လုပ်ရမှာက မြို့မှာ ‘သပိတ်’၊ တောမှာ ‘တိုက်ပွဲ’

လုပ်ရမှာက မြို့မှာ ‘သပိတ်’၊ တောမှာ ‘တိုက်ပွဲ’

ဦးအေးဆောင်

ဒီအလုပ်ကို လုပ်သင့်မသင့် အချိန်ယူစဉ်းစားချင်တဲ့သူတွေ သူ့ဟာသူ လိုသလောက် အချိန်ထပ်ယူနိုင်တယ်။ ဒါပေမယ့် မြန်မာပြည်မှာ စစ်အာဏာရှင်စနစ်ကြီးစိုးနေခဲ့တာ ၆၂ ခုနှစ်က စရေတွက်ရင် အနှစ် (၅၀) လောက် ရှိပြီဆိုတာကိုတော့ ထည့်တွက်ဖို့ပဲ။

အရင်ဆုံးသိထားဖို့က လက်တဆုပ်စာ စစ်ဗိုလ်ချုပ်တစုက တိုင်းရင်းသားပေါင်းစုံအပါအ၀င် လူမျိုးစုံပြည်သူ တွေ၊ ဆင်းရဲသား၊ အလုပ်သမား၊ လယ်သမား၊ စာရေးစာချီ၊ ကုန်သည်ပွဲစား၊ ကျောင်းသား၊ ဘုန်းကြီး၊ စစ် သားပါမကျန် ဖိနှိပ်သွေးစုပ်ရင်း စစ်အာဏာရှင်စနစ်ကို ထူထောင်နေခဲ့တာဖြစ်တယ်။ ပုံသဏ္ဍာန်တွေ အမျိုး မျိုးပြောင်းခဲ့ပေမယ့် စစ်အာဏာနဲ့ ဖိနှိပ်မှုက လျော့လာတာမရှိ၊ ပိုပိုဆိုးလာတာပဲရှိတယ်။

စစ်အာဏာကို ဖယ်ရှားဖို့အတွက် တိုက်ဖျက်နည်းကလွဲလို့ ဘယ်နည်းတွေ ကျန်ပါသေးသလဲ။ ဆန္ဒပြမလား၊ ဆွေးနွေးမလား၊ ဆုတောင်းမလား၊ ကုလသမဂ္ဂကို စာတင်မလား၊ ရွေးကောက်ပွဲလုပ်မလား၊ ဖဲကြိုးတွေ လည် ပင်းမှာချည်မလား၊ ကြာပန်းတွေကို အိမ်ရှေ့ပြတင်းမှာ စိုက်မလား။ ဒါတွေဟာ စစ်အာဏာရှင်လို ရက်စက် ကြမ်းကြုတ်သူတွေအတွက် အယားတောင်မပြေဘူးလို့ ပြောလို့ရပါတယ်။ ခေတ်စကားနဲ့ ပြောရရင် “ပျင်း တောင်ပျင်းသေး” လို့ ဆိုရမယ်။

လူထုအပေါ် ကျူးလွန်ထားတဲ့ ပြစ်မှုတွေက များလွန်းလို့ စစ်အာဏာရှင်တွေဟာ သူတို့အရိပ်တောင် သူတို့ သွေးလန့်နေကြတာ။ သူတို့ကို စေ့စေ့ကြည့်ရင်တောင် ပစ်သတ်ချင်တဲ့ သူတွေ။ ဒီတော့ သူတို့ကို ချေမှုန်းတဲ့ နည်းပဲကျန်တော့တယ်။ ဒီတော့ “မြို့မှာ သပိတ်၊ တောမှာ တိုက်ပွဲ” တွေနဲ့ ပြည်သူတွေက စစ်အာဏာရှင်ကို စ စိန်ခေါ်ရတော့မယ်။ တခြားအီးယောင်ဝါး ဖြန်းသန်းလို့တော့ မရတော့ဘူးဆိုတာက ရှင်းနေပါတယ်။

“လုပ်ဖို့ကျတော့” ဆိုပြီး ခေါင်းကုတ်တွေးလိုက်တာ နောက်ဆုံး “ဘယ်သူမှ လုပ်မှာမဟုတ်ပါဘူးလေ” ဆိုပြီး ဖြေသိမ့်ရင်း ပေါ်တာအဆွဲမခံရအောင်၊ လုပ်အားပေး မထိအောင် ရှိသမျှလေး ပေး၊ မျက်နှာချိုသွေးရတာ အ ကြိမ်ဘယ်နှစ်ဆယ်လောက်ရှိပြီလဲ။ ဒီတော့ စစ်အာဏာရှင်စနစ်ဆိုးကို ရိုက်ချိုးဖို့ မဖြစ်မနေလုပ်ကို လုပ်ရ တော့မယ်ဆိုတာ သိကိုသိသင့်ပြီ။ ဒါမှမလုပ်ရင် ကျနော်တို့ ပြည်သူတွေ မြုပ်ပြီးရင်းမြုပ်ကြရတော့မှာ။ ဒီတော့ ခေတ်ရဲ့သမိုင်းပေးတာဝန်ကို စာရေးဆရာကြီး ဗန်းမော်တင်အောင် ပြောသလို တာဝန်ကျေအောင် မနွဲ့တမ်း ထမ်းဆောင်ကြရမှာပဲ။

ထမ်းဆောင်တော့မယ် ဆိုပြန်တော့ ဘယ်က စလုပ်မှာလဲ။ တရားဝင်နဲ့ တရားမ၀င်နည်း ရှိတယ်။ မြို့က သ ပိတ်တွေအတွက် ကုန်ဈေးနှုန်းကျဆင်းရေး၊ အလုပ်ချိန် ရှစ်နာရီသတ်မှတ်ရေး သီးနှံလွတ်လပ်စွာစိုက်ပျိုးရေး၊ မြေသြဇာရရှိရေး၊ လစာအပြည့်ရရေး၊ မတရားအခွန် ဆန့်ကျင်ရေး၊ လာဘ်စားအကျင့်ပျက်မှု ဆန့်ကျင်ရေး၊ လူ့အခွင်းအရေး ... စတာတွေ အများကြီး၊ တောမှာတော့ တရားဝင်စရာ မရှိတော့ လက်နက်ကိုင်တိုက်ပွဲကို အရှိန်မြှင့်ဆောင်ရွက်ရမှာပါပဲ။

မြို့မှာ သပိတ်တိုက်ပွဲပဲ လုပ်လုပ်၊ တောမှာ လက်နက်ကိုင်တိုက်ပွဲပဲ ဆင်ဆင် တယောက်တည်း လုပ်မရတော့ အစုအဖွဲ့နဲ့ လုပ်ရမှာပဲ။ ဒီနေရာမှာ ကျနော်တို့အဖွဲ့က “လွတ်မြောက်ရေးကော်မီတီ” ပုံစံနဲ့ လုပ်ပါတယ်။ ဒါက သင့်တော်သလို ဖွဲ့ကြပေါ့။ အရေးကြီးတာက “စစ်အာဏာရှင်စနစ်ကို ဆန့်ကျင်တိုက်ဖျက်ရေး” ဦးတည်ချက်ကို မျက်ခြေမပြတ်ဖို့ပါပဲ။

ဒီအလုပ်တွေဟာ ကျနော်တို့ပြည်သူတွေ လုပ်တတ်ရမယ်။ လုပ်နိုင်အောင်လည်း လေ့လာဆည်းဖူးရမယ်။ အင်္ဂလိပ်ခေတ်၊ ဂျပန်ခေတ်က အတွေ့အကြုံတွေ ရှိပြီးသား။

ဒါပေမယ့် အခုဟာက အခွင့်ထူးခံ ဖိနှိပ်သူလူတန်းစားကို အဖိနှိပ်ခံ မြန်မာပြည်သူတွေက တော်လှန်ရတာ။ အ မျိုးသားလွတ်မြောက်ရေးမဟုတ်ဘူး။ လူတန်းစားတိုက်ပွဲဖြစ်တယ်။ ဒီတော့ အရင်ကထက်သိမ်မွေ့သလို ပြတ် သားပြင်းထန်ရလိမ့်မယ်။ မြန်မာပြည်က ပြည်သူတွေဟာ ကမ္ဘာ့အလယ်မှာ စစ်အာဏာရှင်စနစ်ဆိုးကြောင့် မျက်နှာငယ် သိက္ခာကျနေတာကြာခဲ့ပြီ။

တိုက်ပွဲက နှစ်မျိုးရှိနေပြန်တယ်။ အတွေးအခေါ်တိုက်ပွဲနဲ့၊ လက်တွေ့တိုက်ပွဲ။ လက်တွေ့တိုက်ပွဲက ရှင်းပေမယ့် လက်တွေ့တိုက်ပွဲကို အနှောင့်အယှက်ပေးတဲ့ အတွေးအခေါ်တွေက ၀င်နှောင့်ယှက်တတ်တယ်။ တကိုယ် ကောင်းဝါဒ၊ အမျိုးသားအမြင်ကျဉ်းဝါဒ၊ အချောင်သမားဝါဒ၊ လူမျိုးကြီးဝါဒ၊ ရွှေပြည်အေးဝါဒ၊ တရားသေ၀ါဒ တွေဆိုတာ ရှိတတ်တယ်။ ဒါတွေကိုတော့ တွေ့ကြုံလာရတဲ့ အခြေအနေအရ ရင်ဆိုင်ဖြေရှင်းသွားရလိမ့်မယ်။

ရန်သူ့သူလျှိုဆိုတာတွေကလည်း တော်လှန်ရေးကို သွေးပျက်အောင် လုပ်တတ်တယ်။ ဒါတွေက စစ်ပွဲတခုမှာ နှစ်ဘက်အပြန်အလှန်ယှဉ်ရတဲ့ အလုပ်တွေပါ။ အခု ဒါတွေ ရှင်းပြနေရင် မူလရည်ရွယ်ရာ “မြို့မှာ သပိတ်၊ တောမှာတိုက်ပွဲ” လမ်းစဉ်ကို စူးစိုက်မှုလျော့ပါးသွားမှာ စိုးပါတယ်။

လက်တွေ့လုပ်ရာမှာ တွေ့ရတဲ့ အခက်အခဲတွေရှိရင် စာရေးသူကို ဆက်သွယ်ဆွေးနွေးနိုင်ပါတယ်။

လူထုတိုက်ပွဲ လက်နက်ကိုင်တိုက်ပွဲ ဖော်ဆောင်ကြ။
စစ်အာဏာရှင်စနစ် မုချ ပြုတ်ကျရမယ်။
ဒီမိုကရေစီ မုချရရမယ်။

ဦးအေးဆောင်

plfburma@gmail.com

(ရေးသူအာဘော်သာဖြစ်သည်)