မစို့မပို့နေ့

မစို့မပို့နေ့

မောင်ငြိမ်းအေး

- မစို့မပို့နေ့မှာ
အဖေမပါဘူး
အဖေ့ကို ပြန်တွေ့လိုက်ရတဲ့အတိုင်း အားရှိတယ်။

- မစို့မပို့နေ့မှာ
အမေမပါဘူး
အမေ့ကို ပြန်တွေ့လိုက်ရတဲ့အတိုင်း အေးမြတယ်။

- မစို့မပို့နေ့မှာ
ခင်ပွန်းမပါဘူး
ခင်ပွန်းကို ပြန်တွေ့လိုက်ရတဲ့အတိုင်း လုံခြုံတယ်။

- မစို့မပို့နေ့မှာ
ဇနီးမပါဘူး
ဇနီးကို ပြန်တွေ့လိုက်ရတဲ့အတိုင်း ရင်ခုန်တယ်။

- မစို့မပို့နေ့မှာ
သားမပါဘူး
သားကို ပြန်တွေ့လိုက်ရတဲ့အတိုင်း နွေးထွေးတယ်။

- မစို့မပို့နေ့မှာ
သမီးမပါဘူး
သမီးကို ပြန်တွေ့လိုက်ရတဲ့အတိုင်း ကြည်နူးတယ်။

- ရေငတ်တဲ့သူကို ရေတိုက်လို့ ထောင်ကျခဲ့
တွင်းထဲကျနေသူကို လက်ကမ်းလို့ ထောင်ကျခဲ့
သိချင်တဲ့သူကို သတင်းအမှန်တွေပေးလို့ ထောင်ကျခဲ့
ငြိမ်းချမ်းရေးအတွက် မေတ္တာပို့လို့ ထောင်ကျခဲ့
ကုန်ဈေးနှုန်းကျဆင်းရေးအတွက် လမ်းလျှောက်လို့ ထောင်ကျခဲ့
လူအုပ်စုတွေနဲ့ ၀ိုင်းရိုက်တာခံရလို့ ထောင်ကျခဲ့
အိမ်ထဲကို သူခိုးဝင်လို့ အိမ်ရှင် ထောင်ကျခဲ့
မတရားမှုတွေကို သွားတိုင်လို့ ထောင်ကျခဲ့
အပြစ်မရှိတဲ့သူတွေ
အပြစ်မရှိတဲ့ အပြစ်နဲ့ ထောင်ကျခဲ့ကြတာပဲ။

- အခုတော့
ဟောဒီ မစို့မပို့နေ့မှာ
တိုင်းပြည်ပါးစပ်နှမ်းပက်
အုတ်တံတိုင်းအပြင်ကို သူတို့ထွက်ခဲ့ကြပြီ။

- သူတို့မျက်နှာပေါ် ဖြတ်ပြေးသွားတဲ့ လေထဲမှာ
မွှေးပျံ့တဲ့ ပန်းရနံ့တွေ မရကြဘူး
စိတ်ချယုံကြည်ရခြင်းတွေ မရှူရှိုက်ကြရဘူး
မလွတ်မလပ်အုတ်ရိုးတွေအထဲမှာ
လွတ်လပ်မှုကို မြတ်နိုးတဲ့
ကျောင်းသားခေါင်းဆောင်တွေ ကျန်နေခဲ့တယ်
တိုင်းရင်းသားခေါင်းဆောင်တွေ ကျန်နေခဲ့တယ်
လူမသိသူမသိ
တိုင်းပြည်ကို အသက်နဲ့လဲနိုင်တဲ့အထိ ချစ်တဲ့
အညတြသူရဲကောင်းတွေ ကျန်နေရစ်တယ်
သူတို့တတွေ လွတ်လွတ်လပ်လပ် မရှိသေးသမျှ
အမျိုးသားရင်ကြားစေ့ရေးဟာ သားလျှောနေဦးမှာပဲမဟုတ်လား ...။

- သူတို့ရဲ့အချုပ်ခန်းတံခါးကလေးတွေ ပွင့်သွားတာဟာ
တိုင်းပြည်ရဲ့အကျဉ်းအကျပ်တံခါးကြီး ပွင့်သွားတာမဟုတ်ဘူး
အဲဒီလို ကောင်းကောင်းကြီး သူတို့တွေးခေါ်နိုင်ကြရဲ့
ထောင်တွေအားလုံး
ယုံကြည်ချက်ကြောင့် အကျဉ်းကျသူတွေ "ခေါင်" သွားတဲ့အထိ
ဒေသအားလုံးအပေါ် မျက်ကန်းတစ္ဆေမကြောက် ပျံသန်းနေတဲ့ ကျည်ဆံတွေ
သေနတ်ပြောင်းတွေထဲမှာ အတောင်ပံကျိုးသွားတဲ့အထိ
လွှတ်တော်တွေထဲမှာ
ပုပ်အဲ့အဲ့ အစိမ်းရောင်အနံ့အသက်တွေ ကင်းစင်သွားတဲ့အထိ
အိပ်မက်တွေကို လက်ဖ၀ါးပေါ်တင်ကြည့်လို့ရတဲ့အထိ
ဂစ်တာကြိုးတွေကို သူတို့ညှိရဦးမယ်။

- တဖြည်းဖြည်းနဲ့
ဝေး ... ဝေးမသွားပါဘူး
ကမ္ဘာလဆန်းတရက်နေ့လည်းမရှိ
ဖေဖော်ဝါရီသုံးဆယ်ရက်လည်းမရှိ
ပြည်သူတွေရဲ့ ပြည်သူ့ခေတ်သာ
တကယ်ရှိနေတဲ့ အမှန်တရားမဟုတ်လား
လမင်းကို အိတ်ကပ်တွေထဲ ထည့်နိုင်တော့မှာပါကွယ်။     ။

(၁၂-၁၀-၂၀၁၁ ခံစားမှု ...)

မောင်ငြိမ်းအေး