျလွန်းတယ်ဘဲ မြင်တယ်။ ရုပ်ပြ မိတ်ကပ်လိမ်းပြီး လိုအပ်တဲ့ သော့ချက်လေးတွေကို ပေးကျွေးပြီး ကစားနေတာကို တွေ.နေရတယ်။ ယုံလိုသူတွေကို အပစ်မတင်ချင်ဘူး။ ခံရတော့မယ်ဆိုတာ သိနေတယ်။ မူပျောက်နေမှတော့ လူချောက်တွေ ဖြစ်ပြီပေါ့။
အမီးကျက် အမီးစား၊ ခေါင်းကျက် ခေါင်းစားတောင် မဟုတ်တော့ဘူး။ မကျက်တကျက် ဖြစ်ကတည်းက စားနေလိုက်ဋ္ဌကတာ။
အချောင်သမားပေါင်းစုံ၊ ငလိမ်တပြုံဋ္ဌကီးနဲ. ဟောဒီ ဖါနိုင်ငံဋ္ဌကီးကို ဘာလုပ်ပစ်ရရင် ကောင်းမလဲ စဉ်းစားဋ္ဌကပါဦး။
ပျက်သွားတဲ့ အော်တန်းစာ စိတ်ဓါတ်တွေကို ဘယ်လိုပြန်ပြင်ဋ္ဌကမလဲ။
တနိုင်ငံလုံးကို ချွတ်ဆေးလောင်ပြီး ဖြူသွားအောင် လုပ်လို.ရရင် ကောင်းမှာဘဲ။
ဒီမိုး ဒီလေ ဒီလူတွေနဲ.တော့ ဟုတ်နေပါပြီ။
Post a Comment