“ဘဲက ရွာမှာ ...”

“ဘဲက ရွာမှာ ...”

အဟိ

လွတ်မြောက်နယ်မြေမှာ အဟိနဲ့ ရင်းနှီးကျွမ်းဝင်တဲ့ ကရင်ဦးကြီးတယောက်ရှိတယ်။ သူ့နာမည်က ‘မန်းစိန် ဟန်’ တဲ့။ သူ့ကို ကရင်လူမျိုးမှန်းမသိရင် သူ့နာမည်က ဇာတ်မင်းသားနာမည်လိုလို၊ ဆိုင်းဆရာနာမည်လိုလို အတွေးပိုစရာ။ လူပုံကတော့ လေးဆယ်ကျော် ငါးဆယ်နားနီး နှုတ်ခမ်းမွေးစစ၊ ဗိုက်ရွှဲရွှဲနဲ့ဆိုသော်ငြား ကြည့် ကောင်းတဲ့ ဥပဓိကို ပိုင်ဆိုင်ထားတုန်းဆိုပါတော့ (တခါတလေ မိုးအုံ့နေပေမယ့်လည်း နေကာမျက်မှန်အမဲ ကြီးကို တပ်လို့၊ မိုးကို စိတ်နာနေသူများလားမသိ)။ ငယ်တုန်းကဆိုရင်တော့ အင်း ... ဦးကြီးမန်းစိန်ဟန်ပုံက မင်းသားကျော်သူနဲ့ ရဲအောင်ကို ငရုပ်ဆုံထဲမှာ ရောသမမွှေ ညက်အောင်ထောင်းပြီး ထွက်လာတဲ့ ပုံဖြစ်မယ်လို့ အဟိ မှန်းကြည့်နေမိရဲ့။

အဲဒီဦးကြီးမန်းစိန်ဟန်က ဥပဓိကောင်းရုံတင်မကဘူး၊ သဘောမနောကလည်း အရမ်းကောင်းတယ်။ ဘာသာ တရားလည်း ကိုင်းရှိုင်းသလို အလှူအတန်းကလည်း ရက်ရောတယ် (သူ စပွန်ဆာပေးတဲ့ ဘူးသင်္ကြန်မဏ္ဍပ် မှာ အဟိ ဘူးသီးကြော် အ၀အပြဲ စားခဲ့ဖူးတယ်)။ ဒါတင်ပဲလားဆိုတော့ မကသေးဘူး၊ သူ့အိမ်မှာ စားကောင်း သောက်ဖွယ်တွေ ချက်တဲ့အခါဆို အဟိကို မမေ့မလျော့ ဖုန်းနဲ့အခေါ်ဆင့်လို့ ဗိုက်ခွေးမနမ်းရုံတမယ် သွား သွားဝါးရတာလည်း အမော (အခုတော့ ၀ါဝင်နေလို့လားမသိ၊ ဖုန်းမဆက်တာ တော်တော်ကြာသွားပြီ)။ ပြီးရင် အအီပြေအောင် တိုက်ကျွေးတဲ့ ၀ိုင်ကလေးနဲ့ တရေးတမော တခေါခေါပေါ့လေ။ အဲသလို စေတနာသဒ္ဓါတရား ထက်သန်လွန်လို့လည်း ဦးကြီးမန်းစိန်ဟန် ချဲခဏခဏ ပေါက်တာဖြစ်မယ် (ဒါကတော့ ဦးကြီးမန်းစိန်ဟန်နဲ့ ပတ်သက်ပြီး အဟိ အတိအကျ အားကျမိတဲ့အချက်ပေါ့)။ ဦးကြီးမန်းစိန်ဟန်က အဲသလို ဘာသာရေးလိုက် စားရုံတင်မကဘူး၊ ညနေ ညနေဆို ၀တ်စုံပြည့်နဲ့ ပြိုင်ဘီးကလေးစီးပြီး ကျန်းမာရေးလိုက်စားတဲ့အခါ လိုက်စား တယ်။ မဲဆောက် သက်ကြီးရွယ်အိုဘောလုံးအသင်းနဲ့ ဘောလုံးကန်ပြီး ကျန်းမာရေးလိုက်စားတဲ့အခါ လိုက် စားတယ်။

ဒါပေမယ့် ဦးကြီးမန်းစိန်ဟန်က အလုပ်အရမ်းများတဲ့သူလို့ ပြောရမယ်။ သူက ၈၈ အရေးအခင်းအပြီးမှာ စက် မှုတက္ကသိုလ်ကျောင်းသားဘ၀နဲ့ တောခိုလာသူဆိုတော့ အခုထိလည်း သမိုင်းပေးတာဝန်အရ တော်လှန်ရေး အလုပ်ကို ဆက်လုပ်နေရတယ်။ ပြီးတော့ လွတ်မြောက်နယ်မြေမှာ လူသိများ အားကိုးအားထားပြုရတဲ့ မယ် တော်ဆေးခန်းရဲ့ဖောင်ဒါ (တည်ထောင်သူ) တဦးလည်းဖြစ်တော့ ဆေးခန်းဝေရာဝစ္စတွေဆိုလည်း ဦးကြီးမန်း စိန်ဟန်အနေနဲ့ မျက်နှာလွှဲလို့ မရပြန်ဘူး။ နောက်ပြီး ဦးကြီးမန်းစိန်ဟန်က ဆေးအသင်းမှာလည်း ဒု-ဥက္ကဌ လုပ်တယ်လို့ပြောတယ်။ ပြီးတော့ ရွှေ့ပြောင်းကလေးငယ်တွေအတွက်လည်း ကျောင်းထောင်ထားသေးတယ် တဲ့။ အဲဒီတော့ ဦးကြီးမန်းစိန်ဟန်လိုလူမျိုးမှ အလုပ်မများရင် ဘယ်သူအလုပ်များမလဲလေ (အဟိ ပြောတာ မလွန်ဘူးထင်ပ)။

အဲသလို အလုပ်တွေများလွန်းလို့ပဲလားမသိ၊ ရုပ်ချော ဥစ္စာပေါ သဘောမနောကောင်းတဲ့ ဦးကြီးမန်းစိန်ဟန် တယောက် စကားပြောရင် စိတ်မရှည်သလိုဟန်ပန်နဲ့ အော်ကြီးဟစ်ကျယ် အားပါပါ ပြောတတ်တယ်။ အဟိ တို့လို အကြောင်းသိသူတွေကတော့ ဘယ်လိုမှမနေပေမယ့် ဦးကြီးမန်းစိန်ဟန်အကြောင်း မသိသူအတွက် တော့ ကိုယ့်ကိုပဲ အော်ငေါက်နေသလိုလို၊ လှမ်းဟောက်နေသလိုလို၊ အင်္ကျီလက်မောင်းအထိဆွဲတင်ပြီး တခု ခုနဲ့ပဲ ပစ်ပေါက်တော့မလိုလိုဆိုတော့ လန့်စရာပေပဲပေါ့။ သူစကားပြော ဆွေးနွေးပြီဆိုရင် ဘေးကလူတွေမှာ နေစရာမရှိဖြစ်ကြရတာပေါ့ (မယုံမရှိနဲ့၊ အဟိနဲ့ တွေ့စတုန်းကဆို ဦးကြီးမန်းစိန်ဟန် ခုံကို လက်သီးနဲ့ထုပြီး အားပါပါ ပြောလိုက်တာ လွတ်မြောက်နယ်မြေမှာ ငလျင်အသေးစားတောင် လှုပ်သွားခဲ့တယ်)။ ကြာလာတော့ လည်း ဦးကြီးမန်းစိန်ဟန်ရဲ့ စိတ်နေစိတ်ထားနဲ့ အမူအရာတွေကို သဘောပေါက်သွားတော့ သူနဲ့ သံသရာတ ကွေ့ တွေ့ကြလေသူတိုင်း အိုကေမှာ စိုပြေသွားကြတာပဲတဲ့လေ။

အဲသလို စကားပြောရင် ဒေါနဲ့ မောနဲ့ အားပါးပါ ပြောတတ်တဲ့ ဦးကြီးမန်းစိန်ဟန်နဲ့ ဆေးအသင်းက အဖွဲ့သား တွေ ဟိုတလောလေးက မဲဆောက်မြို့လယ်ခေါင်က ကွမ်တုံတရုတ်စားတော်ဆက်မှာ တိတ်တခိုး ၀ါးတီးသွား ဖွင့်ကြသတဲ့ (အဟိ မသိလိုက်တာ နာတယ်)။ ဆိုင်ရောက်တော့ ဦးကြီးမန်းစိန်ဟန်ကို စားပွဲထိုးမယ်လေးက မီနျူး (စားသောက်ဖွယ်စာရင်းစာအုပ်) လာပေးပြီး မှာမယ့်ဟင်းလျာကို မှတ်သားဖို့ စာရွက်နဲ့ ဘောပင်ကိုင်ပြီး ဘေးကနေ ရပ်စောင့်နေပါသတဲ့။ ဦးကြီးမန်းစိန်ဟန်ကလည်း ပေးလာတဲ့ မီနျူးကို ယူလိုက်ပြီး တရွက်ချင်း လှန်ကြည့်ရင်း ပါးစပ်ကနေ တတွတ်တွတ် ရွတ်နေသတဲ့။

“အင်း … ဒါက ၀က်သား … ဟုတ်ပြီ၊ ဒါက ကြက် … ဟုတ်ပြီ၊ ဒါက …၊ ဒါက …၊ ဒါက …”

အဲသလို ရေရွတ်နေရင်း (စာအုပ်ကို ဖင်ပြန်ခေါင်းပြန်ကြည့်နေရင်း) မီနျူးထဲမှာ ဘဲသားဟင်းကို မတွေ့တာနဲ့ ဦးကြီးမန်းစိန်ဟန်က သူ့ဝသီအတိုင်း “ဟဲ့ … နင့် ... ဘဲရော” ဆိုပြီး အားပါပါ မေးခွန်းထုတ်လိုက်သတဲ့။

ဦးကြီးမန်းစိန်ဟန် မေးခွန်းထုတ်သံကို ကြားပြီး နံဘေးမှာ ရပ်နေတဲ့ စားပွဲထိုးမယ်လေး ရုတ်တရက် ဒူးတုန် သွားလို့လား ဒါမှမဟုတ် သူ့ရည်းစား (ဘဲ) ကို မေးတယ်ထင်လို့လားမသိ၊ တုန်တုန်ယင်ယင်အသံနဲ့ ဖြေလိုက် တဲ့ အဖြေကြောင့် လာစားတဲ့ ဆေးအသင်းအဖွဲ့သားတွေ အားလုံး တ၀ါးဝါးနဲ့ ပွဲကျကုန်သတဲ့။ စားပွဲထိုးမယ် ကလေး အသံငယ်လေးနဲ့ အလန့်တကြား ဖြေလိုက်တဲ့ အဖြေကတော့ …

“ရှင်! … ဘဲက ရွာမှာ ဦးလေး” တဲ့။

အဟိလည်း ဦးကြီးမန်းစိန်ဟန်နဲ့အတူ ၀ါးတီးသွားဖွင့်ခဲ့တဲ့အထဲမှာပါတဲ့ ဒေါက်တာလွဏ်းဆွေ ပြန်ပြီးဖောက် သည်ချလို့ သိရတာပါလေ။  ။

(ခင်ရတဲ့ ကိုစိန်ဟန်သို့ အမှတ်တရ ...)

အဟိ

၆-၉-၂၀၁၁