သမိုင်းမှော်ဝင်မြစ်တစင်း၏ ဒီပြန်တက်ချိန်

သမိုင်းမှော်ဝင်မြစ်တစင်း၏ ဒီပြန်တက်ချိန်

ကမာပုလဲ

“ကျနော် စောင့်နေတယ်”
သိဒ္ဓတ္ထ (ဟာမန်ဟက်စ်)*

ကျနော် စောင့်နေတယ်
ကျနော်တို့ဘ၀တွေနဲ့ ရင်းပြီး
မျှော်လင့်စိုက်ပျိုးခဲ့တဲ့ နွေဦးစစ်စစ်ကို
ကျနော် စောင့်နေခဲ့ပါတယ်။

ကျနော်တို့ စောင့်နေခဲ့တာ
ခေတ်အဆက်ဆက်တိုင်ပေါ့
ထင်းခြောက်ကလေးတွေခမျာ
ကျနော်တို့ဆန္ဒတွေနဲ့ ထတောက်
အလင်းမီးလျှံတွေကို မွေးဖွား
လူသားဆန်မှုကို ကျနော်တို့ ငတ်မွတ်ခဲ့တယ် မေမေ။

လူတွေဟာ လူအချင်းချင်း
မေတ္တာတရားတွေ ဝေငှလို့
လူတွေဟာ လူအချင်းချင်း
ကျင့်ဝတ်သိက္ခာတွေနဲ့
ပေါင်းသင်းဆက်ဆံနေထိုင်ကြလို့
လူတွေဟာ လူအချင်းချင်း
စာနာ ငဲ့ညှာ ထောက်ထားလို့
လူတွေဟာ လူအချင်းချင်း
ယုံကြည်စိတ်ချရတဲ့ အရပ်ကို
ကျနော် ရှာဖွေရောက်ရှိခဲ့ဖူးတယ် မေမေ။

အဲဒီ သုခရိပ်မြုံကို
ချစ်သူတွေရဲ့ အသွေးအသားတွေနဲ့
ခက်ခက်ခဲခဲ တည်ဆောက်ခဲ့ရတယ်၊
သူတို့ရဲ့ တောင်လိုပုံနေတဲ့ အရိုးတွေနဲ့
စည်းရိုးကို ခိုင်မာလုံခြုံစေခဲ့တယ်၊
သူတို့ဘက်က
သူတို့သံပြိုင်သီဆိုခဲ့တဲ့
ကတိသစ္စာစကားတွေအတိုင်း
တရွေးသားမျှ မလျော့ခဲ့ပါဘူး
တာဝန်ကျေတယ်ဆိုတာထက်
နှိုင်းမရအောင် ပိုပါတယ် မေမေ။

ကျနော်တို့ဘ၀တွေ
ဒီရေတက်သလို ရှေ့ကို တိုးခဲ့
ကျနော်တို့ဘ၀တွေ
ဒီရေကျသလို နောက်ပြန်ဆုတ်ခဲ့
အဲဒီလို အတက်နဲ့ အဆုတ် တိုက်ပွဲလမ်းပေါ်မှာ
မျက်နှာပြောင်တိုက်မှုတွေနဲ့
ကျပျောက်သွားခဲ့တဲ့ အိပ်မက်တွေကလည်း
အသင်္ချေနဲ့ အနန္တပါ မေမေ။

နောက်တဖန် ဒီပြန်တက်ချိန်ကို
ကျနော်တို့ စောင့်နေမြဲပါ …
ဆူးရစ်တွေ မင်းမူနေတဲ့
ခြောက်သွေ့ မာခေါင် ဖုန်းဆိုးမြေမှာ
ပန်းပွင့်ကလေးတွေကို တယုတယ စိုက်ပျိုးရင်း
တိုက်ပွဲဝင် ကျဆုံးသွားကြတဲ့
ချစ်သူရဲဘော်တွေရဲ့ မျက်နှာများကို
ညစဉ် လွမ်းဆွတ် တမ်းတ
အိပ်မက်ညတွေကို ဖြတ်သန်းရင်း
အသုံးမကျတဲ့ လောဘလမ်းမတွေပေါ်မှာ
မင်းမူ တောက်လောင်နေတဲ့
ပုပ်သိုး စည်းစိမ်ဥစ္စာ ဇာတ်သိမ်းခန်းတွေကို
သိမှတ်ဆင်ခြင်ရွံရှာရင်း
မြစ်ရဲ့အသံကို ကျနော် နားထောင်နေခဲ့တယ် ….
မြစ်ရဲ့အသံဟာ
တခါတခါ ကမ္ဘာမကြေဘူး တေးကိုဆိုလို့
မြစ်ရဲ့အသံဟာ
မကြာမကြာ ရယ်မောသံတွေနဲ့ အတိပြီးလို့
မြစ်ရဲ့အသံဟာ
ခုနေခါမှာ
ညည်းသံသဲ့သဲ့ ငိုချင်းသံတွေ သီဖွဲ့လို့
မြစ်ရဲ့အသံဟာ
နှစ်ခါ ရေချိုးမရနိုင်တဲ့
အဘိဓမ္မာ ဂန္ထ၀င်ကဗျာကို သီဖွဲ့လို့
မြစ်ရဲ့အသံမှာ
ဥပေက္ခာတရားဟာ
ပါရမီရင့်သန် ရှင်သန်လို့
မြစ်နှင့်အတူ ဒုက္ခတွေကို မျှဝေခံစား စီးစင်းရင်း
မြစ်နှင့်အတူ အေးအတူ ပူအမျှ တသားတည်း နေထိုင်ရင်း
ကျနော် စောင့်နေတယ်
ကျနော်တို့ စောင့်နေပါတယ် မေမေ
မြစ်ရဲ့ အသေအချာ ဒီပြန်တက်ချိန်ကို … ။ ။

* သိဒ္ဓတ္ထ (ဟာမန်ဟက်စ်) - SIDDHARTHA BY HERMANN HESSE
* မြန်မာဘာသာပြန်သူ - ပါရဂူ

ကမာပုလဲ

၆၊ ၃၊ ၂၀၁၁