ကချင်လူထုကို ချီးကျူးရမယ်

ကချင်လူထုကို ချီးကျူးရမယ်

ဦးအေးဆောင်

ဇူလိုင် (၁၂) နဲ့ (၁၃) ရက်နေ့က ကချင်ပြည်နယ် ကေအိုင်အိုမြို့တော် လိုင်ဇာမှာ ကျင်းပတဲ့ လူထုအစည်းအ ဝေးမှာ“လူကြီးတွေက အပစ်အခတ်ရပ်စဲဖို့ ဘယ်သူမှမပြောတော့ဘူး။ ဘယ်လိုဆက်တိုက်မယ်ဆိုတာပဲ ပြော ကြတယ်” လို့ ကေအိုင်အေဥက္ကဌနဲ့ နီးစပ်သူတဦးက ပြောတယ်လို့ ကချင်သတင်းဌာနက သတင်းထဲမှာ တွေ့ လိုက်ရတယ်။

ဇူလိုင် (၁၅) ရက်နေ့ ကေအိုင်အေ ဗဟိုကော်မီတီ ကြေညာချက်မှာက “ခိုင်လုံသော သက်သေ၊ ခိုင်မာသော ကတိက၀တ်များဖြင့် အပစ်ရပ်ဆိုင်းရန် လိုလားပါသည်” လို့ ဆိုထားတော့ သဘောထားမတူတာကို တွေ့နိုင် တယ်။ ကတိက၀တ်နဲ့ စာချုပ်စာတမ်းတွေအပေါ် လူတွေယုံကြည်တာကို ဂုဏ်သရေရှိတဲ့ သိက္ခာရှိတဲ့ လူတွေ လုပ်ပါက ဘာမှပြောစရာမလိုပေမယ့် ဖွဲ့စည်းပုံဥပဒေကို ဖျက်၊ အာဏာသိမ်းလာခဲ့တဲ့ စစ်ဗိုလ်ချုပ်တွေဟာ တ ရားဥပဒေမဲ့ ထင်ရာစိုင်း၊ အခု စာကလေးကြော်၊ ခု ဆီထမင်း ပြောင်း၊ သူတို့အာဏာနဲ့ ဥစ္စာအတွက်ကိုသာ မျက်စိစုံမှိတ် မိုက်မိုက်ရိုင်းရိုင်း လုပ်နေတဲ့အချိန်မှာ သူတို့ရဲ့ကတိက၀တ်ကို အတည်ယူရင်တော့ ထိုင်းက တပ်ဆင် သန်း (၄၀၀) အလိမ်ခံရတာထက် ပိုဆိုးစရာရှိတော့တယ်။ ခိုင်မာတဲ့ ကတိကို သူတပါးထံမှာ ရှာ တာထက် ကိုယ်တိုင်ထိန်းသိမ်းကာကွယ်နိုင်တဲ့ အခြေအနေက ပိုမိုစိတ်ချရတာကို သမိုင်းဖြစ်စဉ်တွေကို သ တိထားမိရင် သိလာနိုင်ပါတယ်။

အဲဒီကြေညာချက်မှာပဲ “တနိုင်ငံလုံး အပစ်ရပ်ဆိုင်းကာ နိုင်ငံရေးဆွေးနွေးမှုများ ပြုလုပ်ရန် လိုလားပါသည်” လို့ ဆိုထားတာက တပြည်လုံးအတိုင်းအတာအမြင်ကို ကေအိုင်အိုမှာ ရှိနေတာကို သိရတော့ ကျနော်တို့ က ချင်မဟုတ်တဲ့ ပြည်သူတွေက ကေအိုင်အိုဗဟိုကို လေးစားဂုဏ်ပြုရမှာပဲ။ ဒီအမြင်ကို ဘယ်လောက်အထိ အ ခိုင်အမာ ရပ်တည်ဖော်ဆောင်တယ် ဆိုတာကိုတော့ ရုပ်ရှင်ကြော်ငြာမှာလို ငွေရောင်ပိတ်ကားပေါ်မှာ ဆက် လက်ရှုစားကြရမှာပါ။

ကြေညာချက်ထဲက နောက်တချက်က “နိုင်ငံသားတိုင်း၏ ရပိုင်ခွင့်များ ရရှိနိုင်ရန်အတွက် နိုင်ငံသားများအား လုံး ပါဝင်ရမည်ဖြစ်သောကြောင့် KIO ၏ နှိုးဆော်တိုက်တွန်းမှုတွင် ပါဝင်ဆောင်ရွက်ကြရန် လိုအပ်ပါသည်” ဆိုထားလို့ ကျနော်တို့အားလုံးပါဝင်ဆောင်ရွက်ကြဖို့ တိုက်တွန်းထားတာကို အလေးအနက်ထားသင့်ပါတယ်။ ယနေ့ဖြစ်နေတဲ့ တိုက်ပွဲတွေဟာ စစ်အာဏာရှင်ဆန့်ကျင်ရေး၊ ဒီမိုကရေစီရေး၊ လူ့အခွင့်အရေးတွေအတွက် ဖြစ်တာကြောင့် လူမျိုးနဲ့နယ်နိမိတ်ကိုကျော်လွန်ပြီး စစ်အာဏာရှင်စနစ်ဆိုးအောက်က တတိုင်းပြည်လုံး လွတ် မြောက်အောင် ရည်ရွယ်တဲ့၊ မြင့်မားပြီး မွန်မြတ်တဲ့ ရည်မှန်းချက်ဖြစ်တာကြောင့် အဖိနှိပ်ခံ ကျနော်တို့အားလုံး ကျရာခွင်က ပါဝင်လှုပ်ရှားသင့်ပါတယ်။

ကေအိုင်အိုရဲ့ သဘောထားနဲ့ပတ်သက်လို့ “နိုင်ငံရေးပြဿနာများအား နိုင်ငံရေးနည်းလမ်းဖြစ်သော တွေ့ဆုံ ဆွေးနွေးခြင်းဖြင့် ဖြေရှင်းလိုသောဆန္ဒရှိပါသည်” လို့ ဖော်ပြထားလို့ တွေ့ဆုံဆွေးနွေးလိုတာ ထင်ရှားပါတယ်။ “ဆွေနွေး” နဲ့ ပတ်သက်လို့ သန်းရွှေအုပ်စုရဲ့ သဘောထားက အနှစ်နှစ်ဆယ်လောက် ဒေါ်စုနဲ့ တွေ့ပုံတွေ၊ နောက်ဆုံး ဒီပယင်းအဖြစ်တွေ၊ (၁၆) နှစ်ကြာ အပစ်ရပ်ကာလနဲ့ နောက်ဆုံး နယ်ခြားစောင့်တပ် လုပ်ခိုင်းတာ တွေကို ပြန်ကြည့်ရင် သိသာပါတယ်။ ခိုင်မာတဲ့ ဆွေးနွေးပွဲဟာ ကြံ့ဖွတ်တပ်တွေ ပြန်ဆုတ်ရေးကပဲ စနိုင်မှာ ပါ။ ဒါမှမဟုတ်ရင်တော့ နိုင်ငံရေးအရ အဖြေရှာရေးဆိုတဲ့ စကားလုံးနဲ့ ကစားနေကြရုံပါပဲ။

တကယ်တော့ စစ်အာဏာရှင်တွေက နိုင်ငံရေးနည်း၊ စေ့စပ်နည်းနဲ့ မဖြေရှင်းချင်လို့ ဆွေးနွေးရေးကို နှစ်ပေါင်း များစွာ ပတ်ရှောင်နေပြီး အကြိမ်ပေါင်းများစွာ သတ်ပြခဲ့ပြီးပါပြီ။ အပစ်ရပ်တဲ့ လုပ်ရပ်ကလည်း သူတို့ နည်းပရိ ယာယ် ကျင့်သုံးတာပါ။ သူတို့အမိန့်ကို အာခံသူအားလုံးကို ချေမှုန်းရေးဟာ သူတို့ရည်မှန်းချက်ပါ၊ ငြိမ်းချမ်း ရေးတို့၊ ဒီမိုကရေစီတို့ဆိုတာ သူတို့သိတဲ့ စကားလုံးမဟုတ်ပါဘူး။ ဒီအကြောင်းတွေပြောနေရင် နွားချိုမှာ နို့ ညှစ်သလိုသာ ရှိတော့မယ်။ စစ်အာဏာရှင်တွေဟာ သူတို့အလုပ်ဖြစ်တဲ့ ဖိနှိပ်သွေးစုတ်တဲ့ အလုပ်ကို ဆက် လုပ်နေမှာပါ။ ကျနော်တို့ကလည်း ကျနော်တို့အလုပ်ဖြစ်တဲ့ စစ်အာဏာရှင်စနစ် အမြစ်ဖြုတ်တိုက်ဖျက်ရေးအ လုပ်ကို မမှိတ်မသုန် မြဲမြဲမြံမြံ ပီပီပြင်ပြင် လုပ်ဖို့လိုပါတယ်။

ပြည်သူတွေဟာ အနန္တတန်ခိုးရှင်တွေပါ။ ကြံ့ဖွတ်စစ်အာဏာရှင်တွေဟာ အရူးမီးဝိုင်းဖြစ်နေပါတယ်။ ယနေ့ လို ကချင်ပြည်နယ်၊ ရှမ်းပြည်နယ်၊ ကရင်ပြည်နယ်၊ ကရင်နီပြည်နယ်တွေမှာ တိုက်ပွဲသံတွေ ညံနေပြီး ဒုက္ခသု က္ခတွေ၊ သွေးသံရဲရဲတွေကြားထဲက ရန်သူစစ်အာဏာရှင်ကို မစေ့စပ်စတမ်း တိုက်ခိုက်ဖို့ စိတ်ထက်သန်လှတဲ့ ကချင်ပြည်သူတွေရဲ့အသံဟာ စစ်အာဏာရှင်ဆန့်ကျင်ရေး၊ ဒီမိုကရေစီတော်လှန်ရေးခရီးကြမ်းမှာ အမြဲတမ်း မြည်ဟည်းနေပါလိမ့်မယ်။

ကချင်ပြည်သူများကို လေးစားလျက် ...

ဦးအေးဆောင်

ဇူလိုင် ၂၁-၂၀၀၁