မိသားစု သစ်တပင်

မိသားစု သစ်တပင်

မောင်လွမ်းဏီ

လွန်လေပြီးသော
နှစ်ချို့တောက၊ မိတ်ဆွေတယောက်
မဲဆောက်အိမ်သို့၊ ပို့လာဝေငှ
ပိတောက်တပင်၊ ရင်တွင်ထွေးပိုက်
စိုက်ပျိုးယုယခဲ့ပါသည်။

လူတရပ်မက
ဓာတ်မီးတိုင်လောက်၊ ကြီးကောင်ပေါက်လည်း ...။

တနှစ်မဟုတ်
နှစ်နှစ်မဟုတ်၊ ဆယ်နှစ်မဟုတ်
တဖြုတ်ဖြုတ်ကြွေ၊ ရက်တွေကောက်ရင်း
အခေါက်ရင့်လာ၊ အပွေးမာလည်း ...။

စည်ပင်သာယာ
မကြာခဏ၊ လာကြ ခုတ်ဖြတ်
ဓာတ်မီးကြိုးထိ၊ ငြိလေလေတိုင်း
ဆဲရေးတိုင်းထွာ၊ ထိုင်းစာမတတ်ငြား
အိုင်စပ်တခွန်း အော်မိတယ်။

ပိတောက်မထိနဲ့
ဓားကြည့်ဆိုတဲ့၊ သူအိုနှပ်စား
မိတ်ဆွေများကိုလည်း၊ လေးစားမိတယ်။

အိမ်ကိုလာကြ
ပိတောက်ချစ်သူ၊ ခလေးသူငယ်
ပျိုရွယ်လုံမ
ပိတောက်ပွင့်လား၊ မွှေးရီလား အဘ
ငေးမျှော်ကြတယ်၊ မေးကြတယ်။

သင်္ကြန်နီးရင်
အိမ်ရှင်မက၊ ဖွဖွဆုတောင်း
မိုးလေကောင်းသစ်၊ ဒီတနှစ်တော့
သူချစ်တဲ့ပန်း ပွင့်ပါစေ။

ကျနော်တယောက်လည်း
ပိတောက်ပင်အောက်
လောက်ခေါင်သောက်ရင်း
ရှေ့နှစ်လောက်များ
ပွင့်မလားနဲ့ ချစ်အားငယ်ငယ်။

ဆယ်နှစ်လည်း မဖူး
ဆယ်နှစ်ကျော်လည်း မပွင့်
သက်ရင့်ပိတောက်၊ ပင်စည်အောက်ခြေ
ထမီပတ်လေ၊ ယတြာချေတဲ့
တချို့တွေက အကြံပြုတယ်။

တချို့ကလည်း
အပင်ခြေရင်း၊ မြေတလင်းမှာ
ထင်းမီးမြှိုက်ပေး၊ တဖြေးဖြေးနဲ့ ပွင့်လိမ့်မယ်တဲ့။

ကျနော်တို့မိသားစု
အခု
ထုံထောင်းက ဘုံပြောင်းခဲ့ကြရပေမယ့် ...။

ထိုအိမ်လေးက
ပိတောက်ပွင့်ရက်
ဆက်ဆက်စောင့်ကြိုနေဆဲပဲ။ ။

အိုင်စပ် (ထိုင်းဘာသာ) = တိရိစ္ဆာန်

မောင်လွမ်းဏီ

၁၈-၉-၂၀၁၁